Running 燒 (已結業)

上星期和家人出旺角食lunch，最後提議嚟呢度食入到去，侍應以為我地係食lunch，比左本menu我地，跟住我地話係要韓燒之後侍應姐姐話，除左海鮮類，同炸物小食係只會晚市供應，其他都可以食✌✌我地兩個人叫左好多野食，羊脾肉，雞翼，雞腎，牛肉…………乜都叫啲入單後，野食未上枱，侍應姐姐拎左舊白蘿蔔上枱，話如果個爐有焦燶，可以用舊白蘿蔔擦……咁神奇？🤔🤔🤔雞翼好細心，會切開，容易燒快熟😁😁羊脾肉，開頭以為食緊牛，但食食下有小小羊味，就知係羊脾肉，唔會好似羊架咁好重味，唔錯，其他都不過不失😎😎最後要講洗手間，好大，好乾淨，不過我覺得比較暗小小……遲啲會夜晚再幫襯，期待燒蠔！！