micyim的个人专页

1. 和牛壽喜燒，$148 再加80 至和牛。評： 薄過細過火鍋放題的牛肉，得三塊，無肉味無油香，鍋內的菜，普通正常。但一鍋上來，沒有火或加熱…..非常頹，性價比係負值，去附近食入門價位Shabu Shabu 好過2. 串燒牛舌 $48得兩件，不過算對得住個價位3. 串燒秋葵 $20四條，上有鰹魚干，呢個okay 的4. 串燒白鱔 $55又瘦又細….5. 雜錦天扶良 $98有兩隻蝦，合理6. 明太子玉子燒 $78Okay啦，但係呢個配搭純個人覺得有點格格不入…查看更多

TGIF! 係星期五晚去左Best of the Town HOT POT!「用料靚 斤兩足 服務妥 人品好」的珍姐！呢間野真係痴鬼線勁好食！個竹絲雞湯濃郁鮮味，欲罷不能一飲再飲；騸古牛牛味及質感一絕，可惜無緣試埋牛四款；手打朱/墨/羊滑無得輸；炸腐竹令人懷念；連個貢丸及粟米都好好食！Staff 勁好，耳聽你跌筷子已自動補上，又好傾，又過來請你飲酒。更重要係，佢個playlist 超無敵，食到咁上下到下半場全場經常大合唱，hyper過唱k或演唱會。同場有人慶祝生日，全場慶賀。最後一首「係咁先啦」全場作結，實屬完美！畢竟，好耐無咁樣開懷「唱」飲過了…查看更多

晚巿開鑼，想食餐好，路過見姐姐派傳單望下，燒肉二人餐688和牛套餐，478美國牛套餐包三款前菜（泡菜螺肉個d)幾款刺身燒肉雪糕加多88 有放題任食呢樣個樣想食好點又唔想食太多野就叫左個和牛餐前菜正常刺身正常，和牛餐多個白身魚去到主菜燒肉，well，六舊幾水，和牛五款，全都薄到2mm左右，燒起上來真係快熟，肉感口感都食唔到，更莫說上碟時已是綑了不少黑邊三兩下食完食埋個雪糕…唔夠凍的放題必備海鹽雪糕真心好一般兼唔飽，一個鐘完事的燒肉真係第一次不過說老實如果我俾多88 可以有放題食品，個價咁平某程度上係主餐個價cover 左，唔叫其實係蝕底但係，一來我只想食好點，二來我見人地上菜都有點慢…所以唔叫快不太大損失，反正之後用三十幾蚊食個將軍漢堡又抵又飽又好食是其是，環境是幾舒適的非其非，除非你鐘意放題部分，否則唔抵食，另外，味道也是一般過一般…查看更多

太太好想食蠔，但去開的蠔吧成日都唔開，唯有找其他試試。訂左枱中午十二點上到去，得一枱客，去到我走時連埋我地總數都係四枱客，真係生意難撈。坦白說，呢間餐廳係銅鑼灣但位置有少少吊腳，但真係好值得來食。食左五款蠔，侍應親切講解，令感受更佳。招牌蠔湯好味！其他主菜性價比好高，抵食！…查看更多

周六海港城十二點已坐滿了好幾間餐廳。由於想食肉，走左幾間咁啱見呢間話自己係海外米芝連一星，又咁啱有位。門口接待姐姐有關禮，跟佢入左去，以一間d好少少的餐廳計，佢的位置感覺有點迫，唔緊要啦，生意難做加多幾張囉餐牌選擇不多，貴精不貴多唔緊要啦，星期六無set單點都無所謂啦青口$268龍蝦意粉 $368澳和牛西冷 $458紅酒一杯$95寫得出呢個價，我會有所期待叫侍應落單，佢同我用廣東話講想食乜野，我已跟住menu讀澳洲和牛西冷，佢話西冷係咪即係strip loin , 係咪即係尾二個樣呀？我已呆左，好似仲衰過茶記。然後亦無問我幾成熟（可能佢地standard cooking掛）青口：瘦，唔飽滿，肉質老無鮮味，個白酒汁太鹹，仲要個溫度偏凍...龍蝦意粉：手工意粉係幾好食，龍蝦亦甜的肉質彈牙和牛西冷：炭香味好香，肉質亦鮮嫩，但伴碟只得一批炸過左龍的薯條，乜都無，毫無攞碟美感可言，比花園餐廳的賣相還要差勁 （塊扒自己個樣okay ge...但唔知點解係切埋囉..）食的同時見阿侍應都招呼其他枱都係，空有熱誠，内容欠奉。埋單啦，千三落樓，唔係覺得赤，係覺得好唔值。更經典是，類似經理俾我簽咭時問覺得今天的食品如何呀？我好誠實咁答佢我覺得真係麻麻地好普通。阿經理一句「啊，多謝晒慢慢行」作結，唉。…查看更多

無記錯呢間都算係圓方有相當歷史的餐廳，裝修格調舒適，多年前試過無乜記憶，今日再試，真係大感不悅！炭燒豬頸肉香芒軟殻蟹卷南薑蟹肉露筍湯鮮茄海鮮炒飯豬頸肉韌韌地，擺碟極悶，連伴碟葉或沙律菜都無塊露筍湯算正常軟殻蟹卷唔知話你抵食定核突軟殻蟹很大，卷内有超薄的一片菜及芒果，也沒有伴碟。大大條勁多粉的蟹腳成條油炸鬼咁。件蟹係不差的，但賣相弄壞了它飯，就係因為佢促使我寫呢篇炒飯無炒過，簡單來說係一碗白飯，上面淋個茄膏調出來的海鮮雜炒。飯又硬，加埋極酸的茄膏，真係倒胃。No more try…查看更多

服務：新的侍應生唔知做乜，上牛油又唔分好，俾麵包又唔俾欖油及醋，落餐飲六杯卻有四杯是漏單，上菜技巧又一般，仲整跌野食物麵包：非常的微暖，唔拖唔水餐湯（要加三十個大洋！）：龍蝦湯很粉，搵粒蝦肉都無，牛尾湯得個鹹字沙律：本來都無野，但去洗手間時，路經厨房後欄，成幾十盤砌好的沙律列在走郎上，雖然叫有張保鮮紙蓋面，但感覺很不吸引主菜：我塊牛要五成但上來的是七成，伴碟有芥末，但感覺好似出左水咁太太的羊架要七成來了九成半熟甜品旦糕一舊無乜好評餐飲；熱檸茶，一壼上的無乜好挑剔，但每人只俾一包糖，有無咁健康環境：去洗手間要經過露天位置，落雨，濕晒～…查看更多

晚上六點係深井行完山肚餓又唔想食燒鵝. 在深井村游左一陣，就揀左呢間, 貪佢夠舊。6:15pm: 餐廳不大, 唔夠三十個位, 侍應哥哥安排我地兩人坐左一張四人檯, 時值六時十五分左右6:25pm 要了一份帶子牛柳及一份燒羊鞍, 本想叫個蟹酥盒, 點知佢話蟹肉賣晒。6:40pm 來了湯及蒜容包, 蒜容包都幾香脆, 羅宋湯很多料, 但稍嫌唔夠濃味6:50pm 坐滿座, 有人來都唔會派飛或安排搭檯7:15pm 上頭盤焗田螺及焗青口。有趣是青口用田螺盤上, 田螺用普通碟上。田螺無乜味, 但青口很鮮美肥美7:50PM 上主菜, 傳統港式扒房的內容, 但上碟很精緻, 很有心機的擺放。帶子分量不多, 牛柳真的剛好約七成, 美味; 薯菜的薯仔係剛煎好的, 層皮很脆, 其餘紅蘿白仔西蘭花正常羊鞍方面都煮很剛好, 好味, 佢用了較好的薄荷醬, 配埋高文的芥茉很好8:10PM 甜品及餐飲, 正常普通. 但見人食焗蘋果酥, 好似好好味咁8:20PM 埋單走人成間舖咁多檯客都係等咁耐無分彼此, 亦因為咁無乜人會催單.....看了別人的食評, 這叫慢食, 是法菜特色, 果然無錯。食品質素好, 有心思, 侍應服務也很好 但真係要有充足時間才好來…查看更多

初啟業時還不錯，但一次比一次難食，令人難以想像點解仲咁多人排隊是日食了小籠包：皮厚，肉汁多但淡而不鮮，饀肉好散無味，連肉的鮮味也欠奉蝦爆鱔背煨麵：上海麵點解變左公仔麵咁的口感及味道，上菜時，湯面已經凝結，味道普通燸米燒賣：沒啥特別，包住的燸米飯而矣虎皮素鵝：腐皮淋左唔夠脆整體服務一般，埋單拎張車飛都求其…查看更多

剛踏入赤口年初三零晨，從車公廟上完香諗住買兩碗糖水返屋企食，點知一肚氣！叫湯丸同埋腐竹旦，時值00：09，約五分鐘後有對男女入座。00：19我追單，佢話幫女我跟；00：21個對遲來的男女的腐竹旦都來了，我即再問，佢竟然夠膽耍我話＂係呀，你要旦係要等＂，我即話人地遲來都上岸，點解我仲未有！00：25我再追佢仲話隻旦要等。大佬，煮隻旦要幾多分鐘呀。這時出面下起大雨，唉！00：29，我頂佢唔順，唔等，走人。唯一可讚係佢唔敢留難我，速速俾番錢我。（定係其實佢根本仲未煮我隻旦....)…查看更多

六點鐘行完山特登落大美督開飯, 點知幾間出名的全部fully book, 乜walk in 都無...咁唯有四圍找, 見到呢間地中海餐廳裝條都唔錯, 又有位咪入去囉....食完就知點解佢仲有位囉叫了凱撒沙律, 雞翼, 西班牙海鮮炒飯, 羊膝, pizza....沙律: 真係好清淡囉, 只係得生菜(唔夠爽), 幾粒"淋"左的麵包粒, 幾滴沙律汁, 及幾小片cheese...就真係得咁多, 連煙肉碎都無一粒! 雞翼: 外表炸得幾靚, 入口的一刻都係熱的, 香料味都有, 但再咬深一點, 係冰凍的, 十足醉凍雞翼個隻凍!!! 叫個侍應換....無耐又來過, 呢碟的感覺熱番, 不過, 再咬深一點, 一樣係冰凍的...心死....除非你話地中海style 係咁...pizza: 偏鹹...但起碼係熱的羊膝: 無乜特別, 但佢個黃飯底....好難食西班牙海鮮飯: 唔知點解menu 係寫西班牙海鮮雞飯的....太濕太酸, d 蝦單是看已經好似梅咁仲有, 杯凍檸茶超甜~唉...真係未食過間咁差的餐廳, 走的時候看見人地其門如巿, 人山人海就明我地做左水魚...記得"大家食"句slogan: 一次不來你捐失, 兩次不來我過失.....今次係一次來都己經好大捐失...仲有價錢頗貴...唔抵唔緊要, 仲要難食嘛...可能其他同行友人都頂唔順會出番個一模一樣的食評都唔定…查看更多

自從幾個月前老婆發起鋪"特飲癮" 及"沙律癮", 就成日去pokka佢的珍寶海鮮ceasar 沙律一直是水準之作!繼早陣子申請了佢張85折咭, 呢期佢又玩蓋印仔, 好快儲了好多今天食了佢送的和風漢堡, 好多肉汁, 有肉味, 正! 唔駛錢的, 比起我上次係海運大廈那間burger 專門店百幾蚊的burger 塊肉好食不知多少倍!!!…查看更多

今日先有機會寫食評先講服務....個reception 姐姐, 著suit 的, 可能係經理也說不定, 面無笑容, 一副冷冰冰的樣子, 其他侍應, 個個都寸寸的樣, 感覺麻麻, 係幫我落單的一個, 雖然比較笨手笨腳...但反而比較nice餐單方面, 係得classic 有得combo, 即係套餐, 連shake及薯條, 其他的包就無.....個人認為有點stupid, 一係焗你食classic burger, 一係焗你唔好叫薯條講野食...包: 叫了blt burger, 諗住個名都係signature dishes, 點知, 汁無乜, 包超唔熱, 塊burger, 話有7oz, 一d都唔覺, 無肉味, 又散.........真係極失望叫了杯rocky road milk shake, 一d冰都無, 似飲mocha咁....與milkshake 完全係兩回事薯條無食, 見人地個d 原來係幼身個d, 即係麥仔個d ....omg總括來說, 比麥記還要差...要食好食的burger及milkshake, 呢度肯定唔係選擇...ooo, 還是比較好.…查看更多

去半月灣游水, 奈何三號波要回岸沖埋涼三點九, 走去搵野食, 友人推介這間六福, 都算易找, 牌坊的全記後一條街朋友話佢地拎的海鮮不錯, 就不自己買了, 話晒出面大風大雨(好在走時又放回晴)點了八樣野蒜蓉粉絲扇貝: 夠大隻, 蒜及粉絲無慳住用豉椒炒大聖子: 切開炒, 大家食得方便點, 略嫌唔夠熱白灼蝦: 夠新鮮椒鹽鮑魚: 未試過咁的食法, 但又幾好喎椒鹽豆腐: 極度推介, 好好食, 夠脆, 豆腐夠滑生炒骨: 即炸, ok, 不過唔夠波蘿竹笙扒白菜仔: 正常啦瑤柱旦白炒反: 正常啦另外服務好, 環境乾淨, 又夠闊(不過張椅無靠背....)上菜碟好"骨子"有西瓜及桂花糕送, 桂花糕是驚喜, 於食完濃味的野食, 一口桂花糕, 口氣清新晒…查看更多

因為送三文魚刺身, 貪便宜去試落到去看menu......普通了一點叫了幾個sushi, 帆立貝六蚊一隻...okay 啦清酒煮蜆...無味的擦子膠...不過就好大隻...但有沙燒牛仔骨...普通而矣真係很普通...很平凡.....可來可不來...都不是你損失…查看更多