晴朗號的个人专页

打卡黎一次還可以接受既…間餐廳出面等位嘅位置冇冷氣，其實客人已經排隊排得好辛苦，但係個侍應冇盡力幫我哋安排位置，不停俾兩位嘅人入先。其實入邊嘅位比較闊落兩位都可以坐到四人，但係佢就冇積極地安排。俾人感覺係唔想你入去食咁樣你慢慢等啦。而且入邊四人枱真係好少好少！！如果多人只可以坐室外就唔使等，但係個位比較曬同埋比較熱冇冷氣。成個晏晝入面，全場包埋水吧，都係得三個人。除咗紮馬尾長頭髮嗰個女仔服務比較好之外，其他人都唔積極。我都明白呢間餐廳係食風景，但係整體比我感覺唔好。環境係一流嘅！座位都比較闊落！如果係情侶拍拖係好適合，但係一家大細就唔建議嚟啦⋯⋯食物方面：凍朱古力比較苦：冇甜味唔好飲！仲要勁多冰上面好多可可粉。濟州柑橘乳酪：有怪味，感覺柑唔新鮮，唔好飲，但上面個大柑橘還可以。松露油炸醬麵：幾好味，重口味，但份量少，性價比唔得。明太子蟹肉飯卷：抵食好味👍燒慢煮雞腿紫蘇拌飯：飯唔多只係鋪平咗，個雞腿都幾大件，但好似唔係好熟，沙律菜有苦味。小柑橘的迷你套餐2:幾好👍又有甜品，個甜品好正上面嗰塊蜜糖柑橘做得幾好。又有橙汁又有四件飯卷，兩件炸雞，少少薯條同埋一炸沙律菜。幾抵食！因為等得太耐，我地又趕時間。我哋四個人坐咗二人枱，好彩食物係一碟一碟上。所以嗰張枱都擺得晒，但係都係感覺有啲迫，所以冇乜點影相.…查看更多

今日特登諗住走過嚟飲happy Lemon，點知見到個門面唔同咗，以為係轉咗手，原來只係改咗名。之後嗌咗一杯珍珠奶茶大杯$28，攞到上手成個杯咁大得兩層嘅珍珠！飲極都飲唔到有珍珠，使唔使咁孤寒呢！之後佢做緊推廣，5月6號至5月9號推廣，買正價飲品會有加$20有水果茶。但係我唔明白點解會冇得少甜囉。有冇得少甜都唔緊要，問題係我覺得店員嘅態度感覺唔良好。而且一間咁細間嘅舖頭有三個職員喺度，斟完杯嘢飲俾我之後就繼續大家圍住一部手機喺台面度睇電視。因為佢門面設計嗰張枱低咗嘅緣故，所以睇得好清楚入邊做緊啲乜嘢。我覺得作為顧客感覺上好唔專業。只可以話下次唔會特登走過嚟買，附近仲有好多選擇。…查看更多

舖頭有三個人，我諗主要係做午市，小食。我行咗一大個圈淨係見到呢一間小食舖，第一次去嘅時候11點左右仲未營業，行咗一段時間大概差唔多11:45左右啦就開咗門啦。咁我就試咗佢哋嘅滷水王牌都。幾好食！而且個雞腎都係新鮮雞腎，好少舖頭會用呢一款嘅雞腎。滷水嘅味道都好正，夾埋芥末同埋甜醬，真係好味！店員都好有禮貌店員。店內感覺好企理乾淨。個位置喺駱克道街市嘅後邊，駱克道嗰邊比較靜少少，始終唔係主路，但係勝在可以泊車喺出邊，買個小食上車食👍…查看更多

尋日親學校假期，同仔女和同學一齊去咗西九文化區，第一次參加M+博物館。午餐嘅時候問咗附近職員，要享有泊車優惠，就要去指定嘅餐廳消費。所以就四圍搵餐廳。但係去到兩點左右嘅時間，其中嘅多間餐廳都要仍然要排隊，甘岩呢一間位置可能比較遠少少嚟博物館，所以呢就唔使排隊，可以直接入去。而且招待客人入去嘅禮貌都非常之好，安排位置都好整齊，乾淨，整潔。雖然冇提供水給客人，但係有提客人自助落單。所以感覺都很好。另外食物方面：午餐有set lunch，係附近餐廳入邊少數平日有set lunch嘅餐廳。但係要求每位客人要嗌一個套餐，所以我哋四個人每人叫咗一個。味道方面：擺碟和味道都可以。價錢都適合，因為包餐湯，嘢飲同埋主菜。以呢個地區黎講價錢算合理。環境：無論係餐廳嘅設計，環境，同埋舒適度。都係非常好！桌面嘅設計係六角形感覺很特別！但係限時90分鐘用餐！（如果冇記錯）…查看更多

今日仔女唔洗返學，所以黎左慈雲山婆婆家。係open rice搵到呢間比較偏僻嘅食店。鋪面都幾特別，飯店入邊座位比較少得五枱左右。餐廳內的裝修都幾特別。我哋三個人，所以要分開兩台坐。叫左三個午市套餐。1）咖喱吉列豬扒飯定食沙律菜，湯，飯都好好味，飯比較熱和軟熟，所以口感好好。但係吉列豬扒就比較硬，所以麻麻地2）鯖魚飯定食魚都算大塊，厚身，而且唔腥！算唔錯的定食3）叉燒拉麵其實個味道唔錯，但係拉麵嘅份量的確好少，我女食只係啱啱好。另外，可能疫情關係啦，所以午市冇得嗌其他嘅食物，例如想牛頭角地鐵站交收或寄件？壽司刺身都冇得食，所以都冇乜選擇。但總括嚟講呢間係一間唔錯嘅餐廳可以再嚟幫襯另外一提店員的服務態度都非常勤力有禮…查看更多

間餐廳名好泰式，但成個午餐和下午茶餐牌都冇泰菜😟諗住見係新開餐廳今日下午去試吓，只可以講係一去不復返。冷氣又凍，乜嘢都冇得食，成個下午茶餐牌入邊得果一兩樣仲有得叫！價錢仲要貴過其他店，份量又小，和其他人相比味道又唔好。成間餐廳嘅裝修勁唔似睇泰國，似茶餐廳，仲要係大陸嗰隻款唯一唔錯嘅就係店員嘅服務不錯。只可以講，我只會食一次真係對唔住。希望你捱得住龐大嘅租金啦⋯⋯我覺得可以整多少少選擇係下午茶和午餐度，加返多d泰國菜餐單,會俾人感覺更加似泰國餐廳.我見到餐廳場入邊都唔多見人食泰國菜...…查看更多

我地食左四樣野：午餐：A餐牛扒飯，羅宋湯，凍奶茶一上台就嘩左一聲，因為擺得好靚！但我老公話個飯又硬，牛扒連一般水平都唔得，都冇食晒就放棄左午餐：蜜汁排骨飯，羅宋湯，熱檸水排骨係凍既，有好多焗黑左既位，咬極都超硬，吞唔到囉！個飯又硬得返幾成熱好好後悔食呢兩個餐！甜品：自家製拿破崙嘩！呢個真係嚇死人！上台個樣都吸引既！但真係難食到一個點！個酥皮硬到要用大牙咬！都唔知放左入雪櫃幾多日！個d黃色忌廉，似牙膏味，又唔滑又一夠夠！個水準真係差到一個點！甘既質素的仲話自家製！好難食！仲要三十幾蚊！甜品：雪糕+窩夫嗯！呢個既外形真係驚喜！因為三十幾蚊有四塊窩夫和兩個雪糕球，十分抵食！個窩夫上台仲熱辣辣，加埋草莓醬，好好味！個雪糕一般，因為有好多冰碎係入面！但碟入面仲有Oreo 碎！真係要加分！好味！環境：面積好大好多台！我地一點前黎到，好彩唔洗等位，仲有卡位坐！其他台都較迫，仲要搭台坐！侍應都多，但個個都較忙！急住翻場！總概黎講，午餐價錢係抵食既，五十幾數有飯有湯有野飲！但得下次幫襯機會唔高。。…查看更多

因為買一送一既關係,所以就第一次試食!尋晚10:30經過APM,就入左去啦~我排緊隊既時候,前面有一對人排緊,但輪到我既時候已經等左15分鐘我明白店入面得2個職員,但買杯雪要排甘耐,真係麻麻地~好啦講下杯雪糕啦!買一送一期間得大杯,感覺似逼人買大.POP CORN真係好好味,需然口感唔係好脆,但味道甜甜,都算幾好味.焦糖和朱古力,我會覺得焦糖好味好多,需然唔夠脆,但夠甜.朱古力就冇咩味,又唔脆牛奶雪糕,真係口感好滑,但唔夠凍,唔好味整體黎講,除左個外形特別,呃到人幫襯之外,雪糕唔好食.我食左唔夠1/3就掉左,真係好浪費,冇計,真係唔好味.....…查看更多

平時都係下午茶先黎食呢間,呢次第一次食晚餐!見到餐牌有個雲吞雞煲,所以就入左去坐定定啦,等食啦~先講個雲吞雞煲+福建炒飯套餐+茶. 一共$6x我個人就覺得好抵食啦!雲吞雞煲:我第一眼見到隻雞就嘩左聲!真係全隻春雞,入面仲有5粒雲吞和花膠!!!1.隻雞因為用春雞既關係,所以唔會好痴牙.加點少少鼓油,真係好好味.2.仲有一粥麵既招牌雲吞,每隻都有1粒蝦,皮又薄又滑.3.最估唔到既,竟然入面真係有花膠!!!!唔腥好滑.4.我平時食得比較少鹽,所以我覺得個湯就鹹左D,但就味濃既.整體黎講係,真係時間限定,要一試!福建炒飯:因為係套餐,我仲以為個飯會好細碟,但一D都唔細,女仔只係食呢碟都好夠!1.睇落好多汁,但一D都唔覺得好鹹,好味2.有好多配料,仲好大粒既帶子,我就魏得好岩小朋友和老人家食,因為飯較軟,不會覺得硬.好味!!順便一提,+$3有紅豆冰!!!!超抵之後就到呢個平炒牛河啦!$4x我平時下午茶都有食開,但份量就好大碟啦.我諗一個大男人先食得晒!1.睇得出師父唔會用太多油,食落去唔會好油!味道始終唔夠大排檔甘有獲氣,但都算唔錯嫁啦.2.牛肉唔太有牛味,但好彩既唔會好似牛肉乾甘硬!都算過得去!…查看更多

其實已經幫襯左好多次嫁啦,貪佢平同埋好食!呢次先寫食評,因為佢加左價,而且好味過之前果幾次幫襯!!!1:首先介紹下我次次都會食既腐乳通菜啦!!呢次係最好味既!因為連菜頭既部份都唔會太硬,烚既時間又岩岩好,保持葉既青綠色!可能因為合時節既關係啦.另外,麻辣既腐乳醬,真係好配合白烚既通菜.仲好大碗,好抵食. (之前黎食都只係$8,依加要$10啦)2.再黎既係雲吞麵.先講左價錢先,由原本既$19,加到依加$20.但睇返碗面!之前$19既時侯係得3粒雲吞,但今日$20竟然有4粒!!!!甘計番,就好抵啦!! 另外,以往食呢碗麵,麵味都係仲有D鹼水味,但呢次完全冇!!!仲要唔知點解呢次個麵既質感好軟好滑,同之前食落去好唔同.!! 好食左好多!!!! …查看更多

呢間係地鐵站既涼茶店入面除左有涼茶飲之外,仲有好多小食同糖水今日又黎食蘿蔔雞翼尖我己經唔係第一次食嫁啦!通常都會係什錦咖喱併盆,貪佢咩都有$26今日就係個小小地既蘿蔔雞翼尖$16又加左價,之前都係$14,$15,依加加到$16啦!味道方面:1.蘿蔔都算好軟,冇渣,冇咖喱既辣味,有甜味.             2.雞翼尖,煮得好軟,唔會鹹,唔係扲黎送飯黎講,都OK但鐘意咖喱有辣味既朋友可能唔岩食啦!環境方面:店入面有3張木圓枱,裝修都好有古典味服務方面:姐姐會叫你買左野食收左錢先坐底慢慢食,都都好好笑容和態度…查看更多

今日我仔仔三歲生日啦~我早兩日就訂左呢間餐廳,一直都想試下呢間係天台既餐廳!環境方面:-有室內室外座位,我地坐入面,因為驚熱.坐位唔多!!             -店內以黃燈為主,但太陽落山之後,就覺得好暗.             -我地一枱7日(2大5細),比左張貼牆既長枱比我地,但就覺得窄左D啦,放得個主菜,基本上其他由沙               律吧扲既野食都冇位放.但我見店內有2種台,我見到黑色枱面既台面積就較大,所以大學識住當然                 想坐得大D啦             -音樂真係好正!!!全部都係我同老公鐘意聽既歌!服務方面:侍應仔(似暑期工)都好快幫手收左係完沙律既空碟,等我地有多D位出去再扲野食.             女經理動作都好快手!GOOD食物方面:A. 香草蘑菇彩椒法豆意大利粉個樣好健康,有好多菜,味道都唔錯!D. 大牛肉煎旦芝士煙肉漢堡第一次見用太陽蛋夾漢堡,有人話鹹左D有人話唔夠鹹,甘可能係鹽唔平均啦,但個樣就睇落唔錯H.雜扖好抵係,又豐富,有豬,牛,雞,腸,煙肉,薯菜/飯/意粉,味道都唔錯嫁.I.西冷+大蝦估唔到塊牛好厚!!都好大塊,大蝦正常味啦,個洋蔥汁唔配得幾好!J.肉眼好大塊,個牛肉味多過西冷好多,但就冇甘厚身囉~仲有兒童餐!!!!都係$58,A/B 值得一選!沙律吧需然唔大,但有3~4款沙律,一款水果,3款甜品,3隻味雪糕,一款湯,螺絲粉,仲有雞扖春卷等...             就算只點沙律吧,一定都夠係.單點$118價錢方面:晚餐竟然都唔洗加一!!             有低消:一人叫一個餐.其實都幾抵,叫一個餐就有埋沙律吧食.值得推介鐘意飲酒吹水既朋友:如果坐室外,一邊飲酒,食下小食,有個海景睇下,環境優靜,真係一流!拍拖既朋友:都可以試下,環境都浪漫,而且坐位唔多,唔會嘈,傾計都唔錯.大食既朋友:沙律吧會不停加,所以一定係得好飽…查看更多

好友同我補祝生日飯.第一次黎呢間餐廳食飯~已經好早訂位,但都只係BOOK到8:45PM,但都要企係門口等左成~25MINS.門口等位既位置真係好窄,真係好唔舒服既等候位置.環境方面:黃燈為主,較暗既燈光環境,所以有一種溫和既感覺.服務方面:食物碟隻隻都好重,我見到餐應既男侍應個個都要扥住個好重既扥盆,都真係幾辛苦下.             但係呢個工作環境下,侍應都好樂意為我地服務食物方面:飲品:蘋果酒沙冰:好消暑既飲品,味道正啦,仲好大杯,我都飲唔晒!             主菜:海陸空:由於新出,會員又有特價,所以就選擇左呢個主菜.                     長腳蟹,都一如出面冇咩肉可以食,仲鹹左D                     羊架,真係好食都冇得頂,軟軟既人感,香香既羊肉,真係正                     豬助骨:都算幾好食,但我都係覺得有少少鹹,要飲好多水.             沙律:香芒雞沙律,我地等左好耐先到(係食晒所有湯,主菜,都味黎=.=')                    芒果算係OK,但個雞就好鹹啦,仲好似燒焦左,我地一人食左一塊就放棄左                    沙律菜,就係雜溝,咩都有,仲有D芝士條,都幾新鮮,幾好食!            甜品:會員卡送的,所以唔洗錢.                   上面有兩球雪糕,底有塊巧克力硬身蛋糕.                   凍既雪糕加埋暖暖既蛋糕一齊係,真係好味到爆!!!!價錢方面:算係一分錢一份貨…查看更多

今日冇帶飯,落左樓下買外賣,就簡左呢間啦!正常黎講我唔會選擇門面甘舊既店食LUNCH.但我之前見過好多次午餐時間,都好多人排隊買外賣,算係呢條街入面,最多人聚集既店鋪.所以,就一試啦~我叫左個一盒兩送飯$37:西芹炒鮮魷+雞翼餸既份量少,西芹炒得都唔錯,好有味.但鮮魷就好假,好似落左好多唔知咩..飯方面,就好多,正常女仔都好難係得晒飯偏硬囉,太干.如果要加野飲就熱飲都要加$5,凍飲唔記得啦~我入店內落單時,見到店內環境好舊,感覺上唔係太干淨,仲好迫=.='如果同一條街黎講$37蚊可以食到好多好味既外賣飯盒.所以我諗,下次應該唔會再幫襯.…查看更多

今日放假,老公話想好想試下呢間得星期1~5先有既$99蚊下午茶.所以就睇都唔睇就入左去坐底叫野食.環境方面:一流既海景啦服務方面:侍應都好熱心,即使餐應是自助形式扲餐具,都好求必應食物方面:1:$99蚊既英式下午茶,有三層+1杯熱茶,1杯泡沬咖啡                個樣好似好勁,食落只覺得一般般,但個茶包都唔錯,好香,個綠茶雪糕都好濃味~              2:$40 香蕉巧克力和芙                  算係好食,個窩芙食落去係凍既,證明一早整好放左一段時間.                 雪糕和窩芙一齊食,真係感覺得幸福~埋單:$145 (4位)如果下次再去食,我唔會再叫$99呢個餐,我會叫美味既窩芙…查看更多