magnum wong的个人专页

早前睇網上分享SSP有高水凖牛扒食肆，襯今天出九龍更過去試吓，店面企理約可容納50人左右。個人嚟講牛柳、肉眼、封門柳三選一，必定選封門柳。點了封門柳五成熟、洋甘菊花茶、朱古打批。去之前都睇過一些食評，發現有個通病：一碟都血水(煎完灘得唔夠)小弟當然理解小店不可能與高級扒房或五星酒店去比，如果小店一份牛扒要十五至二十分鐘出餐，相信被人媽到飛起一地負評。上餐時check了一下有少量血水滲出，於是乎放一邊灘吓先，幾分鐘後開始食，血水少了肉汁保留了，須然不是我食過最好但都好高水評，牛味、肉質、黑椒醬都唔錯。如果改刀時用較薄身的切法效果會更好。另外套餐加個餐湯來加長用餐時，D牛扒就可以煎完灘一陣才出餐來減少血水問題。當然整個餐牌、價錢、廚房流程都調整的話，老闆自己衡量吓肋。花茶、甜品都是叫貨的屬正常品質囉。香港好的食肆已不多，希望你們加油呀！…查看更多

首先可能是我唔懂得他們的食法，影響了今次睇驗。睇過一些推介，一直想試吓。昨天落深水埗買嘢順便試吓。我點了 300g 三拍子牛扒，三拍子牛扒算是招牌菜，雖然沒有標明是什麽部位，其實一佰元左右有咁大舊安格斯牛扒，件牛扒亦相當靚非常紅嫰有彈性，性價比算幾高。放在高溫火山岩上煎，枱上有岩鹽、黑椒、生蒜泥、牛肉汁等……調味料可自由配答。應該唔錯的才對，問題在於火山岩上煎咁厚咁大舊牛扒的進食時間。我選擇了先全部切開一片片慢慢食。食到一半其他就 well done 咗，一件咁靚牛扒well done 咗實在可惜、浪費。如果回帶從頭再來就食幾多切幾多再煎兩吓就食，這樣就可以控制到自己喜歡的生熟度。整體牛肉是靚的，食到肉的原始味道。因為自助式白飯、湯、沙律、餐具都是自己攞的。…查看更多

創辦人 Nikkei 小姐一直在元朗、天水圍用心經營此小店，去年從天水兩個店整合成現在元朗店，從精致咖啡小食至現在精品西餐。第一次到元朗店支持吓(搵咗幾次先搵到😅)，正藉黃昏人流較小叫了個牛柳意大利飯下午茶餐，即叫即造時間耐了點，但勝在質量到位。不論意大利飯或是牛柳(五成熟)都達星級酒店水平。意大利用姑菌、忌廉炆煮入味中間仲實實哋，比較是配合香港人口味，但又不失正宗風味。牛柳選用美國安格斯用味較濃，五成生熟度控制得非常好，中間粉嫩又收乾血水，真係望星級酒店出品一樣。加油…查看更多

相信今年好多無法出外旅游的朋友仔都只能留港消費，去香港不同酒店玩。小弟知道西貢新開了 WM Hotel，再加上港姐效應今日就專程從西邊走到東邊探索一吓。酒店内暫時只有一間餐廳(還未有酒牌及自助餐)。店員表示將來還有一些品牌餐廳會進駐和提供自助餐的。食物方面主菜點了牛柳和比目魚，整體屬偏清淡口味，但廚師把帶子、比目魚和牛柳火喉掌控得非常到位，黑松露又無搶去忌廉湯的本質。二份餐約$600算物超所值，超越其他同價位餐廳。期待它們的自助餐😋洋葱湯和藍梅芝士餅算是今餐相對遜色的(不是唔好食吖，是其他太好食喳)。相信酒店全面投入服務後必成為新打卡熱點👍小弟亦有幸寫 WM 第一個食評🙏🙏…查看更多

都有一段時間無寫食評了😜昨晚出太子買嘢，買完當然要搵食啦！經過這間權記D牛腩好似幾好咁，一於入去試吓。睇完餐牌問吓仲有無崩沙腩先😉點了崩沙腩飯+炸魚皮+凍T。凍T和炸魚皮都是正正常常屬中上級。主角崩沙腩😋崩沙腩其實是牛肋骨與腹腔之間一層肉，所以一邊带有一層腹膜的，油脂分佈均匀屬矜貴部位，好多店舖一早買曬。第一啖試權記牛腩的湯汁，濃濃帶藥材味有D似肉骨茶，崩沙腩口感非常複雜，腹膜爽脆，腩肉好腍，再帶一點脂香，全部集合在一片手指般大小之中。權記D牛腩屬出色的👍唯獨白飯多了小小水（D項屬個人挑剔），因為有腩汁飯可以乾身小小。蘿白夏季不是當做帶點苦瀝味。…查看更多

又去川，雖然不是每月都去，但係食得最多一間食店。始終是一間行仔中小店，門面唔當眼店内容納約20人左右。眼見好多客7:30-8:30嚟到九成都無位，又唔知要等幾耐就走咗。川是一間兩三知己飲吓嘢食吓串燒好地方，集平、味道、静👍👍食過咁多次都寫的原因~除了平時必食的今次食咗D之前從未食過的菜式😉😉…查看更多

善慶街，不是正式的街道，是一條樓梯街。雖然中上環有好多這類的街，但一條位置隔攝約50米的街內有六間食肆以上，又不能拍車，無實力又點生存 ?當日朋友看到社交平台介紹該餐廳，剛巧我們要去上環就順便去試吓。辦完事情過已下午三點，好在他們無落場仲有得食。店內還兩枱客。侍應生是土生南亞裔，一口流利廣東話，溝通不成障礙。無論社交平台或侍應都推介必食~龍蝦湯牛角包。當然要試，另外點了~蘋果玉桂牛角包、黑松露流心蛋意粉、西班牙豬腩配蘋果蓉。飲品方面~富士山下和提拉米蘇味特飲。牛角包 : 都是自家制的，所以有多種餡料配襯，盡管是急涷酥皮加入自家饀料，效果都非常好，牛角包層次內𥚃蜂巢紋理分明。蘋果玉桂煮成糊狀，切開時小小流心效果，味道不太酸，不太甜，輕輕玉桂味三者之中十分平衡。至於𢸍店之寶，龍蝦湯本身比得上高級酒店出品好濃好濃的。松露意粉 : 亦處理非常恰當，雖然松露是高級食材，但不是多就叫好，因為好多食店都好重手只食到松露的味道。這裡意粉烚得剛剛好，流心蛋亦流心無過龍，最重要是黑松露醬的份量合到好處，有松露的香味但沒有蓋過其他食材。西班牙豬腩 : 相信是慢煮後再煎香，帶皮厚厚一件無嘜肥的豬腩，十成熟食落有豬肉香味，又不會 (鞋颯颯)有咬口和肉汁。驚喜在豬皮一邊，有一陣中式南乳的咸香，令整個食物加添了層次。伴碟蘋果醬是跟牛角色的相同。兩杯飲品 : 論賣相/影相可選富士山下，論味道可選提拉米蘇特飲。相信此店還有好多美味可以發掘的。…查看更多

中環食燒鵝 ?遊客會去x記，但娛樂圈紅星(如 : 發哥、嘉玲姐)、中環上班族及本地人又會去邊呢？當然會來一樂啦！屹立中環史丹利街幾十年當然有兩手啦！店面不大，迫迫哋約容納二十人，主打燒味飯，尤其是燒鵝。今次因為疫情影響下不用排隊，試過幾次因為排長龍放棄了。他們的燒味都是自家出品，在店後廚房醃製及燒烤。經常會見到店員將剛出爐燒鵝從廚拎出來，有時仲會吊在水吧位。好處是賣幾多燒幾多，保證新鮮出爐。今次口痕食雙拼燒鵝拼燒肉，點知嚇了一跳，燒鵝味道方面比較適中，不像深井的咁鹹，上裝位油脂較少又甘香，皮脆肉嫩汁多，不過外皮顏色會深一點。無想一樂D燒肉咁得，肥瘦適中兩層肥兩層瘦，D皮脆到好似食威化餅，味道貫徹不太鹹，食落入口鬆化不油膩。又多個選擇了。張單上面$19是一罐可樂，飮唔飮自己決定吧。…查看更多

入長洲食海鮮其實幾低食，一般食肆都有套餐每$200-$800不等豐儉由人。是日入到長洲遊人稀少(閒日加限聚令😅)，一排的海鮮餐館都選擇休息只有此家營業，在傍小販買雞瓜螺，友人未食過而此家餐館話來料加工只收$40，都可以接受便坐低了。食套餐首選當然食蟹啦 ! 不過黃昏剛入黑就話賣晒了。左選右選下選了西芹炒鮮魷和蒜蓉蒸扇貝，加埋$40雞瓜螺、一支青島兩個人都能食。雞瓜螺只是用水烚，食原味西芹炒鮮魷味道一般，鮮魷偏韌蒜蓉蒸扇貝都是正正常常當晚插曲😓😓😓因為其他食店休息，客人都集中此店大約15枱，但係亂到七彩。落了單要追先攞啤酒嚟，不過無攞水杯，又再返轉頭攞，咁叫去攞埋D雞瓜螺入出啦，結果佢攞住袋嘢入去攞水杯出嚟再攞返袋嘢入廚房，同一路線行幾轉。到上菜(因為是加枱給我們)就全部亂晒龍 ，眼見幾張枱都在追單欠D様欠果樣。我的就攞隔離枱，别人的就攞我張枱😂😂想攞碟蝦醬，等了一陣我走柜面攞紙巾時同我講:蝦醬已裝唔記攞給你😂😂😂😂😂埋單時看看張單來料加工收$60，我問不是$40咩？佢話單寫$60喎。OK無下次啫😎總括味道是可以的，但我就不喜歡整個過程啦！…查看更多

每次到南丫島時好多人都會從榕樹灣行山去索罟灣(或逆線行)。經常都會期望婆婆有無開檔，今次行是星期五見有開即時來碗熱豆腐花。眼看質感比較粗糙，只加糖水(無紅糖提供)入口暖和不辣咀，滑進咀裏即時像電影食神中薛家燕上身:大好味啦！清淡豆香，油滑細緻(與眼看強烈反比)，想不出什麼字眼來形容這滑的程度。品嚐過港九新界各區豆腐花，婆婆的是最滑的一家，豆味就中規中矩啦，還可加一點薑汁糖漿提升味蕾。記得天氣再熱都不要食凍豆腐花，任何店一樣熱是最好味。…查看更多

一班受盡疫情影響的無業遊民走出來揾食，已好耐無去過葵芳新都會了。簡直面目全非，大部食肆都更替了，行過見這裡地方不錯就試吓啦！午市5人共點了兩份牛扒(七成熟)、卡邦尼意粉、意大利飯，我自己點香煎比目魚。餐湯是甘筍忌廉湯五人一致非常好味，餐包大大個好鬆軟(估計自家制)。主食方面都好有水準，一般牛扒七成熟的風險會很大，多數柴皮一樣。這店則火喉控制得非常好，收乾血水，中間粉紅色非常嫩滑👍卡邦尼和意大利飯屬正常不會大爛pat pat。最後比目魚煎魚時間比其他食物耐，差不多15分鐘。但值得等的！應有的外面金黃香脆，內𥚃肉質細嫩全部交足貨。價錢屬中上級別。…查看更多

我有D慚愧，自從食上癮之後，都食過十次八次，平均每個月都去兩次，原來都冇幫 [ 川 ] 寫食評。到底魅力可在 ~ 因 : 內有夢想。真的 ! 雖然 [ 內有夢想 ] 是門上一件飾物，但絶對店主兩位的寫照。會繼續支持。小弟都食過好多日式串燒店，相比 [ 川 ] 的性價比超高，比同區平20%，油尖旺區平50%。食物方面超級推介厚砌牛舌，每次必食 ! 牛舌厚4mm左右外面燒到焦脆灑上味粉，一口咬落去就會感覺到裏面好淋有汁，師傅仔功力盡顯。燒波蘿都是必食，要燒比較長時間建議早D叫。雞翼串、鰻魚串，均是外脆肉嫰有汁大茄燒配上自家蒜蓉醬非常惹味雞腎、牛仔骨、牛肋肉、雞肶菇、雞泡魚肝……都是經常會點食物。一般二人前又飲又食都只是三、四百。低!順帶一提早D去等位…查看更多

從網上知道大圍有新店開張專程嚟品嘗。先被裝潢吸引好清新簡約，某D角度有如設身地中海或法國小鎮。食物方面中上水平、性價合理，當中白桃雪糕桃味和奶味非常濃郁，班尼迪蛋配煙三文魚本來就是絶配，加上淡淡芥茉來調劑，咖啡相信是此店的主打，單是跟餐的鮮奶咖啡(+$10)已經絶頂香、濃、滑，以上都值得推介菜式。意粉方面個人覺得烚過火少少，脹起晒缺乏口感，鄰近客人都感覺偏辣，但味道就是廚房主觀決定。另外食物種類唔多。整體嚟講值得推薦的。…查看更多

大角咀近年食市滿布，要在區內特圍並不容易，即便星級名廚都不例外。食物出品再好也要加點 gimmick。The Galley by cafe proud wings 是以民航機造主題餐廳。早前食過午餐，覺得價錢質素合理適合中產上班族。今次專程晚市造訪嘗嘗他們的實力。閒日預早已定枱仲要21:00入坐，滿以為無嘜人可以坐窗口位(機倉設計)，點知果邊爆晒，唯有坐高枱一邊。高枱也有高枱好，雖然無梳化咁舒適，但情調好D和比較寧靜。今次點了"香蒜辣椒蜆肉炒意粉" "水牛城雞亦" "燒美國小牛排" "朱古刀心太軟" 都能高水平演繹出來，當中意粉和雞亦有更好表現…查看更多

放假唔知去邊好 ?不妨入馬灣行吓 ! 一個新舊會聚的小島，既有大型屋苑亦有漁村風情，有連鎖食市也有特色小店。昨天放假二人就入馬灣尋找美食，就發現了此店，首先德國餐廳必定有啤酒飲，行到熱熱哋入門口第一件事~唔該兩杯大黑啤😍然後睇餐牌，午餐價錢相當實惠，點了(豬扒) (烤雞)。食物製作時間有點耐，一面飲啤酒一面搜尋此店資料，評分是馬灣之冠(唔計酒店在內)，更發現它的蘋果批都有一手，侍應話預10-15分鐘就得，咁食完正餐先 Order。午餐份量適中各配了粗薯條及沙律菜，豬扒大約有 20mm 厚，一般煮到全熟就好柴皮，但廚師手藝高超能表面煎香內𥚃仍嫩滑👍👍。烤雞一樣連雞胸都太嚡。味道方面亦適中，始終是幾十蚊的午餐不會太大驚喜吧。反而蘋果批有點失望，可能好少人午市會點，從雪櫃取出嚟去焗，酥皮焗唔起(濕氣重)，不過味道絕對是好味的。不計啤酒3度菜是$200有找，日頭環境加外面沙灘非常寫意有70分，夜晚係加200分。一定會找機會夜晚再去😉😉😉…查看更多