阿攰's Profile

久違地進天水圍吃飯，朋友介有家居酒屋竟然在做任吃放題，就跟他去試試。原來是外面做普通居酒屋，最裏面卻在做火鍋放題。他們有幾款餐，湯底足足有九款可以試。我們叫了牛頸脊餐和醉雞湯，湯底的味道很濃郁，雞件數量頗高，肉有好幾款，上來時還會標明是什麼肉，在這區看到這質素的餐廳是很少。最好吃還是牛肩脊肉，記得不可以燙太久！醬料區比較特別，有櫻花蝦油。飲品選擇不太多，但有冷泡烏龍茶等等較少見的選擇，還有生雞蛋可選。食物上來時見每份的份量不太多，但這樣反而更好，可以吃更多款，這樣下來兩輪已經很飽。…Read More

其實好少返香港，返到香港又通常食屋企飯，係今次約到難得一見嘅朋友喺銅鑼灣聚會，諗住食完嘢行下IKEA，就搵到皇室堡嘅嘢食。入座時間要做遲，但都有午市套餐，合乎香港人食飯時間。我哋揀咗三文魚意粉同埋豬鞍，又諗住一人一樣前菜試吓。南瓜湯合乎水準，配一塊麵包，兩個人分就會少少唔夠喉，但其實一個人就OK。煙鴨胸好食，沙律係健康嘅紅菜頭。豬鞍出色過三文魚意粉，肉質嫩細，冇平時豬唔好食嘅味，薯菜都唔差。三文魚幾大件，落鹽調味不足，但口感都不俗。咖啡有料到，選擇都唔少，氣泡飲料係朋友飲嘅，但應該都唔差。整體環境舒服，地點又就腳，價錢唔算貴，以午餐嚟講可以一戰。…Read More

朋友在觀塘上班，放工後一起吃飯聚餐，推薦她去榮哥私房菜，吃過水準不錯，菜品又健康，相約於此晚飯。本地水耕沙津菜伴芝麻醬沙律菜清爽脆甜，以青瓜束起沙律菜，伴點芝麻醬，味道更具層次。茶燻流心蛋伴黑魚子醬配厚切茄子茶燻蛋蛋白彈牙、蛋黃流心香滑、茄子皮脆肉軟腍，絲絲鮮嫩不爛。原鼎海椰皇仔燉鷓鴣黑毛豚肉湯鷓鴣肉厚骨細，營養極為豐富，含有豐富的蛋白質低脂肪，與海椰王配搭後，湯頭更為清甜香口，潤喉補肺。椒鹽豬肺豬肺炸粉薄、表面香脆、豬肺柔軟微爽，椒香味濃。油浸時令海魚與曬乾咸魚相似但有著天淵之別，魚皮薄魚肉滑嫩，乾爽卻不乾柴，魚香味更濃郁，味帶天然海水咸味。蟹皇瑤柱時令鮮蔬他鄉炒米絲總結，觀塘雖然食店多，但高質高水準私房菜卻很少，榮哥還是不錯的選擇。…Read More

聽人推介土瓜灣有間有SAKE PARING 的OMAKASE店，既有SAKE PARING又是OMAKASE, 價位還要很合理,，立即同時愛日本酒的朋友去這間隱世小店聚聚。這間店面雖不怎大，但感覺好有日本的小型溫馨感的居酒屋風格，最主要是幾乎每2-3道菜就有一款SAKE配搭，完全看出這食譜的用心。首先來的是三杯米(日本酒)，螢光魷魚及刺身拼盤。三杯米米香味很強，但入口又不會太嗆及很易入口。很能帶出海鮮的鮮味。瑩光魷魚則味道很濃, 但又帶有柚子的清香，味道很突出。刺身相當新鮮，有金目鯛、深海池魚、中吞拿魚。每款都很重魚香，質感很好。之後來的是鶴乃江(日本酒)，配搭燒蠔跟串燒拼盤。這次入口會更清而帶有淡淡的米香，感覺是更能清楚吃到燒物的味。蠔的肉身很厚且份量不小，燒得很好, 鎖住水分又好爽口。串燒就各類型都有，有雞有豬也有肉臟。燒得入味，而且外身都很脆。接下來是白木久(日本酒)配燒牛舌跟五花腩及野菜天婦羅與海鮮湯。由於配上更重味的燒物，所以感覺都是清但延伸的口感會耐一些。至於燒牛舌很爽身，咬下時有不少肉汁。五花腩也一樣，火喉掌控得很好。味足又口感好。天婦羅也炸得剛剛好，吃時既有口感又惹味。海鮮湯則很清香得來又不失海鮮的鮮味，配菜都要入味。最後甜品再配上另一款白木久(日本酒)，這次白木久比上款偏清酸一點，更能帶出甜品的清甜。讚。…Read More

榮哥私房菜距離鐵站不到五分鐘、若果約朋友聚餐還是很方便。雖然位於工廠大廈、但環境不錯，而食物質素好，可以一試。本地水耕沙津菜伴芝麻醬店內可以看到水耕沙律菜，清脆爽甜，水份充足，配上芝麻醬更惹味。茶燻流心蛋伴黑魚子醬配厚切茄子這是店家主打前菜，厚切茄子外皮燒至微脆香口，內里茄肉鮮甜多汁，加上茶燻蛋流心香滑，茶燻味濃，整體來說十分滿意。橙花星班球師傅自家手工製橙果醬、再淋上超大片厚肉星班、底配香口米通，口感豐富多元層次感。橙香帶點薄橙片、香而不澀、星班大片卻較嫩身，並無平日茶樓較老韌的口感。江南百花雞較新穎特色的菜品，燒雞雞皮微脆、雞肉彈牙富肉汁、雞肉下是大顆蝦仁拌芝麻、蝦仁晶瑩透亮爽口、芝麻香鮮味十足。他鄉炒米絲米絲幼細卻不易折斷、口感彈牙煙韌、米絲乾炒香口不濕亦保持水份，整體乾爽不油膩，不錯的主食，不膩不撐胃。整體來說，食物款式多樣化、質素高、味道佳、服務態度良好。在滿佈人口的觀塘區，在一堆沒追求的餐廳里，算是鶴立雞群的存在了。…Read More

張公館座立於銅鑼灣V Point，面向維多利亞海景，裝潢中式大氣，較像私房菜及高檔酒家的混合體。張老闆本在澳門經營海鮮酒家，後來回港則開設精緻粵菜，亦嘗試創新及融入不同菜路元素。疫情期過後，店家推出不同優惠，即去嘗鮮。燕麥黃金北海道大元貝（優惠菜色298👉🏽198）師傅香炸大元貝再以爆炒香口鹹蛋黃香拌，外皮炸皮薄而香脆，元貝大顆厚肉富彈性，貝柱新鮮柱肉絲絲分明，柔軟鮮美。鮑汁北海道刺參伴鵝掌時蔬（優惠菜色326👉🏽198）屬昂貴料理之一，刺參是海參中質量最好的一種，性平補氣。口感煙韌爽口彈牙，鵝掌吸附濃厚鮑魚汁，肉質柔軟軟腍。張公館 潮州翅（優惠菜色398👉🏽238）翅熬得膠而不黏、醇香濃稠。翅身入口軟滑、味道醇和、湯頭香而不嗆，味道鮮濃。好事成雙——黑毛豬叉燒拼燒腩仔黑毛豬肉質較鬆化，肉味也較濃。整塊厚肉酥化，整塊肥瘦均勻，油潤帶甘香，肉嫩多汁。生磨蛋白杏仁茶師傅以撞蛋白打底，再以杏仁茶斟滿。蛋白質感輕薄水潤順滑，生磨杏仁茶密度幼細，稠度剛好，杏香濃郁。五色桂花糕師傅以魚膠片做材料，再以泰國椰漿、菲律賓呂宋芒、士多啤梨、日本蜜瓜及浙江乾桂花，凝固而成。以新鮮生果原汁原味打造，果味濃郁。…Read More

難得約到依個朋友食飯，我哋揀咗間食雞翼嘅餐廳，之前喺中環食過，今次就近揀咗間喺灣仔嘅。我哋嗌咗一份雞翼拼盤同埋一份薯條。雞翼拼盤有三隻味，佢有濕身同乾身嘅揀，我地就揀咗兩乾一濕。日式蜂蜜芥末，覺得係最好味個個味，濕濕地好柔軟嘅感覺，加少少芥末會幫助解膩，食多幾隻都冇問題。蒙古燒烤，香料有層次，唔辣但係好香，乾身嘅感覺更加食到雞翼皮嘅香口，雞翼有肉汁。黑椒檸檬，落咗檸檬汁落雞翼上面，本身上面都有黑椒糖，清新得嚟又有啲辛香。薯條係幼身嘅薯條，炸得香脆得嚟又唔會太滯，冇粗薯個個飽肚感，點埋個黑松露醬，就啱啱好。嘢飲方面，我就嗌咗auntie cider，係本地啤，而朋友就嗌咗lemonade，兩樣就係清爽嘅飲品，襯炸嘢一流。…Read More

香港有好多滷水鵝專賣店，但係大部分都係外賣店，好少有得坐喺度食，所以見到中環準備開依間店，我都期待咗好耐。皇牌飯，招牌就緊係咩都有，一次過滿足哂所有願望。鵝片嫩滑，皮有油香；鵝腸爽嫩，而且夠入味；蛋彈牙又香濃；鵝肝最好味，入面即化。我中意佢會加埋鹹酸菜比你，夠哂開胃。另外再點咗少少小食，墨魚非常彈牙，唔會稔，配上醬汁，一片一片咁食。大腸清得夠乾淨，冇異味又滷得入味，唔會太肥太膩，而且有口感。同一般嘅滷水店一樣，有額外嘅汁可以加，仲有醋可以點，滷汁香醇。以中環嚟講個價錢都叫合理，味道又唔差，經開個頭食飯一流。…Read More

出街食飯嘅人少咗，連等金賞天丼嘅時間都少咗，上次我去食咗個all star丼，今次決定食個天丼御饍，一嚐茶泡飯🤟🏻🤟🏻沙律菜配酸酸瞇瞇嘅柚子醬汁，菜絲任添，均衡飲食。大曬冷，飯桶勁別緻，而且個飯好好食，唔會太乾或者太濕，咬落去粒粒分明又飽滿，仲有好香嘅米香。本身我同朋友都比較細食，都忍唔住食咗大半（份量本身都多嘅），加上個汁係一啖一啖咁送入口。天婦羅最中意一定係蝦，大隻又彈牙，另外紫菜、茄子都好好味。魚就大大塊，結實嘅口感。什錦炸物超級飽肚，每一件都好香，皮又脆又唔會太油，每一種食法都好滿足。最後就加湯食，清一清個熱氣，加上漬物，口感同口味都好豐富。…Read More

天水圍唔係冇嘢食嘅，但係要坐得寬敞啲，有茶飲比老人家開心下嘅就冇乜。依間總算係合乎心水，味道又唔錯嘅餐廳。土匪鴨，食咗幾次忍唔住要推薦，土匪味道十足，配合鴨肉嘅肉質，冇雞肉咁膩。蟹黃豆苗，豆苗細嫩就一定嘅，蟹黃醬都調味得幾好，香口又有肉絲。湯水都係必須嘅，竹絲雞加蟲草花，夠潤，足料到個雞都可以食哂。清炒萵筍絲，清甜易入口。干鍋大腸，最正係蔥蒜十足，仲有配料可以食。大腸乾淨，有油脂香，食落又唔會太漏。依家防疫時間，出去食都要睇下環境，就腳程度加口味不俗，令到我地一個月都嚟一兩次😂…Read More

喺銅鑼灣買完禮物，順便食個晚餐先返屋企，一個人冇咩選擇，諗起之前食過呢間丼飯，就決定去再試試佢。搬咗新舖後都冇嚟過，款式好似多咗又豪華咗。嗌咗柚子檸檬酒，酸酸甜甜最開胃。嗌咗海之幸丼，有油甘魚、比目魚邊、吞拿魚腩、松葉蟹鉗、赤蝦、日本海膽，三文魚子，非常豐富。油甘魚肉質細膩，吞拿魚腩肥美，入口即化，比目魚邊油脂四溢，配飯一流。松葉蟹鉗清甜，加上容易食用，唔會好難剝。赤蝦肉質黏稠，海膽味濃，整體食材高水準，飯量適中。聖誕優惠有八折優惠，非常抵食。…Read More

上環通常都係食午餐，晚餐就好似冇乜選擇，今次朋友帶我嚟食依個私房火鍋，開拓我另外一個新飯點。有哂一般嘅佐料，仲有老闆娘推薦嘅自製蝦醬，非常惹味，齋食都正😂我哋嗌咗醉雞煲，湯煲起之後放入雞件，再滾起就食得。醉雞湯淡淡酒香，雞件嫩滑，雞皮爽口，唔會太肥。蝦滑人手打，非常爽彈，粒粒都係蝦肉，鮮味十足。羊肉片羶香，係我哋中意食嘅味道，加上厚薄適中；竹笙爽口，浸入醉湯索哂味，厚肉甜美；芥蘭苗甘味十足，邊爐食菜先係完美嘅句號。以邊爐嚟講都算小貴，但精緻高質，物有所值。…Read More

身為依度嘅街坊，開咗新大排檔餐廳就比屋企人捉咗去食。食依啲都係食小炒類，不過環境比一般大排檔舒服得多。豉椒炒蜆係必點，蜆肉脹卜卜飽滿，冇沙又有鮮味，醬汁稍濃，但都係水準之作。蒜香通菜煲，熱辣辣微辣帶出香味，少少濕潤唔會太鹹。椒鹽九肚魚同蠔餅，兩個都夠香口，外脆內軟，九肚魚滑到好似可以融出嚟。蠔餅香脆，蠔仔份量多，唔會太多粉，有蛋香。蠔仔粥都係必須的。蠔仔好多，加上冬菜葱等調味，層次豐富。粥水好鮮，粥膽唔會太稔，大家都食哂🤞🏻…Read More

前排依間店做緊開張優惠，食自己動手嘅浜燒，日本料理愛好者嘅我就手刀去左試。我哋點左刺身、漁師丼三食同浜燒盛合。刺身有吞拿魚、帆立貝、蝦同油甘魚，整體新鮮出色，帆立貝鮮甜，蝦頭美味，蝦肉又有膠質。漁師丼有蟹肉、吞拿魚蓉、三文魚子、青瓜玉子同其他魚生碎肉，飯就係普通白飯，佢有幾個食法，淨食，用紫菜包手卷同一款似茶漬飯嘅食法，但係個湯係用魚湯，魚湯飯暖笠笠，好食又多重享受。之後係期待嘅浜燒組合，有生蠔、白貝、黃貝、蝦等等，職員會講解點燒，加清酒同湯係貝類上面，蝦就加鹽燒香。貝款做浜燒真係好出色，酒香加貝類嘅鮮甜，蝦肉就彈牙，生蠔飽滿有海水味。之後唔夠食，再嗌左馬刀貝刺身同螢光魷魚，馬刀貝爽脆，魷魚唔會太鹹，質感非常柔軟，配上柚子梅酒同薑汁汽水調酒，作為一個完美嘅句號。…Read More

帶外國朋友飲茶，通常一係揀地區特色小店，一係就揀一啲有返少少特別嘅酒樓，依間海港薈，最正就係有一個超級靚嘅海景。佢啲點心都唔差，黑毛豬叉燒包非常扎實，醬唔會太甜，包又鬆軟。馬拉糕都一樣香甜鬆軟，但個甜意又唔會太死。蝦餃入面嘅蝦仁大大粒，爽口鮮甜，皮唔會厚，仲有啲煙韌。我哋仲嗌咗啲小吃，椒鹽炸豆腐外脆內嫩，滑溜嘅豆腐熱辣辣，點醋就最好吃。炸兩大大份，非常飽肚。朋友點左個灌湯餃，湯鮮熱，餡料豐富。海景一流，坐得寬敞，點心又有水準，係市區飲茶都可以考慮下。…Read More