影片
更多
2009-04-20
8 浏览
呢間野真係頂呱呱...係頂呱呱地差！我本來都係喺openrice懶打comment嘅人，但係就因為佢，我嘀起心肝，俾面佢，要伸張正義彈爆佢！第一，我同個friend 9點靚開始點菜，點知呢樣無，個樣賣哂，我真係好唔忿氣寸個waiter：「點解咁快就咩都賣哂架！」第二，D食物質素真係唔係麻麻咁簡單！油甘魚腩刺身咬落去個陣仲有雪水流出，同埋大件還大件，有D魚嘅肉質明顯就係韌D，咁就好心切細舊D方便咬開啦！依家搞到我喺個friend面前係咁齒開D魚肉，齒唔開...卒之要成大舊擺入口，搞到我勁尷尬囉！仲有D酸辣脫骨鳳爪，凍冰冰，得個「硬」字，完全都唔爽口！鹹魚炒芥蘭，無咩鹹魚之餘重要油淋淋。個鹽燒三文魚水撥又唔香，又唔熱，唔同...係冷盤嚟嘅？第三，我真係好唔明點解日本菜可以同泰國菜溝埋一齊食！日本野清淡，泰國野就出名濃味。食完D酸辣野個味蕾都痹哂啦，根本就食唔出魚生嘅味道。更何況根本間舖嘅魚生都唔係靚～第四，呢間餐廳嘅衛生真係好唔掂！一入到去就聞到浸霉霉舊舊嘅味道，環境又迫又亂，廚房邋遢唔在講，仲要有烏蠅！我覺得serve生肉食品嘅舖頭有蛇蟲鼠蟻零舍嘔心，好似係因為D生肉開始變壞同發出異味所
我本來都係喺openrice懶打comment嘅人，但係就因為佢，我嘀起心肝，俾面佢，要伸張正義彈爆佢！
第一，我同個friend 9點靚開始點菜，點知呢樣無，個樣賣哂，我真係好唔忿氣寸個waiter：「點解咁快就咩都賣哂架！」
第二，D食物質素真係唔係麻麻咁簡單！油甘魚腩刺身咬落去個陣仲有雪水流出，同埋大件還大件，有D魚嘅肉質明顯就係韌D，咁就好心切細舊D方便咬開啦！依家搞到我喺個friend面前係咁齒開D魚肉，齒唔開...卒之要成大舊擺入口，搞到我勁尷尬囉！仲有D酸辣脫骨鳳爪，凍冰冰，得個「硬」字，完全都唔爽口！鹹魚炒芥蘭，無咩鹹魚之餘重要油淋淋。個鹽燒三文魚水撥又唔香，又唔熱，唔同...係冷盤嚟嘅？
第三，我真係好唔明點解日本菜可以同泰國菜溝埋一齊食！日本野清淡，泰國野就出名濃味。食完D酸辣野個味蕾都痹哂啦，根本就食唔出魚生嘅味道。更何況根本間舖嘅魚生都唔係靚～
第四，呢間餐廳嘅衛生真係好唔掂！一入到去就聞到浸霉霉舊舊嘅味道，環境又迫又亂，廚房邋遢唔在講，仲要有烏蠅！我覺得serve生肉食品嘅舖頭有蛇蟲鼠蟻零舍嘔心，好似係因為D生肉開始變壞同發出異味所以先惹到D蟲蟲瀏吓瀏吓咁！
第五，就係點解呢間舖明明唔係高級食府，但係都可以咁多rules嘅？？有D食物只供外賣；有D就限住一檯只准叫一份。每人食滿就$100可以優先入座？咁嘅規條我都係第一次聽！清水／綠茶每杯$2，唔同內有乾坤？！最了不起就係張墊檯紙上面一早已經寫明D食物係點烹調，好似要D食客做定心理準備咁～做得唔好又唔改進之餘仲要事先張揚，嘩！你真係好野呀你！老實講，如果咁多rules嘅話不如出本入場手冊派俾大家讀一讀先啦～
最後最後，我唔可以認同呢度members部份comments話D食物有幾抵，論環境，衛生，服務同食物質素，兩個人食$191就真係幾昂！大大件，那又如何？
张贴