Ste7的个人专页

買隻大雞外賣，落單後等咗半個鐘都未有，遲過我買嘅人都走晒，以為我只係大雞所以要烤耐啲，埋去問店員有未，佢話有，原來冇打號碼出電視，即係我白白企喺度等多咗幾個字，再行返屋企隻雞溫度都已經唔熱…查看更多

好耐之前上網已經見到元朗有呢間餐廳all day breakfast好多人食，今日終於有時間去。去到差唔多有10個人等緊位，我地等左大概15分鐘就終於有得入去。黎到就梗係叫個Deluxe all day breakfast，先黎個雞肉蘑菇湯，個湯幾滑幾香，脆麵包點湯食就仲正跟住就係重頭戲，一大塊板裝住上枱。班尼迪蛋配煙三文魚：用刀超開隻蛋就流啲蛋漿落個包到，蛋黃同蛋白都好滑，個煙三文魚有好有口感英式豬肉腸同我法蘭克福腸一紅一白，都好有烤腸仔嘅味道，啲肉好夾一啲都唔un唔林，軟硬度啱啱好，唔會一咬就散粗薯條好有驚喜，比出面食的粗同大，食落脆口又唔覺油，鹹度啱啱好仲有沙律菜同幾片橙，感覺好健康我地仲叫左個德國鹹豬手粒意大利飯午餐，將啲鹹豬手切粒，個意大利飯啲汁都幾好味，個汁稀度啱啱好唔會太多浸到成碟飯都係汁整體都係好味，不過如果男仔起身第一餐就直接食午餐，可能會稍嫌個份量唔夠…查看更多

上星期經過長沙灣元州見有間烤雞店新開張，但果陣見冇枱凳以為只做外賣。今日約左4個朋友，啱啱好買個四人烤雞餐上朋友屋企開party。見到餐廳擺左一堆枱凳準備安裝，店員話過幾日就會安裝好到時可以提供埋堂食:)。總共1盒雞+2袋野，開頭以為份量好少，但打開個袋原來好多野食，有埋一支橙汁，唔洗成日都飲汽水咁悶。未打開盒雞就聞到陣陣香草味，一打開味就更濃，件件都好大件，一隻雞得兩隻髀，其中一隻我搶到，雞髀又滑又大件，齒雞脾好過癮煙三文魚凱撤沙律：份沙律好大份，4個人share食都好多，幾塊三文魚好大塊，咬落D菜short short聲煙肉磨菇卡邦尼天使麵 & 辣肉腸茄汁天使麵：個意粉就咁睇以為好細份，但其實份量都幾多，一個圓盒係同平時西餐意粉嘅份量朱古力榛子味蛋白泡芙：一咬落去好多榛子醬漏出黎，鐘意食朱古力的朋友一定覺得好好味脆磨菇洋蔥圈餐廳都幾細心，比埋濕紙巾同手套，適合開party的人整體又抵又好味，200幾蚊就有咁多野食…查看更多

夜晚兩人來到天水圍T town，上openrice搵定資料先，近年開左好多新餐廳，呢間之前都未食過，見到相都好似幾吸引就黎左呢間。烤台式香腸肉燥飯：條香腸都烤得幾靚，咬落都幾脆口，但就唔係幾聞到有好香的烤腸味肉燥就幾易入口，唔會太梅同太硬古早醉雞米：醉雞不過不失，雞肉唔算太滑，聞落冇出面食過的醉雞咁大酒味個米粉好似比平時家庭裝的一包米粉份量少，如果夜晚只叫呢個醉雞米粉未必夠飽皮蛋豆腐：呢個菜皮蛋同豆腐都甜甜的，又凍又滑，特別係豆腐配的醬汁，滑入口特別有口感，可以作為開胃前菜珍珠奶茶：普通一杯珍珠奶茶，同出面冇咩特別整體都係好味的，賣相幾靚，價錢中等，下次可以再試…查看更多

2018年第一日開工，專登早D出門口去公司附近食個早餐先返工。今次係第二次食呢個鮮牛肉烚蛋肉骨茶米粉，覺得用肉骨茶做湯幾得意。一放上枱聞到有輕微藥材味，食就會濃少少。肉骨茶配搭紅棗同杞子，聽落好似好補咁。…查看更多

揀左呢間餐廳同女朋友慶祝食生日晚餐，因為見到餐廳佈置得幾浪漫，黑黑地又有人彈結他同唱歌，枱上又有蠟燭更加有浪漫。呢間餐廳最出名嘅餸菜就係生蠔，一入到黎就送左兩隻，得兩隻一人一隻真係好唔夠喉個包好脆，煙三文魚都幾大塊次次食蜆都係食唔停，今次清酒煮蜆有另一番味道，酒味又夠，汁又甜甜地餐廳有特別優惠，叫左個清酒青口，$48有一桶鵝肝豬柳扒意粉，塊豬柳啲肉好幼嫩好易入口，最好味就係鵝肝配汁，令到成塊豬柳唔同左…查看更多

平安夜喺天水圍食埋個下午茶，之後再出港島。黎到T Town亞萊泰呢層，旁邊有好幾間唔同國家菜色嘅餐廳，最後揀左亞萊泰。朋友揀左個泰農扎肉米粉，配粟米火腿奄列+厚多士，我冇食到所以味道我就唔評了。我就揀左泰式沙爹魚柳飯，一黎到我都睇唔到有咩問題，到我叉開啲飯準備食嗰陣，就見到度碟有幾條毛冷（圖片底部位置），開頭以為兩三條就自己用幾紙巾抹走佢算，但睇真啲原來成隻碟都係，撥開啲飯都係，就決定同店員換左佢。換完之後就冇問題了。沙嗲汁完全唔辣，甜甜地入面有花生幾好味。再加左個泰式沙嗲雞串，同魚柳飯的汁係一樣，好好味，雞肉好大舊。…查看更多

網上搵到呢間餐廳，見到環境同野食都中上級，價錢又唔算貴，決定黎呢度同女友慶祝紀念日。晏晝打定電話book枱19:30，最後早左18:45到都有幾張枱可以即刻入，幾個字之後就full晒了。煙三文魚凱撒沙律：三文魚夠晒鮮味同質感煙雞胸沙律配油醋汁：雞胸肉食落都唔會好「鞋」酥皮餐湯：個湯係叫餐之後半個鐘先到，食緊主食先見店員拎出焗爐焗，個湯好似有啲稀，同埋原來轉左酥皮就冇餐包燒BBQ豬仔脾配新薯及扒茄：有成5支骨，每支都唔少肉香草牛油焗立魚柳伴薯仔及沙律：不過不失，魚夠滑同大份蜜桃紅茶+甘菊香草茶石板街蛋糕：全日重點來了，叫飲品時靜靜雞將紙仔連同menu交比店員妹妹，叫佢幫手用朱古力筆寫隻字上甜品碟，點知轉頭向我做口形話寫唔到。心諗間餐廳有甜品同雪糕點解冇朱古力筆，最後塞左我一早預備好嘅私伙朱古力筆比店員妹妹，有驚無險終於搞掂:)個蛋糕有好多層，每一層都好厚食完呢個甜品整日任務就圓滿結束，突登寫呢篇食評來答謝餐應和妹妹幫助。…查看更多

三條麻甩佬敍下舊，食下大排檔小菜飲下啤酒簡簡單單一餐，揀左長沙灣呢間食肆，一入到去環境唔算太靚，枱凳都似舊式大排檔，但餸菜一黎到就夠香夠穫氣，價錢唔算太平，但呢個價錢的小菜同煲都份量都算幾大。呢個臘味煲仔飯個煲好大，飯都好夠香蒜蓉乾蝦蒸勝瓜保留左勝瓜的原有水份，乾蝦亦夠大隻，配合蒜蓉夠晒香琵琶豆腐外脆內軟，入面仲保留左原有豆腐味，醬汁酸酸甜甜，帶少少辣呢個魚香茄子煲個煲亦都夠晒大，入面都唔少料，一放上枱熱辣辣嗰刻就聞到香味…查看更多

自己一個來到光輝圍附近搵野食，行到759茶餐廳門口見到有高級扒餐成88蚊，亦都有40蚊午餐，見到有張poster寫住有759張卡就有8折，折左$33.6有飯、有湯、有飲品好抵呀，飯就叫做不過不失60分啦。…查看更多

原本夜晚係去官也街食晚餐，因為搭車搭錯左對面線去左黑沙灣，所以喺附近食埋野先返酒店。落左車之後見到附近都有條街有幾間餐廳，行左幾分鐘就見到呢間臭臭鍋個名幾得意，開頭以為係食臭豆腐，但原來都有唔同類型的鍋，款款鍋都$68，兩個人叫左一個「牛奶豬肉鍋」，再追加左個飯。個鍋湯底味都幾濃份面的配料都唔少，入面好多丸類，豬肉都有好多舊。個飯留返最後放埋落個鍋度撈埋湯一齊食，食完好飽好飽。叫左杯百香果飲品超大杯。兩個人埋單只係$118，超抵…查看更多

因為天水圍冇咩坐得舒服嘅特色餐廳，更openrice search左之後原來發現西鐵站行2分鐘有一間泰式餐廳。墊台紙燙咗金箔，平時好少見，覺得好特別，餐具顏色都係一set嘅餐廳佈置得幾靚，但地下唔係密封嘅，有時聽到輕鐵經過路軌發出嘅吱吱聲先來第一個餸，沙嗲串燒，有豬、牛、雞，個沙嗲醬好好味炭燒三文魚扒就不過不失，但係$88好似唔係好值泰式炒粉絲，好多粉絲，但係啲配料就唔係好多，雞肉得幾舊，有好多都係豆卜，個樣睇落做到好似雞肉咁…查看更多

間中要同女朋友去吓啲高級餐廳享受下，Openrice search到呢間餐廳排名都幾高，於是去到餐廳門口睇埋個價錢就入咗去。餐廳又有靚景睇，一路望住維港景色同摩天輪一路食嘢，餐廳燈光又暗暗地，個氣氛一流:)。啲餸菜都係中上價錢，但係見到人哋嗰啲餸都幾正，最後我哋叫咗三個餸咋，加埋都唔使$300。芝士炸薯條，一返放到上張枱聞到好香，食落又脆，不過啲芝士醬就唔係幾夠，食到最後嗰幾條冇芝士快雞扒又香又嫩口又係芝士，雖然份量唔多，但係可能啲汁食到「漏」…查看更多

由香港黎到澳門玩，專程黎到官也街食大利來記嘅豬扒包，見到好多人等緊。幾年之前食過，但係今次個水準好似差左，塊豬扒燒到好乾同好硬，如果$48一個豬扒包就好似唔值啦，…查看更多

聖誕節由香港黎到澳門玩兩日，黃昏時去咗黑沙海灘睇埋日落景色，之後就喺附近食晚飯。搵過黑沙海灘附近有三間葡國餐廳，見到有一間好似貴少少，另一間就有好多人等緊，而今次食呢一間個價錢唔係太貴於是就決定食呢入去，兩個人埋單都係三百幾蚊，應該平過官也街嗰啲葡國餐廳。葡式炒蜆，雖然食唔飽但係都想試一試，鹹鹹地，酸酸地焗菠蘿海鮮飯，海鮮份量都唔少，同埋好多菠蘿燒豬肋骨，好友葡國菜嘅味道，薯條嘅鹹味適中，不過個薯條係凍嘅馬介休炒椰菜，佢份量好多好有海南島feel黑沙海灘日落景色…查看更多