Philips Alan的個人專頁

上星期上山頂,係山頂兜咗一個圈之後食晏,唔食麥當勞,但其他餐廳一係太貴,一係根本無興趣,最後來了Burger King.我叫了三層燒烤煙肉堡餐,無錯,係三層,本土Burger King 最多只有兩層.個飽係細D,但咬落係無渣,真係烤牛肉,而且醬料落得唔,.薯條炸得非常脆口,就算開始凍,都比其他 Burger King 的薯條仲要脆口,落鹽量亦非常高,跟本唔需要點茄汁,亦因為多外國遊客,份量亦比本土Burger King 薯條增大成倍,唔係一陣就食哂o個種,汽水亦自動加大.另外加八蚊加四條雞柳,咬開睇一睇,比麥記較似雞寶,但未到芝脆雞的雞寶o個種原裝雞的滋味.同時好欣賞遊客們食完之後好乾手淨腳自行倒垃圾,但有一個嚴重的副作用,就係完全無人抹枱,成枱薯條碎,鹽,好污糟.…查看更多

筆者一向葵興返工，有時候都會去到呢間隱世食店食越南粉。呢間鋪頭厲害啊，你可以嘆盡廿幾年湯底，食盡嫩滑河粉腍肉，試盡爽脆芽菜同白菜，這些享受在出面好難找到。鋪頭非常隱敝，你要由光輝圍，在八方雲集隔鄰入口入去，先可以搵到。由裡面影出面，呢間越南粉，亦因為位置夠隱閉，因此呢間隱世食店捱過風風雨雨之下，仍然生存，甚至裡面的裝修依然維持在開業時的狀態，認真懷舊，但因此衛生情況會好差，身體唔好的人最好唔好去啊。最近亦將「開業廿年」優惠，變做「開業廿二年」優惠，而且改得非常求其。除了賣越南粉之外，亦有賣電話卡同紙幣，而且大部分牆上的文字都係用手寫，非常獨特。連口號都有，好古早FEEL。店內招牌菜係四寶粉，四寶粉係唯一有腍肉的越南粉，腍肉酸酸甜甜幾好食，但筆者不喜歡有碎骨的雞肉，因此叫碗牛肉扎肉河，出來的時候永遠係一大碗出來，比大集團所謂特價但份量少過人的粉麵多出N倍。順便講講左上角支O野，係魚露，而且係正宗越南入口。Zoom近睇，可見牛肉係肥牛，而扎肉，當然係扎肉了。河粉質素一般，但因為煲足廿年的湯底，加上魚露的補正，河粉亦帶出應有的酸味，不錯。芽菜非常脆，就好似食薯片咁索索聲，你永遠不會在其他地方食到這種脆法。食完之後，只剩下廿年基業，就係湯底了。而筆者事後叫杯豆漿解渴，呢次越南粉體驗就此完了，由於工作關係，筆者未來亦會再去，為懷舊食肆打打氣。…查看更多

葵興看上去沒有太多好美食,但隱世高手往往在此開店,金來越南粉、苑記牛腩、凱悅餐廳係其中之一,同時筆者去光輝圍開飯,好多時走入內街搵食,好少行大路,今次專程去大路,居然給我發現另一隱世高店.這間外婆酸辣粉雖位於大路,但環境淺窄,光線亦因為天橋遮蓋而不足,不易被發覺,因此入到去幾乎不見有客人,搵位話咁易.事不宜遲首先叫了酸辣粉,酸辣粉非常易夾,食落去顯得非常彈牙,有口感之餘,細細碗竟然飽肚的感覺,19蚊非常抵食,湯底好濃,但較似麻辣湯底,小辣的辣味亦濃得蓋過酸味,之後追加了一份酸辣雞,戲玉不是隻雞,而是淋落雞上面的醒神酸辣汁料,強烈的酸味令筆者食指帶動,即使反過來掩蓋了辣味,但已清爽了筆者的精神.之後因為趕稿,沒有叫飲品就埋單走人,但彈牙的酸辣粉同醒神的酸辣雞卻令我沒齒難忘.…查看更多

看見新開的食肆，走入去試下，點知好似入咗實驗室咁。裝修其實很普通，我和另外三人還差點被誤導，原本可以加5蚊叫野飲。我們各自點了食物，我點了紅燒牛肉米線和芒果綠，當我們等餐的時候，竟然被我們發現一樽樽用來沖飲品的樽，令我們感覺像入了實驗室。食物和飲品相繼來了，紅燒牛肉米線，食相OK，但吃下去比附近的麵店更難食，米線像在超市買回來的，牛肉就像牛腩般，令我以為正在吃牛腩米線（倒不如去附近的麵店食還好）。至於飲品，因為被我發現用來沖飲品的樽，所以都沒有太大的期望，點知飲完之後仲口乾過未飲之前，弄到我向侍應叫了杯冰水。食完之後大家都叫苦，說以後都不要再來了。P.S.至於同行另外三人對餐廳的評價如下：同行A:麵餅未溶，食完良久仍橕住個胃未消化，o野飲好似食完藥咁．同行B:麵像落咗鹼水咁同行C的蝦好似剛在工廠擠出來般。…查看更多