影片
更多
2018-05-21
1557 浏览
18年5月6日，我係哩間葵芳讌客擺咗幾圍百日宴。菜色名好吸引，賣相都唔錯，但味道簡直只可以用一個字形容----「差」！聽返啲親戚朋友講，菜多過肉，啲菜汁一舊舊，一pat pat 😡，4000蚊一圍酒席味道居然仲差過大排擋。但係令我最嬲嘅係服務，8點半開席，上菜上得勁快，搞到張台都唔夠位擺，一碟菜未食到一半已經俾人拎去轉細碟，什至連細碟都冇轉就直接拎走。10點都未夠，已經趕住執枱，就算有人慢慢離場，但基本每圍都仲有人食緊，但都已經收得7788，趕客都唔係咁㗎？！10點半左右，朋友叫影大合照，順便傾咗陣計，當時啲枱、圍板已經清拆9成，企係旁邊有個類似部長嘅人講咗一聲：「阻住曬，要傾就落樓下傾啦。」哇～頂你個肺啊，乜嘢服務態度啊？11點都未夠你就已經開口趕客，態度仲要差到冇人有，我擺酒席㗎，一般酒樓都唔會係11點未到就趕客啦，之前係荃灣果間讌客到擺百日都唔會咁。葵芳哩間讌客真係可一不可再，莫講話擺酒，一般飲茶食飯我都唔會再嚟，更加唔會向朋友推薦，真係火都嚟埋，離曬大譜！！！
菜色名好吸引，賣相都唔錯，但味道簡直只可以用一個字形容----「差」！聽返啲親戚朋友講，菜多過肉，啲菜汁一舊舊，一pat pat 😡，4000蚊一圍酒席味道居然仲差過大排擋。
但係令我最嬲嘅係服務，8點半開席，上菜上得勁快，搞到張台都唔夠位擺，一碟菜未食到一半已經俾人拎去轉細碟，什至連細碟都冇轉就直接拎走。10點都未夠，已經趕住執枱，就算有人慢慢離場，但基本每圍都仲有人食緊，但都已經收得7788，趕客都唔係咁㗎？！
10點半左右，朋友叫影大合照，順便傾咗陣計，當時啲枱、圍板已經清拆9成，企係旁邊有個類似部長嘅人講咗一聲：「阻住曬，要傾就落樓下傾啦。」
哇～頂你個肺啊，乜嘢服務態度啊？11點都未夠你就已經開口趕客，態度仲要差到冇人有，我擺酒席㗎，一般酒樓都唔會係11點未到就趕客啦，之前係荃灣果間讌客到擺百日都唔會咁。
葵芳哩間讌客真係可一不可再，莫講話擺酒，一般飲茶食飯我都唔會再嚟，更加唔會向朋友推薦，真係火都嚟埋，離曬大譜！！！
张贴