首先，可以叫個雞煲先，可以任加雞。味道有別於大陸個d辣雞煲。呢款似黑椒汁煮既雞煲，都係有洋蔥做配菜，索晒d汁，幾惹味都，雞件較大，又夠滑。幾好食。
食完個雞煲，大家都十五十六，試唔試叫埋牛尾煲。响討論期間，姐姐應該聽到我地怕食唔哂但又想試，同我地講叫半份，加上姐姐話好食，有唔少客黎剩係食牛尾。咪叫半份牛尾食下。
原煲上左黎煮左陣，臨尾再落酒燒一燒焗一焗。一打開蓋勁香。牛尾有大有細，個人鍾意食大，入味，多肉，肉又夠脫骨，惦。
之後到條魚。叫左酸辣海爐魚，大條，夠味，小辣，加埋d,酸菜，好食。條魚煎一煎過，唔會散晒，魚肉都叫滑，唔多骨。
最後叫打邊爐：邊爐料出出面雪櫃攞，正常貨。肉就加錢升左級食靚小小既肉。任叫，上得又快，肉味都重。仲有d,特色小食，生魚皮，見到必點，佢呢度整辣辣地，細細舊，好爽口。
海鮮仲有蝦同花甲，食落都唔錯。
五小時任你魚肉，任飲任食，一大班人坐吹水打邊既好地方。三百零蚊埋單，無得輸。
