BYOB Coffee Roaster

营业中

休息中

屯门虹桥的一间咖啡小店，名为BYOB，意即be your own barista，相信呢到一定有杯啱你心水嘅咖啡☕️之前嚟过几次，无论手冲同奶啡都好好饮，好有诚意，爱啡之人可以一试！今次午餐点咗北海道帆立贝明太子意粉，卡邦尼意粉，热朱古力。北海道帆立贝明太子意粉有两粒大大粒帆立贝，表面煎得香脆，帆立贝里面仲系好嫩滑，明太子亦都有好多，充满成个意粉，意粉口味好丰富。卡邦尼意粉配菜有烟肉、洋葱、蘑菇、上菜时只蛋仲系流心架😍，卡邦尼汁好浓稠，淡淡滋味，诚意十足。另外，都好想同老板平反下。见到有好多人都话老板讲嘢大声，态度唔好。其实老板外冷内热，只要佢得闲，佢都好乐意同客人倾偈，见到佢全神贯注冲咖啡，就知佢系好认真对待每件事。老板亦有贴张告示话畀大家知佢系因为脑瘤而导致一边耳仔听唔到野，所以有阵时讲嘢大声咗啲，大家唔好怪佢喇。