甲級食評咕的个人专页

早幾日出鯉魚門做嘢，附近搵嚟搵去都冇乜好食，正係想平平地食個飯，見到有山牛，好似喺元朗見過分店但未食過，喺舖頭外面聞到好香燒肉味😳 就諗住試下啦，叫咗個牛肩肉牛小排飯，$60價錢都算合理Order之後會即場燒，睇落好吸引，太概等咗10分鐘左右啦，都算幾快，D牛肉比我想像中多，有焦香但唔會乾，咬落有肉汁，D飯都係熱辣辣，連埋燒汁一齊撈嚟食幾好味又飽肚😋舖面睇落都乾淨，地面唔會話因為有炭燒而油立立，靜靜地食過午餐都幾好…查看更多

本身諗住去ikea求其食個飯飽肚，但係有塊牌寫見到10月有新嘢，原來係世界素食日，有三款新嘅素食，睇相都幾吸引所以就試下我就要咗素青咖哩雞配蒜蓉烤餅，$43，如果呢個餐係跟飯嘅話應該撈飯好正，佢個青咖哩汁好香香料味，素肉都好滑嫩，唔算太辣比較容易入口，伴碟仲有幾粒薯粒，薯粒點青咖哩食真係好好味！😋蒜蓉烤餅唔算好香蒜蓉味，中規中矩啦，係屬於比較硬身嘅炸餅，可以用嚟點青咖哩食，食落都幾飽肚，43蚊嚟講好抵食…查看更多

大家樂一有新嘢出通常都會試先，最近推出咗個新素食焗飯，烤大啡菇葡汁雜菜焗飯，即刻買外賣試試佢~烤大啡菇葡汁雜菜焗飯裡面材料大致上有大啡菇、蕃茄、茄子、洋蔥、芝士、椰菜花、雞蛋，焗飯係用炒飯底，增加咗飽腹感，葡汁份量啱啱好，咸度適中，但係佢嘅大啡菇有另外調味，我就覺得咸咗啲，整體嚟講5分滿分我俾4分啦！對比起以前出嘅素魚柳飯，素魚比較好味~價錢方面，單點要$52，我就覺得略貴，因為主要都係少量嘅蔬菜但價錢就同焗豬差唔多，大家樂如果想推廣素食，應該定價翻$50以下~…查看更多

佢地新開個店面幾靚，見到唔少人買，我都諗住試下一款黑松露磨菇，店員有一男一女店員分開兩邊揀pizza同俾錢，咁我就排咗女店員嗰邊，我排第2嘅，突然有個女人衝上嚟係度指this this this，我同佢講話我排緊隊，佢又就走開咗，我買完同等拎完外賣pizza之後，我又見到個女人又走去男店員嗰邊打尖，個男店員有俾女人買先，但後面本身有2個女仔排緊隊，佢地話啲人都唔排隊嘅🙄，然後就走咗，成個店面都冇店員管理，冇指示要人排隊，搞到舖面好亂..講翻食物啦，店員磅重後會問你要唔要加熱，會即時幫你加熱，我買咗truffle，40幾蚊，細細件，有芝士、蘑菇、香料，都有小小黑松露味嘅，pizza底其中一邊好硬，扣咗分😔味道ok嘅，但性價比唔高，暫時都唔會再試…查看更多

我本身住沙田，但係每次經過呢間肉肉大米都勁多人排，所以都冇機會試，今次終於等到，試咗佢哋嘅三件漢堡扒套餐🤩肉餅賣相好靚，可惜我掛住食冇影到相，外層帶少少焦香，咬落去就覺得肉汁係爆出嚟，完全唔乾，原味嘅漢堡扒食落最能夠感受到牛肉本身嘅鮮甜，冇加太多花巧調味，但就好啱我呢啲鍾意原汁原味嘅人，而芝士味又係另一種享受，溶化咗嘅芝士同肉汁融合埋一齊，味道更濃郁，口感順滑得嚟仲帶啲拉絲效果，食落去真係幾邪惡🤭套餐會配白飯，湯，生蛋黃同埋唔同醬汁，飯粒吸滿肉香，加埋蛋黃一齊撈，可以食多一碗飯😋好快就清晒碟整體嚟講，肉肉大米價錢合理，份量足，質素穩定，如果喺沙田想搵個地方醫肚，又想食得開心滿足，呢度真係一個唔錯嘅選擇，下次會想試埋其他口味…查看更多