nanaporpor的个人专页

用Dilixxxxxx 叫外賣叫咗火車頭河粉番茄蟹膏檬粉本身呢兩碗野已經唔好食什麼蟹膏檬剩係得鹹味，杰撻撻咁D札肉食嗰陣臭臭地，以為自己食錯到睇到食評有其他人話佢啲食材係會臭好後悔自己食咗啲乜火車頭又係得鹹，成碗油淋淋，牛腩肥膏多過肉河粉厚到不得了，鞋颯颯，一團團食到尾以為有舊腐皮咁嘅嘢咬落去點知係張紙巾真係好想喊到底有冇良心？比垃圾人食？！打電話去投訴佢個男人冇歉意 好似見怪不怪睇返其他劣評 都係話佢污糟好嘔心…查看更多

好耐冇寫，但呢個真係太難食一定要寫低！估唔到響海港城同IFC開店嘅甜品舖可以咁難食！一直都想試吓，趁海港城有coupon買三舊試吓，臨收舖得返好少款揀，就買咗呢三款Fromage 唔係人人接受到嘅芝士味，係羊奶芝士，勁濃烈，食一啖仔已經頂唔順墨西哥Taco 朱古力味唔似朱古力，一味甜，味道唔好， texture 唔好，滑又唔係滑，濃又唔係濃芒果糯米飯就最失望，冇芒果味，又係死甜，有啲似鳳仙脆皮，入面就有少少椰汁味，質地好粗，總之就係得啲甜味呢三舊嘢感覺真係好離譜好彩用咗coupon，要用200蚊食呢3舊嘢真係接受唔到一路食嘅感覺就好似聖安娜$11.3件嘅蛋糕，但佢就係靠外型同個名嘅gimmick 賣得貴，但成舊嘢就係化學甜品，好難食完全唔明啲人點解可以比舔舔脷…查看更多

佢個招牌拆左凱帕兩個字，得返冰室。食咗午餐蕃茄豬扒飯D豬扒OK，薄薄地，唔算好硬個汁就係正宗頹廢汁加左幾舊仔白汁節瓜，奇怪最緊要杯奶茶，難飲到喊，枉佢話自己係冰室而家呢個時勢，佢D地方都算污糟。67蚊食呢個頹飯好唔抵…查看更多

中秋節翌日，第一次來呢度試下枝竹鹹菜魚頭鍋 $268鹹菜完全冇味，又冇薑，所以啲魚食落好腥，湯有冇味，好似就咁用水落啲鹽煮熟啲魚咁， 失望家常豆腐 $78來到嘅時候仲以為來錯左， 真係估唔到係咁嘅樣！應該叫家常肉片？！肉片幾鬆化，其實啲豆腐都幾滑，不過賣相就麻麻古法蜜汁叉燒 $98唔係燒出來嘅，可能係焗，但係好濕身嘅唔係傳統嘅叉燒，同我預期嘅粵式叉燒好唔一樣。都幾爽，幾腍。涼瓜肉鬆煎蛋角 ^$78冇鑊氣，應該係整定嘅，唔香口，腍左，冇乜味道明爐燒鵝 半隻 $238幾好食，肉幾腍身唔會韌金蒜粉絲蒸勝瓜 $88家常便飯嘅餸，幾清淡砵仔飯 $18細細個砵仔，幾有特色，因為連埋豬油同頭抽俾你撈飯，多少可以自己控制，要早少少叫，因為佢話要時間蒸，所以後尾想叫多一個飯，就就咁叫咗白飯整體服務都好好，外面仲有一個地方可以比小朋友玩，環境坐得都好舒服今餐七個人食咗$1025，下次來會試吓呢個星期一至五嘅家常小菜，因為今日假期冇呢個，我諗可能會比較好食，見呢度好多評語都係食呢啲餐…查看更多

食了一間好高質素嘅串燒用料非常新鮮 串燒火候掌握得好好服務又細心 超滿足！首先我地點左一個二人前套餐呢個價錢非常親民 只是$398就算只叫呢個餐都非常夠飽 份量幾多！前菜有蘿蔔蓉同小黃瓜我覺得可以留返響一路食串燒之間食可以用來清新下個口另外因為三周年每人送一杯sake之後就係一個好醒胃嘅沙律啲沙律菜好新鮮 個汁酸酸的 好開胃跟住就係一個雞扒中華冷面個拉麵真係超香！ 超有蛋味 質地軟硬適中雞扒外脆內軟 啲配料一絲不苟 切得好幼細連埋啲拉麵一齊食好配芝麻醬係分開比嘅自己鍾意落幾多 可以按照個人喜好之後就係吉列豬扒 份量超大因為本來想食天婦羅，但因為冇虾(店員話因當日材料唔靚所以冇入貨)我想食炸嘢 所以餐呢個就叫左吉列豬扒真係不負我所望 師傅炸功非常出色咬落去非常酥脆 皮不厚不薄 剛剛好豬扒好厚身，但係炸完都非常鬆軟，掌握得好好，食落仲好有肉汁，好勁跟住個餐會有三款(6串)串燒都係廚師當日即時發板因為我哋都想叫其他串燒 唔想重複所以問咗店員 話主要會係雞串雞軟骨、雞翼、紫蘇葉雞肉棒店員話啲雞係新界本地雞 用料真係好講究 令人放心除咗呢個餐之外我哋仲叫咗好多其他串燒食下食下太好味 食到超飽以下係小妹推介的必試之選五花腩一食落口真係好似以前嗰度卡通片咁好味到飛上天香脆得來又多肉汁話係五花腩好多人怕肥，但食落口真係一啲都唔油膩，又食到嗰種油香牛肋肉一咬落去超多肉汁！超鮮甜牛味超鬆軟！完全唔會有筋唔會起榨好食到一串唔夠喉，一食完立即再encore日本燒蠔用咗啲日本醬汁來煮 有啲味增嘅味道食落去好滑好肥美 好鮮甜嘅蠔味睇得出 亦都食得出精緻秘製雞肉棒棒係一啲免治雞肉捲成嘅最特別就係個汁，有一隻生雞蛋響裏面撈勻點來食話明秘製，我都講唔出咩味總之就係好味！！好味到我哋為左呢個汁，又嗌多一個燒飯團點呢個汁來食 超級正至於飲品方面其實佢好多手工啤酒而且仲做緊啤酒節 非常之適合朋友一齊來飲下酒 食下串燒 坐下傾計但因為我哋一個要揸車，一個睇緊中醫所以只係飲咗一杯生啤另外就飲咗兩支日本汽水…查看更多

通常去聯和墟就係去食豬手米朋友話嗰度附近有間食拉麵幾好所以就揸車過去食但係諗起好多拉麵店都收下晝所以特登打個電話去確認有冇得食先去到見到佢真係寫會不定期休息 所以一定要打電話第一次食緊係食招牌面啦我地二人要左一碗爵士拉麵醬油湯底 小碗同一碗爵士拉麵味增湯底 中碗餸嘅份量係幾多下肥牛肥瘦適中 香牛味 唔韌 但有咬口叉燒係比較厚切的，但又硬又鞋好似煲完湯啲豬肉咁隻蛋唔算溏心 過左D火 蛋白已經幾乎熟晒蛋黃邊都熟晒雜錦係普通嘅雪藏蟹柳 同罐頭粟米塊紫菜成塊浸晒喺水裏面 面目全非 都唔認得佢係一塊紫菜 麵係少少偏硬 幾煙韌 不錯的醬油湯底係幾清嘅 唔太咸 唔油 冇味精味增湯底幾香 飲得出係淆出來嘅湯但唔油膩 飲得多都唔覺滯小碗面嘅份量真係幾少 但爵士拉麵D餸好多， 所以都好飽但如果叫其他一個餸可能小碗會唔夠食但感覺呢間野唔係好傳統日本 其實都幾港式坐吧枱可以睇到廚房裏面響日本食店唔會見到個廚房立立亂同埋個blue girl 嘅stand 再加杯暖茶(見圖)真係幾似茶餐廳如果住附近有時去食下午餐都可以但如果特登揸車去食佢 好似唔太值得…查看更多

試試呢度食午餐 兩個人叫咗點心套餐可以揀2款或3款點心一個粉面叫咗欖菜玉蘭肉碎炒米粉炒得幾乾身 好香口冇乜油有冇多餘嘅芡汁又唔會太咸個餐最好食係呢個一碟油菜 Fix左係菜心淥得比較腍身 但都新鮮好甜三個點心 一睇到賣相唔錯仲好開心點知食落三樣都超大味精所以只食到味精 食材味都蓋過了！燒賣豬肉同蝦比例一半半 唔算太肥魚翅餃最誇張 味精多過叮叮野食鮮竹卷餡都幾多 芡都唔太杰但坐位非常舒適 ，午飯時間都坐唔滿一半適合靜D傾下野埋單剛剛好200蚊…查看更多

朋友啊咁熱不如去食辣野所以揀咗呢間食晏試試我揀咗咖喱雞+參峇虾+巴東牛肉+黃金飯飲凍拉茶冇食過呢D馬拉野，唔知道咩叫係黃金飯以為係好似話黃薑飯或者油飯咁原來係食落好似好乾嘅飯咁，感覺係烘乾左，入面好空心，不過冇曬飯味所以必須撈咖哩一齊食，咖哩唔辣，又同平時食開嗰啲冇乜大分別，啲雞都幾好食但唔算好滑牛肉好腍好入味，甜甜的好易入口虾唔算爽，辣辣地一個飯可以食晒三種味道奶茶好香滑，但一啲都唔甜飲慣珍珠奶茶嘅甜，哈哈呢個似乎好健康仲有，午飯限時45分鐘交枱，不過我地夠鐘後冇人等位，都比我地繼續坐…查看更多

平日晚响元朗 屋企冇飯食又想食D正D嘅野上網睇下 揾到有蠔食嘅自助餐 上去試試6點幾上到去 好似晚市剛開始冇乜人 2人都安排左6人卡位 非常舒適佢係自助餐不是放題，因為主要係西餐食物生蠔有兩款，雖然放出嚟唔係咁多不過夾完之後，下次再出去見到佢已經立即refill左食落幾肥，雖然有冰冰着，不過唔太夠凍我忘記咗睇係咩品種，但細啲嗰隻食落脆口D鮮甜啲凍虾都好爽，又大隻，好好肉最欣賞即燒貝殼海鮮，有燒蠔同燒螺，燒完之後用燈熱住，燒到剛剛好，不會太干，保留鮮味，還有燒三文魚，仲有魚頭同魚鮫揀，燒得好香刺身夠晒凍，樣樣都幾好食有水準幾新鮮，最like象拔蚌，有鮮味又有口感，可惜冇得點虾刺身Order 嘅燒物都唔錯，燒得控制得幾好，香又不燶，燒雞翼入面仲好滑，燒菠蘿比一般厚切，又甜又多汁甜品有好多選擇，我試了4款，每樣都不錯，不太甜，口感好至於有些冷盤唔係响冰或者凍櫃度serve，我就冇試到其實除左放出來的，仲有好多野可order!仲有火鍋添！…查看更多

睇到Facebook嘅介紹所以去嘅絕對係希望一解去泰國嘅心癮佢以好平$12蚊一碗嘅船麵作招徠不過原來下晝係冇嘅亦都冇下午茶餐我成4點鐘去食，唔使等位，不過都算多人聽講lunch會排長龍因為一個人去，所以冇叫好多野，只叫咗一個牛肉船米粉，＄58一個，嘢飲係分開叫，本來想要一個泰式奶茶，點知冇晒所有要沖要整嘅嘢飲，只得罐裝飲品青檸梳打都係罐裝嘅，$25，雖然有冰底，但都真係貴咗啲喎個牛肉米粉賣相不錯，湯都幾濃，幾甜，不過就太少。個人認為呢個麵成個setting有少少矛盾，真正嘅泰國船麵就係細細碗，而佢就身處香港嘅尖沙咀舖，又賣唔得平，但係佢賣到50幾蚊，又要俾多啲份量嘅米粉，但佢又用返同傳統船麵差唔多size嘅碗同比差唔多份量嘅湯，所以成件事好似唔係太夾。我食到一半，唔係特別飲啲湯，但係都已經冇晒！嗰啲香料葉，簡直都浸唔到落啲湯度，哈哈坐我對面嘅食客，都有問店員再加湯，我就費事麻煩，冇叫了至於啲生牛肉係幾新鮮，腍得來又有咬口，好有牛味牛丸都幾彈牙，牛腩都好腍唔會韌我覺得各位泰國迷值得一試，但如果可以嘅話就九點鐘之後先去，試吓＄12一碗嘅會唔會更加驚喜…查看更多

呢間已經第二次食本身冇諗住寫所以冇影到相但食完之後又覺得其實呢間值得推介下呢間係比較多選擇嘅韓燒！除咗可以狂食牛之外仲有好多海鮮嘅選擇！就講牛肉同豬肉都仔細咁分咗好多唔同嘅部位我記得上次食嘅時候係好多個部位都好嫩好有牛味所以今次一樣一開始都會樣叫啲來試吓，西施牛肉片同雪花牛仔肉超嫩超正，所以我哋encore左，包生菜食真係可以食咗好多牛！哈哈！另外就係記得生菜係寫紙叫嘅，唔係一去到就比架！記得上次去嗰時飲品好多都係甜野，但今次有樽裝嘅解茶，好好！如果經開旺角諗唔到食乜的話係一個好選擇！7點後$228加一如果晏啲九點半後仲有七折…查看更多

其實食元氣壽司係好Standard嘅間間分店都差唔多味 魚生質素都係差唔多，唔算非常新鮮，不過不失但啲飯係散修修嘅 一夾就散！因為鍾意食新鮮出嚟嘅，我好少食响回轉帶上邊嘅壽司，通常會order，咁問題就嚟啦！咁佢就會將好多舊壽司放响一個大碟上面，而佢係從來冇諗過放嘅次序同埋擺位！於是嗰啲新款壽司，例如辣味牛肉壽司，上面嘅嗰啲辣汁就流晒過隔離啲壽司度，因為直頭係貼住來放！咁樣真係好求其！！其實佢都唔算平，我諗咁嘅價錢對佢有要求係應該嘅話晒專門食壽司，都應該注意下細節元氣最近個廣告仲話: 人生如壽司，佢哋嘅人生真係求其…查看更多

下午茶時間搵嘢食想坐得輕鬆舒服元朗呢間PizzaExpress真係一個好選擇我哋兩個人叫咗兩個午餐set, 好抵食有頭盆小麵包同煙三文魚沙律小麵包熱辣辣好鬆軟煙三文魚配火箭菜最夾最好味主菜叫咗一個辣雞pizza同卡邦尼長通粉長通粉就真係細碟咗啲但係煙肉係設成一厚粒 有咬口啲辣雞pizza好好味調味做得好好食落好有香草味 洋蔥味 又唔係太辣軟硬適中 又唔會太乾飲品主要係汽水而且係成罐上 有檸檬冰底埋單＄160 算幾抵食本是睇到有住戶證有八五折原來係要order主餐牌先有優惠嘅…查看更多

甜品同埋嘢飲都係出去出邊攞嘅，甜品賣相好吸引，有成十款以上可以選擇，飲品都有好多唔同種類，仲有啤酒有支裝hoegaarden! 鍾意飲啤酒嘅朋友就有福了！特色壽司整得好精美，平常去食放題壽司會覺得幾求其，但我覺得呢一個絕對係有水準，唔單止賣相吸引，食落都得新鮮好味，壽司飯絕對唔會雪到硬哂，驚喜的美味！建議大家order嘅時候分散啲嚟落單，因為上菜好快手，但呢度冷氣幾凍，一次過黎咁多嘢食好容易吹凍，就好似我呢個多春魚，來到嘅時候佢好脆好香，仲係熱辣辣，但一放得耐左就吹到凍哂縮晒水，所以一定要快食刺身好夠凍好新鮮，劍魚腩刺身值得推介，好肥好好味，而且唔會有筋，好有魚味，好正！赤背帶子亦都好鮮甜，三文魚都好肥美！羊鞍好大件好厚，燒得好香，入面鎖住好多肉汁，好嫩！初頭唔知道以為係燒嘅，原來係成鍋，唔知係咪整定，覺得有d over cook ，但都幾有鮮味最後Haagen-Dazs雪條做甜品，好圓滿啊…查看更多

Book左七點鐘，去到嘅時候都未係好多人，估唔到呢度環境真係整得好好好寬闊，坐都坐得好舒服先叫一個前菜拼盤同Menu裏邊嘅圖片係一模一樣架 ！首先係雞翼，好熱辣辣好juicy! 漾左啲蔬菜入去，令到口感更有層次，而且size都好好，外皮煎得好香煙三文魚都好好味，巴馬火腿唔會太鹹，配個醃青椒好特別我叫左set dinner是日餐湯係蘑菇湯，好香濃，有咬口，鹹味適中！安格斯西冷牛，叫咗七成熟，切開裏面係見到紅色嘅，好香，好有肉味，食得出係一塊高質素嘅扒，但略嫌外面就整得太熟，歸咎塊扒薄左些配菜都好好食，青椒同瓜整得啱啱好，好脆口，薯仔亦都炸得啱啱好，外皮脆，裏面軟綿綿飲品因為我唔想飲凍野，服務員介紹左我飲檸檬薏米水，好似話係今期推介，有冷熱選擇，我揀咗一杯熱嘅，好清新冇落糖，健康又好飲！重點來了，朱古力心太軟外層軟硬度適中，切開嘅時候類別嘅朱古力醬流晒出來，好好味，唔會太甜但朱古力味好濃好香，暖暖的！配冰凍嘅雪糕真係好好味，口感一流！不過唔知道係唔係食完朱古力好甜，啲生果變得好酸σ(^_^;)整體感覺好好，侍應生好有禮貌，好耐冇試過去普通嘅西餐廳有酒店級嘅服務！令成餐飯嘅感覺嘅加分不少呢…查看更多