8鍋台式臭臭鍋專賣店

原本夜晚係去官也街食晚餐，因為搭車搭錯左對面線去左黑沙灣，所以喺附近食埋野先返酒店。落左車之後見到附近都有條街有幾間餐廳，行左幾分鐘就見到呢間臭臭鍋個名幾得意，開頭以為係食臭豆腐，但原來都有唔同類型的鍋，款款鍋都$68，兩個人叫左一個「牛奶豬肉鍋」，再追加左個飯。

個鍋湯底味都幾濃份面的配料都唔少，入面好多丸類，豬肉都有好多舊。個飯留返最後放埋落個鍋度撈埋湯一齊食，食完好飽好飽。
叫左杯百香果飲品超大杯。
兩個人埋單只係$118，超抵

牛奶豬肉鍋

$68