vpang的个人专页

沙田新城市廣場，終於有一間CP值高的牛扒店😃✌️！之前想食靚牛扒，只有位於第三期的 Outbxxk, 但價錢相對較貴，我地哩類常常在沙田搵食的上班族，當然希望有更多好選擇😄 Top Blade 逆市開張，我欣賞老闆的勇氣，睇CWB分店食評好多人讚，所以沙田開張，我就即刻去試吓，完全冇令人失望，推介推介我係午飯時間過去，所以可以食Set lunch ：價錢由$78至$160，豐儉由人，我和友人通常都係選取中庸之道，叫咗一個平鉄牛扒和一個終極漢堡.Set Lunch 可以選擇沙律或餐湯或薯條，我哋揀咗沙律同埋餐湯～個湯係蕃茄甘荀湯，開胃又夠熱，好好飲啊！個沙律以為佢係一個小碗，原來分量都幾大，仲唔係齋沙律菜，有藜麥同埋蟹肉喺𥚃面，蔬菜爽口新鮮，雖然係跟餐，但一啲都唔hea平鉄牛扒登登登登！ ！終於嚟到主菜，我最鍾意嘅牛扒，超級推介牛味非常濃郁，半熟剛剛好，一啲都唔韌，份量足（我唔知男仔夠唔夠食）佢個餐牌寫 ’best medium’真的做到了性價比極高，必須要提嘅係配埋佢個烤過嘅半個蒜蓉超級推介!!終極漢堡牛肉漢堡扒好吃，但如果可以更juicy 就更加好，所有材料都配合得恰到好處，質素合乎期望，但係沒有平鐵牛嘅驚喜，如果你係一個人去食，或者第一次去食，我會推薦你試咗個平鐵牛扒先另外+1項資料，就係抗疫期內，佢哋推出左一個超抵食牛肉飯，可以堂食或外賣，見到隔離枱食，個樣都幾好㗎味！…查看更多

依間係大圍嘅茶餐廳，疫情下這幾個月以來，我都有幫襯，與同區茶餐廳比較，係高質素之選，我食過呢度嘅早餐丶午餐丶下午茶（疫情下晚餐通常留在家中），食物質素也保持高水準。今日特登推介金囍嘅焗飯，比較起「大」字頭嘅快餐店還要好，以下係我嘅推介，焗豬扒飯和焗咖喱雞扒飯以上照片全部沒有P圖喔！焗咖喱雞扒飯，炒飯底炒出來的乾濕度啱啱好，啲飯唔會太軟，連埋啲咖喱汁唔會好濕，剛剛好，雞扒夠味，咖哩夠香，夾埋一齊好好味，咖哩係唔辣的，小朋友都啱食！如果係帶小朋友去，我會更加推薦蕃茄焗豬扒飯，豬扒鬆軟，蕃茄和蕃茄汁味道濃郁，大人小朋友都會鍾意!份糧方面，我食唔晒啲飯，一般女生的食量，應該會食剩的吧！…查看更多

公司附近雖然有好多餐廳，但係返工要搵飯食嘅人都好多，今日去咗呢間食lunch。知道佢夜晚有個任食牛扒做 gimmick, 但係老實講，腳踏實地食個lunch set仲好啦。午餐大概有六七款選擇，因為佢夜晚做任食牛扒，所以大家都選擇了食扒lunch😋😋set lunch 有餐湯羅宋湯，味道ok，內有椰菜，唔會太酸。左下主菜是$76 ，肉眼扒，size 份量好足夠，叫咗七成熟，七成都唔會太硬，有牛味，以呢個價錢來講，算係好OK ,只係嗰邊位有根，咬唔難。其他三個主菜係牛扒拼豬扒，有啲雜扒feel 牛扒也是一大塊，豬扒一塊（中型），以lunch 而言，分量十足，牛扒味道同肉眼扒其實差唔多，$$錢只需要$72，後悔叫肉眼扒set呢！配菜方面，是一大碟薯條，足夠飽啦，而且有茄子粒丶翠玉瓜粒和豆角，肉肉肉有了中和作用，配搭都好食！美中不足係唔可以跟食客喜愛，把薯條轉做飯或意粉，如果要食飯，就要加＄10。最後有一杯餐飲，食得好飽:)…查看更多

大圍附近的食肆越開越多，夏日炎炎36度高溫，當然想吃日式料理，想起了這間店有壽司丶魚生飯之類，去試一試！我們二人，一人order 了一個set。每個便當已包括了味噌湯丶和風沙拉及蒸蛋，如想飲汽水可加＄5。講食物之前想講下個環境，餐廳設有地下及一樓兩層，空間尚算足夠，裝修以黑色為主，落地玻璃，座位夠寬闊丶舒適。可是，我們是炎夏正午時段，坐在地下果層，實在覺得冷氣有點不足！講返食物，呑拿魚蓉飯，中規中矩，拖羅夠新鮮，但裡面的飯太黏，反而配菜蒸蛋夠滑，好味。另一位叫咗雜錦壽司定食，你知啦，要知道一間日式料理的質素，雜錦壽司定食，食一次就知。一共10款，最新鮮好味是甜蝦和三文魚，吞拿魚及其他魚類只屬一般，帶子切得比較薄，但味道很fresh 。這定食的賣相特別好，令人有所期待，食落口係普通丶中等，沒有wow，有一點點失望。壽司飯比較黏，希望有所改善。可能因為是新開不久，他們侍應比較新手，不會主動加茶，但他們是友善和有禮貌的，可能仍需要一些時間熟習。…查看更多

全香港最好食嘅pop corn之一，去戲院睇戲當然要買來食喇！我最鍾意焦糖杏仁，打開個紙袋已經有好香焦糖味，聞到已經好想食，咬落去卜卜脆，杏仁真才實料，原粒上，幾乎啖啖都有杏仁粒，鍾意食杏仁嘅一定喜歡，有佢陪住睇戲，超滿足！不過哩，因為爆谷佈滿了焦糖，食得多就有少少甜到漏…查看更多

一個人下午放假到coffee shop 嘆下抖下氣，真好。咁啱兩點左右經過哩間，剛好過左上班族的午膳時間，好多吉位，入黎食lunch。本來想叫set lunch，抵d嘛。不過waitress話過左時間，所以散叫。叫左個經典卡邦尼意粉，creamy  卡邦尼忌廉汁好香滑，有些許湯在碟底，食到尾唔會乾爭爭。除左基本材料去做之外，見到加左大量香草，少許幼黑椒粉，食落仲有少少蒜香，煙肉香口好吃，而且唔係話好少，要慳成本果種。這樣食落唔會太溜，可食晒一碟。杯泡沫咖啡抖涼了，無咁好飲，啡豆係少許酸那種，也ok吧。環境也不用多說了，去過各分店的大家也知道的，如果有時間，坐下看畢幾本雜誌也沒問題喔…查看更多

哩間好味價錢又合理的餐廳，竟然會於9月14日結業:(，大感可惜!要推介佢真正的意大利咖啡，意思係同我去意大利旅行時飲的地道咖啡一樣! 咖啡香的程度真係鄰枱都可聞得到，我就聞到人地飲緊莫咖。我最鍾情佢的咖啡是不酸的，略微帶苦，以香濃取勝，入口夠香夠滑，淨飲都好滿足!咖啡真係一定要飲喔!!份量比一般意大利餐廳大份些少，喜歡佢走親民路線青口夠多又好味，個番茄底先係最讚! 係地道的simple原材料味道，鮮番茄肉好甜，同埋意粉煮，酸酸甜甜的，令人好開胃。仲有貪得意叫左個 All Day Breakfast，唔知係咪因為唔係意大利菜式，所以平平無奇，好似自己屋企都煎到咁，大家不用試這個了。因為已然飽左，所以未試佢地的pizza，見鄰枱食賣相唔錯，下次會試喇!…查看更多

同一班老朋友叙舊，見明閣有咁多正面食評，所以去試下。食物同環境都真係一流，超讚!最最推介係個靚湯: 花膠雪耳燉老鴿:)個湯叫做「金」，落足靚料，花膠大概有手指尾咁長，淋身好味又有骨膠原，雪耳就真係好大舊，老鴿有四份一隻(小隻)，無諗住有咁多料，哩個老火湯爐火純青加以本傷人，又好美又保身，無得輸!飲完個湯食埋湯料已經有D飽~之後哩個片鴨都係推介，所謂有圖有真相:外面脆身，勁可口，最讚係片鴨唔會有層肥膏，食落去唔會覺得好油膩，肉質軟硬適中，有肉汁，好好味道!正呀!!一鴨二食，我地叫左七彩炒鴨絲，唔知係咪因為烤鴨太好味，哩個二食就無咩驚喜，而且略為過咸。仲有叫左哩個八小碟:八小碟包括左大家好讚的叉燒，大致上各小碟也好味，但我都係覺得烤鴨最出色!…查看更多

文華tea好食,城中出晒名。間中仲會同品牌crossover,有D新意新款既cake,吸引靚太和OL。今次哩個Chloe, 卻令我有些失望了, D cake 無咩特色, 只係加左個牌, cake 無咩特別設計, 好左文華一向有水準, 特別係個鬆餅:)份量和CAKE件數都唔少, 最後食scone唔晒, 打包, 係連埋個超香rose jam一齊pack走的.…查看更多

ｂｏｏｋ左位，所以一去到就有位～環境一般啦，枱與枱之間都幾迫～招呼我地果位侍應手腳好快，ｓｅｒｖｉｃｅ都ｏｋ，不過佢都好多野講ｌａｗ，又時不時ｓｅｌｌ你海鮮咁啦～响佢的介紹之下，介紹左４至５樣，我地叫左海蝦同聖子，質素都ｏｋ呀，果晚的海蝦仲好新鮮！不過唔會話”底食”ｌａｗ～特別推介下ｄ醬汁配料，有生蒜，炸蒜，椒粒，沙０爹醬等好多選擇架！…查看更多

好好食，不過係要等位的！我和朋友們在對面馬路等左大約半個鐘頭有位，個朋友話已經唔算耐喎！好在果晚唔係好大風，唔係就食風飽～去試的你，記得要有心理準備！…查看更多

好多人去澳門玩玩食食,都會想試一餐半次葡國菜,哩間係我去完無耐,覺得可以同大家推介一下的餐館~除左食物之外, 佢地d 服務都ok 0架~ 我地都試左好幾款菜式,質素都幾平均地好,味道份量亦好,唔會話太細份~…查看更多

休息一天去d-bay行過圈,當然要找間舒服的餐廳hea下啦, 今次揀左去zaks, 環境好靚架食物質素也十分之好,我地食左mini ribs & 海鮮飯, 份量夠大, 兩樣都好味道~悠閒地坐了約3小時, 開心的一餐! …查看更多