KatyBB囡的个人专页

之前係青衣街坊平台見到有人講138任食雞煲，勁平，就去試一試，仲要係5點半食到10點，可以慢慢嘆叫咗濃湯雲吞鮮雞煲，認真個雲吞麻麻哋，但係雞煲好有藥材嘅味道，我好似食緊藥膳雞煲咁，我自己本身都好鍾意藥膳雞煲，所以覺得呢個湯係好好食，好濃郁。有啲款式要落單，有啲就要出去拎我好早5點半就到，可能啱啱開始，人手未夠啦，我落咗兩次單都冇食物嚟，到6點幾7點開始咗多人入座，啲職員就好似熱晒身咁，就冇漏單，總括係入咗第三次單先嚟齊啲嘢食，好彩係可以出去攞嘢食食住先其實佢飲品都多元化嘅，但係對一個戒糖嘅人嚟講，係連一杯茶都冇囉，問啲職員，佢答我138冇茶飲㗎，我都係想飲盒無糖嘅紙包茶啫，不過職員都好好，喺廚房拎咗罐無糖可樂俾我，如果呢度改善下就好總括嚟講，呢度做街坊生意，138全包宴，由5:30食到10點，食物又多元化，除咗個雲吞之外，其他食物都冇任何意見，都算好食，會再幫襯👍…查看更多

之前一直食開校長燒肉放題都係一直以高性價比取勝，所以間唔中都會約三五知己出嚟飯聚都會選擇校長燒肉，多元化多種類燒肉、火鍋、壽司、刺身任君選擇今次就冇約三五知己啦，只係2個人拍下拖去食下，點知今次一入場有新發現就係升級$298價錢全部高質燒肉、生蠔刺身、生啤、movenpick雪糕任飲任食驚喜位一 : 美國頂級安格斯牛肉、A4北海道黑毛和牛、北海道豚腩全部任叫，我開頭以為得一round，點知係可以任叫😍果然係高質靚肉，油脂分布均勻，入口溶化，咀嚼間，竟分不清是肉化作了汁，還是汁凝聚為肉。驚喜位二 : 竟然生蠔都可以任食，以我食過咁多次咁多間校長燒肉，係從來冇聽過有生蠔食，有生蠔食已經回本了入口時，初時是海水的咸，繼而清甜，最後竟有一絲奶香在舌根處徘徊，擠上檸檬汁，酸味刺破蠔肉的肥膩，鮮味反而更鮮明瞭。配酒是必要的，酒精衝刷過口腔，將殘留的金屬感和海洋氣息一並捲走，只留下回甘。驚喜位三 ：講起食生蠔配酒真係唔少得，除咗生啤任飲外，仲有升級酒精飲料同特飲，見到有杯蘋果酒草莓芒果沙冰個圖勁靚，即刻點咗，用嚟打卡呃like一流沙冰既有水果的天然清甜，又有蘋果酒帶來的微醺氛圍感，酸甜平衡得恰到好處，酒精度不高，即使不太能喝酒的人也能輕鬆接受，是一款兼具清爽與風味的夏日限定美酒。驚喜位四 : 升級炸物，有吉列炸蠔、芝麻雞翼、芝士年糕、雞皮餃子全部都即叫即炸，好新鮮驚喜位五 : 任飲任食三小時，呢點都係好重要，可以慢慢享受，不用趕頭趕命，真係同三五知己聚會有排傾講完五點驚喜位真係回本必食，不過平時普通版都一樣唔錯，真係多元化燒肉類牛肉：牛五花、牛肋條、牛小排、牛仔骨 豬肉：豬五花、蜜汁豚肉、蒜香豬頸肉 雞肉：雞翼、雞軟骨、照燒雞腿肉 醃製肉類：韓式辣醬牛肉、蜜汁叉燒豚肉 火鍋類可選 : 清湯/麻辣/壽喜燒湯底配料：肥牛、蔬菜、丸類、烏冬等 海鮮 & 其他海鮮 : 多春魚、魷魚、壽司、刺身蔬菜：生菜 、蕃茄、金針菇、粟米等熟食：香骨雞、餃子、明火粥、老火湯、點心等甜品 & 飲品甜品 : 軟雪糕、豆腐花、啫喱 、奶凍飲品 : 自助飲品吧（汽水、花茶） …查看更多

位於旺角街頭的「好燒式串燒專門店」，以地道的串燒和創意料理吸引了不少食客。這次的用餐體驗充滿驚喜，從經典的鹽燒牛舌芯到創意的白汁芝士燒蠔，每一道菜都展現了店家的用心與巧思。 1. 鹽燒牛舌芯：牛舌芯烤得恰到好處，外層微焦，內裡軟嫩多汁，鹽燒的調味簡單卻能帶出牛舌的鮮美。 2. 頂級安格斯牛小排 : 肉質細嫩，油脂分布均勻，燒烤後的肉汁鎖在裡面，每一口都充滿牛油的香氣撲鼻，是肉食愛好者的首選，性價比極高。 3. 牛油燒開邊大花蝦：大花蝦新鮮彈牙，牛油的香氣與蝦的鮮甜完美結合，令人回味無窮。 4. 白汁芝士燒蠔：創意十足的一道菜，芝士的濃郁與白汁的滑順搭配得宜，口感豐富。 5. 雞軟骨 : 脆口有嚼勁，燒烤後帶微微焦香，簡單撒上鹽和胡椒已非常惹味，是佐酒的首選。 6. 燒雞胸軟骨串 : 雞胸軟骨比一般雞軟骨更厚實，口感爽脆，搭配店家特製的醬汁燒烤，甜鹹交織，層次豐富。7. 雞腎串 : 雞腎處理得乾淨無腥味，烤得外脆內嫩，咬下去帶有彈性，喜歡內臟的朋友一定不能錯過。8. 魷魚鬚 : 新鮮彈牙，燒烤後外皮微脆，內裡保持柔軟，搭配蒜蓉或辣粉更添風味，海鮮愛好者必點。 9.陰公豬 : 豬頸肉油脂分布均勻，烤得焦香，肉質爽脆不膩，沾上酸辣醬更開胃。10. 炸池魚 : 外皮炸得金黃酥脆，魚肉鮮嫩多汁，連骨頭都可以吃，適合喜歡香口小食的人。飲品選擇 Hoggarden Peach：帶有蜜桃香氣的啤酒，清爽解膩，非常適合搭配串燒。 百香果啤酒：果香濃郁，酸甜平衡，為這頓餐點增添了一絲熱帶風情。 整體評價 「好燒式」的串燒價格親民，品質卻毫不馬虎。整體性價比高。服務方面，出餐速度合理，適合朋友聚餐或宵夜小酌。 推薦指數：★★★★☆（4/5） 一間值得回訪的串燒小店，下次來旺角，不妨試試這份街頭的美味！ …查看更多

荃灣抵食大排檔風味，楚撚記鑊氣小炒驚喜，最近喺荃灣覓食，試咗呢間人氣爆棚嘅「楚撚記」，裝修走懷舊大排檔路線，霓虹燈牌同摺枱膠凳夠晒地道，食物份量同鑊氣都令人滿意！座無虛席楚撚記炸大腸
外皮脆到咔嚓聲，內裡保留油脂香，蘸埋甜酸醬完全唔膩，送啤酒一流！豉椒炒鵝腸鑊氣爆炸嘅邪惡美味，鵝腸處理得乾淨冇異味，口感超爽脆，仲帶少少韌勁，證明火候掌握得非常好！蜜椒薯仔牛柳粒
薯仔外脆內綿，吸晒黑椒香氣，牛柳粒嫩滑唔黐牙，鑊氣十足！
楚撚記豬油撈飯熱辣辣嘅白飯撞上融化中嘅豬油，撈勻時聽到「滋滋聲」豬油慢慢滲透每粒飯，閃住油光嘅米飯入口瞬間爆發濃郁脂香，再灑上蔥花，罪惡感同幸福感同步飆升！餐廳的霓虹燈管和裝潢設計猶如身處60年代大排檔的風味，感覺時光倒流五十年，晚市座無虛席，好有氣氛！人均$150-200，性價比高，鑊氣小炒有驚喜，適合一班人飲啤酒吹水！記得試吓佢哋自家製樽仔奶茶，茶濃奶滑，最後嚟碗糖水完美作結！…查看更多

有日同朋友閒談中得知觀塘<<校長燒肉>>而家做緊3小時任飲任食燒肉放題，仲有生啤無限任飲🍺講到呢度朋友們就異口同聲即刻話要去飲返晚，好好一聚入座後職員為每位食客奉送一份牛肩胛肉，肉汁鮮嫩多汁👍場內有大量飲品、熟食、肉類、火鍋類、沙律前菜類、刺身壽司類、點心類、甜品類種類多不勝數，絕無欺場🥤飲品種類繁多，唔同一般放題，連波子汽水、魷魚遊戲的新穎飲品，意想不到竟然在這裏都會出現🐷🐮🐥🐟🐏 肉類品種繁多，每款肉類也有不同部位、不同醃料的選擇，種類真是多不勝數。韓式豬五花、韓式魚柳、韓式雞翼都非常美味，還有各式肥牛、羊肉、雞肉、雞腎一口豚，台灣腸、豬頸肉、多春魚、金沙骨等，肉質不錯，食落十分惹味。🐟🦑🦐刺身多款新鮮刺身供應，三文魚、吞拿魚、希靈魚、蟹肉棒、玉子、八爪魚、魷魚片、馬刀貝、榮螺片、赤蝦、甜蝦、虎蝦，鮮味十足，食材上乘。🍣壽司多款精美壽司，琳琅滿目，色彩繽紛🧆點心多款點心如燒賣、馬拉糕、牛肉球、桂花糕、小籠包、鳳爪排骨、潮州粉果等，特別是奶皇包，兔仔造型很可愛，見到都忍不住要打卡🍧🍨🍮甜品有啫喱、布甸、紅豆、涼粉、雪糕、雪條🤰🏻🤰🏻🫄🏻🫃🏻🤰🏻🫄🏻🫃🏻個個食到攬住個肚離開😂好滿足的一晚，下次要再來一聚🍻…查看更多

今日去開銅鑼灣玩Handmade 工作坊，順便行下街食下嘢，行到希慎廣場見到有間Cooley Oysters ® The FineRestaurant一間專食生蠔嘅餐廳，Wow😍啱哂我啲蠔迷，二話不說即刻gogogo🦪生蠔生蠔都是深海水產養殖，分別是45及54個月育成，兩者都十分鮮美，獨特的甜美與微妙的鹹味和諧融合，蠔身飽滿，入口鮮甜，層次豐富，吃後口內蘊藏着一陣鮮甜蠔的味道，高質嘅生蠔簡直齒頰留香🍝香煎帶子配三文魚籽及海膽醬意大利粉意粉絕對係驚喜之作，帶子煎得外脆內嫩，鮮味十足，三文魚籽爆炸口感和鹹鮮味同埋海膽醬嘅濃郁完美融合，味道層次非常豐富🍽️🥩香煎頂級肉眼牛扒配薯角伴紅酒牛仔汁8oz+香煎頂級紐西蘭肉眼牛排煎得外焦內嫩，肉質鮮美！Medium Well 的熟度剛剛好，保留了肉汁的鮮嫩。配搭薯仔亦非常香脆，提升整體味道層次，另外驚喜位就是蒜頭，配合肉眼扒簡直為食物增添一種獨特的香氣和味道是完美組合，回味無窮…查看更多

由舊鋪食到新鋪舊鋪要食就要《早》，賣哂就收工難得而家新鋪開到8:30pm，可以慢慢嚟食都得🍜拉麵韌性同口感都恰到好處🐷慢煮叉燒係入口即溶嘅感覺🍲元貝湯底非常鮮甜 味道濃郁🥚溏心蛋略帶流心 蛋香味十足由於只有老闆同老闆娘親自主理，所以想食好嘢就要早啲去排隊啦🚶🏻‍♂️🚶🏻‍♂️🚶🏻‍♀️🚶🏻‍♂️🚶🏻‍♀️🚶🏻‍♀️…查看更多

今日同朋友去旺角行完街，順便買埋飯返屋企食近近地係地鐵站附近買完直接搭港鐵返屋企食！其實以food court嚟講呢度算好靚同特別兜咗個圈都唔知食乜好，但唯獨見到呢間schoolfood逼滿哂人，羊群效應下就決定食呢間啦🤪餐牌韓式紫菜包飯種類多元化，我點咗出面比較少有嘅墨汁魷魚紫菜包飯同韓式烤豬肉紫菜包飯推介墨汁魷魚👍因為真係好好食，食完好快就急不及待食第二件韓式烤豬肉同酸黃瓜好夾，黃瓜解了豬肉的油膩感原味炸雞，雖然外賣，返屋企後用氣炸鍋整返香脆，依然keep到肉質嫩滑充滿肉汁芝士韓式烤豬肉炒飯😋😋😋👍👍👍呢個炒飯真係好好食，配料又多重點係個炒飯汁好香，令到成個飯升華咗魚糕湯，唔重味精，配料多👍外賣包裝得好穩陣，點拎都唔會倒瀉外賣都keep到味道，堂食應該超正…查看更多

垃圾垃圾垃圾...想食垃圾就幫襯啦真係從未試過食間餐廳咁不滿係極度不滿首先入餐廳前要在門外排隊等候一輪，誰知入到去間餐廳原來只是坐了一半，完全唔係滿座，門外排隊只是虛張聲勢，羊群效應下令到更多人排隊，這生意策略真是不得了落單的時間是1455，係2點55分，請留意時間等咗24分鐘只是嚟咗3杯飲品和三文治同侍應講都係話同廚房講咗要我再等再重複一次，成間鋪係唔滿，只是坐咗一半人如果坐滿人又係繁忙時間我唔介意等待等咗半個鐘終於都等到一塊西多士懶靚咁整個心形牛油把鬼咩食物質素差，整到個賣相幾靚都冇用啦金玉其外 敗絮其中點解咁講，炸足30分鐘嘅西多士肯定會熱辣辣㗎啦，點知係凍㗎，食完成個西多嚿牛油都仲未溶到，可想而知個西多係凍到點，係咪個特色係凍西多，所以要雪30分鐘先上到枱呢？1455落單，1529終於等到個豬扒飯嚟啦可能隻豬未劏，所以要等佢劏埋隻豬先煮到，唔係真係諗唔到點解要等咁耐足足等咗34分鐘，以為個豬扒飯有乜咁特別要煮成34分鐘，原來又係不外如是唔知以為自己食緊法國菜要等咁耐煮足34分鐘嘅豬扒鞋到呢。。。。垃圾都不如食垃圾都要等34分鐘食垃圾已經食到一肚氣，重點嚟啦，以下絕對冇抹黑成份，全是事實由於今晚返夜晚，今餐只是第一餐，全日冇食過其他食物，到夜晚7點個肚開始搞肚痛，隨即就肚痾，痾咗幾次先痾得清，全晚已經冇胃口再食嘢啦！我真心有懷疑過我催佢單時有加料落去，如果唔係我真係諗唔到我全日只食過佢就痾到咁除咗想食垃圾幫襯佢，減肥都係一個唔錯嘅選擇，包保痾到清一清…查看更多

疫情關係，又限聚令影響好耐好耐好耐冇飲過茶啦無啦啦飲茶癮起，勁想去飲茶再加上帶埋屋企個小寶貝去小朋友一向都唔鍾意飲茶嘅就比我揾到間超啱小朋友去嘅茶樓勁正囉，小朋友超鍾意，食嘢時投入好多我就可以慢慢享受我嘅美食啦一入到去已經見到大量嘅打卡位，難怪可以吸引到大人同小朋友啲餐具好靚呀，全部都印哂B.Duck圖案餐牌，原來除咗飲茶食點心外，仲有車仔麵食流沙奶皇包，印有B.Duck樣子，太可愛啦，流沙包甜而不膩，包子餡料勁多，咬一下已經噴晒啲流沙出嚟蝦餃晶瑩剔透，驚喜位印有B.Duck的樣子，真心唔捨得食，蝦肉爽口彈牙，完全係皮薄餡靚凹凹凸凸的燒賣表面都印上圖案，果然利害肉質鮮嫩彈牙馬拉糕小朋友欽點的食返兒時的味道，難怪小朋友喜愛呢個真係要推介下「三寶臘味飯」三寶有臘腸、臘鴨、臘肉仲配上一些青瓜、黃蘿蔔比較特別重點係啱啱天氣開始轉涼，食完即刻暖晒胃除咗環境打卡一流，食物都可以影一餐絕對係睇得又食得…查看更多

之前親戚傾開計介紹過呢間食沾麵嘅鋪頭咁啱今日行開荃灣就去試下鋪頭我數過只得20個坐位，坐到逼逼咁同埋個個都係拎住袋、孭住背囊咁去食，因為真係逼到想揾個地方放隨身物品都沒有😅但環境入去比人感覺係好似去咗日本咁嘅得3款沾麵選擇如果有得配下一些前菜或小食選擇就好了唯一美中不足種類太少，只得麵食醬料有檸檬醋、香蒜、辣椒醬我沒有加嚟食，因為想試原汁原味嘅湯底魚介豚骨沾麵湯底好香魚湯+麵豉湯味食落甜甜的，好食嘅黑蒜油豚骨沾麵好香濃黑蒜油，食落係濃過魚介湯不過成個湯都比荀味搶過哂睇下本身鍾唔鍾意食荀，如果鍾意嘅都可以接受最有驚喜就係湯裏面有隻日式温泉蛋滑滑的食完職員會加啲木魚湯加咗木魚湯去品嘗又有另一番味道比我感覺鋪頭好有誠意去做但始終我都會因為佢選擇少同地方逼而唔會再嚟，食一次就夠，地方逼冇計，但選擇少真係好難會返轉頭，但講真，佢魚介湯真係好食嘅😉…查看更多

今日放工經過，一直已經想買嚟食平時係永遠都好多人排隊，真係唔想排今日出奇地冇人排隊，原來係其他味道太好賣，賣哂嘅關係原來冇人排隊先比我睇清地下有個logo投影，平時真係人多到睇唔到🤣咁就啱哂我唔想排隊嘅人，就買咗原味返屋企食😋個包裝唔同其他鋪頭得個紙盒佢另外加咗個膠袋我覺得呢樣好貼心一嚟易拎啲二嚟蛋糕熱辣辣新鮮好多熱氣谷上嚟有個膠袋係手隔一隔都好啲三嚟，最最最重要，而家疫情咁嚴重，比我感覺有個袋包住都衛生啲，話哂買完都要經過街上一段時間先可以返到屋企㗎嘛人氣高企係有原因，蛋糕食落鬆化，口感綿密，而且好有蛋香，可以話較實心的台式海綿蛋糕我食唔哂放咗落雪櫃第二晚凍食，仲係好香濃嘅蛋香原來凍食都同樣好食😋簡單一個古早蛋糕，食到台灣的味道，令人滿足下疫情冇得去台灣的日子😌…查看更多

今日出開太子，又周圍揾下食先熱死辣辣見到間越南嘢，啱哂一嚟食越南嘢因為鍾意食撈檬冇咁熱二嚟又夠開胃啱哂而家嘅天氣入到去睇下餐牌發覺好多新派嘅越南菜好少越南餐廳會見到例如:法式咖喱牛肋撈檬、越式魚翅花膠雞湯河真係比較新派、比較特別👍餐廳環境枱面有多款醬料比起其他越南餐廳都算多選擇自助飲水機餐飲嚟到咸檸梳打:夠潤喉青檸梳打:清甜開胃，越飲越想飲三色冰:椰奶味道好香意大利黑醋汁蒜蓉牛油雞翼平時越南嘢都係就咁蒜蓉牛油雞翼呢度竟然落埋黑醋汁，我食沙律都好鍾意呢個汁㗎，估唔到配上雞翼又另一食法黑醋嘅香味帶起咗蒜蓉牛油嘅味道，更加惹味😋手作挪威煙三文魚米紙卷好少食到米紙卷用上煙三文魚但原來出奇地夾呢個真心好食火五生牛肉粉湯底濃郁、牛肉嫩滑還配上大量香料配菜，正呢個係下午茶份量，勁大碗越式炸蝦春卷撈檬撈檬個汁應該自己調較，因為同平時食開嘅唔同呢個汁比較重魚露味，好香檬粉比較索汁，但索完啲汁又冇發脹，我幾鍾意佢個粉，唔錯…查看更多

因為疫情下好耐都冇出街食好西啦難得今日可以鬆一鬆出街，當然要去食返餐啦我一直都食開荃灣分店，因為我真係好鍾意食校長，又平又多款式種類選擇，但元朗我第一次食，係因為難得出街，我又對校長有情意結，所以入到元朗都一樣去食校長一入去就見到好大隻iron man，好吸睛上到去就好似去咗北韓咁🤣長長的走廊，可想而知食物種類繁多壽司刺身類剌身好新鮮肥美，尤其三文魚榮螺香甜到有少少酒香味，正雖然每次只可以拎三款，但每款個量都好多👍前菜沙律類淨係前菜都咁多款推介:醃製酸蘿蔔，好開胃熟食類葡撻好好食🤣比人拎淨2個🤣不過好快已經添置返推介:碗仔翅，好食過街邊添火鍋燒烤類由於疫情關係，全部食物都有蓋遮住，好安全👍雖然影唔到啲咩相，但真係好多款式淨係雞軟骨都有3款口味🤣唔知點解我好鍾意食校長啲肉，可能因為佢所有肉嘅肉質都好嫩滑，醃料味道又好味意想不到竟然有蒸點心類平時茶樓食一籠點心都唔平呢度食幾籠已經回本啦🤣飲品類發覺影漏咗個飲品櫃同沖茶位😅甜品類超超超多款冇可能樣樣都食得哂，但樣樣都想食😭有冰菠蘿、冰西瓜、冰水蜜桃夏日炎炎食呢啲好涼快好消暑…查看更多

睇openrice食評，個個都有講另一檔阿婆豆腐花，好壞參半，所以決定唔食，幫襯另一間行完山經過見到呢間輝記佢標明用柴火煮嘅豆腐花咁就試下啦行山行到熱熱地，叫咗2碗凍嘅豆腐花點知一上枱，2碗都係熱嘅算啦，照食豆腐花真係好香柴火味但冇乜特別因為豆腐花唔香、唔滑仲有好重石膏粉我係度質疑緊我夠竟食緊乜❓另外個價錢佢手寫豆腐花$1x個x係完全睇唔到幾錢到我返屋企再睇返近期嘅其他食評我睇到嘅係有好多唔同嘅價錢我覺得佢寫得咁檬係有少少海鮮價嘅嫌疑🤔…查看更多