~藍藍~的个人专页

響灣仔咁耐都未試過，專登約人一齊食！我用咗openrice book枱，我朋友攞位先，如果唔係唔知要唔要等好耐！我朋友食過，所以我朋友介紹咗個雞煨麵俾我，但係我比較鍾意食牛肉多啲，最終都係揀咗食牛麵！正如之前啲評語一樣，職員及唔知係咪老細，個反應同個態度真係唔係幾友善，可能係人小辛苦卦！總括嚟講係比較咸咗啲嘅！不過真係ok好食呀！希望下次再去試下其他菜式啦！…查看更多

今日一個人，唔知食咩好，突然間諗到好耐冇嚟食，又驚難有位，所以決定用開飯啦book枱，咁實會一定有位啦！食咗好多次，今次唔食牛唔食魚，今次食意粉！😂個名超級長到痺，唔寫低，要講返出嚟嘅話，肯定只會記得2隻字（意粉）！🤣個意粉都唔錯喎！不過好可惜嘅係……佢地做到28號，下星期要再嚟食多次至得！😭…查看更多

長文……慎入！坐低落咗單，等咗半個鐘俾張咭度我發現原來佢地冇落到單，只係寫咗落而冇入機！期間突然有碟嘢上枱，一打開係碟嘢竟然係生炒骨，我地落嘅係優惠三寶加爆炒花生苗，咁即係又落錯單啦！個黑色衫阿姐話唔係，一手攞走張單拿拿聲走去改單！返嚟仲死話唔係落錯咗！好喇！算！唯有忍！到啲嘢上枱，第一碟係燒鵝，可能大家都會話正呀……肥夾滑！但係碟都係得3舊唔肥！之後嚟咗蒸扇貝，嘩～蒸過火老過啲腳皮！😂 之後再嚟蒸鱔，真係把8個細佬把X, 冇咪都算，唔新鮮就梗係知咖喇！總之食開鱔嘅朋友食咗會變怨婦！最後一碟，真係唯一一碟叫做炒得算唔錯幾好食嘅就係爆炒花生苗！食到咁上下隔離枱有人問……有冇糖水送呀？都係問下唧！阿姐即時跳哂制話……糖水？冇喎！糖水？er..... 我地冇糖水送嗰喎！冇咖！…查看更多

每日到中午時分，要諗食啲咩嘢，真係好鬼煩咖！尢其係響灣仔食嘢！有時真係好難諗同好難搵嘢食咖！而呢間FAT 就係因為成日去食嘅關係，依家一諗起就用WhatsApp book枱，佢地都好好人，我一個人去食都照樣俾我book枱！有時因為我好想試下某樣食物，但就唔可以食白汁或者有奶類製品嘅嘢，佢地竟然都肯同我轉成蕃茄醬汁或提供其他意見俾我，我覺得佢地真係好好！我會繼續支持咖！💪💪💪加油呀！🎉🎉🎉🎉…查看更多

放工後肚餓又唔想亂食嘢，之前見開飯有間有營食肆食咗個晏晝，覺得好好食唔錯喎！所以今晚專登走嚟試食晚餐，叫咗個大蝦藜麥……當然個名唔係咁叫啦！發覺呢個幾好食喎！唔知晏晝可唔可以叫番呢個嚟食呢？…查看更多

呢間係筲箕灣最好食嘅米線，有時候路過見到入面好多人，出面又企滿一大堆人，係要迫人放假早D嚟食，唔係就冇機會食！以前拍拖成日走嚟食，越食越多人！我個人覺得麻辣豬扒米線，麻辣豬耳，蠔仔肉碎泡飯，麻辣蠔仔，手拍青瓜等等最好食！…查看更多

因為搵地方食嘢真係好鬼煩，於是乎打開 openrice 揾下睇下啦！見到呢間餐廳，環境同食物都好似幾好咁喎！位置又唔算好遠，所以決定book定位去試下啦！去到之後發覺餐廳環境真係唔錯！食物方面又真係幾好，店員又好好喎！睇嚟就算下次得自己一個人去食都ok喎！依家openrice 迫人寫200字先至可以評分，真的有點兒過份！又長又冗邊個會睇吖～咪玩啦！…查看更多

首次用Yahoo 訂枱，我有點膽心所以打電話Confirm，職員態度友善，及後餐廳當天再一次打電話提醒已經book訂枱，到時見等等！早咗去到齋坐等其他人都冇問題，要求唔太凍嘅位置亦冇問題，關於menu 上嘅嘢問極都好有禮貌咁回答！食物方面樣樣嘢都唔錯，只係個雜錦蛋糕就比較失色咗啲！…查看更多

都起碼有好幾年....好耐冇入去屯門黃金海岸喇﹗應朋友想食...蒲飛，我連同朋友一齊專誠搭車過黎懷緬一下以前，再黎食番個中午蒲飛傾下偈﹗當日估唔到咁多人，以為山卡拉應該唔會太多人，點知咩年齡既人士都到齊﹗食物種類算多，見到冷盤食物都好多種，熱食麻麻地亦唔多選擇，場內設有魚生區...不過屈埋一邊，如果唔係去廁所都唔知道魚生區，但因為地方問題成日要排好長隊，甜品款式算不錯﹗最離奇係切牛肉的....竟然要次次推開好重既門出去花園取，雖然仲有專人幫你整夾餅食﹗但...感覺怪怪地﹗服務質素唔錯，收碟侍應個個都好有笑容，仲好有禮貌添﹗到食到好好好飽要走既時候...看到冇魚生區冇師傅響度既附近，竟然放左碟壽司，唔知場內其他人有冇食過呢？我地枱就冇人食過喇﹗唔知係我口渴定係蒲飛都會有味精？我一個人都飲左4杯橙汁，1碗蕃茄湯，1杯咖啡﹗…查看更多

WINE & DINE 最後一日，所以約左朋友響金鐘食個晏先入場﹗周圍都好多人，想食西餐又排長龍，唯有轉呔去呢間一風堂食野﹗我地叫個鰻魚石頭鍋飯同醬油豚骨軟麵，碗飯份量太細，碗麵味精比較多，食完好口渴﹗服務態度唔錯﹗…查看更多

眼見荃灣又有間新餐廳開喇﹗就走去試菜啦﹗諗住初初見佢開張就同同事2個人走去試，門口似西餐廳，入到去先有dd越南feel。正當我地諗緊想食咩既時候，有位肥姨姨介紹我地食個越南檬要，但我同事好醒目，佢叫我叫第樣食(先賣個關子)。後來我叫左個鮮茄牛腩筋湯河，我同事就叩左個生牛肉湯河﹗2杯熱檸茶﹗點解要賣關子？原因係響我地黎既之前有一個客人因嫌等個檬要等得太耐撇左，到個檬要到既時候先發覺個客唔見左喇﹗所以當見到我同我同事黎果陣係咁諗想食d咩既時候，就介紹左個走佬麵俾我地食，點知我地唔賣帳，就算姨姨極力推介話新張期內加6蚊有你著數既特飲，我地都唔肯要，堅持要2杯熱檸茶就係咁既原因喇﹗我地率之等左20分鐘後2碗麵到喇﹗我果碗鮮茄牛筋河，除左頭果啖湯係好勁蕃茄味之外，成碗都搵唔到半粒蕃茄，咁我就諗.....會唔會係做左湯底呀？再睇返d餸....即係牛筋...得3件，就係全碗既賣點喇﹗而我同事果碗生牛肉河仲搞笑﹗點搞笑？就係d牛肉不特止熟過9成，仲厚過10蚊銀兼又咬又扯都食唔到，真係食到冇野好講﹗正當我地等緊個麵既其間眼見有好多人入黎幫襯，而果碗賣剩麵就推介左俾我左手面既3位師奶既其中1位喇﹗講到底，你要俾個賣剩麵再推介返俾個客消左佢，好心都將碗麵整返熱佢先俾人食丫，但係佢地冇咁做到，仲要係個客order完後7分鐘就攞俾佢食，點知個女人就發現碗麵係暖既唔係熱既，阿姨姨先攞返碗麵入去話幫你再整熱d，咁樣做生意咁唔老實兼唔醒目既點樣繼續做落去呀？仲張張枱都話有你著數先至叫你加6蚊叫特飲咋﹗就咁單叫要12蚊架﹗真係有你著數先介紹你咋﹗試下啦﹗真係有你著數架﹗...車﹗著數？有幾著數呀？又唔係唔使錢﹗6蚊唔係錢黎架﹗有幾著數唧﹗不過.......呢件事都係響佢地開張左冇幾耐發生既﹗依家係點？我就唔知喇﹗見其他食客推介咁多野食，可能係當初岩岩開張未搞掂唧﹗我諗依家應該好好多喇卦？希望餐廳負責人注意注意﹗改善餐廳既質素，唔係既話，d食客就最現實架，好食就繼續食，唔好食就1次夠，以後都唔使旨意再黎食﹗切記切記﹗…查看更多

已經結業多年，其實呢間係一間好有誠意去煮出每份餐或者小食既超水準餐廳。好食唔在講，價錢真係抵到爛﹗由樓面到廚房都感覺得到佢地既誠意。好可惜既係，佢地只係經營左幾年就結業喇﹗我差不多每個星期都有3,4日響樹打躉，食左3年幾，由佢地口中得知佢地結業既消息，真係好可惜﹗但又改變唔到呢個事實﹗:(…查看更多

我同男友間唔中都會去呢度食飯，因為好掛住佢地既生炒糯米飯呀﹗響呢度試過食乳鴿，骨髓會三鮮， 豉汁帶子蒸豆腐，豉汁蒸聖子，西芹炒鮮魷，西蘭花炒帶子，菠蘿咕嚕肉，荷芹炒豬潤，仲有好多都唔記得喇﹗水準唔錯﹗我會KEEP住黎食.....佢地既生炒糯米飯架喇﹗其他餸菜.....梗會繼續試唔同既野啦﹗…查看更多

呢間野依家D野絕對唔可以講係好食，但絕對係對食冇乜要求既人同埋求其食得飽既人既選擇，不過價錢都唔係平﹗呢間野幾年食一次D水準都係咁上下，就算冇乜選擇，我諗都唔會考慮同提議去食﹗除非有人好想試食，如果唔係，都唔諗﹗:(…查看更多

我響星期日果日差唔多仲爭半個鐘就到七點走左入去食野，食物依然好味，尢其係佢地杯奶茶，依然係比其他話係好出名好好飲既，超哂班啦﹗可惜既係佢地既炒野，因為太多人叫，老細炒到手痛，炒到要睇醫生，響無法之下，決定close左呢一個種類。omg~佢地果個干炒牛河好好食架﹗又大份﹗真係4個人都夠食架﹗家下冇得炒﹗小左呢類選擇，有d唔開心添﹗唔知阿老細隻手好返，會唔會炒返呢？嘻~~…查看更多