hello world的个人专页

廣華分店執咗轉場試吓食呢間。以往堂食外賣都好多人排隊搞到我一直未有機會食。今次見無乜人，即卡去嗌外賣，都幾快手，唔使等好耐，但係外賣要加$5。一般來說，麵類堂食比較好食，但外賣都唔算太差。番茄牛肉牛筋麵味道ok，好多番茄油。肉燥拌麵乾爭爭無汁嘅，啲麵略粗唔係其他人所講嘅幼麵。特別想講佢個芝士肉鬆蛋餅，睇落脹卜卜好多料，但其實芝士同蛋得好少，完全食唔出芝士味。肉鬆勁多，但食落乾爭爭，如果多啲醬油濕吓口可能會好啲，不過我應該唔會再試。…查看更多

而家新冠肺炎疫情咁嚴重，夜晚無得堂食又無煮飯。行勻成個何文田廣場差唔多間間食肆都冇開。見二樓呢間嘢仲做緊生意，新開張咗咁耐都未試過，咪買兩個外賣返屋企食吓啦。結果嗌咗雞扒飯同排骨飯連飲品。嘩！成$70一個飯竟然一條菜都無。食炸嘢竟然無菜真係好熱氣，頂唔順呀！台灣嘢特色係青菜多，你菜都無條真係好唔正宗囉。啲肉雖然因為外賣嘅關係所以淋晒，但係炸得幾好味，好重五香粉味。飯盒係紙盒裝，幾環保，但份量有啲細，我咁細食食完都唔覺飽。飲品揀咗熱綠茶，甜甜哋，有茶味，飲落喉嚨幾舒服。總結，你咁嘅價錢連條菜都唔俾條，我好難再幫襯。…查看更多

之前寫左個食評成個月都唔批，後尾唔知點解直頭成篇唔見埋，呢間野咁鬼正，唔出ＰＯＳＴ推介點得?因為疫情多左買外賣做晚餐，好多食肆做外賣都係麻麻，而呢間啲外賣零舍特別。１）千層麵：打開見到成盒野黑過炭，幾有特色，至少我喺其他食肆外賣未見過咁燶，獨一無二。佢唔只係啲肉碎燶黑，連啲千層麵都係燶嘅，成盒都係我至愛嘅炭黑色佢仲喺個面淋啲茄汁嘗試摭住，約隱約現，增加幾分神秘感。２）仲嗌咗個卡邦尼，啲意粉痴埋一大舊，方便夾起，真係用心良苦。兩盒野出奇地食落有陣炭燶味，甘苦留香，一試難忘。…查看更多

間舖喺大埔果時我成日食，佢搬嚟旺角咁耐第一次食。叫咗個海膽天丼，天婦羅即叫即炸都唔算等好耐，口感依舊香脆。天婦羅色澤比以前啡，感覺啲油唔夠新鮮，天婦羅汁要叫先至俾，丼飯冇咗飯素，味道完全失晒分，我見menu及牆上海報仲教人要落飯素食，但係唔見有提供囉。（飯素主要由海苔、芝麻及鰹魚碎等組成，乃精華所在，沒有它簡直欠缺靈魂）仲有啲飯唔熱嘅......好失望今日早嚟唔使點排隊，點餐及收錢都好快，但環境比較污糟，張枱抹咗都痴立立，有果蠅圍住水壺飛。…查看更多

外賣可以揀唔要餐具。千層麵，打開黑過炭，佢唔只係啲肉碎燶黑，連啲千層麵都係燶嘅，成盒都係黑色，仲蠱惑到喺個面淋啲茄汁嘗試摭住。味道除咗燶味，都有番茄味嘅......仲嗌咗個卡邦尼，啲意粉痴埋一大舊，食落有陣燶味，口感好乾，唔係幾好食。…查看更多

落咗成個星期雨，今日終於好天，所以踩單車入大尾督食嘢。大尾篤如果唔燒嘢食的話，來來去去都係得果幾間餐廳選擇，最後決定食泰國菜。可能早幾日落雨的關係，所以蚊蟲特別多。腳邊有小強陪咗我成個晚餐時間。講返食物......沙嗲串燒豬肉其實味道不錯，仲有番茄同菠蘿做伴碟，沙嗲醬內有花生粒。我知道串燒係要花啲時間整，但係都唔使淨係用火辣一辣個面，成舊肉粉紅色咁上碟㗎，不過可能係我唔習慣食生豬肉。佢啲椰青就麻麻啦，椰肉勁厚皮，硬到食唔到，愛來煲湯就差唔多。椰青水唔甜嘅，好失望。…查看更多

果啲頭盤沙律湯冇咩特別我唔多講喇,沙律雖然有鏽色，但仲好甜好爽脆，無損味道。德國豬肘皮勁脆，口感極佳。中間夾住層豬膏，又滑又香，肉嘅咸味適中，不會太韌。紐倫堡洋腸大大碌，好香豬肉味，咸咸哋幾好味。Honey bee: 最不滿就係杯熱飲，賣成六七十蚊杯但其中一杯一半以上係泡泡。怕事嘅我唯有啞忍飲咗杯泡佢。咁凍飲呢杯暖暖哋，佢有啲蜜糖味同酸酸哋，但橙味唔突出。清水要問佢先有，仲成晚冇refill過。有live band, 但今晚唔知係咪懷舊之夜，唱埋晒月亮代表我的心， that's the way I like it 果堆………查看更多

酸辣湯: 17蚊勁細碗， size只係普通食飯碗，冇乜料而且勁咸。露荀鮑貝煎餃: 老實講露荀鮑貝我全部食唔出，可能切得太碎，我只食到肉餡，又食勁咸，仲勁油。不過勁脆口，又幾有口感嘅。…查看更多

近日大埔新開一間日式放題, 緊係去試下。日前一行四人到上址食放題, 不知是否周末繁忙, 所有熟食都是凍的, 包括焗蠔及清酒煮蜆。不過諗深一層, 佢真係用心良苦, 食物太熱要花時間放涼,放入口才不會熨傷。而家D食物本身就是凍, 可以食快D食多D。先唔講溫度, 味道極端, 一係好咸,一係冇味。牛舌超厚冇口感,羊架勁油又騷。另一貼心的是由於酒類是任飲, 生怕顧客飲多了會醉, 所以他們貼心地將所有梅酒清酒等混入水溝浠D, 所以我地開懷暢飲多飲幾杯也不怕。 魚生方面肥美又新鮮, 全部厚切, 惟魚生內發現疑似白色蟲......甜品包一枝哈記雪條好好味!!!後記: 個個未返到屋企就肚痾, 有人之後腸胃炎。不過唔一定關呢間野事, 著岩大家果日食左好多野。…查看更多

近兩次去啲嘢飲本人覺得難飲咗好多，係咪換咗人? 台式飲品照計係糖漿溝出嚟，點解叫左兩杯唔同嘅飲品但個味我覺得好似差唔多咁?(蜜桃及青蘋果)叫鹵水蛋張圖明明有蔥但嚟到係冇嘅，實物與圖片不附。汁又俾得少，乾爭爭食烚蛋口感奇差，冇乜味道。相就冇影喇，如閣下想求證就去幫襯吓啦！食店多蚊蟲飛就在所難免，但客人走咗只收起杯碟，疑似枱都冇抹就叫人入來坐，衛生程度堪虞。…查看更多

心血來潮早餐想食o下腸粉, 見間舖咁熱又冇冷氣, 所以在此店買了一份齋腸外賣。同老闆講唔要甜醬,怎料老闆就訓斥我: 一定要說只要哪些醬, 說走哪些醬佢會聽唔明。斥責o左我好耐, 由於我趕住返工, 只好同佢再三道歉並說以後不會再犯此錯佢先肯俾盒外賣我。回到公司打開外賣, 驚覺一份齋腸份量係咁少,  兩啖我就食晒喇, 我完全唔覺食o左 o野落肚。齋腸微溫, 味道全靠豉油麻醬。可惜D醬太少, 腸粉大部份都白雪雪沾唔到醬, 叫佢加芝麻, 我淨係見到幾粒。齋腸淋淋散散的, 全無口感可言, 唔使咀嚼就咁吞都得, o岩晒D長者。單看價錢係幾平, 但相對份量極少, 可能適合長者, 我覺得其他年齡o既人士肯定要嗌3款食物以上才夠飽, 咁我寧願去其他舖頭食。…查看更多

已經係用手圈紙仔, WAITRESS打單都可以打錯, 好彩廚房見張單同我圈既唔同先搞返岩張單。叫左個濃厚魚介豚骨湯麵, 個湯底已經揀普通濃度, 係濃厚呀, 勁咸丫嘛, 食到我勁口渴, 得個咸字完全伕唔到豬骨味。重點係個叉燒勁燶, 你o地睇o下張圖, 面果塊叉燒都黑黑o地(瘦肉部份), 食落已經係有苦味, 底果塊更黑, 食落勁苦。定係我唔識o野, 瘦肉部份係唔食, 主要係食肥膏果part?…查看更多

人不多，排隊只排了1個半小時。比之前排隊少用了一倍時間。等那麼久當然要叫滿一台食物，食物一點即到好很快，飲品則需等一會。飲品味道夠濃茶味唔太甜又夠多冰, 正 炎炎夏日飲到杯咁冰凍既茶真係爽呀!三明治味道ok, 怕大家食唔慣凍野, 我在此特地講一下, 所有肉類都係急凍即食果種, 唔好碟野來到話份三明治係凍既咁大鄉里。快時光過得特別快, 甜品食到一半就話出面仲有客人請我哋走，我唯有叫waitress將甜品打包， 佢貼心的為方便我們, 自動只係將1/4個沒沾濕的格仔餅打包，咬過幾啖果d夾餅同埋餡料伴碟全部都冇打包 (其實餡料同伴碟是完整還沒碰過的, 沒被打包有點可惜)。我地出到門口一個人都冇，等我哋仲食得咁狼狽擔心出面啲人要排隊......…查看更多

見到個'麵麵漢堡'個名咁得意，叫之前問左佢係咩來， 點知碟野來到幾SURPRISE。麵餅淋淋地，不是炸脆, 所以冇咁熱氣健康D。叫左佢走辣， 由於佢冇唔辣醬汁, 所以細心的將醬汁另上。由於本人怕辣冇點醬食, 略嫌太乾, 難免食完會口喝。食完個麵甜品未又到，於是想要杯水飲，驚覺此店是沒有水供應, 唯有乖乖的等甜品到。呢度主食普遍細碟, 讓你食完飯麵都仲有位置食返個甜品, 真是貼心啊~甜品點了 雪糕麵包'山'，那是一塊厚多士加兩球雪糕(可惜冇得揀雪糕味道)，面頭幾粒提子，個底淋左D柑桔蜜，D麵包磚淋既，唔似茶木果D咁加又加蜜糖又炸到脆晒咁唔健康。森泰遠呢個清淡健康, 唔怕會滯。仲有叫左個杏汁炖蛋白鮮奶，整得幾滑，係個杏仁精味怪D。…查看更多

自問係一個NACHO愛好者, 食過無數不同的NACHO。是夜點了一份芝士NACHO, 上菜時粟米片唔熱, 但有D粟米片表面燶黑, D芝士冇(熱)融過。一睇D栗米片係Doritos芝士味, 求其加D芝士拎去焗熱再放D蕃茄粒同Jalapeno上面然後配上類似阿信屋有賣的Chio Dip!現成芝士醬就搞掂。真係超級HEA, 完全食唔出誠意, 味道咪就係以上講果幾隻現成牌子咁。我不如自己買包Doritos芝士味栗米片同Chio Dip!芝士醬自己點來食唔好? …查看更多