Plaster Pixel Pig的个人专页

第一次嚟明閣就試吓佢哋嘅套餐，Around $900 就食到原價$1388嘅嘢，都算物超所值，唔怪得環顧四周，大部份都係嗌呢個東方美人養顏套餐。最記得佢哋嗰個龍躉球係用紅棗杞子去蒸，好嫩滑同埋好入味，底部嘅粉絲索晒啲精華。仲有個雲腿配翠玉瓜，一般嘅雲腿都係又咸又乾爭爭嘅，呢個竟然出奇地嫩滑同埋有啲甜味。個脆皮花膠都好特別，高級嘅食材配上特別嘅煮法帶來出色嘅味道和口感，不得不讚吓個大廚！頭盤嗰個柚皮同埋車厘茄都有意想不到清新嘅感覺！講到養顏點少得蟹肉燕窩羹。成餐飯食嘅速度有啲似食法國菜，加上高雅裝修環境配合，食完溫和得嚟又好舒服，有一股由內而外散發出嚟嘅美·味。…查看更多

冒名來春水堂一試，點知中伏。叫咗一個最普通的紅燒牛肉麵（半筋半肉）加一杯鐵觀音珍珠奶茶，唔知點解個麵嘅質地係一坺嘢，明明好似已經煮熟，但個麵心就好似食緊麵粉一樣，感覺好像啲麵團黐住牙隙，而且個牛肉和湯底鹹到飛起，成件事錯晒⋯⋯個麵的份量已經唔多，但對唔住，真的食不下了，浪費了半碗。已經是堂食，若果是外賣真是不堪設想！有彈亦有讚，鐵觀音珍珠奶茶是正常的，味道比一般街邊的手搖珍珠奶茶店舖好味，所以下次我只會外賣飲品比較穩陣。…查看更多

就係鍾意呢啲平民大眾化地道小店，每次來食我都會order牛肋骨煲配白飯及前菜（泡菜加豆芽），雖然呢個價錢比其他餐牌上的貴少少，但都值得食因為牛肋骨的份量多，也煮得好棉好入味！而我老婆就最鍾意食呢度嘅鐵板芝士熔岩蛋漿飯（勁有韓國local食店feel), 韓國水冷麵(夏天必食），韓國雜錦拌飯，招牌紫菜飯卷…都幫襯左幾年，店員已經記得我哋鍾意食啲乜，近排牛肋骨煲停咗供應，希望快啲再有牛肋骨煲可以order啦！…查看更多

次次來南豐紗廠都是吃西餐，今次試吓來點茶公館飲茶，原來呢度食嘅點心都係新派fusion菜，最鍾意食佢好Q嘅飛機流沙包，真係好colourful, 而且有真流沙feel, 另外，話梅脆淮山也值得推介👍🏻感覺清新健康，而且是其他地方食唔到的。價錢和一般酒樓飲茶差唔多，四圍的佈置也是充滿懷舊的味道，如果同長輩來南豐紗廠懷緬過去又想食返餐好，點茶公館就是一個十分好的選擇。而且仲可以見到好多可愛的貓貓狗狗呢～…查看更多