barrybenny0000的个人专页

大年初二黎到新都會，又襯Beans二點先開，就黎左食頭一輪，唔洗點等嘛對上一次食Beans已經係荃灣店嘅時候，對Beans嘅印象都係食物唔錯，希望今次葵芳新店無令人失望啦首先係豪華英式早餐，坦白講我覺得價錢都幾貴（$138+$28加配黑松露薯條），而且佢嘅食材又無乜話特別矜貴，質素就正正常常啦，佢個窩夫查cream再加煙三文魚都幾好好食之於薯條就正正常常啦第二樣野食蟹肉牛油果他他呢個我反而幾推介，蟹肉幾鮮甜，加埋牛油果同沙律菜，配搭烘熱左嘅包一齊食，幾清新，好食野飲方面我就叫左凍榛子拿鐵，偏甜同埋估唔到有cream係上面，咖啡味都幾香，建議大方如果想叫可以叫少甜最後，值得一提嘅係，有位員工都好詳盡咁解釋點解個蟹肉他他遲左上黎，其他員工上菜時都有講新年快樂，優質服務態度值得一讚…查看更多

本身都鐘意食呢類型嘅夏威夷海鮮丼，不過平時都係食開比較出名多分店個間。今次晏晝難得去開呢頭又見到呢間好似幾受歡迎，就決定試下佢！好好彩平日晏晝一條友去都唔洗點等就入得一坐低見到個menu其實都好多選擇，不過第一次食都係試下佢signature 嘅bowl好啲，咁我就揀左808 bowl呢個丼有呑拿魚，三文魚子，菇，木魚，黃豆等配料，配搭芥末乳酪汁，原本揀依個丼我都驚會好漏，不過佢可能用左乳酪汁，會比沙律醬輕營，而且芥末味好岩我心水只見個丼啲配料堆到山咁高，真係好足料，而且啲配料都好好食，全部都係原型食物咁濟，食到飽肚得黎，健康又滿足到胃口飲品方面我就叫左cold-pressed蘋果汁，但我覺得就偏甜，麻麻地:(但overall我覺得呢間餐廳都幾適合推介比想食得健康又好食嘅朋友，雖然價錢都唔平，但間唔中食都開心:)而且餐廳環境都幾有風格，好似係尖沙咀呢個咁繁華嘅區中一個幾chill嘅area，下次我會再黎試佢其他款:)…查看更多

聽左咁耐終於有機會食呢間聞名已久嘅餃子店同女友係星期六晏晝點幾鐘黎，本身都預咗要排隊先有得食，但估唔到最尾都要排左成個鐘先有得食 一於就睇下佢值唔值得排咁耐湯餃方面，我地叫左韭菜同完茜雙拼 佢啲湯餃我覺得未算做好好食，但起碼基本要有嘅野都做到，皮厚薄適中，餡夠調味都適中，但就唔會比到一種好驚艷嘅感覺，反而係似家常嘅味道。而套餐配搭嘅飯團反而有驚喜，細細個，但好入味，醬油味香，而且入面應該加入左牛蒡令到口感更豐富，唔錯唔錯:)而煎餃我認為做得比湯餃出色，原因係佢唔會煎得過份油膩，我好怕有時食煎餃會食到成口油，而我地叫左嘅洋蔥豬肉煎餃淨係煎左一面，個面煎得金黃，入口香脆，而餡料方面用左平時餃子餡比較少見嘅紅洋葱，中和左豬肉嘅肥膩，都好食，不過略嫌有個小小嘅缺點就係無煎個面有少少生，如果再煎番耐少少就好啦最後，到成餐飯嘅重點-芝士蛋糕。你無聽錯，一間餃子店嘅重點係佢嘅甜品，原因係實在好好味我地叫左開心果同焙茶嘅芝士蛋糕，兩個都好好食。兩日質感都好creamy，雖然未到流心咁誇張，但係唔洗點咬都sir入口，而且芝士味好香濃，前者有開心果濃厚嘅味道，且帶點榛子香味嘅餘韻，而後者焙茶味都好香濃，適合鍾意茶類甜品嘅人。總括黎講，家後嘅食物未必會令人眼前一亮(甜口例外 )，但卻有種家常嘅口味，會令人心頭一暖。不過，問我我未必會再排一個鐘再食，可能邊日閒日經過見無乜人先再黎食，又或者淨係買外賣芝士蛋糕或者生餃啦…查看更多

一直都好少嚟大角咀搵食，但係最近呢就聽講呢頭有一間越式法包幾好食，跟住就專登嚟試吓啦我哋大概係週末晏晝2:00去到，咁都唔係好多人排隊嘅我哋嗌咗一個經典越式法包（全個），同埋加配菜同埋湯。但係因為我哋係買外賣嘅緣故，就唔可以即刻享用啦咁返到屋企，試個法包其實都仲有少少餘溫嘅，雖已經冇咁脆口，但係都好好食！我同女朋友都讚不絕口haha :)佢個餡調味做得十分之好，鹹酸辣嘅平衡我覺得拿揑得幾好：鹹嘅有魚露同豉油汁調味，而青辣椒、辣椒等配料就帶來辣嘅惹味，酸方面又有酸菜蘿蔔等等酸料令到更加清爽，再加埋佢嘅越式扎肉，我覺得十分之好食！再加上佢份量剛剛好，我覺得半個對男仔唔係好夠食，食成條完整嘅法包先爽另外想講嘅係佢嘅配菜雖然係簡單嘅一啲蔬菜，例如冬菇啊椰菜咁，但係其實佢調味落咗少少豉油同埋蒜蓉都已經幾好食再加上佢個湯係一個好濃郁嘅蘑菇湯，所以整體來講我覺得呢間小店嘅出品都高，值得一試再試！下次堂食應該會更加好食…查看更多

平時都成日去荃灣間新記食，唔係食常餐就係食佢嘅撈麵haha 今次遇上呢個晚市禁堂食，諗唔到食乜而又見其他餐廳都好多人排隊，跟住就買咗新記嘅撈麵嚟食啦今次都係叫平時食開、質素保持穩定嘅豬頸肉煎蛋乾撈麵好鍾意佢嘅乾撈麵調味，佢並唔係普通芝士汁或者豉油汁，而係秘製嘅調味汁，酸酸甜甜而且又辣辣地，勁惹味加埋大大隻嘅太陽蛋，同埋份量10分足夠而有煎得嫩滑入味嘅豬頸肉，真係會好滿足之後再配多杯解渴嘅凍檸水，就最Perfect啦…查看更多

其實聽咗呢間漢堡嘅大名好耐，不過一直都冇機會去試，而最近又唔知挑起邊條癮想食一啲比較好食嘅漢堡，於是就同女友去咗南豐紗廠嗰度試呢間傳說中嘅漢堡啦我地係星期日晏晝去嘅，去到嘅時候我哋唔使點等位就已經可以坐低，之後點菜嘅過程都好快，係等咗大概五至10分鐘就有得食啦我哋嗌咗一個招牌漢堡(1.5倍)，仲有一個兩倍嘅招牌漢堡，配菜我哋分別就揀咗薯寶同埋薯條。漢堡方面，果然冇令人失望！我覺得佢個包焗到鬆軟，再加埋漢堡扒煎得極之香口，油脂四溢，而且唔會過林過韌，肉汁非常豐富但係又有啲咬口，再配埋佢嘅芝士簡直冇得輸而且我鍾意佢個size唔會太大，我覺得普通女仔其實一啖都勉強咬到曬成個包，就唔使分開一層一層咁食咁狼狽配菜方面，我覺得個份量就比較大，味道就正正常常啦。所以如果女仔嘅話，可以同朋友一齊share一個小食。總括嚟講呢間漢堡我都會比幾高嘅評價，雖然價錢就比較昂貴，但係味道的確出色，值得一試…查看更多

不嬲mos burger都係我係香港最鐘意食嘅快餐店，因為鐘意佢啲包選擇多得黎好食，而且跟餐又可以跟沙律，不過就係貴少少今次試mos cafe 新出嘅手工和牛漢堡，佢同另一款好受歡迎嘅特級和牛漢堡有啲唔同，特級和牛漢堡口感偏向實淨，同埋牛味比較濃郁; 而呢個手工和牛漢堡肉質就鬆軟啲，比較唔似一舊肉餅，而且肉汁豐富啲，油脂香味更重，加上配料好似蘑菇、甘筍等等，令到佢口味更加豐富，所以我都幾鐘意食而配菜方面，由於我麻麻哋MOS Burger啲薯條，所以就揀咗比較健康嘅沙律配和風醬，加埋摩斯雞塊，真係滿足嘅一餐…查看更多

係weekend周不時都會同阿媽黎italian tomato 食佢個lunch,因為覺得佢嘅意粉同飯整得都幾好食，不過比較可惜嘅係最近佢嘅set lunch已經唔再跟餐包:(今次我就試左佢個龍利柳黑松露忌廉芝士焗飯，而試完之後比我想像中妹好！其實好少可我會覺得白汁焗飯會好食，但呢個焗飯首先汁唔會淡而無味，芝士味香濃而黑松露香味我覺得恰到好處，唔會過濃搞到蓋過曬其他味但又好香口。而且，呢個飯仲有兩大塊龍利柳，好滿足！食完之後再嘆杯凍奶茶簡直過曬癮！…查看更多

下晝三四點同女朋友行行下深水埗，有少少想食嘢但又唔想食太豐富，就睇下附近有咩好嘢小食食下咁岩行過見到呢間新香園，見好似幾出名又多人幫襯，一於就試試佢其實我之前都食過本店（堅記），都幾鐘意食佢個蛋牛治同飲佢杯茶走，所以今次隔左一段時間，希望佢仍然keep到水準！坐低第一件事就係叫左個蛋牛治烘底，而女朋友重口味啲就叫左個麻辣蛋牛治烘底等左五分鐘都唔夠就已經有得食，而質素方面我覺得都唔錯，唔錯在於我欣賞佢嘅蛋牛治做到乾濕分明 - 外面麵包烘得香脆鬆軟，而餡料則是充滿鮮牛肉汁及蛋汁嘅碎牛炒蛋，果然無令人失望而女友叫嘅麻辣蛋牛治同樣唔錯，而且我覺得更為香口，不過就真係幾辣，唔食得辣嘅朋友要諗清楚啦另外我地仲嗌左杯紅豆冰，紅豆煲得都算軟綿，但紅豆冰本身就唔夠奶香，不過不失啦…查看更多

呢排天寒地凍，最好就食啲熱辣辣嘅嘢不過我哋成班frd星期日晚係旺角無book位又好難搵到餐廳打邊爐，唯有退而求其次睇下有咩其他選擇咁岩我地行到雅蘭見到呢間俺流亭，見唔洗等位又有得食下熱辣辣嘅湯烏冬，一於就試下佢:)呢間餐廳好在有唔同嘅烏冬配搭俾你任君選擇，先揀湯底，再揀配料，如果有選擇困難症嘅人亦有已經配搭好嘅組合俾你揀我自己就叫左四樣餸：叉燒、雞肉、芝士竹輪同糖心蛋，湯底就揀咗清清地嘅醬油鰹魚湯。配料方面我覺得雞肉係抵食嘅（$10有三大件，肉唔算滑但都唔鞋），其他就正正常常，糖心蛋我略嫌唔夠入味，鰹魚湯底我就覺得幾好飲，而重點烏冬都算煙韌。而其他朋友有叫豬骨湯底，我試左就覺得偏鹹同油膩，大家可以就番自己口味自行選擇…查看更多

自己都食過呢間拉麵店幾次，但係女朋友未食過但好想試，一於就帶佢試吓呢間荃灣人氣拉麵店我地係星期日下晝兩點幾去，去之次其實都預咗要排隊，不過去到見到條人龍都係覺得有啲誇張哈哈。大約排左大半個鐘我地終於入得去坐，咁好在餐廳會係排隊嘅時候事先俾點餐紙我地點定拉麵先，所以坐低唔洗好耐就已有得食咁我就一貫作風叫左每日限量嘅沾麵，而女朋友就試比較經典嘅魚介豬骨湯拉麵。先講沾麵先，我就覺得佢比較適合喜愛重口味之人士（例如小弟我），因為佢嘅沾麵醬汁比一般豬骨湯底濃厚而且會鹹些少。台風嘅麵條偏硬身有咬口，不過我個人都比較鐘意硬少少，所以都接受到。至於叉燒我就覺得見仁見智，因為佢嘅叉燒唔係灸燒過而又好肥美，反而偏凍不過入味而且有咬口，我個人就覺得無咁油膩，配搭番重口味嘅沾麵反而幾好。:)至於魚介豬骨湯拉麵方面，我就淨係試左一啖，不過我之前都食過，口味方面同沾麵有啲唔同，因為湯底加入左魚介粉，會有一股魚鮮味，同豬骨湯出奇地夾，而且又可以中和一下豬骨湯嘅油膩。麵條方面因為浸住湯嘅關係較沾麵淋身(雖然都係偏硬)，而叉燒我就覺得好食因為有熱湯浸住，會較嫩滑。提外話，當點完餐我地先見到今日極限台風係黑蒜油拉麵，我地都好有興趣，可惜已經點左餐，唯有等下次再有機會先試啦（又要排好耐隊）。仲有提提大家，台風嘅麵量已經係普通拉麵店拉麵嘅一點五倍，所以記得唔好眼闊肚窄，嗌太多但係食唔曬呀haha!…查看更多

平時啤先生都會係荃灣路德圍掃下街食下野咁，其中一間口痕或者做完gym成日食嘅就係呢間元朗燒賣皇后妙舒😌貪佢夠就腳，等嘅時間快而且野食質素穩定👍🏼由於今日趕住番屋企所以買左外賣番去食😛而我買嘅當然就係我最鍾意嘅招牌 - 孖寶(沙嗲汁)😎番到去打開啲野食都係熱辣辣嘅😌從圖中所見，小店俾嘅沙嗲汁絕不手軟，而我鐘意佢嘅沙嗲汁偏甜而不太辣，而且有好香花生味😆重口味嘅人一定好開心，而注意健康嘅朋友就可以叫佢少汁！好啦，講番主角😆白魚蛋唔係爽口彈牙個款魚蛋，但勝在軟滑而又唔會太林身，而且配搭沙嗲汁我夠得好夾😉另外豬肉燒賣方面就質地結實，用料充足，唔洗點太多汁都夠味👍🏼雖然呢間價錢係呢類小食黎講唔算平，不過勝在份量用料充足，而且質素高而穩定，絕對係口痕之選😜…查看更多

平時啤先生都好鐘意食日本野，但下下食生冷野對身體又好似唔係咁好，所以都想食下啲熱辣辣嘅香口野食😜咁岩同屋企人黎開旺角，有人就推介呢間天婦羅丼飯，一於就試試佢!😎我地係平日夜晚七點半到去，去到雖然間鋪已經坐滿人，但好彩無乜人排隊，我地等左五至十分鐘就已經有位😆坐低揭下menu，就已經俾佢個海鮮天丼吸引左，因為賣相真係好吸引！等左大約十分鐘，就上到啦😆從相中所見，滿滿嘅天婦羅堆滿左成個碗，包括有魷魚、大蝦、蟹柳、蓮藕、野菜同埋蛋，而且天婦羅炸得烚到好處，表層十分香脆而且炸粉只係薄薄一層，唔會過厚，而入面食材仲保持到鮮度同多汁，再淋上餐廳嘅天婦羅醬汁十分配搭！而米飯方面已經有適當芝麻同醬汁調味，最後仲可以要求餐廳加飯素落去，成碗飯不知不覺間就被ko! 好味道☺️雖然今次只係試左海鮮天丼，但都試得出餐廳食物質素有水準，下次再黎可以試埋其他丼飯，烏冬同小食，期待😌…查看更多