爪哇的个人专页

啱啱買咗幾條「魚」返公司俾同事做下午茶。我真係要講吓呢間舖頭D服務態度同食物質素！D魚餅愈嚟愈「火農」啦！一達達黑斑。可能你會話我俺尖搵野嚟講，又或者堅持「火農」即係香口嗟。。。但係個賣相差，搞到條魚成隻豹咁，點食得落呀？其實食過好幾次都係咁，所以今次我要問清楚發生咩事。點知個哥哥強調話因為皮薄，有D餡料又易「火農」，所以無辦法。唉。。。我真係無野講，不思改進仲要狡辯嘅話，算！…查看更多

呢間野真係頂呱呱...係頂呱呱地差！我本來都係喺openrice懶打comment嘅人，但係就因為佢，我嘀起心肝，俾面佢，要伸張正義彈爆佢！第一，我同個friend 9點靚開始點菜，點知呢樣無，個樣賣哂，我真係好唔忿氣寸個waiter：「點解咁快就咩都賣哂架！」第二，D食物質素真係唔係麻麻咁簡單！油甘魚腩刺身咬落去個陣仲有雪水流出，同埋大件還大件，有D魚嘅肉質明顯就係韌D，咁就好心切細舊D方便咬開啦！依家搞到我喺個friend面前係咁齒開D魚肉，齒唔開...卒之要成大舊擺入口，搞到我勁尷尬囉！仲有D酸辣脫骨鳳爪，凍冰冰，得個「硬」字，完全都唔爽口！鹹魚炒芥蘭，無咩鹹魚之餘重要油淋淋。個鹽燒三文魚水撥又唔香，又唔熱，唔同...係冷盤嚟嘅？第三，我真係好唔明點解日本菜可以同泰國菜溝埋一齊食！日本野清淡，泰國野就出名濃味。食完D酸辣野個味蕾都痹哂啦，根本就食唔出魚生嘅味道。更何況根本間舖嘅魚生都唔係靚～第四，呢間餐廳嘅衛生真係好唔掂！一入到去就聞到浸霉霉舊舊嘅味道，環境又迫又亂，廚房邋遢唔在講，仲要有烏蠅！我覺得serve生肉食品嘅舖頭有蛇蟲鼠蟻零舍嘔心，好似係因為D生肉開始變壞同發出異味所以先惹到D蟲蟲瀏吓瀏吓咁！第五，就係點解呢間舖明明唔係高級食府，但係都可以咁多rules嘅？？有D食物只供外賣；有D就限住一檯只准叫一份。每人食滿就$100可以優先入座？咁嘅規條我都係第一次聽！清水／綠茶每杯$2，唔同內有乾坤？！最了不起就係張墊檯紙上面一早已經寫明D食物係點烹調，好似要D食客做定心理準備咁～做得唔好又唔改進之餘仲要事先張揚，嘩！你真係好野呀你！老實講，如果咁多rules嘅話不如出本入場手冊派俾大家讀一讀先啦～最後最後，我唔可以認同呢度members部份comments話D食物有幾抵，論環境，衛生，服務同食物質素，兩個人食$191就真係幾昂！大大件，那又如何？…查看更多

我個人試過3款味道：中式京蔥麻醬雞味，法式蘋果吉士打玉桂味同德國式芝士煙肉薯仔味。佢地都各有優點同缺點。中式最有口感同最能醫肚，雞肉成條上，肉食者至愛！微辣但麻香欠奉。法式清甜，唔會太溜，但係無咩蘋果肉，好似淨係食緊吉士打餡餅咁！德國式有D膩，但係味道都OK～ 仲有可以一讚嘅就係個「魚皮」好香脆，唔似一般日式魚餅D餅皮咁軟身。入袋個陣都熱辣辣。但係15蚊呢個價就好似貴咗D，餡料簡單或者偏少嘅味會好唔抵。我個人覺得甜嘅味道可以賣平少少，12蚊就公度D！最後想講嘅就係特式小食始終係特式小食，學呢度好多人話齋，試過味，感受過，未必有再三回味嘅value～…查看更多

通常都係去食佢地嘅午市特餐。要讚嘅就係食物質素，都幾精緻。選擇亦算多元化，日日唔同菜式得嚟亦頗有特色。要嘆嘅係價格，成三十二蚊先得個一餸飯同一兜湯，想要熱飲就要額外加四蚊，凍飲就要六蚊。可能係老字號嘅關係，貴都有佢嘅道理啦...仲有佢地嘅portion始終都係偏細，有時D餸又乾爭爭，例如煎肉餅同煎蠔餅咁，唔係好送飯。另外奶茶supposedly係佢地嘅signature item，但係聽人講唔係真係咁好飲！所以有overrated之嫌～…查看更多

石磨坊，石磨坊，過得去嘅洛神爽 石磨坊，石磨坊，合桃露開粉真係無野好講 石磨坊，石磨坊，芒果芝麻卷，睇人食到幸福表情盡喪爭氣D啦！石磨坊～…查看更多

尋晚食咗個北海道鮮奶燉蛋白，都算OK！但係令我唔係咁爽嘅係食物嘅選擇。選擇少不在話下，大部份甜品都好行貨，紅／綠豆沙、楊枝甘露等出面大把地方食到，欠缺新鮮感。再講，有D甜品根本就係A溝B、C溝A、B溝C咁演變出嚟，呃緊MENU位！好似腸旦通、腸旦烏冬同腸旦公仔面都當係三款唔同嘅菜式嘅話我真係無野講...所以除非老闆可以將原有嘅甜品整得好好好有特式，或者創造更多新款甜品，否則未必有re-visit嘅value。小甜谷，請多多保重！…查看更多