小齊2010的个人专页

星期日去銅鑼灣行街，雖然天氣有d熱，想食靚肉，見 Paul con附近有間靚肉邊邊。咪入去試下。 睇下餐牌，fit晒時間尚早，可以一set set咁叫，有A4既赤身，A4既霜降，A5既西冷，仲有分大細，啱晒女性。豬有豚肩同豚五花。每個set,跟餐，有份蔬菜，同埋飯，拉麵，烏冬。都幾ok。我鬼咁大食，緊係要加啦，可以add on,可其他肉呀蔬菜咁。照顧周到。 咁我同朋友最後揀左一份大霜降同豚五花，再加d肉同野飲。湯底都有好幾個選擇，有壽喜燒，昆布魚湯，咖哩，蠔，海胆，牛乳。我見到用蠔做湯底啱晒我，友人必選海膽。 蠔湯底：又真係有蠔响度，都有蠔味，不過唔好既人應該會麻麻，好蠔既人應該要試 海膽湯底：撈上黎又真係有海胆响底，足料架，唔係講笑。我見食到最後個湯都好杰身，用黎撈飯應該好好食。 A5霜降：睇落油脂都幾豐富，快手撈起，乜都唔好點，豉油麻醬乜都唔落，油香牛味，原汁原味，正。 豚五花：食五花就係要有肥肉，睇到肥瘦相間，相當靚仔，無浸豬羶，見到舊肥肉，食慾大振。 唔夠喉加多份西冷同豬肩，都非常唔錯，同價錢相宜。仲有飯後甜品，蛋糕一件。都係個句，香港人對甜品既最高評價，唔係太甜。…查看更多

同朋友响觀塘浦，三點三，又到下午茶時間，啱啱午餐又食得唔飽，再去搵下食先。睇睇餐牌，呢個時間叫午餐可以減$30，即叫啦。 揀左兩個餐食意式巴馬火腿軟芝士法包Parma Ham Soft Cheese Baguette法包夠熱又脆口，軟芝士個量都算多，又夠香。巴馬火腿份量都幾多，咸咸地，夾埋d軟芝士又幾好食喎。小小沙律菜伴碟，都算新鮮。 見到話加多$30有香煎鵝肝都幾大舊下，香味十足，有少少羶味，咁先好食 健康心情早餐全日早餐咁，大大份有水波蛋，咬落爆黃，好食。慢煮雞胸唔鞋口，雞胸最怕煮到鞋到死。蕃茄沙律、牛油果，食落新鮮，牛油果夠哂健康，勁香口，似食緊三文魚味。烤雜菇：牛油炒過，好香。乾果麥片時令水果，都唔錯，哈密瓜夠甜。 飲品：叫左要Ice Caffè Mocha 同Flat White 人手沖，又有拉花，咖啡又夠香濃，打卡able 甜品：柚子芝士蛋糕清新柚子味，仲有d,果肉。芝士味夠濃，用牛油餅底，都幾好食。 裝修唔錯，園林感覺，坐位寬敞，店員有禮貌又幫手。…查看更多

六個人黎，叫左d唔同既食物一齊開心share餐前麵包：切到細細舊，一，兩啖食完，配上大大舊牛油。望見食慾大增。小食併盤：有春卷，魚柳，馬介休，新鮮炸起，乾身，最怕好油。主廚特製蟹肉釀蟹蓋：釀蟹蓋諗住係熱食，點知原來係凍食，蟹肉夠多，配埋蛋沙律蛋，好食。葡式炙燒香腸：會去你身邊整，臨尾用酒精點火，視覺一流。細細舊，食落咸咸地。白酒蒜蓉炒蝦：份量叫做多，酒香加蒜味，蝦身爽口。葡式傳統薯蓉青菜湯同酥皮蘑菇忌廉湯：青菜湯第一次接觸，無特別驚喜，正常貨。蘑菇忌廉湯味道重，唔算好杰身，配埋酥皮一齊飲。主菜炒豬肉配葡蜆伴馬鈴薯：呢個應該主菜中最好食，帶小小辣，蜆量十足又甜，豬肉炒得好食，又咁軟，易入口。葡式芝士風味海鮮扁麵：芝士味濃，意粉掛汁，條條意粉都有汁，夠曬邪惡。炙烤馬介休 – 烤葡式鳕鱼“Lagareiro”風味：夠鱈魚好大舊，連埋魚皮煎烤，脆口，夠曬魚油。葡式焗鴨飯：有d似中式既油鴨飯，不過無唔乾身，食落淋好多，咸咸地，d飯吸曬d油香，好食。甜點：木糠布甸：唔會太甜，唔錯。葡景軒焦糖布丁：响你面前點火，吸晴。味道重焦糖味，蛋香十足，唔算太甜。飲品 葡式水果酒 …查看更多

放工，又約左老婆去觀塘搵食。又上左開飯睇，尋日試完一間工廈cafe，今日晚飯再試。响開飯見幾好人氣，又有唔小好評，決定試下。飲品：老婆身體不適要飲熱野，叫左洛神花茶，入面仲加左果皮，酸酸甜甜，都幾好飲。侍應仲主動加熱水，變相續飲，味道都無乜淡到。我就凍飲，Ocean Paradise Soda，藍色大愛幾好睇，有荔枝味，同益力多味，甜。南瓜湯，唔算好濃，都不俗自家製香草麵包，正常貨，軟硬適中，唔會太硬又唔會好似咬空氣咁。燒椒醬風味炭烤牛舌，去到邊都食我舌既我，大愛，牛舌雖然唔係厚切，但都幾大塊下，配埋個椒醬，一流，夾住黎食，好正，小小辣味。香濃蟹膏雙色意大利麵配手拆松葉蟹刺身帶子：意大利麵唔錯，配左蟹膏，幾香口。有蟹肉，帶子食，但係新鮮貨又大粒。16小時慢煮醬烤法國鴨腿配牛油意大利飯：邪惡之選，勁香牛油味，又有芝士，邪惡到核爆。鴨腿唔乾身，有d汁水，唔知係咪慢煮關系，d肉都好嫩。…查看更多

陪家姐，老婆外夝去左觀塘工廈個頭行街買野，累累地搵間野坐低飲杯野食小小野咁。上網見到呢間有不少好評就去試下。跟住個地址去，應該係星期日既關系，d工廈通常都關門，真心有點難搵。不過上到去，又出奇地唔小人，仲有好幾枱客都响我地之後入黎，都幾好生意睇黎。餐廳唔算好大，長方形，兩邊都有枱，枱seat呀有d似學生上堂個款，仲有櫃桶，諗番起乜都放落去個櫃桶到。櫃桶入面放左本簿仔，我諗係比客人畫下野咁。好有課室feel。最後叫左d,野飲野食鹽酥雞塊配蕃薯條：雞塊新鮮炸起，夠晒熱，唔過火，夠大舊，啖啖肉，唔係重味個隻。蕃薯條食落甜甜地。黑松露雜菌意粉：黑松露味重，白汁夠creamy，意粉都叫做有點口感，條條分明，好怕食一pat pat,個d百香果冰茶荔枝玫瑰冰茶凍朱古力鮮奶桂花拿鐵咖啡四杯野飲都唔錯，都夠份量。芒果百香果刨冰：最有驚喜係個刨冰，我諗好食過出面d,甜品鋪，份量都算大，真材實料，唔係hea,你，百香果同芒果都甜甜地唔會酸。…查看更多

九龍城放工，同老婆友人飯局，約打邊爐。上過開飯搵，無意中見到咪試試。餐廳真心唔起眼，要上一層。裝修唔錯，乾淨企理，枱同枱之間都闊落，唔會好迫。湯底叫左個鴛鴦鍋，沙嗲拼海底椰青雞，沙嗲都足料，香濃，唔會太咸，有花生碎。海底椰青雞，都甜甜地，內有幾件大雞件。飲品叫左梳打水 同竹蔗矛根水，竹蓆矛根唔算太甜。都幾好飲。肉類叫左西班牙黑毛豬同封門柳，黑毛豬，幾好食，絕對無豬臭味，唔係太飽想食多碟。封門柳鬆軟，唔韌，重牛味，份量都幾大碟。海鮮叫左加拿大桂花蚌同美國桶蠔，桂花蚌新鮮爽口。蠔夠晒大隻。叫左小食皮蛋酸薑同椒鹽粟米茄子，酸薑皮蛋都唔錯。粟米唔會太乾，茄子真心有驚喜，好邪惡。丸類叫左手打墨魚丸同豉香梅菜肉丸，墨魚丸真材實料。梅菜肉丸，我第一次食，有小小似梅菜肉餅。大邊爐四色餃鲜蝦水餃時令西洋菜餃莧菜带子餃魚皮餃隻餃材料十足，隻隻都脹卜卜，唔錯。脆香腐皮，雙併雜菇冬菇＆雞脾菇，淨豆卜呢d用黎吸晒d沙嗲湯特別好食…查看更多

返工既總公司位於荃灣西，耐唔耐都要上去做野，所以有時都要去荃灣西搵食。今日又要上去做野，加上個lunch,又唔係食得咁飽，咪搵個下午茶食。地鐵一出，就見到間餐廳，環境又唔錯，仲要望住住個海景，門口又有塊牌介紹個tea set，咪入去試下。六個咸點：法國鄉村多肉醬多士，肉醬creamy，面上有塊酸瓜。吞拿魚他他迷你撻，細細個易入口。煙三文魚蘸醬，有餅乾比你蘸住食，幾香口同重三文魚味。番茄芝士迷你蛋批，芝士味重，加埋蛋碎，唔錯。炸黑松露醬蘑菇球，自己最欣賞呢個，黑松露味突出，有蘑菇味。西班牙白毛豬火腿，略帶咸香。四款點點：蕉糖餅乾口味芝士蛋糕，蕉糖味，配埋唔重芝士味既蛋糕，啱啱好又唔太甜。士多啤梨迷你撻，酸酸甜甜，無得輸。紅桑子馬卡龍，馬卡龍比我一向感覺甜到想嘔，呢度唔會有呢個感覺，紅桑子微酸。榛子朱古力醬迷你撻，甜點中最出色的一個，想再叫多舊食。飲品：凍檸茶同鮮奶咖啡。侍應主動有禮，tea set, 上枱有精緻，環境舒服，對住無敵海景真係一流。…查看更多

途經朗屏去買野，一落天橋，見到有間舖賣生煎包，又有豆漿，小籠包個d,賣，入去試下無壞。我地一行四個人，叫左三個套餐，再散叫d,野。1號餐：上海排骨湯麵+1隻生煎包上海麵正常貨色，唔會太淋，有d口感。炸豬扒唔厚粉，炸得幾好，又唔柴。3號餐： 鮮雞湯小雲吞（12粒）1隻生煎包小雲吞細細粒，易入口，個雞湯幾好飲，唔會係味精湯。4 號餐迷你雞絲酸辣湯+生煎包6隻 酸辣湯，唔會太酸，用料充足，較濃，帶小小辣，都唔錯。三個餐夾埋有有九隻原味生煎包。生煎包確係出色，首先新鮮整起，夠晒熱，個底煎過下，小脆，陷料充足，入面仲要帶肉汁，包面有芝麻。真心食落都似九龍城名物牛肉餅。4隻蟹黃生煎包：同樣新鮮整起，夠熱，入面陷多左蟹肉，個包即刻升降，可以一試。4杯豆漿：豆味十足唔太甜小籠包：相對咁出色既生煎包情況下，叫作正常，有湯汁夠熱。…查看更多

外父外母返左黎，同佢地打個邊爐，任劈，唔駛煩。之前試過旺角個間，印象唔錯，咁今次試下尖沙咀呢間。由於一早訂左位，八點。早到左都有位比我地。入到去，發現都幾full下，已經好多枱。今次食298個餐，有肉有海鮮。坐底掃code揀鍋底：鴛鴦鍋：清甜椰子雞鍋＆冬瓜瑤柱豬骨鍋。兩個鍋都好足料，椰子鍋重椰香，帶小小甜，有大大舊雞件。冬瓜豬骨又係足料。再oder野食，主要用掃code落肉落海鮮，菜丸個d自己响個櫃落。都唔小選擇。又有老婆最愛既萵芛。肉類我主打劏牛，美國極黑和牛片，美國安格斯牛板腱：兩款都大塊，牛味重又有口感。西班牙豬五花片：簿切，有肥肉，唔會太油膩感。封門柳：細細塊，牛味都重，嫩。海鮮：蝦爽口唔霉，都大隻。墨魚都易入口，唔韌。魚塊厚切唔腥。脆鯇魚片新鮮。仲有花膠海蔘，真係好多選擇。外面有唔少蔬菜同丸類，自己夾。仲有熟食。麵食有烏冬，出前一丁，仲有台灣好食既王子麵。真心似我地既福麵。野飲方面，好多汽水選擇，又有beer，清酒。我自己就飲佢地d茶類，款式多，應有盡有。員工有禮，收碟速度又快。見到員工唔小心倒瀉左湯，即刻幾個員工快速處理，又怕跌親人，會溫馨提示。地方好明顯細過旺角，但都一d,唔迫。座位都寛闊。…查看更多

老婆早排去過d貓cafe食飯同玩貓，心思思又話要去，咪再去多次囉。我自己就未去過香港既貓cafe，抱住過試下既心態去。上到去，未入門口，侍應表示要著鞋套先可以入去。大家一行四人著完先入去。地方好大下，可能養貓既關係，特別乾淨，又夠光猛。可能時間尚早，有四，五枱客，唔算多人。貓就好多，真係可以話貓多過人，d貓又夠活躍，好多行黎行去，走黎走去，又會同人有互動，之前去過台灣既貓cafe，體驗就好麻麻，貓小又無反應，完全無互動，你有你食，佢有佢訓。呢度d貓真係好活躍，成日响你腳底穿插，又擒上枱，又坐你貼邊。好唔同下。個體驗好好多 野食就叫左個四人餐，唔駛諗麻。有湯，有沙律又有主食仲有野飲，驚唔夠食，加左份小食併盤。南瓜湯：夠哂濃味，重南瓜味，杰身，都唔錯。沙律：細細份，都算新鮮，加埋胡麻醬食，開胃。四個主菜溫泉蛋煙肉野菌卡邦尼意粉：整爆個溫泉蛋，撈勻d意粉度，充滿蛋汁，配埋d煙肉食，幾香口，又夠滑。鰻魚明太子忌廉扁意粉：真係好大條鰻魚下，味道都ok，正常貨。西班牙燒烤醬黑毛豬肋骨：烤得幾好，易入口，醬汁唔錯，唔會太咸，肉易咬開又夠脫骨。安格斯牛肉漢堡配薯條：夠哂牛味，又夠厚，咬落唧哂d肉汁出黎。配埋沙律同薯條，薯條粗身夠熱夠薯味。個併盤大到癲：有炸雞，薯條，洋蔥圈，雞翼，全部新鮮炸起。食極都唔完。野飲就叫左焦糖咖啡同榛子咖啡，幾重濃，唔會沖得太甜，最怕落勁多糖水。另外叫左檸檬茶同伯爵茶，正常水準。 有小朋友帶黎同貓玩一定好開心，約左朋友同帶小朋友黎再食再玩。…查看更多

老婆同友人行尖沙咀，經過比塊牌吸引到，叫任你魚肉餐，仲要無限時，包飲包食，諗都唔諗殺上去。可能時間尚早，餐廳無乜人，望埋去光猛，乾淨，企理，座位又唔太迫。首先，可以叫個雞煲先，可以任加雞。味道有別於大陸個d辣雞煲。呢款似黑椒汁煮既雞煲，都係有洋蔥做配菜，索晒d汁，幾惹味都，雞件較大，又夠滑。幾好食。食完個雞煲，大家都十五十六，試唔試叫埋牛尾煲。响討論期間，姐姐應該聽到我地怕食唔哂但又想試，同我地講叫半份，加上姐姐話好食，有唔少客黎剩係食牛尾。咪叫半份牛尾食下。原煲上左黎煮左陣，臨尾再落酒燒一燒焗一焗。一打開蓋勁香。牛尾有大有細，個人鍾意食大，入味，多肉，肉又夠脫骨，惦。之後到條魚。叫左酸辣海爐魚，大條，夠味，小辣，加埋d,酸菜，好食。條魚煎一煎過，唔會散晒，魚肉都叫滑，唔多骨。最後叫打邊爐：邊爐料出出面雪櫃攞，正常貨。肉就加錢升左級食靚小小既肉。任叫，上得又快，肉味都重。仲有d,特色小食，生魚皮，見到必點，佢呢度整辣辣地，細細舊，好爽口。海鮮仲有蝦同花甲，食落都唔錯。五小時任你魚肉，任飲任食，一大班人坐吹水打邊既好地方。三百零蚊埋單，無得輸。…查看更多

早排放假都响中環，上環搵食，食親都西餐，今次試下中餐。搵左間响英國唐人街做左三十幾年既餐廳食下。首先是日燉湯：望埋去個湯色好清下，但估唔到都幾濃。湯料都好充足，有雞，瘦肉，雞腳，瑤柱，螺頭，猴頭姑，最重要係夠哂熱，用料十足，夠晒味。文興叉燒王：用肥瘦相間既部位，最怕一係食瘦既，就好似食柴咁。食肥既又會太油膩食肥膏咁。好明顯有用心揀過，真係肥瘦相間，食落又夠淋。成世人食過咁多叉燒，一定前三名好食，呢個真係必食。泰國櫻桃鴨：報稱話係選用泰國入口，優質櫻桃鴨，用殼物飼養。用秘制醬汁燒。講真，食落唔覺有太多肥肉，皮嫩肉滑。胡麻伴茄子：茄子伴胡麻醬，正路唔會輸，幾開胃，茄子唔會太淋，有口感。芥末脆蝦球：隻蝦炸過，唔過火，表面炸粉又唔厚，隻蝦係新鮮貨，唔霉，彈牙，芥末醬夠味但唔算會太重攻鼻。配埋d生果同沙律菜做伴碟，望落顏色美麗，食落又夠清新。沙地蘆菔燒牛肉：手工菜式，白蘿蔔釀牛肋肉燜煮。白蘿蔔夠晒大舊，清甜無渣。牛肋肉肉味夠重。文興招牌炒飯：用砂鍋上，黎個時仲聽到噼噼啪啪既聲，剛剛炒起。一上枱勁香，望埋去都見用料十足。鮑魚，花膠，蝦乾，鮮尤，瑤柱。用砂鍋上，夠哂熱，又保住個熱度。食落海鮮味十足。甜品係椰汁卷：唔太甜，椰香，最特別係個口感好煙韌。無行過餐廳其他地方，見到有十張八張枱，都坐滿。環境乾淨企理寛敞。侍應又夠主動同有禮。…查看更多

同老婆四人行去搵食太古工廈有西餐咪試下。一入去就有侍應招待，可能時間尚早，餐廳唔係太多人。餐廳環境乾淨企理，坐位都寛闊唔窄，坐得舒服。無耐侍應就比水我地同餐牌。有得散叫同dinner set，set跟餐包湯同甜品。最後叫左3個主菜同小食，再加甜品。香草牛油慢浸銀鱈魚柳配青口醬及魚子醬：銀鱈魚柳都幾大舊下，夠厚身又夠肥美，好香牛油味。燒美國Prime級牛扒8oz伴雜菜及薯條：叫左五成熟，有兩件牛扒，用碟上，牛味濃，薯條新鮮炸起，份量十足。燒美國穀飼豬鞍架伴香草薯角及香梨柚子沙律：豬鞍有肉汁又夠淋，無個種豬既臭味，沙律菜新鮮，酸酸甜甜，幾開胃。小食：芝士肉醬焗薯條～新鮮炸起，份量十足，表面有肉醬加極度邪惡既芝士，無得輸。珍寶蟹脆蟹餅伴粟米莎莎：蟹餅用料扎實，食落幾好口感，唔會鬆散既感覺，蟹肉都叫做多。甜品：傳統意大利芝士蘋果撻：開四大家此牙黎食，重蘋果味同芝士味，唔太甜，熱辣辣，幾好食。朱古力班尼斯伴朱古力雪糕：兩樣都好重朱古力味。班尼斯脆脆地，入面有朱古力醬。外層少少脆口中間有軟心朱古力。跟餐有甜品：朱古力班尼斯同Tiramisu，Tiramisu 雖然細細件，但都好香咖啡味，唔錯。飲品叫左3杯檸檬茶，味道正常不過不失。另外叫左一杯鹹檸雪碧，鹹檸好夠味。…查看更多

早排食完lunch既呀媽家姐，老婆又想食。今次搵到間尖沙咀食夜晚既呀媽家姐。有唔會既價錢，我地揀左個平平地試下。前菜：高湯冬瓜：食落好似jelly咁，一d都唔似食冬瓜，重魚湯味，都幾特別。蟹肉：雖然細細份，一口份量，加埋佢底既配菜一齊食，小小酸，夠開胃。磯煮黑梅貝：師傅話慢煮兩三個鐘～。大粒得黎又彈牙，帶小小辣味。刺身：池魚：首先食池魚，師傅話當做又淡口d，所以食先，配柚子醋，好夾，酸酸甜甜咁。日本象拔蚌：師傅話家下當造，夠晒爽口，我就乜都無點，食原味。石垣鯛刺身：第一次食，油脂都ok，鮮甜鯖魚刺身：魚皮用火灸過，表面好香，又帶魚油，加上厚切，真心唔錯。表面有三升漬，好香口，微辣。長崎縣華漣生蠔：用柚子醋調味，酸甜，唔覺有腥味，creamy，隻蠔都算肥美。唔錯。一品料理日本虎蝦：同早幾日食過一餐燒海鮮既蝦，呢間贏晒。首先隻蝦夠晒大隻，仲要幫你起好晒肉，一夾就食得，燒到一d都唔乾身，仲好有彈性，爽口，彈牙。蝦表面鋪浦晒蝦膏，未上枱已聞到勁香。漬物柚子醃蘿蔔、日本麵豉蕎頭、紅酒蒜頭，真心d三樣，平時惦都唔惦，真係好怕食，但我有食得晒，因為唔重口味。壽司伊佐木：肉質夠哂白，都算肥美，新鮮貨。北海道帆立貝帶子：夠大粒，厚身但唔膩，鮮甜，師傅強調唔係急凍貨。新鮮赤牡丹蝦：師傅都係強調唔係急凍貨，都幾大隻，夠甜。大拖羅～魚油豐富，最緊要無乜筋位，最怕食到成口渣咁。鰈魚醬油漬：鰈魚夠晒大舊厚切，好香魚油又豐富，入口即溶。海膽手卷：師傅強調係皇室御用金盒海苔，主廚話不外銷～食落有陣檀香味，配埋北海道海膽，幾好食。江戶前玉子係日本傳統壽司：真心似食蛋糕。蛋味濃。主廚話只有4種成份～分別係蝦肉，魚肉，蛋，糖，唔係用麵粉做。吸物：大蜆清湯：有兩隻大蜆，湯色好清，飲落都重蜆味，夠晒熱，暖暖胃。甜品：赤肉蜜瓜：又甜又爽口。另白向夏：聽都未聽過，第一次食，師傅話果肉帶酸～甜度係來自白色部份所以要連埋一齊食，食落似橘味。店員們有禮貌，又幫手，其實香港餐廳服務都仲有好好架。 …查看更多

呢排全民九龍城寨，經過九龍城就試下城寨風味。2人世界龍蝦餐澳州龍蝦：中式做法，永遠唔會輸。蒜蓉清蒸，加粉絲底。龍蝦夠晒大隻，有唔小蒜蓉，一攞上枱已經聞到勁香蒜蓉味。龍蝦新鮮爽口，又啖啖肉，粉絲底唔會落好多豉油，粉絲索晒d龍蝦精華加埋蒜蓉一齊食，絕。金湯濃情燕窩羹：本身有得揀趐既，不過揀左燕窩黎試下，燕窩量都唔小，加埋個湯底夠濃。拔絲咕嚕肉：咕嚕肉真係有拔絲效果，酸甜度啱啱好，唔會太甜太酸。配菜d椒，洋蔥，凰梨好食。櫻花蝦蒸菜心：菜心新鮮爽脆，面上有櫻花蝦，調一調味。香煎海斑扒：塊扒就厚肉無骨，啖啖肉，唔會太多調味。裝修中國風，坐得舒服，乾淨企理。侍應又夠主動幫手，食物係一份份咁上，食完收碟又夠快。…查看更多