lovefoodking的个人专页

之前見都幾多人食呢間，所以去買左幾樣野來試，的今次試左菠蘿蛋糕、3種曲奇同埋蛋糕仔。菠蘿蛋糕雖然唔係我地一般食開果種，佢係比較鬆軟的，表面也應該沒再塗多一層糖，所以買的時候要知道呢個同食開的果種唔同，各有各好食，不過我個人就鍾意硬身少少果種～至於曲奇我就買左 number 1 的朱古力曲奇，同咖啡合桃，同埋芝麻夏威夷果仁， no.1 果然係no.1 的確係食完想再買，佢地的曲奇係比較鬆那種，而果d朱古力就剛好補償到曲奇鬆可能會比較亁的問題，唔算太甜，係幾值得一試，另外兩款就都好鬆化，我就覺得芝麻味好d, 較香，整體來講唔太重牛油，食完都唔會好有負擔咁，不錯，不過就有少少乾～…查看更多

次前都耐唔耐就會來呢到食下晚飯，今次就來左食下午茶⋯叫左個炸魚柳沙律下午茶⋯$41但個結果竟然得半條魚⋯而大家都可以對比到個樽蓋，大約得6個樽蓋大小⋯41蚊真心點會夠食，都唔合比例，相比其他只是貴多10蚊左右的差，好似差太遠了吧⋯最少都一條⋯沙律佢的份晒都只是一個中小型雪糕球⋯即係同差不多價錢的炸雞髀餐，你都唔會只比一半人吧⋯⋯同預期有落差就自然會覺得被騙⋯⋯下次點都唔會食呢d了⋯而且當天職員態勢都一般⋯希望餐廳可以留意下。…查看更多

好耐冇來過呢到食野啦，睇番原來4年前來過呢到食野，好記得果時食的野食真係好好食～今日經過附近，終於又有機會幫襯下！同好耐以前一樣，佢地仲keep住有music live ~ 每星期六的7:30 可惜我每次都冇咩緣份，只好睇住老闆錄低的重播先😂好期待，今次我叫了法式羊架～$138就有個套餐～以今時今日的物價⋯真係算係咁了～到啦到啦！呢個羊架係配燒汁同薄荷醬～感覺好清新，我到現在都好鍾意佢個薯蓉，好軟滑。至於個羊架⋯！真係好正🤣唔韌～好易咬開，又夠淋～仲要好多肉汁咁！真係有圖有真相😂yummy🫶🏻期待呢間餐廳有新作品…查看更多

有時出街都好想食下菜，但有些餐廳叫多個清菜都好難，一係就好貴，一係就份量唔夠⋯呢到我都覺得算係咁上下，最少$16蚊都比到一碟你，而唔係只係得幾條～份量充足～對於需要平衡飲食的我來說，係個幾好的選擇咁當然主食佢地味道都唔差～就好似我今日叫個西西里蝦意大利粉～份量夠之餘又幾好味～濃郁的茄汁香草加黑椒味～意粉剛好彈牙，又唔太淋太硬，所以個人來說都幾岩平日都去食咁～呢餐一共是$78加上地方坐落都舒服唔迫，真係值得一讚…查看更多

今日放假入元朗睇下有咩岩食，見到呢間小店雖然店面小小的，但都滿晒座咁@@！所以就入來試下啦～見到唔少人都食緊店家推薦的蛋包咖喱雞扒飯，就緊係都叫埋一份老實講外表真係幾唔錯～食落就好滑溜～唔會太乾！仲有d咖喱汁有薯仔同蘿蔔配料，味道都濃郁,雞扒炸得外表夠乾身，入面就仲有肉汁咁～我個人就好鍾意食～另外仲叫左個all day breakfast ~夠晒份量～牛角包皮脆內軟熟，超滑滑蛋～其他就仲有腸仔、煙肉等等，整體來說不錯啦夏日炎炎緊係叫番杯凍飲💓顏色又幾靚…查看更多

最近係深水埗見到有間烤魚新開幕～所以就即刻入去試下先！$288 一份烤魚，同出面好似差不多～但條魚就好大條！仲大過個鍋！同好厚肉，冇乜骨，肉質仲好滑！我地叫左個酸菜味就覺得好惹味啦！本身以為唔夠食仲叫多左份蔬菜🥬～差點食唔晒，其實兩個人叫一份魚都夠多同飽～不過想盡興d就叫多左個小食～鬼馬雙拼～超級脆入面又有墨魚肉～好正食到咁上下緊係想叫番枝氣水！呢到係玻璃樽裝、夠晒氣！呢餐總括來說真係不錯～位置夠闊，唔會迫迫夾夾咁～好舒服…查看更多

喺香港疫情仲未去到好嚴峻嘅時候去咗九龍城食餐好啲嘅晚餐，就當慶祝生日，咪之後有排都無得出去食！一入到去，店員都好有禮貌咁帶我哋入去坐低，仲要間鋪好有心思整咗個好靚嘅信封用嚟放口罩😍為咗慶祝生日，當然就要叫啲貴嘢嚟食啦，叫咗個龍蝦兩食；有半生熟嘅明太子龍蝦肉同粥或湯上嘅龍蝦湯。首先講一講個半生熟先，佢配合埋啲海膽真係絕配呀，又唔會蓋過本身新鮮龍蝦味，仲可以燒到鎖住肉汁，真係好難停到口，又爽又多汁🤤🤤之後到個湯，店員話可以一碗粥一碗湯咁，咁就試吓有乜分別，咁其實個分別都幾大，我就覺得配埋粥好食啲，因為本身龍蝦湯都比較濃味，有啲粥溝一溝淡少少分擔吓會比較優秀！真係會又食又飲哂成碗龍蝦湯粥，上面仲浸住咗半隻龍蝦，仲唔係又食又「拎」！我個人都比較推介去試吓，都唔係度度有得咁食😎仲有叫多咗樣水母刺身試吓，原來係幾好食，爽爽地，好食過海蜇，仲多啲咬感，又係食唔停口嘅小食🤤🤤講起都想食多次！…查看更多

有一次經過尖沙咀其中一條街想行去紅磡火車站，點知見到有間串燒店，就決定下次一定要嚟試吓佢。咁轉眼間就到咗呢一日，雖然唔大間但係都有幾個位坐低堂食，仲有佢袛係開夜晚。咁我就坐低食，因太肚餓了！都諗咗陣就叫咗好幾樣：雞泡魚乾、燒茄子、鹽燒牛脷，燒鱔柳。全部等咗陣佢就整好了，首先嚟咗雞泡魚乾先，原來真係雞泡魚嚟，再用味醂方式去燒烤佢，真係幾特別！仲要幾好食😋呢樣食過番尋味；之後就嚟咗兩件牛脷，嘩！好厚呀塊脷，好少出去食牛脷會咁厚上碟，加上用咗鹽去燒佢，所以更加出汁！值得再試吓呢樣；再嚟就係燒鱔柳，呢樣佢反而無特別推介，但係我好鍾意食鱔嘅，所以唔會放過！點不知無叫錯仲想叫多幾份！起多汁又厚肉，仲好香又入味，無腥味重鹽味，又可以保持住鱔嘅味道！！！我勁鍾意食呢樣👍🏻最後就到燒茄子，佢唔係就咁一般咁樣去燒，而係灘開佢再加蒜茸同鹽去燒佢，所以十分好食，當食吓菜咁。另外仲有手撕雞芝士烏冬，同其他串燒，同燒雞扒，如果係外賣番屋企配啤酒就真係不得了的配搭！手撕雞好夠辣，配上芝士烏冬岩岩好，可以中和少少的辣味又唔會好咸～…查看更多

喺呢一兩年香港人無得周圍隨心所慾咁去旅行，唯有就喺香港入面周圍搵一啲樂趣又或者尋找吓邊度有好嘢食，真係番工都番到悶啦。所以今次就係行咗去搵食呢條路先，估唔到喺條街會有間咁正嘅樓上食肆，雖然今晚我帶嘅人嚟唔夠多，就係叫咗兩樣嘢都夠哂數，分別有鱘魚黑魚子煙三文魚他他同海神比薩。首先講吓個他他先，我就真係呢世人第一次鱘魚魚子嘅，又真係估唔到幾好食，唔怪得要咁貴先得少少，加上又真係幾稀有! 最面有幾塊金箔，配合魚子咁就一流，高貴又優雅；下面就有啲紅菜頭加三文魚比想像仲要夾好多，本身唔太好紅菜頭，因為好似點整都唔好食咁，但係呢間餐廳令我改觀咗，帶返我上嚟，佢可以整到唔會硬硬地嗰種仲要係軟嘅，真係食過番尋味。到主角都好快上枱喇，佢自家品牌嘅比薩，本人真係極之鍾意食比薩嘅，所以又點可以放過佢呢! 咁大細無得揀嘅，價錢同其他大牌子差唔多，但係味道都好食過人哋，值得選擇呀! 佢個比薩邊邊位唔會整得好大嚿，唔會搞到好飽，反而飽在喺番個比薩配料上，有帶子、大蝦、八爪魚同芝士。我唔太鍾意比薩嘅芝士比例太多嘅，咁海神又做到我想要嘅，又好多蝦啦帶子啦，所以相當滿足到我嘅需求呀!!!…查看更多

星期六放咗工之後當然都要去食個晏先啦，可以順便出去行街嘛，行到攰咪返家咯！點之好少走去尖東嗰邊就發現到有間鋪個位都算神秘，又少人行呢邊，但係就好有氣氛喇！無論外內都有種魔力帶你走入去坐低咁！咁兩個人，一人叫一份，再分享各有嘅午餐。咁就叫咗一份係全日早餐，仲要係西班牙式添；另一份就俾個酸種麵包加煙三文魚吸引住。落完單等一陣就有餐湯飲吓，因為個主菜都要用心製作，所以等耐啲，唯有慢慢享受吓個湯先，都唔差喎！係蘑菇湯嚟，唔太濃又唔太油膩；到之後個酸種包同煙三文魚，好似去咗酒店食個靚自助餐咁，三文魚好香口，麵包好入口。全日早餐就食得多，不過咁嘅配搭就第一次喇！有好味嘅蛋餅，加個好多汁嘅大啡菇，再嚟幾嚿好軟熟嘅薯仔，仲有個唔同食法嘅酸種麵包，一次過滿足你三個願望咁，唔好忘記仲有兩條唔同類型嘅早餐西班牙腸仔，比起平時食開嘅，佢更加有味同少脂肪呀！如果有機會，一定會再試多次佢個豐富午餐。最後就試多兩款甜品，我同佢都係甜品愛好者嚟，唔可以放過啊。有西班牙油條同呢個焦糖奶凍，佢個奶凍最神奇係個面啲焦糖整得好厚，上熱下凍，意外地驚喜！而另一款嘅油條，差啲以為同中式一樣，點之好似啲肉桂條咁，不過佢就外面加糖，入面好鬆脆，又係一個好特別食物。…查看更多

今日放工就走咗嚟荃灣行街，順便有啲嘢要去買，咁就順道拍吓拖咁啦。行咗陣就梗係要去食嘢啦，我亦都知道荃灣星期幾都咁多人出去食嘢，咁就嗱嗱聲上去拎定位先。咁就揀咗間放題嚟食，因為之前都食過呢間，咁當然揀番啲有信心保證嘅品牌啦。而家佢都轉咗用網上版去嗌嘢食，咁方便好多！！又環保，唔洗晒左d紙，同冇乜漏單咁，等咗無耐啲嘢食都好快就上咗枱了，有一盤刺身、幾件壽司、一啲燒物咁，仲有幾樣炸物！！都真係嚟得幾快手！好推薦嗰個避風塘炸墨魚，好好味！又香口，好食過薯條。同埋d刺生都不錯，特別是大赤蝦，大大隻，又鮮甜，我好鍾意食～咁餐廳出面仲有啲係可以出去拎番嚟食嘅嘢，有甜有鹹！由其係之前冇食過的無骨雞翼粒！入面有粒菠蘿，成粒咁食甜甜酸酸咸咸地咁，加上外皮烤到有點脆，正a~仲有好多樣唔同嘢飲添！真係大滿足呀！個肚好大收鑊就番屋企。…查看更多

大家好啊！好耐無見呀，應該都有成年嘛！嘩！～～今日終於都踏一步出嚟食吓大餐，肺炎出現咗都成年幾，平時喺屋企唔係自己煮就係叫外賣咁，都食到厭啦，所以今日難得哥哥肯叫就出嚟同佢食晚餐啦！呢間之前食過都覺得不錯，又同佢來食下了～首先山長水遠喺荃灣放工嚟到尖沙咀再要等多陣位先上到嚟，咁緊係要飲番杯嘢先啦，渴到暈了，飲番杯我致愛呢間嘅無酒精嘅雞尾酒，WOW～真係好清新嘅感覺啊，我極度推介呀，咁先有力氣去睇食咩嘛！咁就叫咗個烤雞同Pizza先，因為我哋兩兄弟都好細食，咁就夠喇個份量上。先行係個重芝士嘅Pizza，又幾好味喎真係，又唔會太厚，芝士又唔會太重口味，做到咁都好少食到；另外係個烤雞，中東嘅烤法都真係好好味㗎喎！雖然唔知用咗咩香料去醃製佢呢？每次食都覺得好特別～仲有呢個烤羊小腿～土豆泥超濃郁，感覺好唔同，羊腿好軟，唔韌～最後食到我哋兩個都飽住走，雖然今日好多人，不過餐廳度都有足夠人手去處理唔同客人需要，果然服務至上呀！…查看更多

最近同朋友試新餐廳，不過就有少少失望，因為價錢都唔太平，所以都最少希價價錢同食物水平是合理的。老實說食物的顏值是不錯的，但是味道同冷熱程度拿捏得不是太好，例結呢個蕃薯條配蜜糖芥末醬， 薯條是唔熱的，可以用凍來形容，沒點醬是食唔落口咁濟，果種感覺是餐廳連叮都冇叮番熱咁，或是沒有熱住食物，而且份量唔算好大，$58呢個係火山黃咖喱配唐揚炸雞，$198， 成200蚊，但雞粒細，只有6小粒，雖然肉質還好，不過唔以呢個價錢，就比較少，而且是用汁令你感覺濟，而唔係飽，旁邊的包，又乾又韌⋯食左片同朋友都唔想晒位，而且等了好耐，但餸菜卻冷得好快，口咖喱味唔夠，白色的醬只有脂肪味冇其他，絕不推薦整餐晚餐最好食是pizza ,呢個pizza是真心好食，$128 青咖喱石斑魚pizza,夠薄又脆，有少少辣，芝士同咖喱夾到，單純份量偏細，可以一試總結是，pizza可以一試，其它就相對一般，食物唔太熱（除pizza)份量較細，以呢個價錢，比較是食打卡多於食物質素，感覺一般。…查看更多

今日同朋友一起試了新飲品店！芝雪士多啤梨沙沙配綠茶凍 （沙冰）$40剛好店新出了呢隻芝士奶蓋士多啤梨沙冰！奶蓋超濃厚，口感層次十足，士多啤梨味食得出是先冰凍士多啤梨再打醉的，所以士多啤梨味好重，有些地方會用士多啤梨糖水，果d好易會覺得好藥水味🥶,不過呢間用冰凍水果就冇呢個問題，加上綠茶果凍！好有新鮮感🤩另外朋友仲叫左杯鐵觀音烏龍茶 （凍）（無糖）$23注重健康的朋友唔鍾意飲甜的飲品，所以佢就試了高個，茶味濃密，苦澀味低，而且好戒膩，清爽舒服咁～白玉丸子黑糖薑汁鮮奶😍 （熱 ） $34冬季限定的白玉黑糖薑汁鮮奶，暖暖的好暖胃，剛剛好呢d由冬天到春天的日子飲，成個胃即刻暖番晒好舒服，薑汁唔會超辣，剛剛好，黑糖唔會好甜，微微甜甜咁咁剛剛好。奶味唔會太重，白玉微微Q彈，不錯！…查看更多

今日同朋友到了旺角食放題，今次就來到呢到食飽飽！一入到來就緊係叫野食啦！不過實在選擇太多 9格都show唔晒🤣🤣🤣不論刺生、壽司，卷物，炸物、燒物、炒物，等等 都應有盡有，仲有甜品同飲品都幾多種類：飲品任飲，甜品任食！仲有日本酒飲～不過在下就唔好酒，所以先唔飲ja! 鍾意飲日本酒的朋友不防一試！😋來到呢到食放題當然唔少得刺生同芝麻雞翼啦！刺生都好新鮮～甜蝦係最值得一讚！真係芝麻雞翼就好似每次新鮮炸咁～熱喇喇，外皮香脆 肉質滑 多汁！當然唔少得其他的燒物！都燒得好不錯啊！仲有我最愛的腐皮壽司🍣有芒果、玉米、蟹柳口味！正丫！店員服務都幾好，好快咁幫你收走台上已食完的東西，咁就夠位放新的食物，雖然兩人坐位就比較窄，但整體而言很好啊…查看更多