Hangrymeoww的个人专页

屯門虹橋的一間咖啡小店，名為BYOB，意即be your own barista，相信呢到一定有杯啱你心水嘅咖啡☕️之前嚟過幾次，無論手沖同奶啡都好好飲，好有誠意，愛啡之人可以一試！今次午餐點咗北海道帆立貝明太子意粉，卡邦尼意粉，熱朱古力。北海道帆立貝明太子意粉有兩粒大大粒帆立貝，表面煎得香脆，帆立貝裡面仲係好嫩滑，明太子亦都有好多，充滿成個意粉，意粉口味好豐富。卡邦尼意粉配菜有煙肉、洋蔥、蘑菇、上菜時隻蛋仲係流心架😍，卡邦尼汁好濃稠，淡淡滋味，誠意十足。另外，都好想同老闆平反下。見到有好多人都話老闆講嘢大聲，態度唔好。其實老闆外冷內熱，只要佢得閒，佢都好樂意同客人傾偈，見到佢全神貫注沖咖啡，就知佢係好認真對待每件事。老闆亦有貼張告示話畀大家知佢係因為腦瘤而導致一邊耳仔聽唔到野，所以有陣時講嘢大聲咗啲，大家唔好怪佢喇。…查看更多

自己一個簡單食飯，去咗銅鑼灣金西南米線，已經幫襯咗好多年，之前仲有謠傳佢要執笠，好彩唔係真！叫咗最鍾意嘅涼拌米線，可以揀凍撈或者熱撈，凍撈就係煮熟個米線再雪凍先攞出嚟撈，熱撈就正常煮熟再撈豉油，兩種都好好食。今次揀咗熱撈米線，再加埋腩肉，腩肉夠晒入味，米線醬汁好多，撈到成個米線都好均勻，十分滋味。而米線亦唔會煮得太淋，啱啱好，配菜仲有肉碎、酸菜、花生等。涼拌米線本身都係$30 ，加個腩肉$7 ，都係$37 ，性價比好高加多杯凍檸樂， 十分爽！…查看更多

之前試過其他奶蓋系列都好出色，今日夜晚唔想飲得咁heavy，外賣叫咗清茶系列嘅四季春茶。叫咗小甜，飲落四季春好清新，有茶味但無苦澀味，好順口。$20嚟講，性格比好高！…查看更多

西灣河太康街日式飯團小店🍙今次係食外賣，過咗20分鐘先食都仲係溫笠笠，抵讚！點左厚燒鰻魚玉子飯堡配沙律醬、炙燒蟹柳蟹籽飯堡配黑芝麻醬。一打開紙袋真係好香飯團同埋紫菜嘅香味鰻魚玉子飯堡配沙律醬：鰻魚肉好厚身、玉子都好厚、飯堡粒粒飯都撈勻左沙律醬，每一啖都好滿足。炙燒蟹柳蟹籽飯堡配黑芝麻醬：入面有蟹柳、蟹籽、蛋絲、蕃茄、生菜。蟹柳蟹籽全部火炙，好香口，黑芝麻醬撈落個飯度，反而芝麻香就冇咁重，下次都係配返沙律醬。…查看更多

西貢有兩間Hushush，今次去咗新店試手工威士忌Affogato 🥃🍨 Affogato入面係Espresso, 威士忌雪糕，Pizzelle脆餅🥰Espresso夠厚身同小小苦澀味，威士忌雪糕好creamy，背後有啲whisky味，同espresso好match！Pizzelle意大利脆餅都好脆Hushush出名自製手工雪糕🍦有好多得意口味❣️新店主要食輕食同飲咖啡，要食手工雪糕就要去返舊舖喇！…查看更多

私心推薦，最愛嘅日式和牛燒肉❣️和牛源自JA全農，擁有全日本最靚嘅和牛，每個部位都咁好食🥺點咗特選日本產和牛肉眼拼盤 ($780)、燒野菜拼盤($85)、海鮮煎餅 ($120)、菠蘿雪葩🍍($65)、桃雪葩🍑($45)。特選日本產和牛肉眼拼盤唔係最貴/ 頂級嘅set，但比嘅肉一啲都唔馬虎，全部都用A4日本和牛。拼盤包括特選日本產和牛肉眼、日本產和牛上牛排肉、日本產和牛牛排肉、牛舌。雖然睇落份量唔係好多，但係食落其實一定夠兩個人食，小心眼闊肚窄😝牛舌輕輕燒兩下，外面剛剛熟就好，咬落去好爽脆。牛排肉油得來但好鮮甜，上牛排肉肉質更柔軟，肉味好濃郁，油花比例好平衡，如果配飯食可以食晒成碗飯🥺肉眼都係燒兩三下就食得，鎖住肉汁。食完肉眼，牛香、油香一直停留係口腔，好幸福嘅感覺❤️可以叫下啲蔬菜，沖淡油膩感。個人最鍾意食南瓜同埋番薯😝佢哋嘅海鮮煎餅超好食！海鮮好足料，然後煎餅好彈牙、好chewy😋最後叫埋菠蘿雪葩🍍同桃雪葩🍑用返水果本身承載着個雪葩，淨係外表都誠意十足！桃味比較清淡啲，菠蘿就甜味比較重，食完燒肉之後食返雪葩可以清新返口腔，幾唔錯嘅選擇。…查看更多

有咖啡嘅morning就係good morning☕️Shakerato係冰搖咖啡，用double expresso加冰同埋蜜糖🍯，蜜糖中和咖啡嘅苦澀，同時間飲落口仲有小小冰嘅碎片，易入口得嚟又好refreshing，通常都會用酒杯上嘅咖啡🥂…查看更多

晚餐時間去咗食Fini’s，灣仔店冇中環咁多人，星期五晚坐落都仲有啲鬆動。嗌咗Gnocco Fritto、Prosecco Fries、Pepperoni、Fettuccine Fungi同埋Tiramisu。Gnocco Fritto其實就pizza皮麵團😂不過佢嘅麵團好煙韌，好有咬口，點埋蕃茄醬就一流。Prosecco Fries我諗係落咗蜜糖同rosemary，令到薯條脆得嚟又甜甜地，一路同朋友傾偈一路食就fit晒🍟 Fettuccine Fungi係黑松露蘑菇意粉，個人認為正路，不過店員好細心咁問我哋需唔需要芝士，然後刨俾我哋，服務好細心。Pepperoni pizza有18吋咁大，一上到嚟真係嚇親😂其實好食，不過因住份量太多食唔晒。最後叫埋甜品Tiramisu，好乜特別。…查看更多

開業三個多月的西營盤Elephant Grounds Roastery。空間夠大，位置夠多。Brunch時候去點咗菠菜番茄貝殼粉🐚美式藍莓鬆餅🥞飲品點咗齋啡同Dirty。菠菜番茄貝殼粉，煮得啱啱好，貝殼粉好煙韌，仲加咗小小松子仁喺意粉上，幾好。美式藍莓鬆餅超有份量，好厚實，藍莓醬好重手，旁邊嘅whipped cream亦好食！Dirty同Americano底嘅咖啡都夠roast，個人覺得Dirty好好飲😍…查看更多

花見又叫賞花，古時意指在賞花時舉行花宴，一路食飯，一路飲清酒慶祝。今次係晚餐嘅Omakase，另外點咗清酒：みむろ杉 純米大吟釀35 高橋活日命🍶係比較甜嘅清酒，重果味，配啲貝類刺身食，特別食到刺身嘅鮮甜❣️仲可以揀清酒杯，揀咗兔仔樣🐰小食先上炸櫻花蝦同枝豆，漬物有海帶、淮山、蕎頭、薑。淮山超好食，食晒🥺前菜為三文魚鼻軟骨、酒盗芝士配魚內臟、胡麻豆腐配松葉蟹。三文魚軟骨好爽脆，調味過後好酸甜開胃。小盒入面有枝紫蘇花，店員提示將花放入豉油，豉油就會帶有紫蘇花香(個人覺得之後嘅食物都係夠味，用唔著豉油😂)。之後上菜次序為生蠔、笠貝、金目鯛配櫻花蝦粉，三樣都新鮮。另外就係海膽帶子卷、深海池魚加魚蓉、牡丹蝦配蝦膏蝦籽。海膽好鮮甜，池魚好爽，牡丹蝦好彈牙，個蝦膏甘甜濃郁，係脷尖化開個下好感動🥺再上乾醬炒魷魚、活北寄貝、剝皮魚刺身配魚肝醬。用乾醬炒好惹味，不過之後要食北寄貝，就記得要食啲漬物沖淡口感，唔係就食唔到北寄貝嘅鮮味。剝皮魚刺身配魚肝醬，剝皮魚嘅爽脆清甜配以魚肝嘅濃郁油膩，兩者取得平衡，好match👍🏻之後上菜次序為秋刀魚橘子啫喱、汁煮安康魚肝、鰤魚。秋刀魚本身就係比較腥嘅刺身，用橘子啫喱中和返個口味。魚肝入口即溶，好滿足。鰤魚類似拖羅嘅口感，有油脂香。另外就係中拖羅、花見卷、馬糞海膽配海膽飯。花見卷入面係脆拖羅，燒脆咗嘅拖羅更易入口，油份更出。馬糞海膽上嘅係淡雪鹽，好似落雪咁，視覺上先享受，再到味覺上嘅享受，海膽好鮮甜啊😍，仲要成個飯都撈咗海膽，好有誠意。最後就係鰈魚裙邊手卷、鰹魚湯、時令水果。師傅係上手卷前有問仲夠唔夠飽，如果唔夠，師傳會上大份啲手卷，好貼心❤️ 仲有鰹魚湯配烏冬，同埋上埋夕張密瓜同香印提子🍇咁就perfect啦。…查看更多

西營盤新開嘅澳洲風咖啡店☕️裝修行簡約風格，以白色、啡色為主色調。落地玻璃滲透窗外陽光好舒服☀️不過位置較少，假日經過都見到要排隊。今次都係買takeaway。買咗杯Dirty ($40) kill blue monday，Dirty嘅奶夠凍，espresso夠熱，口感好舒服。亦好有咖啡香，不過我中意濃味重啲，如果咖啡味再重啲更好另外朋友叫咗杯Americano ($35)亦一啲都唔馬虎！咖啡順口得嚟，唔會太酸。最啱一早起身買嚟返工飲…查看更多

秋高氣爽，終於可以係室外食飯都舒舒服服！太古坊有間炭燒葡式烤雞，成間鋪淨係食雞，加點唔同配菜，晏晝食飯時間好好生意！首先要揀份量，女仔4份1隻雞都好夠做，男仔就半隻都ok! 之後揀烤雞嘅口味，有香草味同香辣味，不過午餐時間如果太遲去，其實未必有味俾你揀，就算你落咗單可能要等好耐先有，佢會問你轉唔轉第二隻味。我揀咗香辣味，好香口，配個Peri peri sauce都好正，不過其實唔係好辣。配菜可以揀紅飯、薯條同沙律🥗我揀咗螺絲粉沙律加西蘭花蘋果杏仁片沙律，食返啲菜好似健康啲🤣螺絲粉都好食，份量仲要好多。不過試咗朋友嗌嘅薯條🍟好好食！新鮮炸嘅薯條，仲要食到尾都keep住脆嘅😍推薦薯條…查看更多

秋風起🍂又係時候食煲仔飯🍚今次去坤記等咗大概15分鐘就有位，好好彩！坤記有兩間，通常啲人話舊舖好食啲，自行決定喇。叫咗白鱔滑雞煲仔飯加咗臘腸同雞蛋🥚同埋椒鹽九肚魚，配返支啤酒🍻先上椒鹽九肚魚，炸漿薄得嚟夠酥脆，九肚魚肉好綿，一流🥰加埋啤酒一齊飲，好爽！然後就等主角煲仔飯。一上煲仔飯，個哥哥就好好服務態度咁問你洗唔洗打開煲蓋，咁就大意咗喇😫其實最好就焗多佢一陣再喺煲邊到倒豉油，先係最多飯焦。將甜豉油同雞蛋撈飯，加埋飯焦，成個飯都好有米香，好好食。鱔同雞亦都滑同入味。…查看更多

假日下午到訪呢間英式早餐店，落地玻璃透住街外陽光，十分舒適。假日來說，餐廳唔算多人。我點了鮮莓鐵鍋班戟同cappuccino 作下午茶之選。班戟要等大概15分鐘。Pancake隨鐵鍋奉上，熱辣辣，好開心。Pancake有空氣感，外面似牛角包🥐好鬆脆，裡面梳乎厘質感。士多啤梨、黑莓、藍莓嘅果酸中和楓糖漿嘅甜，平衡得好好。整體幾好食😋 Cappucino灑上單車圖案可可粉，寫著Life is a beautiful ride，充滿正能量！不過咖啡就偏淡，無乜特別。…查看更多

本身用email reserve枱，佢哋覆我話full booking，放我係waiting list，食飯當日點知咁好彩真係wait到！去到所有枱都擺得好闊，環境寬敞，坐得好舒適，同埋都有好寧靜嘅感覺。見到 3-Course Italian Set Dinner個優惠仲未做完，所以都係試呢一個優惠套餐（$298一人，第二位半價）。前菜揀咗布拉塔芝士及意式生和牛片。Burrata芝士口感比較清爽幼滑，配乾蕃茄加自製杏仁青醬，酸甜爽口，味蕾多層次享受🧀意式生和牛片好足料，分量超多。生和牛味道濃郁，無羶味，不過佢配熟成巴馬臣芝士薄片，個人覺得兩樣都係濃味，互相搶focus。主菜揀咗澳洲安格斯牛肩扒、橄欖油香蒜蟹肉全蛋麵。牛肩扒味道濃郁，叫medium rare，覺得啱啱好，入面肉質嫩滑，薯蓉好幼滑，大加分！蟹肉全蛋麵好有飽足感，穩陣之選。甜品係意大利芝士蛋糕及檸檬蛋糕。Tiramisu嘅cream夠幼滑，但未夠厚身，有咖啡味☕️檸檬蛋糕好有家鄉手做嘅感覺，檸檬無咁膩，口感清新，第一啖食落去無乜驚喜，但將蛋糕配埋奶油一齊食就超好食，奶油做得十分出色，香滑而挺身，一次過食晒🍰…查看更多