Peanuts Foodie的个人专页

​近排好想食咸豆漿，但而家要喺香港搵到咸豆漿真係好難，咁啱朋友講起呢間店有兼且係米芝蓮必比登推介，一於就會一會佢啦!🔸🔹🔸🔹🔸🔹🔸🔹🔸🔹🔸🔹🔸🔹咸豆漿｜⭐⭐⭐｜$16豆漿好濃，豆味重又唔會有豆腥味，油炸鬼及蝦米🦐份量又多，但無落醋令到豆漿結成絮狀，又無落醬油落去提鮮，榨菜都略嫌唔夠多，所以如果好似我咁想食傳統味道嘅朋友就會有種失落感，但作為一種新派改良健康版咸豆漿，佢係成功嘅。粢飯｜⭐⭐⭐⭐⭐｜$30店員應該見到我地兩個人叫一個粢飯，好細心咁問我地要唔要開二。個粢飯一上檯，我同朋友都俾佢個大細震撼咗眼球，對半切完嘅粢飯有成個拳頭👊🏻咁大，D餡真頭爆餡，D肉鬆一邊食一邊跌😆，油炸鬼咬落仲好脆添! 一人食完半個粢飯都已經飽左一半。五香牛展｜⭐⭐⭐⭐⭐｜$62牛展切得幾厚身，咬落啖啖肉，炆得好入味，店家揀左筋位多嘅部份，口感淋滑又充滿膠質。秘制醉雞 (半隻)｜⭐⭐⭐⭐｜$140醉雞一上檯，店員即刻主動俾多兩隻碗仔我地裝骨。醉雞食落口好香花雕味，隻雞夠肥，食落啖啖肉又滑捋捋，不過略嫌多D碎骨，如果呢方面可以改善埋就完美啦。🔸🔹🔸🔹🔸🔹🔸🔹🔸🔹🔸🔹🔸🔹整體感覺：食物味道無得彈💯，食材選料上乘👍🏻，價錢公道，性價比高，店員服務幾周到。…查看更多

一刷和緣嘅體驗實在太好! 襯住出左 bonus🎉，就同朋友再去，順便幫朋友慶祝生日🎂🎈上次近距離體驗過睇住師傅料理嘅感覺，試過每檯食到和牛果陣，下下都俾和牛🥩嘅香氣襲擊🤣。今次我地決定 book window seat，試下睇住夜景品嘗美食係咩感覺🌃🍽️🤪。🔸🔹🔸🔹🔸🔹🔸🔹🔸🔹🔸🔹🔸🔹🍽️ 晚市八/九道菜｜$1488/$1688 (二人同行享85折優惠 / 四人同行一人免費)1. *先付一* (松葉蟹🦀，胡瓜🥒，南高梅啫喱，花穗🌸)｜⭐⭐⭐⭐⭐     拆左肉嘅松葉蟹好香，配埋酸酸地嘅梅啫喱，食完之後完全唔覺得有負擔，勁 fresh! 🌟2. *先付二* (生火腿🥓，富山柿干🍊，忌廉芝士天婦羅)｜⭐⭐⭐⭐⭐     用火腿卷住富山柿干同忌廉芝士落去炸成天婦羅，火腿同忌廉芝士咸味及濃味配上柿干嘅甜味及清新、忌廉芝士嘅軟滑配上柿干硬硬地嘅口感，呢d相輔相成嘅配搭，完全提升到食材嘅層次!🤤✨3. *碗物* (帆立貝真丈🐚，聖護院蕪菁🥬，京人參，大葉擬寶珠🍀，柚子🍊)｜⭐⭐⭐⭐     帆立貝拆散整成丸，口感彈牙，湯底加左蘿蔔茸好鮮甜，完全清走到殘留喺口腔嘅苦澀味。🍲   另一邊廂，個湯底加左蘿蔔茸好鮮甜，完全清走到殘留喺口腔嘅苦澀味。   題外話︰隻碗係日本大師人手繪畫，一套有四個不同款式。顏料仲要加左閃粉，勁靚!4. *極尚時令刺身* (赤貝🐚，蝦🍤，深海池魚🐟，間白魚🐠，吞拿魚赤身🐟)｜⭐⭐⭐⭐⭐     赤貝 - 口感爽口鮮甜   蝦 - 入口鮮甜、肉質有膠質感，配上柚子，中和返刺身蝦黏黏嘅感覺   深海池魚 - 口感順滑鮮甜   間八 - 切得較厚身，入口濃郁得黎又唔肥膩，好好食!   吞拿魚赤身 - 質感較腍，魚味濃，配上海藻醬，魚鮮味再提升左5. *天婦羅* (白子，海苔)｜⭐⭐⭐⭐⭐     服務員話白子唔係人人都接受到，所以師傅專登將佢做成天婦羅。外脆內軟，白子綿滑到好似食緊 cream cheese 咁，又無腥味，加埋少量海苔粉調味，令大眾更易接受。(利申︰本人食過白子, 勁中意食, 絕對接受到🤣)6. *燒物* (寒鰤柚奄燒🐟，玉葱🧅，木之芽🍃，醋橘🍊) <九道菜>｜⭐⭐⭐⭐⭐    醬汁用咗柚子調成，所以叫做柚奄燒。油甘魚燒得剛剛好，夠晒滑，又夠多汁，醬汁夠甜但冇阻住油脂味香。7. *肉料理* (和牛壽喜燒🥩，春菊🥬，舞茸🍄，蛋黃汁🥚)｜⭐⭐⭐⭐⭐     和牛好靚，好香牛味，加埋蘭王蛋汁食，增加牛肉嘅嫰滑口感。8. *食事* (白飯魚土鍋飯🍚，牛蒡，有馬山椒🌶，青海苔，三文魚籽，味噌湯🍲，漬物🥒)｜⭐⭐⭐⭐⭐     白飯魚烤到脆脆地、牛蒡又係脆身食材，d飯都焗到有少少飯焦香味，師傅怕個飯太乾身，最後加左三文魚子中和返，食落有少少咸香但又不至於遮蓋到白飯魚同牛蒡嘅清甜味。✨9. *甘味* (紅豆布甸🍮，抹茶醬🍵)｜⭐⭐⭐⭐     紅豆布甸部份呈現少少粉紅色，好靚! 食果陣要小心，有厚厚嘅抹茶粉倫鋪面，唔小心會瀆親🤣。食落去口感綿密，好食。💖10. *海膽雪糕* <名物追加 $388>｜⭐⭐⭐⭐⭐      橙黃色嘅雪糕上面放左幾片新鮮海膽同魚子醬，最上層用紫蘇花作點綴，俾客人滿滿嘅視覺享受。    赤海膽同馬糞海膽嘅甘甜味，配上魚子醬嘅咸味同紫蘇花嘅香味，入口係滿滿嘅海膽同魚子醬味，而紫蘇花又可以中和返海膽殘留喺口腔嘅味道，食完真係有一種好幸福嘅感覺~ 呢個咸版雪糕絕對可以帶俾顧客全新嘅雪糕體驗。    值得一讚嘅係︰隻碟都有事先冰過，個雪糕完全無融嘅感覺。    由於赤海膽同馬糞海膽都係冬天當造，所以呢款追加名物係冬季限定菜式。💖🔸🔹🔸🔹🔸🔹🔸🔹🔸🔹🔸🔹🔸🔹整體感覺：  🥗 *食材及味道方面*: 食材新鮮、配搭同煮法新穎。  🏞️ *環境方面*: 可以飽覽270度維港海景，有兩張二人 window seat table，吧檯位與位之間幾闊落。餐具都好精美!  🤗 *服務方面*: 服務員好貼心! 首先第一道菜用筷子，食到中後段會好難夾起，服務員即刻遞上2隻匙羹俾我地。之後有2道菜我同朋友要 share，正當我地默默地分緊道菜果陣，服務員又遞上多套餐具俾我地，真係好細心。✨…查看更多

臨近新年，梗係要同班同事食好d啦，所以同事提議黎呢間 coffee shop chill 下~香辣海蝦意大利扁條麵｜⭐⭐⭐⭐｜$95蝦嘅份量幾多，食落似蕃茄味多d，完全 feel 唔到辣味，扁意粉軟硬適中，整體感覺幾好。Brioche French Toast｜⭐⭐⭐｜$90French Toast 厚身，中間沾滿蛋漿，咬落軟心但略縑蛋香味欠奉，外層亦唔脆。伴碟用左開心果 cream、士多啤梨同藍莓，本來用開心果做 signature 係幾有 gimmick，但將開心果同 cream 混合，再配上 French toast，兩種味道都較重，變左各有各食，做唔到 1+1=2 嘅效果。另外，開心果 cream 唔夠凍，做唔到解 French Toast 個膩嘅效果，如果變做開心果雪糕應該會好d，好在士多啤梨同藍莓無乜糖漿淋喺上面，中意 Fresh 嘅朋友，可以用佢地黎解膩。Cafe Pistacchio｜⭐⭐⭐｜$60就咁試個開心果 cream 偏甜，但同 espresso 溝埋一齊飲，個甜苦度就啱啱好~ 但咖啡豆用 fruity 豆而唔係 nutty 豆，飲多幾啖，個酸味令到本人覺得唔止唔夾，仲好古怪添。整體感覺：食物味道雖然普通，但食材配搭尚算有心。coffee shop 樓高兩層，座位間隔唔會太密麻麻，空間感及人與人之間嘅距離感足夠。…查看更多

​世貿重新裝修後d餐廳都各具特色，今次揀左日式西餐嘅喫茶黎試。秋茗柿橘沙冰 (秋季限定)｜⭐⭐｜$68原個柿落去打成沙冰，但個柿本身唔太靚，飲落無味之餘，柿皮個苦澀味出晒黎... 比較好係面頭半個柿可以食埋，食落有少少甜味，如果唔係想打卡係唔建議大家叫。唐揚炸雞｜⭐⭐⭐⭐⭐｜$88好好食! 好滑! 好juicy! 份量都算大! 性價比高。盛宴蟹黃鱈場蟹肉意粉 (秋季限定)｜⭐⭐⭐⭐⭐｜$145都係好好食! 好香蟹黃味、蟹籽好多又夠脆，攪拌均勻後食，啖啖都食到蟹籽，蟹籽嘅卜卜聲好治癒~壽喜燒牛肉蛋包飯｜⭐⭐⭐⭐｜$113牛肉質感軟硬適中，蛋都好滑，美中不足嘅係壽喜燒汁太咸，開稀返少少就 perfect~香滑忌廉煮青口鍋｜⭐⭐⭐｜$172唔記得影相😂 青口勁多! 4個人齊齊食都食極仲有😂 仲配埋香草薯條~ 超抵食! 但唔建議叫忌廉味，忌廉開得太稀，完全無味，青口又唔入味... 好在我地有壽喜燒汁同炸雞個醬可以點黎食😂整體感覺：喫茶可以話係親子餐廳，有兒童餐俾小朋友食，門口有個彈珠台俾人玩，仲可以帶寵物一齊用膳，食物質素中上，價錢相宜，唯一唔好就係限時90分鐘。…查看更多

喺社交媒體見到呢間餐廳裝修得好有誠意，決定同朋友一齊去打下卡。一坐低，店員就送上一人一盒蛋酥 (入座即送)，個盒好靚! 食落甜甜地，幾鬆化。餐牌、餐具同茶壺都好靚，不過茶壺實用性唔夠，如果茶壺係滿嘅狀態好易會倒到周圍都係。手工蝦餃｜⭐⭐⭐｜$52無乜特別，但睇得出手工造嘅點心，下次可以唔叫。頂! 太瘋小籠包｜⭐⭐⭐⭐｜$78皮略嫌厚左少少，但食落幾多汁，肉質幾鮮。黃金蟹粉沾麵｜⭐⭐⭐⭐⭐｜$248個侍應未放低個蟹粉已經聞到好香~ 蟹粉勁大兜! 放醋同花雕酒嘅容器好得意。溫馨提示一下大家沾麵要趁熱食，凍左會痴埋做一餅野，好難分開😂蟹粉多到唔駛慳住黎點麵食，落好多都唔覺得腥，加埋花雕同醋仲可以提鮮同解膩~ 簡直一流!麻辣牛肉球｜⭐⭐⭐⭐｜$46牛肉球用新鮮牛肉打出黎，食落幾有口感，但麻辣汁無乜味，牛肉球入面D辣椒都好少，唔係好食到麻辣，但牛肉球係好食嘅~迷你珍珠雞｜⭐⭐⭐｜$52一般酒樓珍珠雞，無乜特別。蘿蔔絲酥｜⭐⭐⭐｜$46蘿蔔絲酥加左芝麻喺底，加添香氣，食落鬆化，如果蘿蔔絲再多D會更好。酸梅湯｜⭐⭐⭐⭐｜$68用古代酒壺黎裝，好得意! 又係適合打卡嘅菜式~ 略嫌甜左D，如果可以酸D會好D。後來同侍應反映，對方表示之前有顧客反映太酸😂 只能夠講︰口味呢家野真係人人都唔同~拿鐵｜⭐⭐⭐⭐｜$48有拉花加分! 估唔到點心店嘅咖啡有拉花~ 口感偏酸 (本人唔中意酸豆)，奶泡質感綿密，算係中上之作。客棧茶拉米素｜⭐⭐⭐⭐｜$68唔係太feel到茶味，但好濃酒味，偏甜，口感好滑，用煲仔裝份量好足，好抵食。開心果千層酥｜⭐⭐⭐⭐｜$58開心果醬唔算好濃，食落唔會覺得膩，加左麻糬令到件事有咬口，千層酥夠鬆化，好食!整體感覺：環境同擺設 - 好適合打卡，d位幾寬敞，地點喺酒店入面，吸引到其他國藉人士用餐，加上餐廳擺設特別，有種身處外地嘅感覺。服務 - 收銀果位員工熱情有禮，其餘兩位員工就正常發揮。味道及價錢 - 招牌菜式性價比高。…查看更多

某一日行經餐廳門口，見到寫住係坐忘分支，之前食過好多次坐忘 （主打正宗日式咖喱飯/烏冬），覺得佢咁多年黎都維持列高質小店形象，所以見到佢係坐忘姊妹店 （澄空主打日式西餐），就暗暗決定搵日要試試。由於係午餐時間，我地已經預早左幾分鐘落去排隊，結果都由12:55等到差唔多13:35。可能因為餐廳係日式西餐廳兼要加一，店員見到D人食完飯都無催佢地走，本來係好事，但對於打工仔黎講，呢個等候時間真係可一不可再。意式安格斯牛肉丸蕃茄意粉｜⭐⭐⭐⭐｜$98午市包個野菜湯/沙律菜加杯麥茶，我點左野菜湯，但太稀，飲落無味，剩係憑湯渣去判斷到佢係野菜湯；而麥茶係可以續添，呢個幾好。主菜意式牛肉丸吉列蕃茄意粉個汁好濃郁，食落唔係剩係蕃茄醬咁單一，仲好重肉味，個感覺好特別。吉列牛肉丸炸得好脆，可能因為用左安格斯牛，中間好juicy，加埋芝士粉，好食！但後尾見到隔離檯果碟D汁稀D，可見廚師手勢唔一致。整體感覺：服務幾好，味道屬於中上，但價錢偏貴（坐忘抵食D），如果唔趕時間嘅朋友可以試下。另外提提大家，餐廳剩係收現金或八達通，如果想幫襯嘅朋友，記得帶夠錢～…查看更多

​朋友之前食過呢間餐廳，見約個地點係九龍塘，大家都無乜 idea 食乜，朋友食過覺得幾好食，就建議食呢間。烤牛肉紫蘇汁沙律｜⭐⭐｜$159沙律菜係梅嘅，烤牛肉又未去到好出色，唔建議食。粟米天婦羅｜⭐⭐⭐⭐⭐｜$68一堆栗米粒整成粒波沾炸漿炸到脆卜卜，好好食。龍蝦燴意大利飯｜⭐⭐⭐⭐｜$298龍蝦不過不失，除左原有嘅龍蝦醬之外，餐廳仲跟多一小杯再濃郁d嘅龍蝦醬，俾顧客因應自己喜好調較味道，呢方面值得讚好👍🏻!蕃茄海鮮意粉｜⭐⭐⭐⭐⭐｜$198意粉偏幼身，有d似天使麵，口感好爽滑。蜆肉同帶子都好大隻，好食!蘋果玉桂梳乎厘班戟｜⭐⭐⭐⭐｜$148空氣感同飽實感拎到個平衡，不過蘋果玉桂同梳乎厘班戟唔係 perfect match，個人認為就咁蘋果會適合d。Mango Passion Fruit Frappe｜⭐⭐⭐⭐｜$55飲到芒果奶味帶少少熱情果味，兩者比例算唔錯，整體黎講幾好飲。整體感覺：服務幾好，味道屬於中上，價錢尚算合理，餐廳環境都幾適合朋友聚會。…查看更多

朋友公司喺呢間餐廳附近，某一日佢行經，見到個 banner，上網睇完佢個 omakase 價錢唔貴，環境又幾好 (睇到270度維港景色) 講左好耐搵日去試，終於都夾到時間去幫襯下啦。因為我地今次試晚餐，就無 book 到 window seat，服務員姐姐就安排左我地坐喺近師傅煮野食嘅位置。都因為我地book得太早，又早左上去 (未到6點就到左)，服務員姐姐就趁師傅未 ready，全間餐廳又得我地一檯客，就叫我地影下黃昏景🌄先😍~影完一大輪，就開始上菜啦~ 我地先點左杯梅酒黎試，一開始未融冰入口太甜太膩，當d冰融左差唔多一半，就啱飲啦~晚市八道菜｜$1480 (二人同行享85折優惠 / 四人同行一人免費)先付 (牡丹蝦，海膽，柿，柚子啫喱，花穗，昆布漬)｜⭐⭐⭐⭐牡丹蝦好甜，配柚子啫喱個感覺好清新，海膽無乜特別，最驚喜係食到柿，呢個配搭香港好少見😍揚物 (龍蝦，紫蘇葉，海膽汁)｜⭐⭐⭐⭐炸左嘅龍蝦都好彈牙，紫蘇葉個甘味令到個炸物唔會太油膩，點埋海膽汁個感覺再鮮甜左。土瓶蒸 (象拔蚌，帆立貝，海老，酢橘，三葉)｜⭐⭐⭐⭐⭐個湯好鮮甜，服務員教路頭兩杯飲原味，之後滴D酢橘汁落去，令個湯清新D，無咁膩。但我同朋友都覺得原味係最好飲😂。刺身 (蠔，吞拿魚腩 - 近魚尾部份，鰹魚)｜⭐⭐⭐⭐⭐蠔 - 好爽脆，海水味濃吞拿魚腩 (近魚尾部份) - 鮮甜，油脂分佈平均，由於近魚尾位，油脂唔會太重，食到toro感覺又唔會太膩鰹魚 - 鮮甜 (初次食呢款魚，唔識分好唔好食😂)天婦羅 (魚翅，酢橘)｜⭐⭐⭐⭐⭐估唔到有人會用魚翅做天婦羅，剩係呢個諗頭已經賺晒創意分! 聽服務員講，D魚翅用高湯燴左好耐，等佢入晒味先再上粉落油炸，所以食落口一D腥味都無，仲好juicy添!肉料理 (薄燒和牛，黑松露，溫泉蛋)｜⭐⭐⭐⭐⭐師傅首先拎左原個黑松露出黎俾我地影相 (因為我地係是晚第一檯到嘅客人，所以影到原個黑松露，之後d客係影唔到原個架🤪)師傅一刨個黑松露，D香氣不停飄出黎! 加埋蘭王蛋，件薄燒和牛真係無得輸!之後其他客人食到呢道菜，都聞到濃濃嘅黑松露和牛味! 成餐飯最衝擊到個嗅覺就係呢一道菜! 真係每次聞到都好想食!食事 (銀聖三文魚土鍋飯，三文魚籽，花山葵，芝麻，味噌湯，漬物)｜⭐⭐⭐⭐⭐銀聖三文魚本來比較罕有，估唔到會拎佢黎做土鍋飯，配上三文魚籽同其他配料，成個配搭真係好好食! 個口感同味道都好豐富! 我同朋友平時都唔係好食飯嘅人黎，當服務員知道我地中意食，主動話仲有飯，可以添埋佢，結果我地每人食左兩碗飯🫣估唔到師傅預左每檯客都有一大煲飯，男人黎食都唔怕食唔飽🤣甘味 (甜蕃薯最中餅，煙燻牛油，淡雪鹽)｜⭐⭐⭐⭐甜品個主角係炸甜蕃薯! 服務員問我地係咪估唔到呢? 又真係估唔到甜品都係炸物黎😳~ 加埋煙燻牛油同一大撮淡雪鹽，甜甜咸咸咁，幾得意! 個最中餅又夠脆! 好食! 雖然本人都係覺得夾雪糕會再好食D🤣整體感覺：食材及味道方面︰食材新鮮、食材配搭同煮法新穎。環境方面：可以飽覽270度維港海景，有兩張二人 window seat table，吧檯位與位之間幾闊落，整體感覺好舒適。服務方面︰餐廳好貼心，專登 print out 專屬 menu 俾每一位顧客。其中一位服務員姐姐好好傾，適時走出黎向我地介紹D菜式，令到顧客有賓至如歸感覺。臨走果陣，唔知佢幾時行開左，總之我地行出門口果刻佢就出現返送份小禮物俾我地! 小禮物係鶴型筷子座黎~ 真係好驚喜!…查看更多

​聽同事講起呢間酒樓名，就咁聽個名好似幾得意，就上網搵下D comment，見到D佈置幾古色古香，評分又幾高，就帶屋企人去試下。蜜汁叉燒腸｜⭐⭐⭐⭐｜$42叉燒不過不失，無乜特別，但腸粉皮值得一讚👍🏻！皮薄、咬落口又夠黏糯彈牙，好少酒樓做到呢個口感。富貴瀨尿蝦餃（兩件）｜⭐⭐⭐⭐⭐｜$32由蝦同瀨尿蝦夾埋一齊做餡，除左食到蝦個彈牙口感，瀨尿蝦個海水咸香帶到成件事提鮮。本身蝦餃剩係得蝦個甜味會略嫌單一，加左瀨尿蝦之後，甜同咸兩種味道衝擊下不但無違和，反而仲加左分！市橋白賣｜⭐⭐⭐⭐｜$38唔知係咩黎，上網 search 完，專登叫黎試下。一般由鯪魚、臘腸、蝦米、魚蓉做餡，面頭再鋪一小片臘腸整成。鯪魚打得幾好，幾彈牙，本來都唔係好特別嘅事黎，但片臘腸再次做到畫龍點睛嘅作用，再一次咸香味令到鯪魚個味道提昇。蛋黃千層糕｜⭐⭐⭐⭐｜$36蛋黃餡唔會好乾，容易吞，中間加左D爽爽地同脆脆地嘅不明物體增添口感，加分！魚翅蟹肉灌湯餃｜⭐⭐⭐⭐⭐｜$52估唔到真係有翅喺入面，成隻灌湯餃都佈滿餡，勁足料，食完一隻都飽咗一半😂香煎涼瓜鯪魚餅（三件）｜⭐⭐⭐⭐｜$38鯪魚肉都係夠彈牙，落左少量苦瓜落去刺激客人嘅味蕾，又係加少少食材就令到成道菜加晒分。由於只係落咗少量，苦瓜淨係出到甘味，一啲苦味都冇，啱晒怕食苦瓜嘅人 （即係本人😂）。整體感覺：設計菜式嘅人有創意，好幾道菜都係落少量其他食材，就令到坊間平時食到嘅菜式加咗幾十分，唔怪得網上評價咁高。服務方面都唔錯，侍應對客人照顧周到。環境方面：店舖裝修到古色古香，網上見到有酒嘅餐牌仲係用竹簡製成，筷子頭係仿玉裝飾，都好特別。點心款式傳統得黎帶d創意，適合男女老少，一家大細去食。…查看更多

之前喺門口經過幾次，今次終於的起心肝試下呢間小店好唔好食啦。一入到去，見到得1個員工，之後見到有個小朋友同婆婆出現，就意會到係家庭式經營嘅餐廳。可能因為咁，基本上間餐廳無乜服務可言 (可能又咁啱撞正星期六下午茶D時間，阻住佢地一家天倫樂) 口水雞｜｜$28口水汁唔會好咸又夠麻辣，夠濃味得黎又唔會口渴，雞肉彈牙，可能因為午市個價錢真係好平嘅關係，佢俾晒d雞翼位我 (仲有幾件痴住雞胸嘅骨但去左雞胸肉得返好薄一層雞肉)，就本人黎講，雞翼位都仲可以接受，始終呢個價錢仲想點? 但用骨黎墊底呢個行為本人就唔太欣賞。鮮椒魚米線｜｜$78好足料! 好麻! 好食! 用左青紅辣椒、新鮮同乾花椒，個湯夠晒麻! 魚片爽滑彈牙，份量又夠多又大片! 唯一美中不足係魚片無起骨，好在無大安旨意係咁易咬兩下就吞者~ (呢度要溫馨提示一下大家，小心食魚，d骨仲要幾長下，怕食魚骨嘅人唔建議點呢個菜式)酸梅湯｜｜$8 (午市跟餐價)唔夠酸，似烏梅湯多d，無酸梅湯飲落果種清新又開胃嘅感覺，但味道都ok嘅 (因為唔會好甜)。整體感覺：小店黎講性價比都幾高，味道正宗，價錢又公道，只係無乜服務同有d位唔夠細心 (例如上述魚片去埋骨，口水雞唔好用骨墊底)，座位寬敞又舒適 (大部份都係卡位)，中意食四川野嘅朋友不妨約埋三五知己去呢度聚下。…查看更多

工作關係係旺角覓食 同同事見到花園街有不少新開店舖 見這間韓式食店好似不錯就走去試下 點了個蜆湯麵combo menu 分量超大 蜆很多 十分喜歡個麵 有口感 湯底勁鮮甜 餐仲包了個薏米飯 小食可揀飯卷或餃子 我揀左飯卷 太飽肚了美中不足是有些蜆有少少沙 午餐時段都要等位 同有加一服務費…查看更多

係旺角閒逛時 找找有冇小店可以試下 見有砵蘭街有間西班牙餐廳就走去試下 點了個2人餐及2杯飲品 慢煮鴨腿值得一試樓面只有一名小哥負責 見他非常忙碌 新店開張 follow 社交平台 仲有88折…查看更多

就到中秋，就決定同屋企人食好少少，因為有家庭成員食素，佢提議去呢間店食中秋飯。無意中發現素食都有廚師發辦，未食過素食廚師發辦嘅我，就決定試試佢。廚師發辦菜單前菜︰生機水克非爾 (自家製有汽益生菌)綠野水果沙律白木耳百香果伴非轉基因木瓜日本山藥球伴碧綠果仁醬湯品︰鮮椰子海玉竹石斛猴菇黃耳養身燉湯主菜︰香蒸鮮蔬水晶球伴勝瓜自家製生煎包 (南瓜素咸蛋蓮子餡) 伴燒菜秘製非洲G能量手炒生機功能菜 (石斛苗, 油麥菜)椰菜花能量飯甜品︰川貝杏仁茶燉雪耳生機抹茶牛油果蛋糕生機水克非爾 (自家製有汽益生菌) 杯飲品幾得意，飲落有d似玉泉西柚味汽水，又有d似陳年醋咁~ 最好就係飲落唔甜綠野水果沙律 同市面d沙律唔太一樣，除左水果同菜，廚師仲落左大量堅果，沙律醬無用普通美乃滋，似係用左酸忌廉調汁，蔬果又揀左酸酸甜甜嘅菠蘿同紅菜頭黎配搭，食落感覺好清新。白木耳百香果伴非轉基因木瓜 除左白木耳，其實廚師都用左貓耳朵，令到個視覺效果再豐富d。白木耳食落去好爽，比貓耳朵更爽口，個辣汁同白木耳完全融為一體，可惜木瓜偏生 (唔知係咪熟木瓜個甜咪同個辣汁唔襯🤣)，呢度要扣少少分，但總體黎講係好食又坊間好少見嘅配搭黎。日本山藥球伴碧綠果仁醬 山藥球食落無平時果種黏黏嘅感覺 (利申︰本人平時最怕呢種黏黏滑滑嘅感覺)，仲帶d甜味，配埋個堅果醬，感覺好特別，有少少似食緊甜品。鮮椰子海玉竹石斛猴菇黃耳養身燉湯 好少可飲到d燉湯係真係好滾，呢個燉湯上完檯放左 5-10分鐘都仲好滾。湯入面有大量切得好薄嘅椰子肉，方便客人食，都落左大量石斛，但個湯並無因為d石斛而變甘，飲落仲好甜添。香蒸鮮蔬水晶球伴勝瓜 呢個食落去似越式菜個蒸粉包，要讚一下個勝瓜，頭先已經提過，本人好怕食d黏滑嘅食材，呢個勝瓜做到好爽，又無乜黏滑嘅感覺 (雖然結論都係唔中意食勝瓜)。自家製生煎包 (南瓜素咸蛋蓮子餡) 伴燒菜 生煎包食落去剩係食得出南瓜 mix 左d好杰身嘅野，有少少似食緊月餅，但個皮變左生煎包。隔離有d菌醬，但由於內餡太濃味，食唔出個醬嘅味。整體感覺不過不失。秘製非洲G 非洲G其實就係非洲雞，用左猴頭菇做肉，配上香料醬汁，都係市面上比較少見嘅素食。能量手炒生機功能菜 (石斛苗, 油麥菜) 就咁睇個名同賣相以為好普通，一食落口就覺得好正! 廚師用左黑白芝麻加麻油，成個菜勁香芝麻味。而石斛苗同油麥菜都係帶少少甘味嘅菜，個芝麻味令到個甘味轉為甜味，真係超正! 即使石斛苗有少少渣，都完全唔覺得會令道菜減分!椰菜花豆腐飯 又係一個好正嘅菜式! 好多時食到嘅椰菜花飯或者豆腐飯，都有一種好寡 / 鞋口嘅感覺，再唔係就好西式果種好 cream 嘅感覺。廚師將呢兩樣野 mix 埋一齊，豆腐嘅滑同椰菜花嘅口感，互相彌補對方嘅不足，食落有d似食緊珍珠米嘅感覺。川貝杏仁茶燉雪耳 杏仁味香得黎唔腥，唔，食完覺得真係養到顏。生機抹茶牛油果蛋糕 好濃抹茶味，唔係好食到牛油果味，但個蛋糕個堅實程度唔會令你懷疑佢落牛油果嘅份量，都係唔。家人飲完個湯就已經開始飽 (利申︰份量好正常，唔會過多或過少，只係家人細食)，所以佢地就問店員︰下次可唔可以唔駛一人一份廚師發辦，一d叫廚師發辦，一d散叫咁。估唔到店員答︰可以! 店家真係好貼心總括黎講︰食物質素中上，食物配搭幾新穎，服務好，價錢同食物質素份量成正比! 呢間店絕對係素食同埋生酮飲食嘅好朋友。…查看更多

半年前食過一次，令唔好食拉麵嘅我留低左深刻印象，收工喺附近諗唔到食乜又想快食完個飯就走，就會一會佢睇下維唔維持到個水準。喺門口等左5分鐘，店員就幫我落單。呢間拉麵店要先喺門口點完餐課埋金，店員先會為顧客安排入座。一入到去，一訪果陣，店員會溫馨提示個袋可以放櫈裡面，但今次無人提示。金沢湯桶柚子梳打｜｜$78柚子味唔重，但飲落幾清新，唔會好重氣泡，飲完唔會好頂住個胃，只係我諗唔明呢個價格點 set 出黎 （如果我喺居酒屋食野呢個價錢係無問題，但呢度連杯同冰都無俾我，剩係得支同樽身一樣咁高嘅飲管）。櫻木煙燻溏心蛋｜｜$15個人中意濃濃嘅煙燻味，呢粒蛋散發出淡淡嘅煙燻味，溏心蛋流心程度唔錯，整體勉強合格。鯛清湯拉麵｜｜$138拉麵一上檯，又係無左一訪嘅講解 (一訪師傅會講解牡蠣油點用，由於今次師傅無講解，我都唔肯定係用佢黎點落麵定放落湯度)。反正今次我覺得加左同唔加無分別。湯頭唔突出，無乜魚味，偏咸。鯛魚皮唔夠脆，仲有D似放太耐，又似片厚左，總之出到黎個效果係硬嘅 （一訪咬落去係卡滋卡滋聲，而家係咯咯聲)。麵質就軟硬適中，無咩可以挑剔。成碗拉麵整體黎講係不過不失，只係一訪果陣太驚艶，放左太多期望落去以致而家失望。整體感覺：無論從服務方面抑或係味道方面黎評分都係差左，價錢喺香港拉麵界黎講雖然唔算高，但喺正常一餐午飯價錢黎講都係偏高。佢同日本拉麵店一樣，得幾款拉麵俾顧客選擇。呢間店得三款拉麵俾顧客揀：鯛清湯、鯛白湯、鯛沾麵，適合有選擇困難症嘅人士光顧，中意食拉麵嘅朋友斬不妨去一試。…查看更多

朋友上網見到呢間餐廳評價幾好，又無限時，啱晒我地傾野，就 book 左呢間餐廳邊食邊傾啦。環境及衛生方面︰其中一邊有幅大玻璃可以望到街景，窗台種左少量植物。餐桌擺設幾整齊。整體感覺良好。服務方面︰一開始就俾人感覺要乜無乜... 本來個主餐牌就已經唔多野食可以叫，我地又唔想食套餐... 想叫個鵝肝煎帶子 - 無 叫牛柳 - 無，被逼轉左西冷 叫飲品果陣，個待應聽唔明加糖漿同杯飲品本身有果糖嘅分別；到d飲品上檯，唔講邊杯飲品係咩名，要我地出口問，然後有個自稱自己係廚房佬咩都唔知嘅人指派返bar檯沖野飲個妹妹黎答；繼而待應自己發現自己沖錯飲品照上俾我地又唔講，飲飲下黎多左杯，我地問先知沖錯左，後來呢杯先係啱...以上嘅事，都俾客人一種滿頭問號，無法理解同埋餐廳非常唔專業嘅感覺。(已經無計無待應斟水呢d小事，不過到走果刻，估計待應們都 feel 到我地極度不滿，熱情咁歡送我地走，就俾返少少分佢啦...)味道方面︰-食物︰最後我地被逼叫左法式焦糖洋蔥燒西冷扒、夏威夷火炙黑毛豬腩卷同埋意式香草黑毛斧頭豬鞍扒。而呢3道菜，其實可以combine黎講...3道菜煮完出黎係同一個色系 (直頭可以唱灰色~ hahaha~ hahaha~)、擺盤材料又一樣，食落都係overcook 之餘仲帶d燶味，牛扒仲食到d鹽灑唔勻嘅情況添!西冷薄到成張紙咁，d豬完全食唔出係黑毛豬，3款肉食落去都只有乾同柴仲要0醬汁! 但d筋位唔知點整到咬落去成堆油咇出黎...就連薯蓉都俾佢整到焗薯咁! 可以讃嘅地方就係薯仔呢個狀態食落肚好健康，唔需要怕肥...-飲品︰October (西柚 檸檬 橙 梳打 白酒) 好清新嘅果酒味，甜甜地唔重酒味，易入口November (威士忌芝士奶蓋配黑糖鮮奶咖啡) 第一啖完全飲唔到，個芝士奶蓋杰到以為自己食緊 cheesecake，要飲勁大啖先飲到下面d酒... 但個味係幾好嘅，只係真係飲唔到，餐廳又無俾飲管 (明明另外兩杯可以唔需要飲管就反而有....) 呢一分係扣個奶蓋太杰同餐廳唔夠細心嘅士多啤梨光環 (士多啤梨菠蘿果茶) 好香士多啤梨味，但無茶味，似純士多啤梨果汁多d, 有件菠蘿 (光環) 可以咬下咁，算係不過不失估計店員聽到我地勁不滿，自稱廚房佬走埋黎問我地要唔要食甜品，表示請我地食，我地決定俾埋個機會佢個甜品一次機會。然後沖飲品個妹妹黎收碟，見到我地每碟肉都有剩，驚訝地問左一句: 你地唔要啦?到甜品上檯時，我地望住個心太軟 (心諗: 3個人你送一客... Fine~ 反正心太軟呢d高油高脂食物，就算你上齊3客我地都唔會選擇食晒嘅)然後再心諗: 由自稱廚房佬話送甜品俾我地到上檯只係幾分鐘時間... 呢件野一定買返黎，只需要叮熱佢就食得... 只可以話佢買得幾好，心太軟黎講唔算甜。直頭連評分都可以慳返!總括而言︰三無!味道︰無質素︰無賣相︰無價錢仲要唔平! 食物質素完全對唔住個價錢，直頭可以用劣食黎形容! 連茶餐廳d雜扒都整得好食過佢! 人均消費 $300，呢個價買到和牛返黎自己煎啦!聽到我地咁不滿諗住送個甜品想了事... sorry~ 就算打5折都消唔到我地團怒火! 仲夠膽收加一服務費! 連飲料沖錯都無打算話我地知，無水又唔加水等等... 到底服務左去邊!? 憑咩學人收加一! 我成日都話︰如果真係服務得好，你收加三都仲得~ 但無服務學人收加一! 我只會 black list 你~ sorry~環境絕對適合商務聚會或好友談心 (晚市只係得一、兩檯客人) ，但只限叫飲品。…查看更多