吹bb妹妹的个人专页

Urban Coffee Roaster ☕️晚上同朋友去將軍澳海濱長廊，一陣陣咖啡味好勁郁，Cafe ，餐廳，小商店，Gelato雪糕外賣店兼容，好有feel。餐廳特別整左一張貼牆超長台，裝修簡約但充滿心思！•Caramel Latte•本身無諗住飲咖啡，但店內既咖啡香氣太吸引，選左有啲甜度既Caramel Latte, 一飲第一啖！哇左下，咁滑既？連我朋友都認同無估到咁高質，呢個價錢呢個質素都無得頂！走時見到店內係有部刻左店名既專屬專業咖啡機，好型格，白色機身配木紋刻字牌！Good Taste !•Chicken Wing w/ Yuzu sauce •酥炸雞翼，肉汁鮮嫩，每啖都燙咀。配以酸甜開胃嘅柚子醬，再喺上面加埋小量炸蒜，Happy Hour 時配埋冰凍啤酒就最佳組合。簡單而保持水準！•Fish & Chips•呢個繼咖啡之後又一個小驚喜，特別係炸魚部分，係我最鍾意既棉花糖口感，白肉魚亦都有本身自己嘅鮮香，加少少檸檬汁同點少少特製沙律醬！薯條都唔馬虎，條條都又長又粗身，食完都好飽下！•Smoked Salmon Benedict•出色嘅醬汁，唔係傳統嘅荷蘭醬，係自家特製既醬汁，煙三文魚好有心思摺成玫瑰形狀，底部以酸烤麵包墊住2隻水波蛋同生菜。係一道可打卡又健康既菜式。•Crème Brûlée Pancake•非常有創意既法式Pancake, 唔係日式空氣感！係比較實在既口感，完全可以當正餐食，面層焦糖燉蛋燒得焦香甜脆。甜品界既邪惡軸心，建議2-3人一齊分享！呢間有景觀既Cafe 餐廳你鐘意飲杯咖啡又得，食杯雪糕又得，食個甜品仔又得，食正餐又OK! …查看更多

尖沙咀中港中心有間隱世居酒屋，又有VIP房間，同朋友一大班黎食下飲下都幾舒爽。一黎當然飲佢promotion 買一送一日本生啤，天氣咁熱岩哂！•原味玉子燒•一食就知係日本雞蛋，特別調味，熱辣辣超鬆軟！而且甜味岩岩好。•鐵火卷•粒粒迷你小火卷，一口一啖，最岩食主食前食住等•日本魚勝味淋雞泡魚干•燒物之串我最愛係雞泡魚干，燒到軟綿，焦焦香香，同生啤簡直是絕配。•免治雞肉棒配溫泉蛋•水準之上，溫泉蛋，醬汁同雞肉棒好夾，醬汁蛋汁滲哂入雞肉棒內，每一啖都狂浸落醬汁中。必試之選！•阿波尾手羽先•無諗過手羽先竟然可以咁爆汁，証明師傅好俾心機燒，一咬落去，肉汁噴到成手都係。肉質好嫩，外皮無敵脆！•荔枝豚肉•我係俾佢個名所吸引既，果然口感有驚喜，日本豚肉包住荔枝肉燒，一食入口香噴噴，果香撲鼻，酸甜肉好醒胃下。•豚肉餃子•同我相像中傳統樣子唔同，佢係更扁身，以佢嘅餡料混入左一啲豚像軟骨，食起黎好有口感，如果真係帶一點日式辣味。•牛小排•味道濃郁，唔係入口即化既質感，非常重牛味，唔洗點醬都夠哂味，同樣都係啤酒既好朋友！環境好寬敞，同埋有一大塊玻璃窗，午市黎的話會睇到靚靚街景！…查看更多

上次見好多人點甜品，今次同朋友食晚飯之餘都試下甜品先！每份甜品都大大份，2個人分岩岩好！•水牛城雞槌•小食黎講份量十足，另外有粗薯條墊低，起超脆外層滲到少少水牛城汁，辣辣地好正！雞槌啖啖食，肉控至愛。•鐵板BBQ豬肋骨配焗新薯雜菜•呢份主菜一上檯就滋滋炸炸，新鮮熱辣！我同朋友都俾佢既份量嚇親，真係勁大份！但我地奇跡地食得哂。因為豬肋骨真係好juicy,每啖都噴汁，無一個位係嚡既。加上BBQ醬好惹味，所以我地愈食愈停唔到。另外再一次被配角驚艷到，雜薯薯仔起鐵板上面既肉汁沉浸住，焦焦香香，秒清哂！•奧斯蜜瓜窩夫•打卡系甜品，差唔多檯檯都叫咁滯！蜜瓜份量俾得好大方，爆甜香爽，加埋擺盤好有心思，集小蝴蝶更加係畫龍點睛！晚市時段，套餐都會包餐湯同飲品，佢地既餐湯用料新鮮，啖啖都有南瓜蓉，飲品都好多款選擇！朋友鐘意清香感，選左甘菊香草茶，味道清幽。…查看更多

前幾日見到YOLO出左新餐牌，有近期最愛既泰式菜款，就再去試試。發現原來YOLO並唔係只賣西餐既，唯一共通點係價錢由開店以來都係平價低食又精緻。今次點左2人餐加個甜品，記得上次西餐已經好有驚喜，今次新菜單更是驚艷到我！又係$300唔洗，由頭到到尾一條龍，非常之咁飽嘗！·大頭蝦冬陰功湯·椰香茅辣，海鮮蝦嫩！我本人唔係冬陰功控，竟然可以一口接一口，係輕辣椰香重既湯，幾有鮮感既。唔會太大兜，份量岩岩好，因為重戲在後頭！·泰式燒烤拼盤·呢個我要頒個專業獎俾條泰國腸，食第一口真係好似去咗泰國嘅感覺，泰味非常香濃，真泰式調味！另外牛奶豬肉串燒都是跟足泰國，雞翼亦都好有心思用蛋黃炸，非常惹味鬆脆！呢個拼盤真的棒棒！·泰式無骨海南雞（半隻）·重頭戲來喇！二人份量半隻雞，雞塊大大件啖啖肉，肉質好嫩皮薄帶光澤，配泰式醬汁，爽。店家真係好大方，因為雞真係好大隻！·蒜蓉炒雜蔬·呢個更是出乎意料之外咁好食，蒜蓉炒得非常之香，配左雜菇雜菜，真係無諗到竟然我會淪陷起呢個菜式。·芒果糯米飯配椰子雪糕·藝術性擺盤配以蝶豆花色糯米飯，加埋食用乾花。靚到唔係好捨得食，椰子雪糕同糯米飯好夾，每啖都香噴噴。·泰式奶綠 & 泰式奶茶·味道比想像中輕盈，唔係重甜重膩既感覺。奶泡打得輕軟，甜味剛剛好，一綠一啡，好打卡又好飲！…查看更多

•牛魔王清湯腩咖喱專門店•佢既牛坑腩入口即化，牛味從腩位脂肪滲出，一人份量都極多。唔單止佢哋既牛坑腩咁出名，我同朋友分別叫了咖喱魷魚，咖喱魚蛋，咖喱牛坑腩配印度薄餅。另外再叫左牛坑腩雲吞米線，因為想試下起清湯同咖喱嘅情況下，牛坑腩嘅質素會係點！咖喱汁係自家配製而成，唔係印度辣，係港式辣！所以同玻璃魷魚同魚蛋咁夾喇！但又唔會辣到腫咀既狀態清湯牛坑腩配既雲吞米線，米線真係好跣，滑嘟嘟！雲吞係足料雲吞，同牛坑腩既好夾…查看更多

•栢檔極品海南雞飯•九龍灣淘大商場有間專賣海南雞飯既專門店，CP值非常高，一個單人套餐晚市都只係$60起，而且仲大大份既，有飯有菜有飲品連甜品。全店起碼9成客人都點海南雞飯，我見到有客人仲誇張，一個人叫了半隻雞，再另配油飯！咁激動，我都試吓海雞雞飯…朋友就試滷水元蹄飯。海南雞飯套餐肉係嫩既，即使雞胸位都唔會柴到一絲絲。份量都好多下，件件都好切肉。配既油飯好香，同雞好夾！另外我好驚喜佢起醬汁方面既調製，唔係求其街買質素，係食得出自家製嘅。滷水元蹄套餐骨膠原流失者恩物，啖啖骨膠原！滷得好入味，連肉都變到入口融化，而且份量好多，就算食哂都唔會好滯咁。由於佢哋價錢好親民，所以晚市一般都好爆場，要留意可能要等一下位。…查看更多

•將軍澳OMG Chicken •將軍澳近海皮果邊有間叫OMG Chicken, 一直以為佢係一間專食雞既餐廳。但原來佢係有唔同款式既西餐供應，而且套餐更係平靚正！新西蘭牛眼扒配紫薯蓉百多元一個晚市套餐，佢哋連紫薯蓉都整得特別有心機，絲滑薯濃，紫薯質素高。連配菜都咁好，主菜都唔輸蝕，以呢個價錢俾到呢個質素，都算係CP值高，佢唔係入口即化果種，而係好有肉味，就算唔點醬汁都好正！芝士焗大蝦龍蝦汁海鮮天使意粉首先要讚下佢個龍蝦汁係真龍蝦汁，唔係假罐頭味既，配既大蝦無霉味，啖啖肉。我好少食天使意粉，怕佢太幼煮得唔好就會融到一舊咁。但呢個天使意粉除左無煮到爛之外，竟有爽口既感覺！！即使係點套餐，佢配既湯丫飲品都唔Hea, 佢地既杯好靚，唔知以為自己飲緊特飲，凍飲亦都唔洗加錢既。…查看更多

•香港仔利東CHIMAC•韓國炸雞外賣🥡利東站對出有間韓國炸雞店，地鐵一出右手邊少少就見到。佢有款2人特攻炸雞餐勁低食又好味。2人餐包左10件雞(可以自己選味道), 自選小食, 叫左魚糕串(4串), 炸紫菜卷(4條), 韓式牛肉飯(細碗). 辣炒年糕(細碗), 韓式飲品(2罐)。選左焦糖蜂蜜炸雞同原味炸雞，見到個名都知好食，果然係咸甜咸甜，外皮炸到脆卜卜，令人愈食愈上癮，肉質仲要好嫩滑呢!因為今次係外賣關係，拎到返屋企竟然都咁脆脆既!小食方面，炸紫菜卷內面係滿滿粉絲，索索聲~ 非常建議將魚糕串放入辣炒年糕度一齊食，佢既辣味係同韓國街邊食開既一模一樣。牛肉飯連埋佢特製醬汁都係好夾，同埋牛肉質素唔會太Hea。連埋飲品都係$178，呢個2人餐3個人都夠食。最重要係佢低食得黎係好食，如果你有少少掛住韓國又唔想幾百數買全雞的話，呢個2人餐真心推!絕對可以一解思鄉之情。…查看更多

•紅磡串門子•紅磡有間叫串門子既串燒店，店舖細細，但全晚爆場，要店員不停室外開新檯，氣氛非常熱鬧。佢位置出左黃埔地鐵站都要行5-8分鐘左右，佢爆場既原因係因為佢真係好好味！在場好多客人都叫海鮮類。我地叫左燒生蠔，OMG! 一咬爆汁，蠔味突出，燒到岩岩好。另外亦叫左錫紙焗辣味蒜蓉花甲，入味到不得了，呢個係串門子既招牌菜！當然唔少得燒茄子啦，大大份又多汁！檯檯都叫，唔係講笑。又試左燒芝士年糕，煙煙韌靭，流心芝士好鬼正！娃娃菜同金菇肥牛卷好惹味呢。其實仲好多款菜式仲未試，檯檯都叫到張檯都放唔哂，上班族一邊飲酒傾計食串燒，真係嘆呀！…查看更多

•西環串燒堂•西環新開左間串燒店叫串燒堂，放工同同事去試吓，平日晚上都好爆場，外賣機不停響，所以都幾期待佢既食物質素。試左燒鮑魚同魷魚，火喉拿捏得岩岩好，一啲都唔un又唔腥, 仲好滑嫩多汁，配埋特製醬汁，惹味到不得了。另外叫左燒豬頸肉，雞軟骨雞腎半打雙併，羊肉串同牛肉串。肉類方面同樣出色，無一款係「鞋烚烚」既，全部都整得好入味，雞腎好多地方都容易燒到硬實實，但呢間就竟然燒得好軟彈，非常不錯。店舖好整潔光猛，就算好夜到都好多人，眼見好多大學生同情侶光顧，同時又好多外賣員取外賣，店員都應付自如，上碟速度好迅速，夜遊堅尼地城可以黎呢間餐廳試吓。…查看更多

•尖沙咀泰濃麵•想起尖沙咀食泰國船麵，我一定會介紹樂道既泰濃麵，因為佢既船麵湯底係99%接近泰國味。麵類小食飲品都非常泰式，價錢黎講中中正正，尖沙咀合理價，平日晚上去食都大排長龍。我每次去食都會選安格斯牛肉船麵金邊粉，佢既金邊粉好索汁，牛肉是真的安格斯，係食得出而唔係得個名。佢仲配有炸豬皮起面，完全無豬羶味，湯汁滲透後更是一流！朋友唔好重口味，選左清湯底，話係清湯但都好鮮甜下，豚肉好爽脆，仲大大片，選邊款湯底都會配返泰國魚蛋，蘿蔔，令到個成碗麵都特別豐盛！另外仲叫左份雞翼，真係必食，雞翼大大隻，炸到金黃色，外脆內軟，超juicy，一份4隻，正！叫埋特飲龍眼冰同青檸梳打，成個晚餐完美哂。去開尖沙咀樂道一定會諗起泰濃麵，每次都唔會令你失望！…查看更多

旺角女人街兩邊多左好多新型串燒店，有間叫串燒陣，佢起大廈地下等𨋢位隔離，餐廳既串燒味好吸引人。所以入去試下，整體都幾有水準既，價錢適中唔太貴，可以食多幾串。串燒款叫左燒脆脆香燒賣，羊肉串，燒卜卜魚豆腐，炸年糕，燒牛肉，燒雞中翼。如果食得辣嘅，可以叫中/大辣。再重口味嘅，每檯都有成樽秘製辣粉任加唔嬲。我地叫小辣都好夠味，佢既味道調配好岩香港人口味。每款食物都烹調得剛剛好，惹味之餘又鎖到肉汁，唔會燒到「鞋烚烚」。燒蒜蓉大大茄子，物如其名真係好大大份，平靚正之選。加埋佢既秘製調味，燒到茄子香噴噴，我諗應該就係呢陣味吸引人入嚟試。即使咁大份，2-3分鐘都即刻秒殺左，愈食愈上癮。再試埋錫紙燒麻辣蒜蓉花甲，好大份，成份超過9成9都真係有肉既，唔會只係得個殻。花甲仲非常入味，大大份都只係$58…查看更多

尖沙咀諾士佛台有間叫寢宮既酒吧餐廳，有酒飲之餘，食物質素一樣咁出色，有去過酒吧都知酒吧提供嘅食物通常都好咸，因為想你飲多啲酒解渴呀嘛。而寢宮嘅食物質素非常令人驚喜，首先一定唔會爆鹹先！食野前叫左杯寢宮Signature - CARNIVAL 好岩唔想淨係得酒精味飲料既朋友，甜醉甜醉！一路飲傾下計，冰又溶下，好似飲極都仲有咁。見到Bartender 好俾心機整，加分！打卡必叫啦！小食就叫左嘅炸雞翼，避風塘魷魚鬚同黑松露薯條。小食睇個名好似簡簡單單，但食落非常Juicy。薯條好大份，食極都食唔完！就算時間放耐左，薯條仍然咁香脆。魷魚鬚好惹味爽彈，多汁得黎唔會淋哂。主食最令我驚喜，諗住簡單叫個Classic Carbonara 。點知，Woww! 估佢唔到煮得咁好，個意粉條條分明，每條都掛哂醬汁，煙韌度啱啱好。味道濃郁得黎，一啲都無膩既感覺，連咁簡單既菜式都咁俾心機，真係值得一讚！其實餐廳仲有好多特色食物同特式酒類，食多幾次都未必食得哂全部款式，但總括依然，食物質素，飲料質素都合格有餘，下次再同一大班朋友飲酒食飯傾偈，寢宮都係一個諾士佛台唔錯嘅選擇！…查看更多

新都城3期近來多咗好多靚靚餐廳，呢間除左餐廳既裝修連個名都好吸引眼球。YOLO 就咁睇無咩特別，但原來佢係解You only live once ! 即是要我人一世食物一世，點都要食下。開初俾佢既外觀裝修嚇倒，以為係高級餐廳，但原來價錢極親民。一個2人晚餐$238，包小食拼盤，主菜2款，2杯特飲，是日餐湯沙律，仲要係好食。Hawaiian Pizza材料簡單，但要同時整得好好食都唔容易，即叫即製，芝士濃郁，菠蘿香甜多汁，焗到芝士黃金焦香。厚料薄皮，女仔食多塊都仲有大把quota。意式肉腸磨菇蕃茄意大利粉蕃茄係新鮮熱辣打出來既醬，醬汁好掛意粉。意粉既質地係爽彈爽彈，又一簡單而難精既菜式。小食拼盤有韓式雞翼同炸飯團波波，好有特式，食食下意式又帶點韓式。估唔到～～味道好多層次，唔錯丫因為本身唔知小食拼盤有雞翼，另外叫多個炸雞翼配荔枝醬。咁樣聽落，咁既配搭好似幾伏，但竟然係好味既？！炸雞翼炸到好鬆脆，仲要多汁既，配埋特製既荔枝醬，咬落又會突然好清香撲鼻，絕對必試呢款。最後飲埋佢既檸檬特飲，佢係偏酸唔太甜，等你愈食愈開胃。…查看更多

難得去東涌東薈城，見到呢間超人氣韓國餐廳，佢係以LULU豬做主題，真係可愛到不行不行，所以佢無論幾多點都咁多人。佢每款食物同甜品都非常高質，有姿勢有實際，碟碟都超大份，完全係跟足韓國傳統，而且上菜速度仲好快。一黎叫左焦糖脆脆觧奶咖啡同士多啤梨觧奶咖啡，夠哂冰凍，好岩我口味，香香甜甜。第一樣到既食物己經令我好驚喜，燉牛肋骨蛋包飯，真係無叫錯，燉牛肋骨入味到癩，好軟嫩，個流心蛋包飯一D都唔Hea，蛋汁香到呢~真係好好食。之後同一時間打2個大佬，蜜糖炸雞同部隊鍋拉麵，真係不得了。比我想像中大份好多，炸雞好滑，完全係韓國水準。如果你係好懷念韓國X村既炸雞，呢間Banchan & Cook絕對唔會令你失望，佢既調味鹹甜適中，炸粉好薄，一咬落去就是juicy 的雞，食過好多韓國炸雞都唔係咁易搵到真係好食既。部隊鍋正常發揮，不過建議一定要食部隊鍋先，我就係太沈醉狂食炸雞，搞到麵有點放涼左，但都仲係辣勁十足。到左尾聲，雜莓牛角包窩夫甜品，以為主題餐廳甜品只係得個靚字，點知又幾好食啵，都係簡簡單單材料，但非常新觧。仲好夾咁配左生忌廉，同平時配開雪糕既又有另一番風味。…查看更多