Cykman的个人专页

最近成日都食中西餐，想轉轉口味食拉麵，就叫左朋友黎霸嗎拉麵食晚餐🍜。地點方便，氣氛放鬆，最重要係今晚想食返d重口味同暖胃既嘢，拉麵就最岩啦！.辛辣炙燒豚肉味玉 $98 拉麵一大碗上枱已經好有驚喜，湯底帶辣但吾嗆，香氣有少少炙燒香同層次既辛味；麵條彈牙夠爽；筍切得適中，吸湯又有清脆口感；炙燒豚肉肥瘦相間，炙過表面帶微焦香，油脂同瘦肉既比例好平衡，每啖都夾到肉既嫩同油香；味玉半熟溏心，醬香滲到蛋白入面，整體好滿足又有份量👍🔥.雞叉燒辛辣雞白湯拉麵 $95雞白湯濃郁滑潤，辛味溫和地提升層次但吾會蓋過雞味；雞叉燒係圓形既，幾厚身，切開有肉汁，口感厚實但嫩滑；湯入面仲有木耳，帶d爽脆，跟住吸d濃湯，好有口感對比，整碗食落去係溫暖又有驚喜既組合🍗🌶️.羽根餃子 $35 日式餃子底部煎到金黃酥脆，形成一層輕薄如羽毛既縷空薄餅，入口第一口係脆既聲音，跟住就係餃子內餡既多汁同香味，皮身同羽根既層次分明，口感好有特色，配埋少少醋同辣粉更提味🥟✨.沙拉唐揚雞 $38大大粒既唐揚雞球，外皮炸得脆身但吾油膩，一咬就爆汁，雞肉嫩滑有汁，調味吾會太重，配搭埋沙律醬，好creamy🍗.Zero 可樂 $15 無糖既可樂帶緊爽快既氣泡感，cola味夠，飲落去可以好好清走湯既油膩，特別係食完辛辣或者炸物之後，喉頭即刻清爽返黎🥤❄️…查看更多

.又係鍋時候！今次特登用佢地會員迎新同每月回贈，約埋friend黎chill食個豐富晚餐—CP值直逼爆燈💥.簡短INFO- 套餐：日本黑毛和牛A4+任食套餐 $338/位（任食肉類/海鮮/自助吧） - 升級湯底：自家麻辣鴨血豆腐鍋拼酸辣排骨湯 +$50（超推薦🌶️） - 會員優惠：黃卡每月9折、金卡8.5折、白金卡8折，仲有迎新、積分、現金券/折扣券/食物券/延長時間券 — 有優惠梗係要用盡！.重點亮點（必睇）- 肉類無限encore🔥：日本黑毛和牛A4+（油花幼滑、入口化），極尚安格斯牛小排（肉汁豐富），仲有澳洲M6和牛牛腹、伊比利亞黑毛豬、紐西蘭羊卷等，多款口感分明，想食幾多就encore幾多- 海鮮超新鮮🦐🐟：原隻帆立貝、鮮甜桶蠔、磯煮鮑魚、花雕醉鮑、白鱔片、墨魚鮮蝦滑、龍躉班頭腩等，涮幾秒即刻鮮甜爆發- 餃類必點🥟：手工水餃（木耳豬肉/鮮蝦雲吞/媽媽梅菜豬肉/韭菜餃）——每款都粒粒飽滿，雲吞放湯底幾秒最正- 自助吧超強🍢：多到眼都花！大埔振興貢丸系列、芝士腸、炙燒芝心包（爆流心芝士🧀）、自家製拉麵、即食麵、各式丸餃料應有盡有- 飲品+茶酒創意搭配🍹：自家製茶酒系列（洛神花/羅漢果菊花/鴨屎香檸檬/蜜桃柚子烏龍）超夾；仲有啤酒、Somerby、汽水等- 甜品區：雪糕款式多，辣鍋後食個雪糕最解膩。.必點清單（我的Top 6）1. 日本黑毛和牛A4+（首選） 2. 極尚安格斯牛小排（肉汁派） 3. 原隻帆立貝（嫩滑） 4. 大埔振興豬骨龍汁貢丸（爆汁驚喜） 5. 炙燒芝心包（芝士控必點） 6. 鮮蝦雲吞 & 木耳豬肉水餃（餃子控無得輸）.…查看更多

一個月後又要飛曼谷，但對泰菜既渴望時常會突襲，所以周中約左朋友出黎食晚飯。呢間金枕頭泰國餐廳性價比極高，星期一至五免加一，二人餐$198真係抵，三款小食、兩款主菜、一款甜品，飲品+$15就有優惠。.講下A項三款小食先：- 泰式蝦餅：表面炸到金黃微脆，咬落先係輕微脆殼，內裡蝦肉粒好實在，用肉眼已經見到d蝦塊，咬落有彈牙既彈性同鮮甜，吾係打成糊既餡，整體吾油膩，配酸甜醬可以提升層次，又吾會蓋過蝦本身既鮮味。- 香芋春卷：外皮炸到薄薄脆，吾會好厚咁吸油，入面既芋蓉份量十足，綿密中帶一點粗糙感，吾會粉糊。芋頭自然既甜味突出，仲有少許爽口既配料令口感有轉折，熱食時香氣更明顯。- 串燒沙嗲雞串：雞塊切得大粒，表面有烤香同輕微焦邊但入面仍然保持濕潤，吾會乾硬。雞肉本身有咬口，帶微微油脂感，但吾會膩。沙嗲汁濃厚，花生香突出帶奶滑感，同時有少許甜和微辣，沾一啖就夠味，令整串更豐富。.B項：冬陰功湯- 湯底酸辣平衡得好好：酸度爽快但吾刺喉，辣度係後勁上黎，暖胃但吾會蓋過海鮮鮮味。湯本身層次多，有檸檬草既清香、南薑既辛辣同香茅既草本香。入面料夠多：大蝦鮮甜有彈性，魷魚有彈牙口感，番茄煮到微軟帶鮮酸，雞髀菇吸滿湯汁又彈。每啖都有料，飲落係有滿足感既湯品。而蒜蓉包沾少少湯，麵包吸住湯汁會帶有蒜香同牛油味，愈食愈惹味。.C項：蒜蓉包- 用法包整體係外脆內軟既經典口感，表面既牛油同蒜蓉煎到釋放香味，咬落會有蒜香先出，跟住係牛油既香滑，同時有微微鹹香。麵包內部保留空氣感，吾會太實.甜品：椰汁西米糕- 椰汁味極濃郁，一入口就感受到厚實既椰奶香同微微既自然甜。西米粒煮到彈牙有咬口，吾會過軟，整體口感係黏滑但吾黏牙，甜度控制得好好飲品：- 泰式奶茶（+$15）：杯夠大，茶味同奶味平衡得好，入口先係濃郁既奶香，跟住係微微既茶澀同香料味，整體順滑有厚度，飲落好似真係係泰國街邊飲到既味道。- 可樂($16)：氣泡夠爽，甜度夠，配埋炸物可以即時解膩。.另外單點：- 辣肉碎飯 $65：可以揀雞肉係一大加分位。雞肉碎保留到肉感，吾會碎到冇口感，粒粒分明。入面拌左細碎豆角、香葉同菇片，豆角帶微微爽脆，香葉散發一種類似檸檬草既香氣，菇片吸汁又有彈性。整體香口而且有汁，配個燶邊流心蛋，蛋黃一破就同飯同汁融合，令每口更豐富同順滑。- 馬拉盞炒通菜 $69：通菜保持到爽脆既梗感，吾會煮到爛。馬拉盞味道濃而有層次，帶一種鹹香同海鮮發酵既氣息，但店家控制得好，吾會過鹹或太膩。炒既火候令通菜邊位略帶焦香，配埋蒜蓉同少少辣度，整碟夠惹味又夾飯。…查看更多

最近放工之後，想同朋友搵個地方慢慢傾下計，就諗起荃灣廣場嘅 「ufufu cafe」。呢間係源自日本佐賀既咖啡品牌，主打西日式料理，裝潢係暖暖既日式木系風，仲有開放式廚房，食野同時都可以見到師傅煮野既情景🍳，店內到處擺滿日式盆景，感覺好療癒，好有日本小鎮既味道🌿。 .🍔 醬油燒雞腿漢堡 $88一上枱已經聞到陣陣香味🤤，漢堡包面頭鬆軟，咬開仲感覺到內面煎香左，帶少少脆口。夾住既醬油燒雞腿鹹香味岩岩好，雞肉嫩滑到不得了🥰，仲配埋清新既車瓜、生菜同蕃茄，口感層次好豐富，食落非常滿足。 .🍕 番茄羅勒薄餅 $118批底厚薄岩岩好，咬落去吾會太硬又有少少煙韌口感🫶。上面舖滿厚厚既芝士，仲有拉絲效果，芝士控一定會好開心🧀！番茄既酸香加埋羅勒既清香，啖啖都好清新又吾膩口。 .🍑 山梨県白桃芭菲 $148 （期間限定✨） 呢款一定要推！山梨縣既白桃向來出名，口感細緻又多汁😋，餐廳入面用高杯裝，一上枱已經感覺好精緻好想影相📸。頂層係原隻白桃切成一塊塊，仲配埋食用花做裝飾🌸。白桃下面係一層層滑滑既cream，四周圍仲有藍莓同啫喱，咬落去既白桃清甜多汁，帶少少輕脆感，真係每一啖都好幸福💗。 …查看更多

最近成日都掛住九運米線王既世一雞翼🥹，所以二次回訪再去食返佢地既金湯酸辣湯底米線。對我黎講，呢間米線店真係幾特別，因為完全吾用味精同醋精，湯底全部用豬肉熬出黎，配料選擇又多又特別，令成碗米線好實在。 .今次照舊點左必食既 「招牌秘製珍寶雞翼米線 $66」。金湯酸辣湯底呈現金黃色澤，一入口就先有溫柔酸香，之後辣勁慢慢滲出黎，辣得黎吾會搶走湯既鮮香味。米線滑溜吸湯，配埋酸菜、豆卜、肉碎、芽菜、蔥、韭菜、芫荽，酸酸辣辣又層次好足。至於雞翼就係另上，四件都炸到外皮金脆，咬落即刻「咔」一聲，入面肉質軟熟多汁，沒有冰鮮味，味道帶少少甜又帶黑椒香，食到中途已經好想再追加一份🤣。另外仲可以加配日本爆汁脆皮腸（+$14），真係吾同一般雞肉腸，皮薄一咬即爆汁，肉味香濃，好岩愛食腸既人。 .之後仲叫左「自選九運小鍋米線 $38」，湯底都係揀番金湯酸辣，辣酸比例真係幾岩口味。加配既香菇貢丸（+$12）好有彈性，咬開時香菇既清香同肉香一齊散出黎；肥牛（+$12）切得薄又嫩，湯底滲透到每片牛肉，食落滑溜香口；再加多幾條日本爆汁脆皮腸（+$14），成鍋米線即刻由普通升級到滿足感爆棚😆。 .飲品方面，我揀左 無糖可樂 $6，配炸物真係冇死錯人，冰涼爽口又解膩；另一款係 支裝豆漿 $10，豆香濃郁得黎吾會過甜。.仲食埋一份 特色拼盤 $38，拼盤包括炸櫻花蝦餅同魚肉春卷。蝦餅外層薄脆，蝦香同油香好搶；魚肉春卷皮脆而薄，魚肉餡滑身帶微甜，兩款一齊食好似小食時間咁開心🤭。 …查看更多

作為一個屯門友，又有選擇困難症既我，屯門市中心既Food Court基本上就係我既飯堂！今次行過見到呢間「我媽的菜」，主打台灣菜，有鹽酥雞飯同台式飲品，完全擊中晒我既口味，決定即刻試下，感受一下台灣街頭小食既魅力啦！😋.台式控肉鹽酥雞飯 $67台式控肉鹽酥雞飯份量真係好足！入面有兩塊超厚身既控肉，肥瘦相間，入口軟糯，帶有濃郁既豬肉香同微微甜既醬油味，咬落去油脂同瘦肉既比例岩岩好，吾會太肥膩。仲有五粒大大粒既鹽酥雞，外皮炸得金黃酥脆，內裏雞肉嫩滑多汁，帶少少胡椒鹽既鹹香，咬落去真係香口到停吾到。配菜有酸菜，酸酸地，爽脆既口感解左控肉既膩，食完好滿足，台灣味十足！🍗.炸春卷 +$19加埋$19配左炸春卷，真係好抵食！一共有8條，咬落去外皮香脆得黎吾會好油，發出清脆既「卡滋」聲，入面主要係蔬菜餡，食完主菜再食幾條都吾會覺得膩。🥡.我媽肉燥乾麵 $55肉燥份量好多，仲有吾少香菇粒、韭菜同芽菜，用料真係好豐富。肉燥既味道濃郁，帶有豬肉既鹹香同微微既甜味，香菇粒增加左一份獨特既鮮香，韭菜同芽菜就比到少少清新既口感。醬汁夠多，容易拌勻，麵質比較粗，煙靭又有咬勁，咬落去麵條帶有小麥既香味，食落好有台灣街頭小店既感覺，簡單但好正！🍜.炸花枝丸 +$19一份有四粒，每粒入面都有大大粒既花枝肉，咬落去好彈牙，帶有鮮甜既海鮮味，外皮炸得酥脆，微微既鹹香同花枝既鮮味好搭，熱辣辣食真係好過癮，當小食或者配主菜都好岩！🦑.蜂蜜綠茶 +$6，黑糖珍珠奶茶 +$13飲品方面叫左蜂蜜綠茶同黑糖珍珠奶茶，蜂蜜綠茶加$6，茶味清香帶有綠茶既微微苦澀，混埋蜂蜜既淡淡甜味，飲落去好解渴又清新；黑糖珍珠奶茶加$13，黑糖味濃郁，帶有黑糖既香甜，奶茶順滑，珍珠Q彈有咬頭，甜度同奶味都岩岩好，食完鹹食飲呢兩款真係好match！🥤.楊枝甘露 $30，芒果西米露 $28 估吾到仲有甜品食🥰主食、小食、飲品同甜品一次過食晒，真係大滿足。楊枝甘露入面有好多芒果粒同柚子肉，芒果既甜味同柚子既酸爽交織，口感清新又多層次，奶味吾重但夠滑；芒果西米露，芒果粒一樣多，甜度自然，西米偏大粒少少，有咬頭，口感軟糯，帶有椰奶既淡淡香氣，兩款都好清新，食完正餐再食甜品真係完美ending！🥭…查看更多

前排同朋友慶祝生日，諗住搵間特別d既餐廳食飯，於是上網搜search左一輪，見到「佬麻雀。鮮湘菜」係大眾點評入左必食榜，又係廣東餐飲品牌連鎖50強，仲連續三屆入選米芝蓮指南，覺得好有保證就book左位。去到果度真係驚喜，環境清幽，裝潢以湖藍色為主調，上下兩層設計好有層次，仲有雀鳥聲音既背景音樂，聽落好舒服。店員服務態度超好，有乜野需要都會即刻幫手，食完飯仲會主動問食物質素點，感受到佢地既用心，真係加分！💯.豆漿一鍋鮮 $168講到食物，首先要推招牌菜「豆漿一鍋鮮」，聽講已經賣出300萬份，絕對係人氣之選！呢個鍋既魚湯每日現熬5小時，用活魚鮮切，魚片嫩滑到不得了，仲加入左東北非轉基因大豆做既豆漿提鮮，味道好清甜。鍋入面除左有魚肉，仲有魚蛋、豆腐、竹笙同蕃茄，層次豐富。建議大家食之前先飲一碗魚湯，暖胃又開胃，飲完即刻覺得整個人舒服晒！🥄.蝦仁蒸土雞蛋 $78蒸蛋嫩滑到好似豆腐花咁，上面放左幾隻蝦仁，淋上豉油，入口好鮮甜，每啖都係享受。呢款菜簡單但好有驚喜，特別岩鍾意清淡口味既朋友，食完仲想encore！😍.黑松露臘味炒飯 $78主食方面，點左個「黑松露臘味炒飯」，$78既價錢真係值回票價！炒飯粒粒分明，入面有黑松露菌粒、臘味粒、香蔥同蛋花，咬落去每一啖都好香，層次感十足。佢炒得岩岩好，吾會太油膩，食完都吾覺得滯，仲好有心思，啱晒我口味！🍚.茉莉花茶 $8/位飲品方面，佢地有茶位，每位$8既茉莉花茶好清香，飲落去有淡淡花香，解膩一流…查看更多

今日朋友黎屯門探我，行過青海圍發現呢間「南海美食」，細細間但好有台灣夜市feel！🇹🇼 價錢親民，仲有好多地道台式選擇，即刻入去試下～ .首先試左 鹽酥雞便當 $49，可以轉手工麵，鹽酥雞係另上既，勁貼心！🐔 鹽酥雞炸得外脆內嫩，咬落去仲有肉汁，飽肚又滿足。手工麵麵質彈牙，好有咬口。.跟住叫左紅燒牛肉手工麵 $53, 牛筋同牛腩炆得超淋，入口即化～🐮 手工麵係粗麵，掛湯能力一流，仲有清甜蘿蔔同爽脆生菜，湯底濃郁但吾會太鹹，整體好平衡！ .小食叫左 椒鹽花枝丸 $29，炸得金黃香脆，入面既花枝粒粒分明，彈牙有嚼勁，椒鹽調味岩岩好，送酒或者配主食都一流！🦑 .甜品方面，一定要試士多啤梨金芒芋圓燒 $49🥭 ，芒果沙冰上面鋪滿勁多芒果肉，仲有士多啤梨片點綴，芒果多到瀉出黎，旁邊碗仔裝住煙韌芋圓，口感豐富到爆！ .另外仲有 鮮榨芒果芋圓燒 $48，椰汁冰底配上鮮芒果汁，芒果味濃到爆，上面一樣鋪滿芒果肉，芋圓另上，可以自己調配口感，芒果控必試！💛 .…查看更多

前排突然好想食酸菜魚，原本諗住搵間川菜館，點知行過荷里活冰室，見到佢menu竟然有酸菜魚！😲 一間茶記有咁特別既菜式，真係好吸引，於是我同朋友即刻入去試試，睇下呢間茶記點樣將酸菜魚整出新火花！🍲.招牌酸菜魚 $99招牌酸菜魚一上枱，已經聞到陣陣酸辣香氣，湯底呈金黃色，望落就知好有料！😍 湯頭酸度同辣度岩岩好，酸菜既酸香同辣椒既微辣交織，飲一口暖胃又開胃，味道濃郁但吾會過鹹，仲帶點清爽既回甘。魚肉超多，片片都厚實鮮嫩，入口滑溜，咬落去完全無腥味，仲有陣陣湯汁既鮮味滲出，超滿足！🥰 配料方面有芽菜、腐竹、木耳同蓮藕，芽菜爽脆、腐竹軟滑吸湯、木耳彈牙、蓮藕帶點粉糯，每款配料都吸晒湯底精華，層次好豐富。而米線Q彈有嚼勁，掛湯能力一流，每條米線都浸滿酸辣湯汁，食落每啖都係精華！份量仲好大碗，2-3人share都絕對夠！套餐仲包埋熱飲，轉左凍奶茶（+$3），奶茶香滑濃郁，茶味同奶味平衡得好好，飲落去同酸菜魚既刺激口感形成完美對比！🥤.薑粒菜圃炒飯 $58薑粒菜圃炒飯真是一個驚喜發現，吾係間間茶記都有呢款炒飯！😎 炒飯粒粒分明，乾爽吾油膩，入口即化又帶點鍋氣。薑粒既清香同微微辣味係靈魂，咬落去帶點脆口既質感，配上菜圃既鹹香同微脆，味道層次即刻提升！蛋花軟滑，菜心粒爽脆，兩者點綴炒飯，增加左口感既豐富度。整體炒飯好香口，比一般炒飯有性格得多，食完一啖即刻想再食下一啖！😋 加配左杯凍檸檬（+$6），酸甜清新，檸檬既清香同炒飯既濃香好match，解膩之餘仲令人胃口大開！🍋.炸雞中翼 $30炸雞中翼係茶記小食既經典之選！外皮炸得金黃香脆😍 雞翼皮薄而脆，帶點鹹香同微辣，味道惹味但吾會搶左雞肉本身既鮮味。.丹麥多士 $12外層金黃酥脆，內裏軟綿綿，帶點奶香同蛋香，簡單得黎好滿足！入口即化，奶香同酥皮完美融合，甜度岩岩好😍…查看更多

最近因為好耐未食過燒肉，又聽講濟州燒肉食堂有新產品推出，於是同朋友一齊黎試下。一如既往，前菜有五款，包括泡菜、薯仔沙律、醃芽菜等等，雖然前菜要加錢先可以refill，但爐邊蛋同粟米芝士就無限任食，已經好吸引！.第一款係菠蘿和牛五花肉 ($188)，呢款真係好有創意，半隻菠蘿中間放滿和牛五花肉，肉味濃郁，旁邊仲有4塊菠蘿，可以當拌碟用，又可以放落爐燒，燒完菠蘿帶甜味同肉香一齊食，口感好特別。.跟住係牛五花芝士燒 ($98)，呢款真係好驚喜！牛五花包住一磚目測有5cm厚既芝士，燒熟後牛肉吸晒芝士既鹹香，食落口滿滿芝士味，濃郁得黎又吾會過膩，芝士控一定中意。.而煙肉大蝦 ($115)，呢款用煙肉包裹住珍寶大蝦，蝦肉新鮮又厚實，燒完煙肉香同蝦既鮮甜一齊爆發，咬落去好滿足，份量都幾足。.接住有西班牙熟成豬扒 ($258)，呢款豬扒厚切到不得了，燒完外層微脆，內裏仲keep到嫩滑，肉汁鎖得好正，食完真係回味無窮，岩晒中意豬扒既朋友。.另外點左韓式馬鈴薯煎餅 ($128)，表面鋪滿馬鈴薯絲，煎到薄脆，馬鈴薯香好濃，單食已經好正，仲可以沾埋沙律醬，口感多左一層變化，幾好味。.主食方面試左石頭鍋飯 ($98)，呢個石鍋飯用料好豐富，有芽菜、紫菜、紅蘿蔔絲、香菇片、菠菜、牛肉碎同生蛋黃，熱辣辣上枱，加入韓式辣醬一齊拌勻，香氣爆棚，仲食到好多鍋巴，脆口又香，超正！.飲品方面點左柑橘梳打，青檸梳打 ($32)，兩款都好清新，柑橘帶少少甜，青檸就酸酸地好醒神，岩晒解燒肉既油膩，飲完成個人都refresh哂…查看更多

最近同朋友放工去左「山見台式火鍋」，今次寫多D細節比大家參考 — 氣氛、必食、口感、拍照位同小貼士一次過講哂😆.環境 & 打卡位- 裝潢以台灣老街＋十分車站為靈感，加上好多港式懷舊小物，走復古又有情懷既路線。入面燈光偏暖，超適合拍食物上枱既近鏡- 只要like 佢地既社交媒體會拎到山見熊仔鎖匙扣，食完仲送埋玩具幣，玩夾波波機，又令整個用餐過程有返d童年感 - 座位係卡位同多人枱都有，group chill 或者二三好友傾偈都岩，服務員落單同補充配料都幾快.套餐 & 價錢- 我地食 Level 4 特選澳洲和牛海鮮套餐 $388/位，104款選擇，120分鐘任食任飲。份量同選擇都好足，岩哂嗜肉又想食海鮮既朋友- 今期仲推出「港式情懷」主題，除左台式火鍋配料、小食、甜品，仲可以食到好多懷舊港式款式，好有feel.鴛鴦鍋湯底（重點推介）- 芫荽皮蛋豬肉鍋：用豬骨熬底、加入皮蛋同芫荽，香氣係偏清新帶微微鹹香，煮蔬菜同薄肉最岩，開胃但吾會蓋過食材原味- 上品蟲草木耳鍋：養生路線，湯底清甜帶天然海味，加入瑤柱、杞子同蟲草感覺好補，尤其煮海鮮好襯，會帶出鮮味.肉類 & 海鮮重點（必試）- 澳洲和牛肩胛肉眼：油花細緻，涮幾秒已經入口即化，牛香濃郁但吾膩- 牛扑肉（C.A.B牛頸脊）：肉質結實但嫩，口感較有嚼勁，咬落多汁- 月見封門柳：有個生蛋黃係上面，蛋黃同牛肉混埋一齊再輕涮，香滑層次即刻up- 原隻駅前海老: 超大隻，肉厚鮮甜- 原隻鮑魚: 爽口彈牙- 黑毛肚(港式懷舊款): 爽脆帶味- 響螺片(港式懷舊款): 厚切爽口，涮一涮就好鮮甜- 其他值得一試：嫩肩里肌肉、牛爽腩、卡樂beef、薄切牛舌心、美國穀飼黑毛豬、澳洲羊肩肉、梅花肉、花雕醉雞、台南烏雞肉卷、花膠、脆肉鯇魚片、白鱔片.配料 & 自助吧亮點- 松露墨魚滑：彈牙而且有淡淡松露香，成熟感好夾- 黃金鮮蝦球：超推！成粒蝦肉＋鹹蛋黃流心，咬開有流沙效果，口感creamy又鮮甜，好有驚喜感- 響鈴魚籽蝦滑卷: 香脆響鈴包住蝦滑同魚籽, 層次豐富，外脆內嫩- 竹笙蝦包：竹笙包住蝦肉果種口感好正- 自助區選擇極多：台灣特色配料 (紫菜馬鮫魚肉丸、台灣牛筋丸、鮮蠔魚丸、山見和牛蛋餃等), 蔬菜（水耕翡翠石斜苗、水耕人參葉等），睇個人喜好無限配搭.港式 x 台式小食（必order）- 金莎芋泥球：外脆內綿，鹹蛋黃流沙同芋泥甜香形成完美對比。 - 蚵仔煎：鮮蚵多、蛋漿香，外層微脆好台味 - 街頭格仔餅：超有童年感，格仔餅酥脆帶蛋香- 黑白煎堆仔: 煎堆仔黑芝麻流心，甜而不膩- 其他夜市小食選擇齊全：港式懷舊腕仔翅、羽衣甘藍菠菜粉果、懷舊牛肉丸、瑞士汁雞翼、咖喱汁深海魚蛋、鹽酥雞、惡魔雞排、府城蝦捲、台式蔥油餅等 .甜品（完美收口）- 九份仙草花生芋圓：用懷舊茶杯上枱，仙草滑溜、花生粒香脆、芋圓煙韌，口感層次豐富- 十分愛玉椰果芋圓：清爽解膩，夏天食特別清新。 - 懷舊紅豆冰、豆腐花、自家製茉莉花茶雪糕茉等選擇多，收口好滿足.總結（私心Top 4）1. 黃金鮮蝦球（必食） 2. 澳洲和牛肩胛肉眼（涮秒即化） 3. 九份仙草花生芋圓（懷舊位＋味道夠層次）4. 黑白煎堆仔（滿滿芝麻流心）…查看更多

今次因為聽聞悅品度假酒店推出左「海之誘惑」自助午餐，$348/位，以海鮮為主打，岩晒我呢個海鮮控，所以就約左朋友黎食下佢既自助午餐buffet係點，順道慰勞下自己🍤🦀。.先講佢既燒原條肉眼同酥皮焗三文魚：燒原條肉眼火候掌握得好，外層有微微焦香，入面肉汁仍然保留，咬落有牛肉既彈牙同油脂香，配埋簡單既黑椒汁或者燒汁就夠晒惹味。酥皮焗三文魚外層酥脆吾油膩，打開酥皮可以見到三文魚肉質軟嫩而且夠鮮，魚油同酥皮既香味互相襯托，吾會蓋過鮮味。值得一讚既係除左呢兩款推薦外，仲有多款超正熱盤，好似紅酒燴牛肉面頰肉、慢煮鴨髀等，選擇多又有誠意🥩🐟。.海鮮熱盤方面，避風塘炒蟹係其中一個必叫食：蟹殼吸滿左蒜香，炒到外皮微脆，肉質紮實，每一啖都有刺激性既蒜香，非常開胃。.金銀蒜蒸扇貝就係另一個清爽入面既選擇，蒜蓉既香氣滲入扇貝肉，既鮮甜又帶微微蒜香，口感彈牙且吾會搶扇貝既原味。.其他海鮮熱盤例如忌廉汁魚柳、蝦仁荷葉飯、辣酒煮花螺、海鮮炒長通粉都各有特色，輪流食吾會悶🍽️🦐..冷盤方面，先食左麵包蟹，味道鮮甜且肉多。另外其他冷盤有翡翠螺、青口、鮮蝦都好新鮮，而刺身如鯛魚、吞拿魚、三文魚切得厚薄適中，入口滑溜鮮甜，係海鮮控既必到區域🦀🍞..講下輕食小食：BBQ串燒有芝士腸、彩椒、粟米、豬肉丸等，炭香味夠，係配酒或做小吃既好選擇。炸雞寶同炸薯寶炸得金黃香脆，雞寶外皮香脆，薯寶鬆軟帶點鹹香，同埋幾易入口，特別係小朋友同一齊黎食會好受歡迎🍗🌽..甜品環節超開心：任食Häagen-Dazs雪糕係最大賣點之一，口味多而且質感濃郁。甜品台上仲有朱古力瑞士卷、草莓慕絲蛋糕、木糠布甸等經典款。最好玩既係有自製窩夫機，可以自己整窩夫再加上雪糕同配料，邊玩邊食，感覺好治癒又抵食🍨🧇。…查看更多

因為同朋友約見面，想搵間有氣氛既餐廳慢慢傾下計🍶。近近地係太子附近搵到呢間「餓居」。一入去就好有日本居酒屋feel，木質裝潢帶住淡淡木香，燈光暖黃得黎舒服又不刺眼，仲有榻榻米區可以放鬆腳坐低慢慢食。中間果棵巨大櫻花樹🌸真係超搶眼，粉紅色花瓣由天花板垂落，好似置身春天既日本街頭，影相一定靚爆。.日式炸雞定食我轉左日式湯烏冬 ($88)。炸雞外皮呈金黃色，入口脆到有聲，脆皮帶少少胡椒鹹香，咬開之後，雞肉肉汁即刻滲出黎，嫩滑得黎帶少少纖維咬感，吾會覺得油膩。湯烏冬湯底清澈而帶有淡淡既味噌香，烏冬麵身滑溜有彈性，加埋香蔥既清香、日式魚蛋既彈牙，蛋花絲將整碗湯既口感變得更柔滑。附餐既味噌湯暖笠笠，豆香味重，飲落好舒服。.日本蟹肉忌廉薯餅 ($28) , 上枱時外皮仲熱辣辣，香脆到用叉一壓就聽到「咔」一聲，咬落外脆內軟好分明。裡面既忌廉餡真係滿滿，每一啖都食到軟滑既奶香同蟹肉既鮮香，口感層次好豐富。.日式吉列鱈魚柳定食配日本御飯 ($78)，魚柳炸得外皮薄脆但完全吾吸油，輕咬一下就聽到脆聲。鱈魚柳肉雪白厚身，魚肉甘香細嫩，幾乎係用舌頭輕輕一壓就分開，毫無腥味。配埋既沙律醬味道清新，有少少酸甜感，解膩之餘仲令魚柳更突出鮮味。御飯軟熟略帶黏性，好岩同魚柳一齊食。而暖心既味噌湯就好似為整個餐畫上完美句號。.熊本一口牛串 ($38) 入口先感受到微焦表層既焦香，之後係牛肉既嫩滑同肉汁，肉味濃郁但吾韌，咬開仲有少少肉汁滲出，唇齒留香，好適合配埋啤酒。.章魚小丸子 ($32) 一份有四粒，外皮輕輕脆，入面係半融化既麵糊狀態，軟綿綿又帶煙韌感，章魚肉粒吾算細，可以食到實在既彈牙感。面層既木魚絲遇熱會擺動，燒汁同沙律醬味道交錯，甜中帶酸，味道好平衡。.雞翼串 ($58) 一份有兩串，燒到表層微焦帶光澤，入口皮脆肉嫩，雞肉細緻，醃料滲到骨邊，鹹香同雞油香夾雜，每一啖都幾滿足。.大大塊流心芝士麥樂雞 ($32) 真係「咬爆」既感覺！外層金黃香脆，厚身既麥樂雞肉質結實，中間係熱辣辣流出黎既芝士，香濃得黎有鹹香🧀。.串串迷你大阪燒 ($28) 一口一串，好方便入口，外層煎香帶少少焦香味，中間係軟糯既麵糊夾雜着椰菜絲既爽脆感。表面鋪滿燒汁、沙律醬，再加紫菜絲同木魚絲，香味四溢，滋味好立體。.大大杯檸檬可樂 ($48) 冰涼解渴；至於經典可樂 ($20) 就最岩配炸物，甜味同油香互相中和，一口炸雞一口凍可樂，真係好爽快🥤。…查看更多

星期五吾知食咩好，決定同老公去葵廣掃街食野兼夾公仔，順道經過新都會廣場，睇到呢間新開既冰室，成班人排隊，仲有三大服務承諾好吸引！最驚訝既係佢地提倡三大保證，如果吾滿意服務態度，可以全單8.5折；如果叫左既菜品吾係30分鐘內送到，都係8.5折！吾滿意菜品都可以8.5折！價錢吾貴，服務質素又好，順勢就決定試下啦～.招牌美國西冷牛扒 $120 吾好以為一塊牛扒咁簡單，呢個招牌美國西冷牛扒真係大啖過癮！份量真係吾少，目測西冷扒厚度有2cm，熱辣辣上枱，聽到「刷刷」聲超有氣氛，配埋黑椒汁堅正！而薯菜仲好有心思，焗薯好腍，仲有沙律醬點綴，帶出一種清新口感，仲加埋鮮甜既粟米！套餐仲有牛油餐包、羅宋湯同埋熱奶茶，整個餐嚟黎講超滿足！羅宋湯好濃郁，酸酸辣辣好好飲，而熱奶茶茶香味濃，襯埋牛扒perfect😁 西冷牛扒肉質鮮嫩，每一口都係滿滿肉香，成個體驗超值！.古法手撕連骨鹽焗雞 $78雖然份量吾算多，但食落去發現有好多雞肉，吾會好乾，塊塊都咁嫩！呢個鹽焗雞真係要大力推介，雞肉味濃，鹽焗味入哂雞肉中，好香口，食得出佢地既用心，搭埋白飯真係一流.咖喱薯仔吉列魚柳飯 $69一啖食落去，咖喱味濃郁，椰香味十足，吾會太辣但好過癮，中意食多汁既人既首選！d魚柳炸得外脆內嫩，濃郁既咖喱汁配上香脆既魚柳，口感層次感豐富，好滿足！再加杯凍奶茶（$9)，正！.招牌拉絲芝士菠蘿包 $19 望落去好似普通菠蘿包，但用刀一切，d芝士就爆晒出黎，果份拉絲感真係吾可以吾試！包皮香脆，芝士味道既香濃又吾膩，簡單但好正…查看更多

呢排工作加班，收工後攰到爆，係屯門區搵間又平又抵食既茶記真係可以救命！聽講「荷里活冰室」價錢親民又好食，於是同同事一齊過黎試下，果然係放工後既chill食點！😋.咖喱吉列魚柳飯 $64第一個食既係咖喱吉列魚柳飯，咖喱汁椰香濃郁，味道夠重，仲有好腍既薯仔，超滿足。吉列魚柳份量大到誇張，成個手掌咁大，魚厚肉厚外脆內嫩，咬落好juicy！套餐加$3仲有熱檸茶，抵呀！🐟☕.椒鹽肉排 $72肉排灑滿炸蒜，香到不得了，肉質嫩滑，咬落有d微脆口感。套餐仲送白飯、老火湯同熱飲，老火湯好足料，有青紅蘿蔔、粟米同豬展，飲落好暖胃！我揀左熱奶茶，香滑正宗，完美！🥄🥛,避風塘雞中翼 $29小食方面叫左避風塘雞中翼，$29就有4塊，香炸得外脆內嫩，表面灑上炸蒜同辣椒碎，咬落有d微辣同蒜香，岩晒同朋友share黎食，開胃一流！🍗.丹麥多士 $12茶記一定要試丹麥多士🙊表面搽左一層牛油，香氣四溢，咬落外層脆卜卜，內裏軟熟，牛油香同多士既蛋香好夾，簡單但好滿足，係我最愛既茶記經典！🥐…查看更多