laukaren868的个人专页

話說上星期放工後要去禾輋買野，之後去醫肚老公話想据扒，所以就即管試下呢間（其實之前行過睇過好多次架喇，不過都冇去到食）今次試下啦入到去，可能早，唔太多人，開頭冇卡位，之後有張卡位走，侍應姐姐就即刻行埋嚟話有卡位，坐唔坐？我地就即刻轉枱原先我地見到門口是日晚餐有牛扒，想食果個嘅，平平地，跟住侍應姐姐話，如果想食牛，就食餐牌果啲款啦，大件啲，好食好多喎即管信下佢，雖然比晚餐果個貴啲~~我老公就叫左塊巨人牛扒五成熟黑椒汁配飯凍奶茶，我叫左塊糓飼牛五成熟蒜蓉汁配意粉凍利賓納先上菜嘅係巨人牛扒，真係好大塊，好厚😍😍開頭都驚出面“鞋”入面好生，但有驚喜，啲肉好嫩口，入面仲係粉紅色，好正😘到我個糓飼牛扒到，顯然比巨人牛扒細塊同薄啲開頭都驚會老左，因為平時出面食，叫五成熟，鐵板上，啲肉好快老，但呢度都好正，切開入面係粉紅色，果然犀利👍 由其我最欣賞個蒜蓉汁，平時食開果啲會越食覺得越咸，但呢度啲汁食落甜甜地，越食越開胃👍👍最後上野飲，一上枱，我即刻“嘩”左一聲出嚟，因為真係好大杯，好巨型💪💪宜家都回味緊啲扒同啲汁，會再去捧場架😎😎服務員態度都好好👍👍**不過唯一美中不足係個冷氣唔多夠💧，食食下流汗要開個自備嘅風扇仔🌬🌬~~~…查看更多

早幾日，同老公去元朗試食呢間韓燒冇預約，去到就有位😄😄店員話加7蚊就可以無限次換牛油紙我認為加左會好啲，啲食物冇咁易燶同黑🤔🤔之後出去拎野食，都好多食物😋😋各款肉類，金菇肥牛卷，瓜……仲有好多好多亦有沙律吧，刺身吧，有人參雞湯，甜品我最欣賞係竟然有一個位係全部都係熟菜類👏👏食肉多左可以食返啲菜中和下✌最令我印象深刻：*侍應好勤力主動幫我地換紙👍*侍應好勤力補充食物碟，所以唔會出現缺碟情況👍*食物補充好快，唔會出現有吉盤情況👍*生蠔，粟米，雜菇用小錫紙兜盛載，方便易熟👍而且最後離開出門口嘅時候，店員會好主動講“拜拜”，係一個好窩心嘅動作😎😎P.S.去前記得要預約，傳聞呢間好旺，冇預約分分鐘要等成個幾兩個鐘…查看更多

上星期同男人返左屋企同家人食飯，但係響馬鞍山都唔知食乜好，唯有去返去開嘅“匠”幫襯啦😆😆去到登記後，等位，見到門口放左個牌，話有生蠔，幾大都要試下另外，叫左啲壽司，兩碗拉麵咁侍應話生蠔係日本生蠔，咁我叫左半打試，果然好物浸底，生蠔最遲嚟……一上枱，見到個擺盤好靚，啲蠔仲好大隻，啲生蠔係唔離殼嘅，即係唔會翻用個殼……原本都驚佢腥架，點知一入口，淡淡嘅海水味，吞完後，條脷有啲甜甜地……跟住就食埋其他幾隻，真係好好味，如果之後再幫襯，再有生蠔，會再叫……壽司飯細件，但係上面嘅刺身肉厚大件，抵食！而且侍應服務好，抵讚！…查看更多

某日同屋企人響旺角食完lunch，諗住週圍行下，咁就去左朗豪坊下層度得行下，有冷氣丫麻😁😁一行到入去，就見到好多鋪頭，甜品嘅又有，朱古力嘅又有，糖果嘅又有……好吸引不過最吸引我嘅係呢間鋪頭，因為佢好似標價係一盒6件，三十幾蚊，個價錢咁吸引，咪試下囉……我揀左4款味道，兩粒榴槤慕思，兩粒朱古力慕思，一粒士多啤梨同一粒紫芋……✌✌跟住我同店員講，問佢可唔可以比啲乾冰我，佢話可以……wow……太好了！😘😘返到屋企打開先知，更細心嘅事陸續有嚟，店員響糍米糯上面鋪左張紙，紙上面貼左味道，咁就唔駛估估下係咩味，然後仲發現，店員貼左啲叉仔響個盒蓋裏面，不過我呢啲為食貓，用手食就最滋味！食落口，好煙靭，個餡好香，好正！而且又大粒，抵！👍👍…查看更多

上星期和家人出旺角食lunch，最後提議嚟呢度食入到去，侍應以為我地係食lunch，比左本menu我地，跟住我地話係要韓燒之後侍應姐姐話，除左海鮮類，同炸物小食係只會晚市供應，其他都可以食✌✌我地兩個人叫左好多野食，羊脾肉，雞翼，雞腎，牛肉…………乜都叫啲入單後，野食未上枱，侍應姐姐拎左舊白蘿蔔上枱，話如果個爐有焦燶，可以用舊白蘿蔔擦……咁神奇？🤔🤔🤔雞翼好細心，會切開，容易燒快熟😁😁羊脾肉，開頭以為食緊牛，但食食下有小小羊味，就知係羊脾肉，唔會好似羊架咁好重味，唔錯，其他都不過不失😎😎最後要講洗手間，好大，好乾淨，不過我覺得比較暗小小……遲啲會夜晚再幫襯，期待燒蠔！！…查看更多

星期日夜晚同老公出下省城😅😅，去左呢度食新野😎😎我地冇book枱，所以早啲到，驚冇位上到去，問佢walkin有冇位，好彩佢話有😥😥入到去個侍應就介紹兩個餐，一個平啲，一個貴啲，當然揀貴啲果個啦，可以食多啲野，然後佢就送一客龍蝦尾同一客鹿兒島和牛，每人加$50.-就可以無限添飲酒精飲品打開餐牌，有驚喜👏👏竟然有松葉蟹身，仲有其他都好吸引，蜆，扇貝，有牛，牛舌，豚肉等等……過程唔講了，燒肉大致上都差不多，唯一要讚的是：松葉蟹身好甜，酒精飲品好靚，肉類好彈牙多汁😎😎😎最後每人食左碗豆腐雪糕就走了另外要讚的是洗手間好乾淨光猛，不錯的一間燒肉放題店😍😍😍…查看更多

今晚同老公二人嚟呢度撐枱腳😍😍其實都嚟過呢度好多次😎😎，不過次次都冇寫低食評😰😰，所以決定今晚要寫返💪💪今晚叫左個咖哩牛腩飯同埋雜錦海鮮拉麵咖哩牛腩飯：一嚟到個咖哩聞到好香，老公都話唔錯，個咖哩唔太辣，所以我都食到而我果碗雜錦海鮮拉麵：一上枱，我細細聲“嘩”左一聲，因為好多料……有帶子，蜆肉，青口，嗚門卷，仲有其他，不過唔記得左食完我仲食左個甜品，朱古力窩夫拼士多啤梨雪糕超滿足！👍👍不過唯一地方要改善係等食物等左超耐，係真係超耐，所以要注意下…查看更多

今早同我男人嚟呢間餐廳食早餐，其實已經食過好多好多次，不過……佢之前停左業幾日再開返之前食覺得佢啲煎蛋，奄列好油，直情上碟後都會見到有啖油響隔離……所以之後都好少幫襯今日再去食，依然都係好油😅😅不過值得一讚，係佢跟餐嘅麵同通粉都好大碗，我已經叫佢少通粉，但我依然食唔晒，可想而知真係好大碗……另外佢有啲煎扒早餐，有煎魚柳，煎雞扒同煎豬扒……呢類煎野好香，由其係魚柳脆卜卜……如果食物冇咁油膩，咁就好喇…查看更多

尋晚又同屋企人出街食飯，今次去左天水圍開餐，食韓燒，屋企人好鄭重咁提醒我，一定要由流浮山方向先去到，如果唔係要兜好大個圈先去到，好彩最後都順利到達🤗🤗🤗上到去，可能係平日緣故，所以唔係好多人，我地一行5人被安排坐卡位，開頭有啲擔心會唔會好焗好煙，但燒到最後都冇呢種感覺👍👍👍出去夾野食，同一般出面相差不大，令我有驚喜嘅係竟然有雞子🤔？仲有扇貝😫？仲有牛舌😲？即刻唔輸蝕，拿拿聲夾幾舊返去燒，仲有雞翼，牛仔骨，金菇肥牛卷，金菇豬肉卷，雞腎等等……太多不能盡綠熟食亦有：燒魚，炒雜菜，薑醋，炒蜆（超惹味！👍🤘🤘），仲有幾款，不過我冇試，另外冷盤有：壽司，凍蝦，凍螺……我只夾左凍螺試，好彈牙，唔會超級凍，不錯👏👏野食已燒左好多，食落口味道岩岩好，唔會淡而無味，亦唔會過咸，要比個like😗😗😗👍👍牛仔骨亦比到我驚喜：肉好彈牙，好juice，我食左4塊，正！！👍👍最令我有驚喜嘅係：………………雞翼！😍😍😍我見佢出面個食物牌係寫黑椒雞翼，我本人怕辣的，不過又得一款雞翼，咁夾兩隻試下啦，點知第一隻燒完比我男人夾左嚟食😂😭😭到差唔多燒到尾我先有機會試另一隻雞翼，好好好好好好味！好入味，好香，真係好香，當時嘅我已經有八成飽，我都忍唔住要出去夾多5隻雞翼😄😄😄😄😂😂最後因為太滿足緣故，所以只係食左三款甜品，連雪糕都食唔落……宜家心思思，想去多次😆😆**值得讚係：1-侍應服務態度好，有笑容2-空氣流通，唔會好大陣油煙好焗3-侍應好勤力收回枱上嘅碟4-食物refill好快，所以次次出去夾野食都好多唯一美中不足係地下有啲滑，要注意一下…查看更多

尋日同屋企人嚟食lunch,平時行過聞到都好香，不過好多人，所以一直都冇試，而尋日因為時間早，終於可以試下😄😄😄入座後，見到餐牌花多眼亂，有好幾個套餐，樣樣都好吸引，最後選擇左一個二人餐，有安格斯牛柳，有龍脷，有西芹炒蝦仁鮮魷之前曾響東涌食過一次鐵板燒，估唔到今日會再有機會食，反而屋企人係第一次食，所以感覺好新鮮😎😎首先一上枱嘅係湯，之後就係廚師炒菜：好香，好有蒜味，菜好爽口，之後就會奉上白飯，飯面會有啲芝麻，好香口然後就係牛柳，：一入口好滑，而且好有口味，好多肉汁，宜家諗返都流晒口水😙😙😙之後就係西芹炒蝦仁鮮魷：熱辣辣，一炒起就食，好香好惹味，不過差唔多食到底，就開始辣😆😆，所以最後果啲比左屋企人食最後係煎龍脷：雖然好香口，不過個人認為乾身左小小，不過都係好味嘅🤓🤓🤓我地兩人都加左杯冬瓜茶，走冰，唔太甜，幾好應該短期內會再光顧🖒🖒🖒**由於掛住食同望住靚仔廚師，所以唔記得影多啲相😂😂😂😂…查看更多

尋日同家人去左呢度食lunch，其實之前食過一次，不過冇寫食評，今次決定要寫返😁😁首先我地6個人，佢要有半數人先入得，入到去後，我地就叫左一個“粒粒角切魚生丼”，“赤蝦海鮮丼”，“2碗牛柳粒蕃茄湯讚岐烏冬”，“蒲燒鰻魚飯”，叫呢啲午市套餐仲可以加小小錢可以跟多樣小食我地加左一客三文魚刺身（3塊），同塊燒三文魚壽司😍😍最先嚟就係“牛柳粒蕃茄湯讚岐烏冬”：好大碗，而且蕃茄味香濃，牛柳粒好滑，不過得幾粒咋，如果多幾粒就好喇😅😅之後就到“粒粒角切魚生丼”：一嚟到都係好大碗，好多魚生粒粒，正！！跟住就係“赤蝦海鮮丼”：一上枱，即刻“嘩”左一聲😂😂，因為見到兩隻蝦好大隻！而且三文魚同吞拿魚係厚切，一啲都唔吝嗇，食落超鮮味👍👍👍💕之後就係“蒲燒鰻魚飯”：條鰻魚好長好大條，而且醬汁都好多，用啲拌飯一流❤❤👍我地仲另外叫左“6吋長壽司”同埋“劍魚腩壽司”，壽司飯細細舊，唔錯，而且用料好新鮮，由其係劍魚腩壽司，咬落好爽口🤗🤗經開天瑞會再光顧，侍應服務都好好**不過嚟呢度食飯要帶件外套，因為啲*冷氣真係真係好勁好凍*😫😫😫，**而且如果女士們叫飯最好叫小飯**，因為真係真係好大碗😅😅最後個人認為，壽司飯好似有小小過酸，如果冇咁酸，咁就完美了！！😎😎…查看更多

尋晚屋企人介紹嚟呢間餐廳食飯，響外面睇，店舖好光猛，好新式，唔知以為係食西餐，一推門，侍應好熱情問幾位，然後就帶位坐低後，就睇下食咩啦，都幾多選擇，最後決定叫牛展清湯麵，酸辣湯雲吞麵，上海粗炒，花彫醉雞，上湯津白，菜肉雲吞第一到嘅係花彫醉雞：落單時，我問侍應會唔會好大碟好多，因為我怕食唔晒，侍應話係例牌果啲咁上下，嚟到，都唔錯，唔會話特別大或特別小，個肚有位食其他野，個花彫味好香，飲落有小小甜甜地，因為之前響第二度食，總會有陣苦味，呢度唔會，而且雞好滑，連平時我男人一見到啲雞有紅色就唔會食嘅佢，佢竟然食完又食，食左幾舊雞😅😅不過如果雞肉冇咁好應該會好啲🤗🤗之後就到我嘅牛展麵：侍應一放低枱，就聞到好香，牛展好滑好彈牙，個湯底唔會好咸，味道岩岩好😄😄😄跟住就係酸辣湯雲吞麵：酸辣湯酸酸地好開胃，不過就唔辣，建議可以辣小小，刺激下個味蕾🤔🤔跟住係菜肉雲吞，好香麻油味，最欣賞佢用唐生菜做伴菜，平時其他店舖會用小棠菜，好大舊好硬，呢度用唐生菜，易食又吸晒啲湯味，正！✌✌最後係個上海粗炒：食落都有小小甜甜地，而且唔會炒到好油👍👍中途侍應會好勤力收碟，呢樣比個讚👍簡單裝潢，但比人感覺好親切😗😗😗…查看更多

早兩日，lunch唔知食咩好，就嚟朗豪坊睇下啦，諗住由頂樓一路落睇下食咩好，點知上到13樓一出就聞到好香，所以決定食呢間雖然侍應話要等半個鐘至九個字，但我地等左十分鐘左右就入得喇我就選擇左要壽喜燒湯底，而我男人就選擇左胡椒湯底我地選擇左豬牛雞90分鐘放題，之後就出去夾野食啦……有菜，有烏冬，菇類，不過唯獨係醬料小左啲，如果有辣油就好喇……肉類上枱後，好快就清晒，要再添，因為一盤數量較少，得5-6塊，所以可以叫多啲中途叫侍應加湯，侍應服務很好，有提醒加湯可能會更濃味，如果加水就會淡啲，我之前加左一次湯，越滾越咸，所以之後都係加水，加左水後，味道剛剛好最後，當然唔少得食乳酪雪糕啦，有6款配料可落，好似有脆脆麥片，有朱古力粒，棉花糖粒，其他唔記得左，仲有朱古力醬，士多啤梨醬可加味道唔錯，而且服務很好，會再光臨…查看更多

尋日中午，同先生響連城廣場諗緊食咩好，最後決定食呢間冬蔭公公，因為我見到餐牌有我想試的肉骨茶😁😁入座後，侍應隨即遞上點心紙比我地劃單，款式好集中，可以唔駛左揀右揀👍，最後，我當然揀左肉骨茶湯飯啦，而我男人就揀了海南雞飯等侯時候唔駛好耐就有得食喇，我的肉骨茶湯飯比較簡單，只有一碗肉骨茶同一碟飯而先生的海南雞飯就有一碗迷你嘅湯肉骨茶食落唔錯，食後個口有種香味，很好，而且豆卜同腐竹很吸味，用湯送飯，味道恰恰好😙😙海南雞無骨，很滑，而且醬汁的味道也很好，好開胃，夏天食飯可以多個好地方喇🤗🤗**最後食完有驚喜，原來隻碟有冬蔭公公圖案，卡娃依呢😄😄…查看更多

今晚和男人嚟到樂富食飯，最後選擇左呢間餐廳，因為男人話見到餐牌有扒据😂😂入到去，環境好舒服，有梳化坐，太好了我地兩個都點左牛扒餐，有成6oz,我地問侍應有冇汁配，隨即有另一位打呔的哥哥好詳盡地解答，預設左係紅酒汁，但亦可轉配黑椒汁，而且預設左係7成熟👍👍首先有餐湯和麵包，亦可選擇係沙拉跟麵包，個湯味道不錯，但麵包我個人認為硬左少少🤔🤔到主菜，我們的6oz牛扒和薯菜……好足料，有埋配菜西蘭花和磨菇✌牛扒好好食，雖然係7成熟，但好滑好嫩……唔錯唔錯野飲叫左杯凍檸水同凍奶茶，男人話凍奶茶唔錯，好滑整體嚟講唔錯，侍應好有禮貌，會再幫襯…查看更多