肉肉大米

我本身住沙田，但係每次經過呢間肉肉大米都勁多人排，所以都冇機會試，今次終於等到，試咗佢哋嘅三件漢堡扒套餐🤩

肉餅賣相好靚，可惜我掛住食冇影到相，外層帶少少焦香，咬落去就覺得肉汁係爆出嚟，完全唔乾，原味嘅漢堡扒食落最能夠感受到牛肉本身嘅鮮甜，冇加太多花巧調味，但就好啱我呢啲鍾意原汁原味嘅人，而芝士味又係另一種享受，溶化咗嘅芝士同肉汁融合埋一齊，味道更濃郁，口感順滑得嚟仲帶啲拉絲效果，食落去真係幾邪惡🤭

套餐會配白飯，湯，生蛋黃同埋唔同醬汁，飯粒吸滿肉香，加埋蛋黃一齊撈，可以食多一碗飯😋好快就清晒碟

整體嚟講，肉肉大米價錢合理，份量足，質素穩定，如果喺沙田想搵個地方醫肚，又想食得開心滿足，呢度真係一個唔錯嘅選擇，下次會想試埋其他口味