Aki Lok Yee的个人专页

好幾年冇幫襯過，近哩一兩個月食返，一次堂食都還可以接受。打後有兩次外賣自取，第一次俾咗錢嗌分湯，結果冇分到，小事嚟，講聲攞入廚房分返開。第二次最嬲，嗌咗個鹽酥雞麵，分湯走青，返到屋企一打開，啲蔥好似唔使錢咁成碗湯都係，最過分就係鹽酥雞麵，我啲鹽酥雞呢？打電話落去鋪頭反映問題，係一個阿姐聽電話，個阿姐就係咁強調幾次話：廚房做緊中學學校訂餐，有甩漏在所難免。係呀，一次半次梗係冇問題啦，但係今次已經唔係第一次，做唔到咁多個外賣就咪學人接咁多啦。初時都好聲好氣同佢講，後尾阿姐就話：我就唔信其他餐廳冇甩漏喇。哇～聽到哩句說話即刻火都嚟埋，我而家係你哋餐廳買外賣，甩漏嘅係你哋，唔通係我嘅問題？一日有過百個中學外賣就大曬？walk in嘅外賣單就唔係單？仲好意思話我打橫嚟講，錯就係錯，道歉就一定要㗎啦，唔想俾人彈就唔該做實事啦，講咁多解釋做乜姐？冇人想知你一日做幾多中學外賣單囉，我只係想正常食餐有餸飯囉，你哋嘅錯誤要我嚟埋單？你估你哋嘅食物味道真係好好咩？如果唔係近近地又加上諗唔到食乜，我真係唔會幫襯囉！永遠black list～～冇下次！…查看更多

先生工作經開元朗，順手叫佢幫我買個外賣睇食評多到有讚冇彈，所以決定一試叫咗一個雞絲螺旋草米線（麻辣湯小辣）食物份量多、足料但係味道真係好一般湯底除咗酸菜味居然帶甜味😅嗌小辣喎，一啲麻辣味都冇囉麻辣魚皮還可以接受口感爽脆，但係偏咸以下省略50字，唔夠200字評唔到分🤣⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯整體嚟講，完全唔覺得有評分所講咁好食如果唔係冇其他選擇我諗我唔會再食第二次…查看更多

18年5月6日，我係哩間葵芳讌客擺咗幾圍百日宴。菜色名好吸引，賣相都唔錯，但味道簡直只可以用一個字形容----「差」！聽返啲親戚朋友講，菜多過肉，啲菜汁一舊舊，一pat pat 😡，4000蚊一圍酒席味道居然仲差過大排擋。但係令我最嬲嘅係服務，8點半開席，上菜上得勁快，搞到張台都唔夠位擺，一碟菜未食到一半已經俾人拎去轉細碟，什至連細碟都冇轉就直接拎走。10點都未夠，已經趕住執枱，就算有人慢慢離場，但基本每圍都仲有人食緊，但都已經收得7788，趕客都唔係咁㗎？！10點半左右，朋友叫影大合照，順便傾咗陣計，當時啲枱、圍板已經清拆9成，企係旁邊有個類似部長嘅人講咗一聲：「阻住曬，要傾就落樓下傾啦。」哇～頂你個肺啊，乜嘢服務態度啊？11點都未夠你就已經開口趕客，態度仲要差到冇人有，我擺酒席㗎，一般酒樓都唔會係11點未到就趕客啦，之前係荃灣果間讌客到擺百日都唔會咁。葵芳哩間讌客真係可一不可再，莫講話擺酒，一般飲茶食飯我都唔會再嚟，更加唔會向朋友推薦，真係火都嚟埋，離曬大譜！！！…查看更多