garyee的个人专页

因為疫情今年又係要買外賣在家食團年飯，呢次試下這間煲仔飯出名的小店。老闆推介：双冬羊腩煲。老闆話羊腩唔係太淋，因為大厨預咗用羊腩汁打邊爐，所以燜唔係太淋，一邊打邊爐，一邊食，滾5-10分鐘就剛剛好。當然唔少得煲仔飯，原煲拎走，返去熱一熱，正。小炒：黃金脆皮牛腩，咸旦黃牛腩，再加多個湯，杏汁豬肺白菜湯，潤肺養顏，好味。炭燒牛仔骨加煎米粉，牛仔骨夠淋，好味，煎米粉，師父煎到好香脆卜卜點少少汁好好味。都唔算貴千五左右，一年一次點都要整返餐好啲嘅，整體來講，兩個字嚟形容，好味😋…查看更多

姪仔下個月要結婚了，因為疫情所以不能擺酒，所以約埋一齊食晚飯慶祝。一行8人，老細叫我分兩枱，預先訂了湯，同幾個餸。老闆好人分兩枱都很接近 的方便一齊食。訂了杏汁豬肺白菜湯，味道很濃，燉得救火喉，夠滋潤。英䱽魚兩食，椒鹽、炒球，好香，好味😋蔥油新鮮雞，好香雞味，正。上湯窩巴蝦，一人一隻，蝦夠厚肉，窩巴加埋啲味，好味。其他小菜，味道不錯。不用多提，一個字，正，好味。只可惜沒有甜品，老細話要訂先有甜品，如果有碗甜品，咁就完美啦😁…查看更多

今年疫情嚴重，同家人商量決定提早在家做冬至。在屋企附近訂咗啲外賣。胡椒豬肚包雞、油泡笋殼魚、冰鎮咕嚕肉、秘制瓦煲雞。先講，豬肚包雞，有啲藥材一齊燉，飲完胃暖暖地，驅寒一流。笋殼魚，食嗰陣仲脆，不過記得要豉油另外分開。咕嚕肉，啲冰分開咗，啲汁酸甜啱啱好，正！隻雞一流，師傅唔知用乜嘢香料，焗到好香，食落極之好味😋不過價錢就⋯⋯，一年一次食豪DD🤣下次再試下煲仔飯，老細話可以原煲外賣，不過係要收按金…查看更多

早幾日行完維園，行去天后水星街，見到大不同個招牌，啲朋友講到底有乜大不同，就入去試一試。我地叫左好多野，最令我難忘就係：火焰鹽焗雞、冰鎮咕嚕肉、剁椒肉餅煲仔飯。聽個男侍應講，剁椒自家，少少辣，ok啦。個侍應話個火焰盬焗雞，用新鮮雞即時焗，要20分鐘，再加上冰鎭咕嚕肉，一啖咕嚕肉一啖盬焗雞，一冷一熱，食得好特別！佢哋啲煲仔飯仲用炭燒，有飯焦香味，聞到都想食肉餅唔係太厚，肉汁滲入啲飯𥚃面，加上剁椒，開胃。…查看更多

農曆新年去將軍澳 諗住食D野去拜年 入到去裝潢不差 只有2個亞姐 亞姐手腳又慢叫左D食物成半個小時也沒到....氣結!!!凍奶茶 沒有茶味.....又有點澀....又一差!!米線 硬...未淋....D豬排未熟可以比人食....又一大差!!再叫亞姐換...又等半個小時!!已經餓到暈左!!又一差!!!無招呼,無人理,無野好食!!!三無餐廳!!!叫老細早D收檔!!!…查看更多