森泰遠 (已結業)

见到个'面面汉堡'个名咁得意，叫之前问左佢系咩来， 点知碟野来到几SURPRISE。面饼淋淋地，不是炸脆, 所以冇咁热气健康D。叫左佢走辣， 由于佢冇唔辣酱汁, 所以细心的将酱汁另上。由于本人怕辣冇点酱食, 略嫌太干, 难免食完会口喝。食完个面甜品未又到，于是想要杯水饮，惊觉此店是没有水供应, 唯有乖乖的等甜品到。呢度主食普遍细碟, 让你食完饭面都仲有位置食返个甜品, 真是贴心啊~甜品点了 雪糕面包'山'，那是一块厚多士加两球雪糕(可惜冇得拣雪糕味道)，面头几粒提子，个底淋左D柑桔蜜，D面包砖淋既，唔似茶木果D咁加又加蜜糖又炸到脆晒咁唔健康。森泰远呢个清淡健康, 唔怕会滞。仲有叫左个杏汁炖蛋白鲜奶，整得几滑，系个杏仁精味怪D。