老婆餅的个人专页

呢間粥店係荃灣開左好耐,24小時營業,絕對係宵夜好去處。炸兩基本上我食粥都必叫食物，但係要做得好絕對難，首先要佢即時幫你搵腸，但我而家仲未搵到間粥店係即時拉，而且個油條係脆既。但都無法，只好將貨就價。呢間粥店唔係特別好食，係無味精，我就已經覺得好好，唔求得咁多，好多連鎖店真係不知所謂，粥都要放味精，真係清腸胃變壙腸胃。炒麵炸兩最一定要混醬咁食…查看更多

我記得以前呢度d白糖膏,紅豆咩都好好食。今日有得懷緬一下就買返個鬆膏食下，一打開見到氣孔咁少，就知出事了，一定唔會鬆軟得去邊。難食得很，一黎又唔熱，更加唔好食。就買多個白糖膏食下，但係一樣唔好食，好失望。唔知點解仲有咁多人買，真係一出左名，ｄ野就唔好食。而家好似間間餐廳都係咁唔知點解ｄ人不斷去食，好似鼓勵佢地整ｄ難食既野出黎…查看更多

呢間絕對係旺角區內最喜歡的粥店之一，但係千其唔好３個以上去食，最好自己一個去。因為超級難搵位，但今日下午去食，未有粥賣，就試一試撈麵，叫了一個牛腩撈。牛腩份量十分足十分多，牛腩好好味，又夠爽，入口即溶。其實應該叫腩筋兩溝，少左ｄ牛筋，好似有ｄ單調。而個麵就太重簡水味，我就唔係太喜歡。下次還是食返粥，魚皮同埋田雞十分之好味。…查看更多

好耐無食過膽固醇，雖然岩岩係對面食完西多士，但係見到膽固醇，真係忍唔住要食返碗。但係一ｄ都唔平，無記錯３０蚊碗，明明豬油渣其實好鬼平，同埋豌面無乜技巧，唔知點解賣到咁貴。講返碗面，ｄ豬油渣唔夠香，炸得唔夠爽，唔似本身由佢迫ｄ油出黎。只有不斷落ｄ菜腩就有味，另我有少少失望，唔係好想要既味道。所以我決定返屋企自己整豬油渣，一定又香又爽又平。…查看更多

本來來到想食豬潤米，因為佢ｄ豬潤真係好好食，又爽又乾淨無乜味。但係今次試試咖央西多，咖央西多就是香港特色的多士，兩片多士中間夾了咖央醬後，一口咬落去奶香味、椰香味十足。呢度絕對做得到，但係會奇怪佢呢度西多都好多人食，但焦竟然無刀提供 。真係未試過食西多無刀。係度呢度太多人，想好悠閒咁食過下午茶，絕不可能。如果有埋薯條，雞脾咁就ｖｅｒｙ　ｇｏｏｄ　ｌａ。…查看更多

鋪面細細,數埋都唔多10張枱,入到去見到餐單有幾個精選推介,就一於試下個巴東牛肉,而一個飯會送個飲品。特飲一樣係免費，正當我選擇有咩特飲既時候，老闆就推介１００毛。而我不知100毛是什麼,飲落甜甜地,都幾好味,不過飲唔出係咩整出黎。個牛肉飯賣相唔係幾討好,但出奇地好食,辣辣地,牛肉又到軟,份量又夠多。好好味,而d飯唔係平時我地食既泰國米，唔知係咪台灣米黎，有少少似日本米。唯一唔好就係個汁唔夠多，如果唔係只係汁撈飯都已經可以食一餐。而個老闆一定係個吹水佬同ｄ食客吹唔停，個個好似好ｆｄ咁，期間都見有熟客食，基本上老闆都記得佢地喜歡飲ｄ咩另外如果唔要野飲可以平ｄ更好，因為有時只想飲水，但這只有套餐賣。…查看更多

之前睇tvb曾經介紹過,咁岩醒起咪行去試下，咪叫左個費城芝士牛肉狗。tvb d飲食節目真係太誇張,講到好好食,雖然呢個包用料都幾飽滿,話曬一分錢一分貨.無記錯個包好似40蚊,如果+薯條汽水+多12蚊,不過我無加啦,因為問佢有冇咖啡,個收銀哥哥問返個cook有冇，個cook話無,擺明唔想沖。講返個個包先，ｄ芝士係幾多，不過一粒粒，完全溶唔到落個包度，分開食仲好，唔知係咪呢ｄ叫傳統，只係我覺得溶左既芝士好食ｄ，ｄ牛肉好鞋，咬極都咬唔斷。我見佢芥末汁有３定４款選，雖然我想試曬有咩唔同，但佢ｄ汁放係收銀旁邊，基本上你無乜可能成日走出去擠汁，其實正常餐廳張張台都有自己既汁，唔會放係一個位咁多人ｓｈａｒｅ掛，以味道黎講一般啦，但整體服務等，比我感覺真係無係興趣下次再試。…查看更多

呢個銀咖喱經過好多次都無試過,今次終於去試下。話曬日本過江龍,應該點都唔會差。所以叫左個餃子咖哩飯,但係個飯囉到出黎,衰過大排檔食,就咁睇個賣相,好似監等飯。呢個都唔緊要,係隻碟既關係姐,最緊要好食但係個飯唔熱,我真係接受唔到,餃子好明顯係放左好耐,一d都唔翠,個皮軟既。個咖哩汁我都唔記得咩味,總之成個飯都唔熱,點食,完全無胃口。我旁邊有兩個日本人食,佢地食左一兩啖都無食,好明顯都唔熱既飯唔係日本人口味總之就食浪費金錢浪費食物。…查看更多

希慎都好多野食,好多人會上food court食,但我會去Urban Bakery選擇食牛角包作為下午茶。呢間賣牛角包都好出名,店內有多款口味,流心都有。朱古力口味個d更加唔洗講。但我比較喜歡原味多d,所以今次都係選擇杏仁味。眼見杏仁片係個包上都十分足料,杏仁片上面鋪了一層類似蜜糖的東西。將佢地溶為一體,食落甜甜地,十分之好味。個包本身做得好鬆化,撕開佢有一絲絲既感覺。一啖一啖將佢放落口,如果有杯黑啡配埋,一甜一苦,就真係一絕。另外d蛋糕做得好靚,好唔好味就唔知啦,但我應該無乜機會試,因為我相信我下次都一定會買左牛角包先…查看更多

突然想食海南雞飯,就上網搵到呢間,立即去試下先。位置好易找,3點幾去到無乜人,唔洗等最鐘意。叫左個海南雞set,有碟菜同湯or飲品跟。好似70蚊左右,忘記了。雞做到好滑,d雞去曬骨,唔洗咬,可以直入喉嚨不過得覺得唔洗去骨呀,因為有d雞骨味會更加香。d雞係滑,但係無乜雞味,可能唔係新解雞整,不過雞黎講都算唔錯。另外雞油飯好緊要,飯既顏色只有淡淡黃,唔似其他店個飯係金黃色。金黃色唔代表好味d,只因為用左d黃薑粉上色。但佢個飯真得唔算好,因為無乜味,如果以海南雞飯自居專門店黎講,個飯真係唔合格,太過淡,無香料味,無雞油味,真係有d失望。另外個醬做得唔錯,一個好醬絕對能提升整個海南雞飯。如果個飯做得好d,鼓油撈飯絕對可以食唔停不過衛生一般,因為收碗碟個桶放係食客旁,我就岩岩坐係不遠,係味應該放返係後勤地方呢??咁絕對影響胃口,如果你係大排檔收大排檔我就可接受…查看更多

晚上跟朋友食飯,岩岩買完六合彩就見到赤丸無人排隊就入去食啦,我地3個人坐卡位都幾舒服。我點了一個滑蛋吉列豬扒飯。賣相係幾好,炸得金黃。但聞唔到香味,食落果然無錯,係軟既,一d都唔脆,好似炸完放左好耐先再囉出黎比人食,同埋好油,我諗炸既時候油溫唔夠高,所以又軟又油。最大獲係塊豬扒無味,炸之前加d鹽加d黑椒就已經可以好好食啦。個飯濕濕地,一d都唔好食,其實日日煮飯,日日個個份量,日日個隻牌子,都可以煮到d飯咁,真係唔明白。個飯仲跟個麵鼓湯,但係個麵鼓湯好明顯係味精湯,唔係真正的麵鼓,所以不飲也罷。唔怪之得晚飯時間無人排隊。我個朋友就叫左個拉麵,都係期望唔好咁高…查看更多

今日病病地,無乜胃口去清清腸胃,以而家天氣去食最岩。因為佢係無冷氣,基本上都係露天。荃灣黎講,平靚正的粥非呢間莫熟,最起碼佢d粥係無味精,唔知點解好多粥鋪d粥有味精,真係多手多腳。呢度d粥唔唔係話好綿,不過都幾多食,d料都好足,你見咁多街坊食都知,上次都見到個明星食,成日出現電影,tvb,就係唔記得個名叫左個白粥+咖哩雜錦+齊腸,有豬皮,豬紅,羅白,魚蛋,非常之入味,個汁唔會太辣,反而有少少甜甜地,好似都係10蚊度,非常平。白粥最喜歡落少少鹽調一調味,落幾粒盬完全唔同曬,食完個白粥好似洗完腸咁,又出左身汗,立即醒神左。齊腸佢係即拉,唔知平時係咪都係即拉,所以特別滑同有層次,好好食。如果d醬油靚少少更加好了,其他粥店d腸粉拉定,搞到d腸成餅野咁,最可惜唔係24小時,有時宵夜想食清d都無好選擇。…查看更多

第一次係ikea食野,環境都好靚,乜野都係自助,自己囉野,自己汁餐,所以先咁平。熱狗加不斷refill汽水先10蚊 真係平都爆。如果想食得健康d,好似我咁叫個三文魚沙拉就要39蚊啦 不過就唔係咁新鮮,D菜唔係好爽,可能放得太耐。d醬汁少左d,食沙拉個汁真係好緊要,唔夠汁真係淡而無味,個蛋真係白烚,一點調味都無,如果加少少鹽同黑椒就好好多了,好彩叫多盒超甜粟米,都係3蚊,反而個粟米真係幾甜,又有牛油香。d野食味道一般啦,唔好咁大期望,勝在環境幾好,同埋d小食真係幾平。一邊shopping買完廚具,就可以行過隔離食野食野 唔知係咪由細食m記食到大,覺得ikea薯條唔係咁好食,好似炸完放左好耐咁 d人話肉丸係必食,我就覺得都唔錯,因為個汁我幾like 不過要去到九龍灣咁遠先有得食,唔知幾時先有機會再食 午飯時間都幾多ol去食,可能一次可以叫好多share黎食,因為真係幾多選擇的,又有甜品,好似見到有蘋果批tim…查看更多

晚餐去食無乜人,唔洗等位。記得以前係第二間食,要等好耐位。三個salad,三個Spaghetti,兩碟蒜包,八隻雞翼。人均消費70蚊,好鬼平。三文魚沙拉都係幾塊三文魚加d生菜,蜜糖雞翼都好甜下,雖然唔覺覺有蜜糖味,但都甜甜地,幾妹味,不過都係鐘意食m記炸雞多d,蒜包好脆,烤到岩岩好,好香蒜味,外脆內軟,食飽都要叫多碟食,食物質素一般般啦,不過叫做有個位坐低吹下水,好似每人加12蚊可以任飲汽水。坐幾耐都無人理你 最愛個墨汁意粉,食到成個嘴都黑曬。有意粉,飯,仲有牛扒餐tim,都好平,不過就無試,如果要求唔高既,都唔錯。可能我地遲去食,好快話last order,同埋間鋪得返兩三台客,d啊姐做清潔。做清潔唔係問題,問題係佢囉支地拖抹燈罩,但係燈罩下面就係d餐碟,刀刀叉叉。真係食曬塵 你會唔會比錢食千年塵??…查看更多

買了個talamisu做下午茶,味道不過不失,唔夠雅苑個lunch buffet個個好食,佢上面個d可可粉一d都唔苦,蛋糕真係好神奇,加d牛油,麵粉,雞蛋,咁就變左樣咁好味既野。最鐘意talamisu有種creamy感覺不過好似比以前差左,不過都真係幾好食,真係日日食返件都無問題。間cafe都都有正餐,不過好似都偏貴同埋一定唔夠飽同男女朋友去撐台腳都ok既返屋企沖返杯黑啡,一邊睇地獄廚房非常正 最奇怪個服務員問我要唔要fork,我心諗會有人唔要架咩?唔要點食呢?就算自己食又好送比人又好,點要支fork掛??奇怪味道:蛋糕黎講,佢算唔錯,比一舨連鎖店好食得多環境:整潔,坐得幾舒服服務:not bad衛生:乾淨抵食:比其他連鎖貴,但味道較好…查看更多