nanasend.eat的個人專頁

𝐅𝐢𝐧𝐞 𝐃𝐢𝐧𝐢𝐧𝐠 · 最極致的享受新落成的餐廳總令有意想不到的驚喜✨最適合今次幫好閨蜜慶祝一下由門口、餐枱、食品以及環境都令人感到深刻從餐廳名就知道，古英文意思為圖書館存著無限的典雅復古氣息餐廳走著高級感，整個餐單都可以照顧到味蕾尤其主菜更令人意猶未盡 — 𝐌𝐢𝐬𝐨 𝐁𝐫𝐚𝐢𝐬𝐞 𝐒𝐡𝐨𝐫𝐭 𝐑𝐢𝐛每一啖肉都是直接離骨，整體軟糯到不行而且份量也十足，不令人失望的一道菜👍🏻整個過程有著𝐋𝐢𝐯𝐞 𝐁𝐚𝐧𝐝的陪伴舉起高杯與閏蜜慢慢的 浪漫一下食材吃得出也是真材實料，每道菜都精致又豐富讓自己體會到又奢華又高尚的享受…查看更多

荃灣 ➪ 一·漢堡有人係屋企附近兜下，發現有間新既漢堡店特別𝐬𝐡𝐚𝐫𝐩，唔好以為係個唔太美觀既商場入面就會單調，成間舖既裝修反而好美式～勁吸睛！我同𝐌𝐑.𝐉都好鍾意食漢堡包，點可以唔入去食下？😆🍴全日套餐 — 澳洲和牛漢堡、自家製沙律平時出去食漢堡都好怕牛肉會好乾身，但呢度咬一啖落去竟然即刻感覺到佢非常𝐣𝐮𝐢𝐜𝐲🥹而且唔係一部份，而係成塊和牛都好多汁！配搭埋半溶嘅芝士同埋充滿香氣既洋蔥，令到整體漢堡又好味又唔肥膩👍🏻🍴全日套餐 — 脆炸乳酪雞漢堡、自家製沙律呢款漢堡包令到我有驚喜，因為當中嘅乳酪醬好濃郁，配上厚身既雞扒肉，成個口感好滿足💕雞肉唔會太柴，保留到肉汁；而且中間有大量沙律菜，倍感清新🍴黑松露芝士薯條黑松露芝士薯條一定唔會出錯😌呢度嘅薯條熱辣辣炸得非常香脆，而且份量非常之多～淡淡黑松露香味，令到我一條接一條食唔停口😛🍴檸檬胡椒雞翼呢一個小食強烈建議大家一定要嗌‼️一開頭會覺得呢個配搭非常奇怪，但點知食落去非常有新鮮感，充滿胡椒嘅香氣同埋酸酸地嘅檸檬粉，口感介乎於清新同香辣之間，絕對係出邊好難食到嘅一款雞翼🤩…查看更多

銅鑼灣 ➪ 富山麵家係銅鑼灣行行下發現多左好多唔同既餐廳❤️‍🔥；其中有一間簡直係吸睛之選，成間餐廳門外全部都係鬆弛熊🐻點可以唔入去試下，一抬頭望原來係拉麵店，咁就岩哂了，我實在太耐太耐無食拉麵🍜細問之下，原來由8月到10月底呢段期間，都會以呢個主題去慶祝鬆弛熊20週年，有興趣既大家記得唔好錯過😉❤️🍴特製黑醬油拉麵好可愛既一碗拉麵，將一般既魚片換上鬆弛熊樣式，拉麵中有來自沖繩既豬軟骨，叉燒；麵質相對咬口唔會太林身，湯底醬油味充足，好香👍🏻🍴特製沾麵 - 魚介醬油湯沾麵款式有好幾款湯底可以選擇，其中包括有：牛乳湯、魚介醬油湯、胡麻醬或味噌湯。而我就揀左魚介醬油味，相對黑醬油更添加了淡淡魚香味，唔同熱上拉麵，沾麵反而更清新爽口。🍴炸雞拼章魚燒小編乃係章魚燒愛好者😆呢個拼盤就岩哂，炸雞非常香脆，更配有特別的士多啤梨醬汁，一食落就覺得好新奇！章魚燒大小適中，唔會令人太飽又享受到😌🍴特製百香果梳打 & 特製士多啤梨梳打兩杯都好清新，尤其依家大熱天時飲簡直係爽！亦唔會太甜，而且無落冰都好夠凍！👍🏻…查看更多

灣仔呢個地區，你睇見好似無咩特別餐廳？但其實細心地搵下，會發掘到一啲非連鎖既特色餐廳❤️呢間我已經食過兩次，稱佢為 #唔食唔得系列 ！雖然細細間，但環境舒服，野食亦係好高質😱做中西𝐟𝐮𝐬𝐡𝐢𝐨𝐧菜黎講超級優質👍🏻🍴香煎章魚鬚兩大條的章魚鬚肉質外香脆內軟嫩，輕輕香煎過令外皮好有口感，但亦唔會過份烹煮而變得好韌～用左羽衣甘籃配搭，襯上酸甜的醬汁，整體感覺再有清新的層次，可以先開一開胃再慢慢品嘗主菜🤪🍴麻唔辣四川蜆一上枱就已經聞到勁香花椒味！每隻蜆肉都非常大隻，除左會有本身麻辣既湯汁味，仲保持住蜆本身的鮮味，講到個湯汁，係一啲都唔鹹(食完啲蜆係可以飲得哂啲湯🤣)唔食得辣既朋友仔唔洗驚，佢真係一啲都唔辣，但會超惹味😝🍴香菜青醬意粉麻煩大家！去到一定要嗌呢個！話說第一次去時我同朋友食完一碟後係再叫多一碟！本人對芫茜係有90分抗拒😂但呢個意粉係令到芫茜味好食😱醬汁濃稠度剛好，掛汁令到每條意粉都沾滿到💚意粉口感彈牙，依家講完我又想食了！🤩🍴大閘蟹糕燴飯又一個好多人食既招牌菜～🦀鐘意食蟹既你切勿錯過，一開蓋超級香，每一粒飯都沾滿了濃濃的蟹膏同蟹汁，食下食下又清哂😹不過記得趁熱食啊～🌟佢呢到仲有一個我好想食既主食—封鴨脾但去兩次都售罄了(證明真係好正)如果有朋友仔食過都可以分享下😉…查看更多

好耐都冇嚟過奧海城呢個地方，呢個商場出咗名除咗有𝐟𝐨𝐨𝐝 𝐜𝐨𝐮𝐫𝐭之外，其實都有好多唔同嘅餐廳可能大家都未去試過😗有時行完街睇完戲都想喺呢度安安靜靜食餐飯，經過呢間餐廳見到唔算好多人，即管入去試吓😌🍴香辣蟹肉手工意粉手工意粉一食落去就已經有好濃郁嘅蛋香味🥚軟硬度亦都適中，麵質則選用了；不得不說除咗醬汁非常濃郁之外入邊嘅蟹肉分量相當之多，所以整體來講呢個意粉絕對可以一試😉不過千祈唔好俾佢「香辣」兩個字影響到，其實佢唔算係好辣～🍴香煎北海道帶子意大利飯帶子相對來講算係幾大隻，而且香味濃郁，亦唔會煎得太過火；飯粒用左獨特嘅湯去烹調，所以每一粒飯都包裹住好香嘅味道😬不過對我嚟講覺得飯粒都有少少硬～🍴黑松露薯條黑松露薯條絕對唔會放過喇吧😜一人一個主菜再一齊食個薯條咁先完滿！除咗有滿滿嘅黑松露蛋黃醬之外，薯條上面亦都灑上唔少嘅巴馬臣芝士碎，令到整體香味層次好高😋…查看更多

一直以為新蒲崗係美食沙漠，甚少餐廳個隻🤣點知芸芸街道中竟然有一間西餐廳～整體氛圍舒適，簡單佈置令人好舒服，咁岩入到去仲有小朋友搞緊生日𝐩𝐚𝐫𝐭𝐲!! 今次就揀左𝐠𝐫𝐚𝐧𝐝 𝐦𝐞𝐧𝐮既好幾款黎試下。🍴紐西蘭肉眼扒配雜菌忌廉燒汁份量好足夠，我地叫左5成熟剛剛好，一咬入口好𝐣𝐮𝐢𝐜𝐲😯燒汁令整體更有層次，而且唔會有筋，好軟糯；配上旁邊薯條成個餐都好滿足😌🍴軟殼蟹青豆鹹蛋黃忌廉意大利飯軟殼蟹好好味！好香脆🤩而且有勁多蟹膏😳每啖飯食落口都充滿住鹹蛋香氣，但又唔會太膩～飯粒比一般意大利飯硬身，有咬口得黎又唔會好難吞🍴焦糖香蕉牛角包窩夫超級香！平時唔特別喜歡食香蕉既我🍌，對烤香蕉又有新睇法😆配搭埋香脆既牛角包窩夫，仲有少許忌廉，唔會好甜之餘仲覺得愈食愈好味😋🍴焦糖燉蛋呢個經典既甜品，係一定唔會難食😎滑溜既燉蛋再配上脆口既焦糖面，相信個個人都會鐘意！最抵讚既係餐廳會配上幾片士多啤梨🍓係上面，中和哂成個感覺，反而好𝐫𝐞𝐟𝐫𝐞𝐬𝐡👍🏻🍴凍蜜桃茶 / 凍棉花糖朱古力前者唔會好甜，成杯飲落好清新；後者簡直係我最愛，飲落好濃朱古力，而且有兩舊棉花糖好得意啊😍#COTI #COTITHEBISTRO #西式 #咖啡店 #九龍灣 #新蒲崗 #sanpokong #fries #crab #fun #relax #hongkong #hongkongfood #hkig #foodie #foodblogger #allinmybelly #eating #food #支持小店 #相機食先 #nana聲食…查看更多

話說我都真係未飛過韓國🇰🇷但韓國野食真係正中我下懷～岩哂我呢啲鐘意食辣啊重口味🤣尖沙咀都開左好多韓式餐廳，今次黎到呢間裝修好𝐬𝐡𝐚𝐫𝐩，一定會搵到既💛如果有時想食炸雞，都可以黎支持一下小店！🍴洋蔥酸忌廉炸雞(半份)炸雞外皮唔會好厚粉，唔會好油膩既感覺；反而一咬入口都幾𝐣𝐮𝐢𝐜𝐲，肉汁都好多👍🏻唔好睇佢半份，份量一啲唔吝嗇架，我地兩個人食都覺得好足夠。配搭埋洋蔥酸忌廉好香好特別，配埋炸雞好夾！🍴韓式牛肋肉便當呢個便當好有驚喜，望落好似平平無奇，但牛肋肉係非常軟糯，一啲都唔會鞋，配埋醬汁超好送飯，小編心中好想叫老闆比多一碟我😂旁邊配菜分別有芽菜、雜菜，當係開胃小菜都非常一流😉🍴水冷麵食韓國料理唔係唔食水冷麵啊嘛？😌尤其香港熱到一個點，食番個冷盤都幾爽😛水冷麵配菜好足夠，麵量亦好多，麵既口感好Q彈，飲啖清清地既湯配黎食好清新😋🍴梨子汁 / 白提子汁兩杯都唔會過份甜，食完飲番啖好𝐟𝐫𝐞𝐬𝐡😉➪ 詳細資料咯咯雞韓食店尖沙咀亞士厘道20A號地舖…查看更多

以前無咁多打卡餐廳既時候，𝐟𝐨𝐨𝐝 𝐜𝐨𝐮𝐫𝐭一定係打躉好地方，因為又多選擇又抵食，成班朋友就算唔係食緊同一款食物都可以為埋一齊吹水傾偈😆實在係太耐太耐冇去過呢啲回憶地方，今次就去到奧海城其中一間食泰國野🇹🇭🍴泰式炒河粉 配 泰式豬頸肉沙律炒河粉超多配料，入面有粟米芯，而且可以選擇雞肉/牛肉/肉碎/豬頸肉，我就揀左雞肉；河粉係比較闊身，係泰國直送，所以平時真係比較少見🤣同埋係有咬口啲，亦相對掛汁👍🏻豬頸肉沙律好開胃，肉質剛好唔會太乾身，夏天熱辣辣食呢個就岩。🍴泰式甲拋肉碎煎蛋飯 配 泰式春卷肉碎飯去親泰國都要食，因為送飯真係一流😍肉碎份量超多，炒得超級香，仲要辣辣地勁惹味！配埋隻煎蛋，食哂成碗飯咁滯😆泰式春卷炸得香脆，不過不失…查看更多

我地永遠都有第二個胃比甜品🤪不過我唔算特別好好甜，但有時口痕都會想去食下。好耐好耐無去食「動𝐋動𝐋」𝐩𝐚𝐧𝐜𝐚𝐤𝐞了🥞唔食唔知，依家份量變得超巨型，食完都好飽😆🍴超人氣招牌疏乎厘班戟即嗌即整，所以都要等一陣的，不過絕對值得等😍黎到時熱辣辣的，食落好鬆軟，一共有三層。配搭埋糖漿同牛油🧈唔會過份甜同膩，入口即溶！🍴西瓜雪花冰最近天氣熱到一個點🥵食番碗冰冰甜品真係岩哂！每一粒西瓜都好爽口好多汁🍉消暑一流啊！🍴士多啤梨火山流漿班戟呢個一上枱望到都已經覺得好靚了，一拎起塊膠片就有火山爆發既效果😆同招牌班戟一樣，只不過多左清新既士多啤梨醬，又好味又好玩💕…查看更多

太耐冇同以前舊同事敘舊，佢哋就介紹咗去尖沙咀呢一間餐廳，佢地話見到氣氛同環境都幾好，所以好想試下，太好了唔洗我諗去邊食😂餐廳唔難搵，去到見到成個裝飾都係文青風，好多唔同既乾花，好岩影相❤️我哋嗌甜品，餐廳知道我哋慶祝生日，亦都主動幫我哋寫上𝐡𝐚𝐩𝐩𝐲 𝐛𝐢𝐫𝐭𝐡𝐝𝐚𝐲，非常貼心😊🍴梔子2.0沙律沙律擺盤超級靚，而且非常足料，岩哂𝐚𝐯𝐨𝐜𝐚𝐝𝐨 𝐥𝐨𝐯𝐞𝐫🥑而且加入咗藜麥，健康十足🍴黑松露蕃薯條及薯條有黑松露既食品一定唔會輸😌番薯條同薯條都炸得非常香脆，熱辣辣咁上枱，如果黑松露多少少就更好😍🍴 開心果青醬雜菌意大利麵好好食！意粉口感剛好🍝醬汁亦好特別同好多，每條意粉都掛到醬汁，加埋適當雜菌有咬口，我係咁夾黎食🤣🍴芥末忌廉大蝦蟹籽意大利麵又有小編最喜歡既蟹籽，意粉醬汁加入左芥末，成個口感變得好有層次，好𝐜𝐫𝐞𝐚𝐦𝐲，而且蝦相對好大隻🦐🍴牛油果·煙三文魚·水波蛋酸種麵包酸種麵包真係最近的最愛😻配搭埋牛油果同流心蛋，簡直係絕配，而且煙三文魚非常大塊！🍴炸魷魚圈配柚子醬炸得非常香脆，配埋柚子醬好清新🍴桂花蜜配芝士雞翼甜甜的，而且雞翼肉嫩多汁🍴特色飲品-熱情果·橙汁·檸檬汁·奶蓋·海鹽-蒲公英菊花茶-玫瑰花蜜釀冰茶-香橙茉莉蜜釀冰茶每款飲品都非常特別，而且超級靚適合晒影相📸️佢嘅茶類飲品非常清新，唔會特別好甜，不過份量相對就比較少🥹飲幾啖好快就冇晒，唔係好夠飲…查看更多

呢一間餃子屋🥟相信大家都已經聽過好多次，但係咪個個都咁好彩可以食到🤣因為我成日行過都係超級無敵爆多人，所以每一次行過想食都局住放棄😅難得休息喺平日下午時段，啱啱去到就即刻有位錯，雖然講緊下午時段，但係都係座無虛席，證明呢間餐廳真係好受歡迎，更加要試吓！講明我哋係第一次食，本身都覺得應該冇乜特別？點知一上到枱嘅時候就見到啲餃子拳頭咁大粒👊🏻😂入邊非常足料！唔怪之得長期咁多人！因為計返佢每隻餃子嘅大細，真係性價比極高👍🏻🍴拼盤餃子 — 傳統四拼(韭菜、白菜、椰菜、芹菜)見到有唔同菜組成嘅餃子，梗係要試吓😜呢個拼盤每款有兩隻，咁我同𝐌𝐑.𝐉就可以一人一隻試到四款味道。當中我好鍾意食韭菜同椰菜味道，反而可能因為個人口味，芹菜就一般般了🍴拼盤餃子 — 風味三拼(粟米/香菇木耳雞肉/三色椒)呢一個拼盤入面三款味道除咗粟米，另外嗰兩款都係出邊比較少見～當中香菇木耳雞肉味道雖然不過不失，但係佢入邊嘅肉汁真係非常多，勁𝐣𝐮𝐢𝐜𝐲💦粟米同三色椒確實驚喜到我哋，清甜得黎、三色椒又有爽口感🫑*嗌餃子佢會附上一碗湯🥣飲落非常清甜，唔會有味精味，味道好似魚湯，配搭餃子非常好味😋*除咗有湯之外，佢仲會有埋一小碟菜脯，佢嘅菜脯係非常非常好食！唔會太辣，每一粒都好爽脆，加埋餃子一齊食好惹味，大家一定要試吓🤙🏻…查看更多

上水又係香港其中一個擁有美食天地既地方，如果要覓食都真係要搵地膽介紹😆朋友仔話呢到既蒸飯好抵食，仲可以食埋點心，太耐無食傳統蒸飯了❤️🍴章魚肉餅飯係一個個鐵碗上既蒸飯，唔會似依家連鎖既飯偏軟身，好有咬口粒粒分明，肉餅亦都好大塊！餡料唔少，再配埋甜豉油簡單係惹味；不得不提，餐廳最受歡迎既係舖係飯表面既酸菜！你以為酸？其實食落甜甜地，好爽脆添架😜重點係，飯既份量一啲都唔少，大家記得留肚先黎啊😆🍴乾蒸燒賣一籠有四粒，每一粒都好大粒，肉質彈牙好好味😋🍴鵪鶉蛋燒賣朋友仔話呢個係一定要嗌，我都好耐無食過鵪鶉蛋了😍一籠有三粒，比乾蒸燒賣更彈牙！而且一咬好多汁一啲都唔乾身～…查看更多

太耐冇同閨蜜出街行吓，呼吸下新鮮空氣🥰雖然大熱天行係條街度都好快流晒汗🥵但係天氣實在太好，決定約出嚟好好地談下心❤️因為實在太熱，所以都唔想食一啲熱食，轉個彎就有間壽司舖，一於一齊去食壽司🍣呢間餐廳，我記得唔同地區都有分店，而且每次都好受歡迎，長期好多人排隊，難得我哋揀咗𝐥𝐮𝐧𝐜𝐡 𝐭𝐢𝐦𝐞之後，所以好快就可以入座～🍴海膽壽司盛合(期間限定) 當中包含 :🥢海膽赤蝦壽司 🥢海膽帶子壽司 🥢海膽魷魚壽司🥢蟹肉海壽司 🥢海膽火炙左口魚邊壽司每一道都有海膽係上面！海膽新鮮無腥味👍🏻有兩款仲要有火炙過，比起平時普通食更加香；當中帶子同左口魚款係我地既至愛😋🍴軟殻蟹定食配有蟹籽沙律、味噌湯，先為自己開定個胃，再慢慢食好脆口既軟殻蟹，脆而不膩😍而且烏冬唔會太大碗，唔會食到好飽～🍴蒲燒鰻魚飯鰻魚無骨，而且烤到焦脆，非常好味🤤再加埋燒汁一齊食，呢個配搭實無錯😎🍴火炙大呑拿魚腩海苔壽司呢個好特別，會有個木架呈上，火炙完既呑拿魚腩魚油十足，超滿足！🍴小長井蠔我同閨蜜一放落口：天啊！好新鮮好𝐜𝐫𝐞𝐚𝐦𝐲🦪完完全全係壓軸出場！而且洗得好乾淨，一啲沙同殻都無💯…查看更多

有時係香港鬧市中想搵好野食絕對唔難，但要搵到又有情調又對得住價錢既餐廳就真係要比啲心機🫶🏻平時都會係地面見到啲餐廳，有時可以試下發掘下樓上即地方，話唔定有驚喜😌\ 𝐝𝐨𝐧’𝐭 𝐰𝐨𝐧𝐝𝐞𝐫 𝐭𝐨 𝐰𝐡𝐚𝐭’𝐬 𝐜𝐨𝐦𝐢𝐧𝐠 𝐧𝐞𝐱𝐭𝐜𝐡𝐞𝐫𝐢𝐬𝐡 𝐭𝐡𝐢𝐬 𝐦𝐨𝐦𝐞𝐧𝐭 / 餐廳整體裝修有格調，每張枱都有一盞小夜燈💡少少昏暗燈光，再望住牆上呢一句語錄，更加令我要活在當下好好享受💖🍴𝐒𝐞𝐭 𝐃𝐢𝐧𝐧𝐞𝐫 龍蝦湯🦞龍蝦湯非常濃郁、香滑，一飲落去就已經飲到好強烈嘅龍蝦味道，好味到想飲多一碗😆煙三文魚杏仁芝士卷🐟呢一個非常有驚喜！一邊係放咗魚子醬，一邊係放三文魚子，再配搭埋中間的忌廉芝士，成個前菜瞬間昇華🙌🏻日本青芥末威靈頓三文魚🫔好多時無論出邊食定自己嘗試去整，都會選擇係用牛肉整威靈頓，三文魚既配搭我都係第一次食，原來都幾夾😲不得不讚即使放咗一段時間都好佢外面仍然保持香脆，點埋佢旁邊嘅青芥末醬，既清新又特別紐約芝士蛋糕🧀正常芝士蛋糕味道，不過不失🍴額外單點 - 日本廣島蠔燴意大利飯🦪🍚好好味‼️老實說，其實小編本身唔係好喜歡意大利飯，因為覺得又似飯咁似粥🤣但呢一個我覺得令我喜出望外，首先佢飯粒嘅生熟度做得剛剛好，而且配搭埋非常新鮮又大隻嘅廣島號一齊食，個味道超正！…查看更多

仲記得疫情封關前我係想去轉越南，然後到最近又好多人去旅行，所以又擱置下先😂最近有時又好翳焗，真係想食啲酸甜清爽野，所以就趁住呢幾日連假出去覓食下～有時覺得自己都算好彩，成日都坐到最尾一張枱😂因爲呢間餐廳真係秒速坐滿哂人，睇黎幾好食😋🍴一人套餐：火五生牛肉粉+原隻大蝦長春卷+提子梳打湯底一睇就知濃郁，加左少許黑椒洋蔥更香～生牛肉份量超多，生熟程度剛好，咬落好重牛肉香🥩春卷勁有驚喜，首先條春卷勁長🤣然後入面成條咬極都有蝦，啖啖肉好惹味👍🏻加埋杯甜甜的梳打一流！🍴一人套餐：火五特式鳳爪撈檬+峴港炸魚餅+白桃梳打太過危局真係想試吓啲清爽酸甜嘅嘢食，所以我就嗌左個撈檬，加埋本身酸甜既撈汁，食完成個人都好舒服😌魚餅食落有陣陣青椒味，但唔會有辣味，而且唔會好厚粉，白桃梳打都好正啊，唔會太甜🍑…查看更多