LamLamxx1024的个人专页

雄記美食🍜🤩呢間個性小店，我相信係灣仔附近嘅人冇食過，都一定有聽過🦻🏻！因為老闆有機會不定時得會休息，所以如果唔想摸門釘👣，去之前最好就去佢地社交媒體網站@hungkeehk 睇睇（小妹就買過兩次教訓啦😅😅）一入到去，一陣港風吹過咁🇭🇰！學校枱凳，數不盡的舊式玩具，搞笑趣味標語，好多老闆珍藏，全部都係兒時回憶，就咁睇裝修就已經好吸睛👀✨。呢到樣樣野都可以講係招牌咁滯，點解，因為可以選擇數量真係唔多，但係每一樣都好有特色。蛋煎腸粉就幾乎係枱枱必點㗎，蛋味濃厚🍳，腸粉軟糯，再煎埋一起，口感香脆，你話點會唔好食😋。唔講笑係好食到係想encore！（Better than美味佳🤭）。之後呢碗咖喱牛腩撈河（其實撈面會好食啲，不過果日好想食河粉），呢碗係重口味人士之選，佢係一碗普通牛腩加上出色咖喱汁，香辣惹味，雖然我叫小辣，都幾辣下，但係都一啖接一啖咁食。河粉嗦曬啲汁，wa，係辣住食到停唔到🌶️🤤！呢碗牛雜粥，牛雜清理的好乾淨，完全冇異味，欣賞佢地加埋生菜絲，增加口感，粥底煲得好綿密，加小小胡椒粉調味，好cfu啊😽😽～～大家有心理準備都要排少少隊，你話佢係天上有，地下冇嘅美食，佢唔算。但係佢一定係一間你會心心念念嘅comfort food👅！呢間食野好易撞到明星，當日就見到雪雪係隔離枱！有港色嘅特色小店，依家唔支持，等幾時？💬😶‍🌫️…查看更多

海老名沾麵🍜🦐一間好隱蔽的沾麵小店，其實佢就係麥當勞隔離💬，大家搵路唔好俾地址fake左行左入大廈商店街。其實間舖座位不多，夜晚去到等左15分鐘就有得食。款式主要係以蝦🦐沾麵為主，再加配不同調味選擇（有原味 醬油 味噌 番茄）。還有一款人氣牡蠣拉麵🦪（不過當日以售罄），下次有機會再試試。今次叫左味噌海老沾麵，配料已經包括兩片叉燒 一顆溏心蛋 櫻花蝦😋。 湯頭配搭味噌，味道非常濃厚，配沾麵十分合適，掛湯能力一流🤌🏻。麵質粗身，有口感的（但是對於我“軟面黨”來說，偏硬了點）😌。幾欣賞紫菜搭配脆脆再點湯呢個吃法，保留到口感至於有叫新奇。店家都有提供櫻花蝦醋，食到中途，可以試加入沾麵中，可以減少油膩感和令湯底變得清新。食到最後，再加上熱清湯入沾麵湯，飲返兩啖蝦湯prefect ending👅。份量對於女子來說真啲有點多，有180g沾麵，如果有份量選擇就可以避免浪費。湯碗的保溫可以再進步點，一半是湯底就開始變溫，食麵本人是比較喜歡熱辣辣的湯底♨️。整體感覺舒服，經過深水埗又想食沾麵就可以試試🍜。…查看更多

京おでん-まさ講起關東煮，係大家日本，台灣便利店必食items，但係香港呢類型嘅關東煮就少之又少。銅鑼灣其實有兩間好不錯的關東煮，兩家都係預約困難店，今次同大家試試京おでん-まさ，一間京都風關東煮。至從佢搬左舖位之後，價錢嘅調幅都比架大，明嘅，通脹啊！所以好食就冇問題啦！一入舖頭其實係種去錯地方嘅感覺，餐廳中間放左一張U型高身bar枱（係omakase setting），完全不能想像係間關東煮餐廳，但是氣氛是不錯的，今次太臨時book枱，bar枱就已經full了，希望下次有機會可以親眼見到邊望師傅煮邊食～高湯玉子燒🍳🍲 - 呢道菜係第一道，好有驚喜。玉子燒同高湯嘅配合，好似食緊茶碗蒸，但是你有食到蛋一層層嘅口感，啲玉子吸曬所有湯，一啖入口，口感好豐富。好食到我最後又encore多左一個。牛筋煮🐮🍲 - 呢個又係另一個好鍾意嘅菜式，超濃厚的味噌同牛味，炆曬入味，入邊嘅蒟蒻同蘿蔔係MVP，就好似食緊呢碗嘅所有精華，好食到我想加埋個烏冬（最後我係連啲汁都飲曬，完全不太鹹）八爪魚關東煮🐙🍲 - 日式八爪魚煮法都係以淋為主，因為先可以顯示廚師功架。但是呢份八爪魚係淋到80歲婆都可以食到，可想而知，廚師放左幾多心機。配上柚子皮點綴，口感軟糯而味道oishiii～ 加上蘿蔔有係冇得輸！各款關東煮🍲🥢 - 好味關東煮，食材當然重要，但是我覺得最重要嘅係個湯底。因為食材煮咁耐，會吸曬湯底嘅味道。呢到嘅湯底雖然望落係偏清，但是飲落好重木魚昆布味，再煮入樸素食材，咬每一口有食到湯加上食材的味道。也有額外配柚子胡椒和黃芥末，可以幫手調下味，我幾鍾意佢嘅柚子胡椒，係偏辛口的🌶️！推薦：蘿蔔，紅生姜魚餅，豆葉湯葉，卷野菜以今餐人均$500嘅價錢，雖然價錢的確偏貴，但是可以係香港食到呢個質素嘅關東煮真係不多，有時掛住呢種味道黎止止口癮都係個不錯選擇！…查看更多

泓一拉麵 🍜✨相信拉麵界，大家對於泓一拉麵完全唔會陌生啦！其實我都久仰大名好耐啦，但是由於黃埔店店內座位較少，等候時間較長，所以至今都仲未試過！😮今次佢哋係太子開了分店，座位數量多左，門口有增設了拎飛機，所以今次可以拎完飛附近行住等。但是大家要切記留意叫號，我兩次唔小心miss左，到第三次先食到。（過左3個no就不設補飛，但係可能啲人都周圍走，所以連跳幾個）🥺🥺入正題先，講返個拉麵。我去到19:30左右，雞白湯就已經賣曬啦，所以今次就正係試左醬油湯湯底，醬油味係清香濃厚但有唔會死鹹，最鍾意係加左蔥油，第一啖飲入口係有驚喜，兩者配合得好夾，冇搶曬味。配料就每碗一個蘭王糖心蛋🥚，豬叉燒🐷，雞叉燒🐔，大蔥同埋筍。叉燒味道就正正常常，不過我果塊雞叉燒我略嫌柴左啲，糖心蛋調味可以濃味啲，不過見到個蛋黃都夠靚仔。面質其實就偏淋，唔係彈牙口感，但我可以，所以就見仁見智啦～😋總括而言，醬油湯底的拉麵，佢係香港都應該佔有一席，要試要試！下次要試埋佢個雞白湯，希望排隊熱潮可以短啲啦！🙏🏻🍜…查看更多

Cruise Restaurant & Bar🍽️🥂一間位於北角Hyatt Centric酒店頂樓的多國菜，主要菜式都係圍繞亞洲國家。如果你都搵緊一間環境舒適，節日感重的餐廳，咁我都幾推薦呢間，仲要有埋海景🌃（記得book枱果陣request埋窗邊枱同生日驚喜🎂）因為今次得兩個人，所以可以叫野食唔多。牛肉他他就同出邊餐廳的大同小異，不過幾鍾意加上紫蘇葉嘅配搭，風味更突出🤌🏻。慢煮咖喱鴨脾係用泰式紅咖哩，味道不算辛辣（小小辣感），搭配上荔枝同埋菠蘿，酸酸甜甜辣辣，又幾開胃😋。澱粉質方面，我地揀左泡菜炒飯。哈哈，其實都有諗過夾唔夾，但是出乎意料都幾襯下。真係一間餐廳就帶你行勻成個亞洲🤣🤣。甜品方面，我們叫了cacao&coconut，主調是椰子口味，配上威化薄脆同被朱古力包住的椰子雪糕，唔會太甜。但係反而覺得送嘅生日蛋糕幾出色🥰，raspberry chocolate mossy cake，大概是這個名字吧！偏苦的朱古力搭配上raspberry，非常平衡，但係呢個好似off-menu🤭。所以下次有朋友生日，可以去睇睇是不是這款！生日慶祝方面，這裡主打低調類型的，所以不用擔心，全場員工一起唱歌的尷尬！還會送一張即影給你們留念。想不到去哪慶祝的，不妨試試呢間，價錢也不算太貴，整餐飯花了800也不用，配擁有的海景的環境。💯👍🏻到結帳的時間，餐廳員工會拿一籃fortune cookie給你選擇，大家記得一定要在現場就打開，會有小驚喜。千萬不要像我拿走了，第二天才開，已經錯過了！🥲🥲…查看更多

Gyu town 牛舌專門店🥩🔥深水埗嘅“牛舌專門店”！咁串，叫的專門店，點有要有返啲水準先咁叫！當晚平日夜晚到，雖然不用排隊，但是餐廳內已經坐滿客人。😮💺當晚只有提供鐵板餐，所以其他系列就沒能試到。雖然全場都鐵板，但是一入門口都冇覺得油煙味過重，通風方面還可以接受。入正題了，鐵板套餐本身是沒有包飯，只有一份鐵板，所以需要飯的就必須要+$28轉套餐，就會包曬湯，飯，沙律同汽水🍚🍲🥗🥤。今次就叫做香蔥薄燒牛舌芯同埋二重牛舌，等餐時間都好快，落完單10分鐘內已經有了。⏱️🍽️香蔥薄燒牛舌芯- 一上台，店員就提需要自行將每塊牛舌反轉，因為還是半生熟，我都唔敢影太耐，炸炸聲，鐵板煎到啲香蔥同炸蒜嘅香味散曬出黎🌱🧄，都真係幾香～ 汁醬我就揀左日式燒肉醬，但是其實本身已經有夠味了。好奇的點是薄燒牛舌芯，但是我唔覺得呢個係薄燒，因為牛舌芯偏厚，所以即使反轉左煎，內部都依然有啲過生，導致唔係好咬到，口感方面欠佳。😋👅二重牛舌 - 呢份雖然個樣平平無奇，但是我反而覺得有驚喜🤩🐄。因為可以食得出本身牛舌的油脂感同牛味。由於呢份廚房已經處理大部分，來到只需要切開就可以食，所以火候掌握得始終比較好，口感非常爽口，有彈性。醬汁選擇了芥末，可以帶來少少辛口調味，不錯不錯！口感係比牛舌芯更好的！👍配菜方面，我都鍾意個湯，本身以為一般日式味噌湯。一飲係一碗好清甜的牛骨湯，加埋好多煲到好淋的洋蔥，洋蔥吸曬啲味，所以成碗湯好舒服！可以減輕食太多牛舌的油膩感，可以飲多碗就正啦😌！以專門店來說，佢的確全menu大部分都是牛舌，但是我覺得牛舌芯的處理手法可以改善點，因為我見有唔少comment都說偏生比較韌！👨‍🍳…查看更多

一直都想試晒唔同餐廳嘅casual fine dining，今次就嚟到天后嘅On the spot餐廳，嗌咗羅馬花椰菜森林🍃同埋煎焗比目魚🐟先講咗個羅馬椰菜花森林，成碟一送上嚟嘅時候已經五顏六色，望落好吸引✨食落有種清爽嘅感覺我，特別開胃。入面嘅羽衣甘藍唔會話好似市面上嗰啲咁食落有陣澀味，其他配菜連個西班牙紅醬食落都將食材變得更惹味，整體嚟講，呢個前菜很唔錯😍比目魚嘅味道同質感就一啲都唔遜色😋魚嘅質地仲係彈口，再配上虎蝦一齊食，加上蕃茄秘製醬汁， 海鮮衝擊味蕾嘅感覺，就好似食緊個海咁🌊當日嗌咗一杯Fire Spritz，睇落隻色就係橙紅色，唔知點解有一種危險嘅氣息咁🔥一飲，哇真係唔講得笑，佢底調用咗薑汁啤酒，即使我平時都叫做食得啲辣，我都會覺得佢味道上算辣，再加上又落咗菠蘿汁同檸檬兩樣都偏向酸嘅食材，呢杯mocktail真係令到我啲口水嘌晒出嚟，有齊視覺同味覺上嘅刺激💥另外，餐廳啲服務都好好，待應都好nice，問咩都解答到。環境乾淨，仲有個開放式bar台，看到Bartender調酒，好有氣氛！ 下次一定會再過嚟，同埋向朋友推介呢度😃👍🏻…查看更多

魚作是一間感覺舒服和簡約風格的日式居酒屋，雖然有別一些傳統的日式懷舊居酒屋，但係帶出另一種更摩登和創新的感覺。這次，我和朋友一行兩人來初體驗這間餐廳，總括而言，一間值得回顧的餐廳。我們一共叫了兩個套餐，分別是壽司刺身套餐和串燒套餐，每個套餐約有12道菜（1 set $488），有這樣的質素，這個價錢是非常划算的，加上，餐廳位於中環的中心。訂位的時候，我特定要求了吧台的座位，希望能親眼看到廚師準備和處理食材（類似有點omakase的感覺），結果一開始以為是一盤一次過上，結果，廚師是分開一件件壽司和一串串串燒地上，這個用餐節奏實在太舒服了，食物不會因為放太久而有影響，實話說，還真有種omakase的感覺，所以我再強調$488一個套餐能有這樣的享受是真的太物有所值吧。先評論下壽司刺身套餐，包括一個前菜，三款刺身，八件壽司，一份主食和甜品。前菜是牛油果蟹肉沙律，咸香的炸魚皮配上沙律真的太搭了，差點就想encore。一開始以為刺身只是普通的未調味刺身，沒想到，三款刺身都讓人太驚喜了，最喜歡就是煙燻吞拿魚腦天，煙燻味配上半熟的腦天，後韻是種回味的感覺。而壽司水平和中價位的廚師發辦差不多，舍利的味道也適當，調味不會搶走壽司魚類的鮮味。Ending來上一碗鯛魚湯的手打烏東，但是其實我已經好好好飽了，太滿足的感覺了。我的朋友就點了$488的串燒套餐，串燒是可以自己選擇的，在約20多個選擇中選十串，由於我朋友有選擇困難症，在餐廳經理詢問我們的口味後便推薦以下十串，我想應該是最受歡迎的頭十串吧。不得不說，這個大根沙律必須慢慢吃，實在是太解膩了，搭配串燒可以帶出清新的感覺。朋友分享了幾小口給我，也太合我胃口了吧。我最喜歡和牛溏心蛋，牛舌，鵝肝和雞肉棒。不會太重口味的調味還能吃出食材本來的味道。牛舌最後還加多了一份，兩塊是不夠的。最後的海膽茶漬飯還有兩個吃法，廚師教我們先吃原味的，燒過的飯糰加上海膽是口腔的味覺大爆炸，最後再加上茶，又是另一種refreshing的感覺。最後總結，兩個人吃兩個套餐是會飽到需要捧著肚子離開的，甜品我們要了威士忌雪糕作完美收尾。如果大家都是酒鬼的話，一定一定要加+$200任飲清酒/啤酒/cocktail，是沒有限時的。整餐飯，我和朋友一邊等菜上一邊喝酒聊天，用餐體驗是120/100分。這間餐廳不論是情侶還是一群朋友都非常合適。大家趁$488套餐的菜單還在就快點去試試吧。…查看更多

快到母親節了，決定帶一家人一起到dan ryan吃飯。選了母親節那個星期的平日，沒想到餐廳里的人還是非常多，非常熱鬧。餐廳的菜式款式很多，我選了幾款比較熱門的。青口煮得非常入味，蒜蓉包點嗰個汁好好食。除此之外，我哋叫咗半份豬肋骨，一共有六條骨，肉質偏龍不會鞋碩碩。整餐飯的過程都算愉快，環境和服務都幾好，推薦可以母親節一家人用餐。…查看更多