素某

​屋企人食素，最近發現灣仔有間 cafe + workshop 格局嘅素食餐廳，環境望落好寬敞乾淨。餐廳主打草本茶，俾人感覺好特別。但要留意，餐廳食物選擇唔多，晚餐得一個 menu，只有幾個選項俾顧客選擇。

🔸🔹🔸🔹🔸🔹🔸🔹🔸🔹🔸🔹🔸🔹

Dinner Menu ($298 / person)

(餐前小食) 涼拌雞脾菇粟米仔秋葵｜⭐⭐⭐⭐
雞脾菇煮得軟硬適中，一咬就斷，無左平時食雞脾菇果種煙韌口感，配上燒汁，有D似食緊串燒肉片。

(沙律) 素肉鬆藜麥沙律｜⭐⭐⭐
沙律菜新鮮，剩係加少少素肉鬆調味，而唔係加沙律醬或醋調味，清清地唔錯。

(湯品) 南瓜栗子🌰忌廉湯｜⭐⭐⭐⭐⭐
同一般南瓜湯唔同，餐廳加左栗子一齊打，提升左個湯嘅層次。另外加少量忌廉令到個湯變滑而唔膩，好好飲!

(野菜天婦羅) 蕃薯🍠、南瓜、茄子🍆、冬菇｜⭐⭐⭐⭐
炸皮薄，用梅子粉點黎食，咸咸地酸酸地幾好食，但略嫌熱氣，如果可以好似日本餐廳咁俾埋

(主菜) 香草素雞．烤野菜．山藥慕絲｜⭐⭐⭐
香草素雞用左黑醋醬汁調味，味道無乜特別。反而亮點係喺山藥慕絲，加左椰奶，食落好滑，有淡淡椰香味。

(主菜) 黑白野菌．素帶子．黑松露．貓耳朵粉｜⭐⭐⭐⭐
基本上加左黑松露嘅野都好食，爭在濃定唔濃，呢個係食到淡淡黑松露味，我諗唔駛特別講🤣。配料方面，白野菌就得一片，素帶子同魚蛋果D無異。整體黎講算好食。

(甜品) 杞子琥珀雪燕｜⭐⭐⭐⭐⭐
好足料! 好多桃膠同雪燕。唔太甜，D桃膠同雪燕煮到啱啱好，有D野咬下之餘又唔會完全食唔到膠質，清清地幾好食。

(飲品) 烏龍湯🫖．植脂奶．蜜桃果醬．薰衣草｜⭐⭐⭐⭐⭐
奶茶好重烏龍茶味，面頭鋪左一層薰衣草乾花，好香薰衣草味，但就有D蓋過左蜜桃果醬嘅味，變左剩係飲到少少甜味。但係好飲嘅!

🔸🔹🔸🔹🔸🔹🔸🔹🔸🔹🔸🔹🔸🔹

整體感覺：
食物味道 - 中上，同一般咖啡店一樣，飲品、小食及甜品類會比較出色。
價錢 - 價錢尚算公道，如果選擇多番少少會比較好。
環境 - 乾淨闊落，木檯櫈俾到顧客仿似去到大自然嘅感覺，好放鬆。
服務 - 由於樓面只有兩個人，光顧果日 full house，食物上得慢之餘，叫服務員都有d困難。