Rainy 彤的个人专页

同老公無聊逛到香車街街市，幾年無黎呢邊，睇吓有咩好野食。借完一樓公廁諗住走人，但見到呢間和記廚房新開張，店員話佢地重新裝修兩個月，今日15/11 重開～見佢哋新開張就試吓啦～點咗個雞煲翅$398 ，菜單裏便寫明有六両，好正～眼都凸埋😳冇諗過咁真材實料咁好味😋每一啖都係排翅，食得好爽！之後我哋唔知嗌咗個唔知咩炒蜆（好似係$98）真係好惹味好辣好好味！！ 跟住又嗌咗個安格斯牛柳粒炒薯仔$148，真係食得出係安格斯～超好味，但係嫌佢份量比較少啲（唔記得影相）…查看更多

香港有好多餐廳有法國菜食🤦🏻‍♀️，但個menu 一睇其實係食西餐多啲。由於我同老公呢排煲完木村拓哉套「摘星廚神」.....搞到我好想好想食一餐法國菜，但又唔想咁貴，經過不停地搵～終於搵到呢間😍法國菜係食佢既細節，一道菜裡面你會感受到每一滴汁，不同煮法，裝飾，食材配搭....而產生不同口感，層次豐富既變化，呢樣係佢既精粹，而唔係將所有野直接咬完就算，好似牛食草咁，咁你就算去食幾貴你都只係覺得ok而已，因為你根本無用心來感受。（唔好意思講遠左）😅 今日老公生日🎂食生日飯，真係喜出望外，我無諗過用咁既價錢，會有咁好味咁細緻嘅食物質素，優質既服務態度，好多年無寫食評，忍唔住要講啦～一黎就上自制餐包，熱呼呼的，仲有2款自制醬👍🏼（有誠意！好味）再來頭盤：半生熟三文魚（好驚喜！三文魚好淋，入口即化，配有青瓜泡沫，下層係8爪魚啫喱，口感好正吖）湯：依家都幾難搵到一碗又濃又滑既龍蝦湯（無得頂！秘訣係佢好細心將好濃既湯隔渣再隔渣再隔渣，再加上好滑既cream ） 鵝肝：點解個鵝肝咁厚咁好味😱😱仲要下層係多士加切粒青蘋果🍏，好細心😍👍🏼）雪葩：人地雪葩似散哂既沙冰，咁佢做得好綿好細緻，有錯覺以為自己食意大利雪糕（痴線雪葩用嚟清一清味都做得咁好，讚👍🏼）主菜：我選左牛面頰😍（好濃好好味但對我黎講太Heavy) 老公要鹿肉，佢話超級好食😋（但我無試）甜品：勁好！知道for 生日仲要送多2個甜品埋單：有茉莉花茶解滯，仲有9折$1578 2個人 ， 仲要有送埋即影即有留念 ！so so sweet真心！10分推介！ …查看更多

老闆完全無理過order枱嘅客人，等左一個鐘先有壽司上，問個侍應點解等咁耐，佢解釋因爲我地係order枱，師傅要一次過整哂所有壽司先會上枱，換言之，由佢整第一件壽司到最果件壽司相差左成個鐘！我地好肚餓已經黑哂面，地方細不得止，坐bar 枱既客又吵又大聲，同老闆談笑風生，講哂粗口！好吵！可能人地係大客，所以老闆不停同佢地講粗囗，但間鋪咁細我真係差點聾了。但我地呢？0服務！無人理我地！我地一件都未食！好啦終於等到壽司黎到既時候竟然完全唔好味，好普通。唔係難食，但唔會用呢個價錢去食。點解omakase 會係咁既味？唔講我以為自己去左旺角食壽司。😡😡就係因為我坐order 枱，就完全無視我地？我俾$1600一個人，$3200兩個人就得呢d 服務同埋咁差既食物？我發誓！以後我俾得起呢個價錢都只會去酒店，靜靜地享受服務同貼心服務。…查看更多