mm大食積的个人专页

因為有啲事要去葵涌所以諗住是但搵一間嘢食行行吓見到呢間cozy cafe好似幾靚咁樣，價錢又合理，所以就入咗去喇。可能因為我去到嘅時候未到lunch Time，所以鋪頭唔算好多人。我叫左佢嘅lunch set牛扒意粉，加左＄12配紫薯latte。賣相係好靚嘅，但食落牛扒筋比較多，但係意粉真心處理得幾好，唔會黐埋一舊舊，個汁有啲多，但本身調味都適中。好可惜我用咗隨行杯所以睇唔到佢個拉花，同埋冇影到杯咖啡。個咖啡都幾特別嘅，因為好少會有紫薯latte，我都係因為見佢咁特別所以先叫左黎試吓。但係加＄12有啲貴 :( 不過如果你好鍾意紫薯嘅話，都建議你試一試，因為紫薯同奶同咖啡嘅配合真係唔錯👍🏼總括而言，成個餐$56，唔可以算係好抵，不過因為嗰度附近冇類似嘅Cafe，所以如果我係住喺附近嘅話，都應該會得閑去下嘅。重點係小店，唔係大集團cafe,梗係要支持下啦😁😁😁…查看更多

話說約咗一班朋友食飯，但係因為有一個friend 要好夜先到，所以唯有約好晏。跟住有人suggest 反正咁晏不如打邊爐（其實好似唔係好關事lol）總知我地就誤打誤撞地入咗呢間野度食啦一開始入去係因為佢有特價，可能係因為新開張啦心諗$179 有放題又有雞煲😍😍😍上到去見到佢啲花藍都仲擺緊，應該真係岩岩岩岩開張😂😂呢間野性價比真係幾高，同埋擺盤好有心機一坐低緊係嗌湯底先啦，我哋就揀咗一個特別嘅同埋一個穩陣嘅，一個係蕃茄龍蝦湯底，另一個就係普通壽喜燒湯底。一嚟到，個番茄龍蝦湯底，😱😱😱浮誇到一個點，三大個蝦頭加埋好濃嘅龍蝦味，無揀錯😍😍佢啲嘢飲都有好多款揀，有啤酒任飲😍😍可惜第二日有野做就無砍酒喇佢有兩隻豉油俾你，一隻for刺身一隻for火鍋，火鍋果隻當然有齊唔同調味，生蒜熟蒜果d，都有啲特別嘅例如芝麻醬同洋蔥蓉到主角喇，個刺身真係不得了，啲蝦手掌咁大隻，啲三文魚仲要砌埋花重點係因為我真係好鍾意食蝦刺身，而佢有三款，甜蝦虎蝦同赤蝦，勁開心😍因為我前幾日先食完荃灣一間放題，果間仲要加左價，成三舊水，但呢間d質素真係比得上佢，仲要平好多，即刻好想時光倒流嘔番餐放題出黎lol個牛，好有牛味😝😝😝，完全唔係平時酒樓打邊爐嗰隻😂😂 有兩款揀，我就鍾意加拿大牛肩肉果個多d,肉味重d,有嚼勁👍🏼啲配料就都係嗰啲配料啦，上得好快同足嘅。值得一提佢個芝士魚蛋，係芝心丸+魚蛋，估佢唔到咁好食…查看更多

第一次見到呢間野喺葵芳，本身都已經有啲想試吓，因為由細到大我都係蜜糖星星嘅fans！點知今次比我起荃灣再次遇到佢，緣份嘅安排，咁就一定要食啦！佢本身有幾隻味揀，咁當然就要揀佢最出名嘅紫薯味啦！（題外話：原味係會睇唔到粒星星架，我果時同個friend 講，佢嘅原味雞蛋仔應該係呢個世界上最低調嘅雞蛋仔 hahaha）好！講完廢話，講下個雞蛋仔先！第一下見到嘅時候就覺得好靚，原本以為應該啲星星唔會好出，同埋會有啲醜樣，因為加熱左。但係原來唔會，所以即刻影咗幾張相，話晒呢個雞蛋仔最緊要都係sell個樣 hahaha 味道方面，反而有少少失望，因為我本身係想像緊蜜糖星星嘅味道再放粒雞蛋仔入口，點知我食到紫薯嘅味道，同埋都係紫薯嘅味道 /_\ where is my 蜜糖星星？？？之後再細心地食嘅時候就會發現到蜜糖星星嘅味道，但係都係好淡 :( 不過可能因為個紫薯個味道好出，所以都唔可以怪個蜜糖星星唔出味既/_\ 整體而言，賣相好靚，味道都幾好，但係如果你係為咗蜜糖星星食嘅話，咁可能會有dddddd失望…查看更多

話說呢間刀削麵大隻積真係由細食到大，今日同朋友講起原來默默地呢間野竟然變左聖地，所以大隻積都要黎分享一下咁多年黎既經驗。常食推介：五香牛肉雲吞刀削麵加蒜呢個我真係最常食。五香牛肉係佢間鋪既推介，如果係第一次去食既，會建議你先食呢一個。牛肉好Lum好入味，次次都要食。另外，雲吞係手整嘅，純綷因為自己好鍾意食，私心推薦haha麻辣推介：麻辣豬耳刀削麵另外佢嘅麻辣都係好多人食嘅，其中我最鍾意麻辣豬耳，因為自己平時好少食豬耳，但佢個麻辣加埋豬耳真係好正！記得雖然佢張枱上面係有辣油，但同佢個麻辣係唔一樣架！所以如果鍾意辣既朋友就真係要嗌呢個。小食：醉雞最後我想推薦嘅係佢嘅醉雞！我想講佢個醉雞真係好好食，雖然唔係我食過最好食嘅，但係而呢個價錢真心抵。同埋我覺得佢應該係自己整架，因為好家庭feel. 總知真心，請試一碟。不過有時佢啲肉會hai d,呢個真係睇你彩數 haha! 介紹住咁多先，如果有機會再介紹佢其他有特色嘅拉麵啦！（其實佢都係有賣拉麵架，不過而家要加錢我就少食左喇:( )…查看更多

話說媽媽話同一班街坊一齊食西餐，問我一唔一齊，咁醒目既大隻積當然出席啦！呢一餐係3 course menu，為左試哂唔同既野所以盡量大家都叫左唔一樣既野。咁就分開寫番每樣野啦 首先呢個龍蝦湯，好飲的，好重龍蝦味，份量一般。前菜一，焗田螺。個人認為有d油，食兩粒都夠哂。值得一提佢有個專門既夾夾俾你夾住粒田螺食，幾得意，又唔會整到成手油。前菜二，芝士焗蠔。um…就係芝士焗豪，幾好食，如果兩個前菜揀我會揀呢個！主菜一，白汁三文魚。三文魚算嫩，重點係個汁好好食（心心眼）主菜二，大蝦，呢個我就覺得正正常常，無驚喜但都唔會覺得佢係冷鮮蝦，不過不失。總括而言，整體唔錯，係一個性價比不俗既餐！…查看更多