scgs101097的个人专页

好嬲！早幾日book左，去到當我地白撞？！約左幾位朋友一齊食飯，已經特登早幾日打黎book位，4位6:30pm；接電話個個仲有特登問我地需唔需要畫碟？本身諗住冇問題啦，6:20pm去到；點知…..去到負責侍應揭原本預約簿之後話「冇你哋record喎，你哋真係有預約到？」好似我想呃佢咁（？）我哋好認真咁打返開通話紀錄record ，打過俾呢間餐廳俾佢睇…..佢好似唔係好care，淨係開始行嚟行去搵職員，我哋被晾喺一邊完全唔知做乜好🫨最抵死係佢走來問返我哋，係唔係book咗隔籬嗰間？（Heysonuts)…真心多謝佢賣廣告，我下次會去隔籬嗰間🙂再追問，佢話6:30pm有另外一台Booking，睇吓到時嚟唔嚟，唔嚟就俾枱我哋🤯好似俾人施捨緊咁？！重點係…由頭到尾一句sorry都冇！！！如果想做晒準備，最後俾人當白撞、仲要臨急臨忙搵第二間餐廳嘅話就入去啦😶‍🌫️真係嘥心機嘥時間！！…查看更多

之前回購左幾次！買過佢個巴西莓乳酪奶昔，有果肉；香蕉麥片乳酪奶昔，兩杯都係走甜真心唔甜🥹正今次試吓返璞歸真，試吓佢嘅more乳酪奶昔!濃厚奶昔，估唔到杯面都有一啲脆片；打成軟滑smoothie 口感一流！大大杯飲完飽肚，好岩早餐食太飽，當個light lunch正！…查看更多

一星期前，我在此刊登了一篇有關宣傳失實的食評。沒想到店主特意留言致歉、通知有關第三方Good Malling App商議如何改善宣傳字眼，更提出請吃一個冰的安排！今日和朋友再來一趟，實在很感受到店家的誠意——誠摯推介了「醬爆～奶醬脆多」在落單時，巧遇上次服務的店員，他主動提起有爭議的$30優惠劵，讓我一併用回，只需補回差價😳。本身以為以一個冰作補償已經充滿誠意（還勞煩店主親自對話），沒想到竟然還offer兌換的優惠！很快，「醬爆～奶醬脆多」已經有得食！店員亦友善提醒唔夠味才加奶。賣相非常吸引，而且食落口感軟綿，花生醬的味道非常突出，同個冰好夾💕店主冇介紹錯！而且食到中間仲有花生碎、甚至奶凍，真係落足料！稍嫌花生醬唔夠食晒成個冰，到一半稍稍有點單調；但除非之外實在無可挑剔👍🏻👍🏻👍🏻補$8就飲到的「豆腐奶蓋珍珠奶茶」亦真心大推！豆腐味好出，珍珠亦有咬口，同坊間的珍珠有分別不得不提的是，店主對有爭議的第三方宣傳問題對症下藥，特意吩咐店員索取聯絡資料以便以後直接接收資訊！這一點我是十分欣賞的！！用餐離開後，店主亦特意詢問用餐體驗。有賓至如歸的感覺。遺憾未能刪除舊食評，故特意出此食評感激如此有誠意的店家！路轉粉，必繼續支持！…查看更多

本身冇聽過間野，見到佢係IG同Goodmalling map合作出優惠：$30優惠卷食冰。睇落又幾吸引喎：又黑芝麻豆腐、又黃到金楊枝甘露。好比心機留言抽獎，滿心歡喜去到，仲約定朋友一齊去spend time。落單比錢個下——「呢個要跟set先有優惠，你買多兩杯野飲啦。」吓？！望一望個餐單，唔平喎每杯起碼$35。仲要兩杯。咁其實，我點解唔直接買一個冇特價的冰呢？😀平左$30但要買返2杯$35野飲，食水深左啲喎。唔係錢的問題，係誠信的問題。一買一賣，你要做生意我當然明白。我IG留言、有tag埋friend，宣傳效果做足；就應該有返相應的服務——請一個冰，呀唔係，請$30啦，係咪真係咁難呢？完全有被欺騙的感覺。冇試到野食啦，對間野個信心冇晒。店員睇黎唔係第一次遇到呢個問題，好耐心解釋返佢地同Goodmalling app合作時已經講叫佢地指明「跟set」先平$30。很不幸地，我並沒有在IG宣傳時叫到所謂的「跟set條款」。我相信佢地合作關係係點，作為消費者的無權介入。但店家應有責任糾正宣傳的字眼、力求真實。冇試過寫一篇食評。不，失望的一篇冇食到野的食評。以此為戒，要再多打去問清楚晒先去。…查看更多

令我開ac寫食評唔係因為味道特別出眾...係因為呢間野時間觀念實在有啲問題!!!!😡我專程搭車過去食個支冰（被顏色吸引... 🙈佢寫11點開，到11點02分冇開閘跡象...去左食野等,諗住番黎有得食。點知11點50分仲未有!去到12點隔離間賣蜂巢雪糕準時開門佢都未有..到真正叫做「開門做生意」，諗住開得應該叫「有得賣」，原來野都未準備好-----冰係未搞、 未雪....問之後原來要等多2小時先會有😀真心唔明:1.講11點開可以遲成粒鐘係想點?（甚至有啲懷疑負責人知唔知遲左一粒鐘開2.開門又未有得賣開黎做乜?!（係成個閘開晒個隻 開始營業時間原來=/=有得賣 甚至有野賣...真心勁嬲。奉勸大家唔好咁信營業時間，依家啲人時間觀念真係.....循例比食評👇食左個 「南山塔思樂冰」味道其實係一般般，冇話咩驚喜。對我呢啲平時唔中意食酸野的人黎講，士多啤梨都係偏酸，我一開始以為會係甜的....一飲以為已經檸檬味😂好似我咁 貪雙色得意 買黎飲1次算…查看更多