嚐喜大不同特色餐廳小廚

早幾日行完維園，行去天后水星街，見到大不同個招牌，啲朋友講到底有乜大不同，就入去試一試。
我地叫左好多野，最令我難忘就係：火焰鹽焗雞、冰鎮咕嚕肉、剁椒肉餅煲仔飯。
聽個男侍應講，剁椒自家，少少辣，ok啦。
個侍應話個火焰盬焗雞，用新鮮雞即時焗，要20分鐘，再加上冰鎭咕嚕肉，一啖咕嚕肉一啖盬焗雞，一冷一熱，食得好特別！
佢哋啲煲仔飯仲用炭燒，有飯焦香味，聞到都想食肉餅唔係太厚，肉汁滲入啲飯𥚃面，加上剁椒，開胃。