v小松鼠的个人专页

閒日的晚上來到小城年代，原本怕要等好耐，點知裡面竟然有好多空位，所以就即刻入座喇～見到食評豬肋骨既相好吸引，點知竟然無！唯有要其他啦～♡檸檬蘆薈冰用木盤裝住，蜂蜜水同檸檬蘆薈冰分開再慢慢倒落去飲，唔可以倒哂因為太滿了😂d冰係冰沙黎，可以邊飲邊食👍因為我地叫左一個是日晚餐，唔要普通茶啡，就可以叫呢d特色飲品，都可以減番8蚊♡凱撒沙律連住套餐送，侍應問我地是日晚餐要跟餐湯定沙律，咁我地3人分就要左沙律。多士粒同煙肉碎都唔錯👍♡雞翼嘉年華(12隻)有檸檬，玫瑰同水牛城，落單時侍應有問我地係米3種味都要，咁未食過就咩都試下啦，佢咁樣問相信大家係可以揀唔要其中既味。檸檬雞翼酸酸甜甜，我自己就最喜歡。玫瑰雞翼都係主要甜為主，又出奇地同玫瑰味非常合襯，好食！檸檬同玫瑰下面都墊住一層蜜糖，鍾意甜就卷多幾圈先放入口啦😋我自己唔太食得辣，水牛城雞翼我就比較勉強，鍾意食辣既朋友就覺得唔錯👍♡松子仁南瓜意大利飯我地叫既是日晚餐，亦係我地覺得最大既收穫。南瓜蓉同risotto既黏度好配合，加番少少有口感既松子仁，真係無得彈！南瓜有少少焦，好香口，咁樣煮真係好好食。♡墨西哥雞肉薄餅(辣)睇落都唔錯，如果個批底可以厚d就好，因為韌到好難切，大力d切餡又甩哂出黎。批面用料都豐富，芝士份量亦足，黑色果d唔係燶，係d好似粉既野黎。雞肉唔算好辣，反而d洋蔥好辣。總括：店鋪裝飾好有心機，每一個位都放左唔同既裝飾品，感覺好細緻好舒服。座位都幾舒適，但餐具有少少污糟，要改善下。食物質素都唔錯，意大利飯的確好出色！👍食物擺放，餐牌都有自己既風格。價錢方面都唔貴，去果日係閒日黎，並無收取加一，三人都係每人$10x，都好抵食架。…查看更多

再黎食lunch😆星期日下午12點幾都等左半個鐘先有位呀😭等到差不多有位就去買定野食先～因為等餐都要一段時間😉♡輕盈意粉拼盤：蘑菇欖油意粉裡面包含幾種菇類，用料豐富。上面放左芝士碎令意粉更香😋因為係欖油意粉所以真係會好油架😂蔬菜煙肉薯餅好香脆好吸引！不過蔬菜味唔係好出，純粹有上色，但係好食既。本來係想用刀切黎食，但太脆了一切就散，所以用叉整開就得🙈佢有比少少沙律醬但因為同意粉放埋一齊，所以食意粉果陣撈埋左😞今次既南瓜忌廉汁焗蔬菜進步左，有番d水準，上面層芝士好香焗得靚👍裡面有西蘭花，今次仲加左茄子，紅蘿蔔，好似蔬菜粟米忌廉湯。蕃茄芝士沙律裡面d那一小塊芝士是很淡味的～唔知係咩芝士呢～總括：這個價錢可以食得那麼豐富，很抵呀！因為食左包，又有意粉salad配菜，有湯有飲品，感覺就食左好多咁～睇張圖都覺得好多野啦😜…查看更多

係太和新開既cafe，一邊係用黎賣麵包，一邊就係cafe可以坐低食野。叫左野食之後拎隻飛碟等佢發光就可以拎野食，多人既話都要等一段時間先有架。因為食果日係openrice搵唔到呢間cafe，所以無影到食物不過有menu相～♡意式燴飯拼盤，個飯好香有黏度，南瓜焗蔬菜(姐係西蘭花)就有d奇怪，放凍左就更加唔好食。個ham同漢堡都正！01-06果d菜係salad黎架～身為一間bakery，佢每個set lunch都包埋3舊包比你，其實食完d包都飽左一半我當時就諗叫burger既話米要食好多包囉！haha～總括：份量多質素唔錯，都幾抵食！會再去食，試下其他野，下次會影埋d食物…查看更多

Schoolfood旺角的分店明顯比較少人，6點幾黎到門口，等齊人入去食到8點半，見到成晚都仲有空位～唔想等黎呢到就岩我地叫左唔少野食～所以好飽♡首先黎到既係水冷麵(school naengmyeon)比冰浸住既麵條，過一陣仲都係透心涼～入面有蛋，青瓜，蘿蔔片，個汁酸酸辣辣，非常吸引！麵條質感好煙韌，好好食佢有一個辣椒仔，唔算好辣，唔太食得辣都食到♡有影既卡邦尼年糕(carbonara topokki)呢個汁唔算好濃，味道其實都一般。如果唔係朋友唔食得辣都會考慮食其他，因為得佢係無辣椒仔但就唔特別，唔推薦👎♡花海鰻卷(Grilled Eel Mari)係夏日限定既卷物，問左店員入面係鰻魚，青瓜絲同蛋，咁就叫黎試下啦～雖然佢都係一個辣椒仔，但係佢比起水冷麵既辣度又再低d。紅色食到最後先有好輕微既辣味，而黑色係根本唔辣既～完全唔食得辣都可以試呀！鰻魚同蛋既配合真係好正！仲有咁多舊添，卷物真係值得一嘗♡青檸凍荔枝艾菲(Lychee&Lime Athie)亦都係夏日限定既飲品，倒出黎可以裝到4杯放係隔離有飲管果d杯。我地4人就一人一杯，但其實好快飲哂，2個人一齊飲就會岩岩好。佢不愧係夏日既飲品，飲落好fresh，仲有d jelly可以啜下👍♡韓式醬燒牛仔骨飯及薯角(beef rib rice& poato)呢個係朋友叫既～放左好耐仲熱辣辣，又有飯焦食，不過係屬於偏貴既飯類，飯可以考慮下其他選擇～因為亦不算係特別。♡部隊刨冰(SF Patt Bing Su)食到最後叫埋甜品啦！猶豫左好耐要唔要呢，3-4人份量又有d飽，最後決定試下啦～我地真係愈食愈驚訝，表面係4個雪糕球，有5種生果圍住，包括橙，藍莓，芒果，奇異果同士多啤梨。生果有部分係酸，有d伏呀我地諗緊冰係邊呢，原來係下面，首先係一層綿冰，然後係大粒d既碎冰再夾住d紅豆醬既野。最底層係玉米片，仲有提子乾，紅梅。真係愈食愈唔知食緊咩～因為好凍，味道口感複雜，明明食緊芒果竟然變左紅梅味。個口又酸又甜又軟又硬，下次唔敢再食了～～總括，食左咁多野連埋加一每人$170左右都算唔錯，如果無食果個甜品～haha～～就好抵喇。…查看更多

呢間野長期排長龍，終於有機會試下啦 下午一點黎到已經full哂喇，最後一張就比我地坐左～不過見到係出面等既人都唔洗好耐就入得。今日係由店入面既oppa幫我地落單，佢唔識聽廣東話，要用英文～野食黎之前食下泡菜先唔算好辣，勝在免費飯卷用料豐富，呢個價錢有10件真係抵食！頭同尾咁樣放的確醒目，夾落去亦都無散。牛肉飯落足料有好多牛肉架～加埋其他配料，其實有d似吉吉家芝士蛋卷同我想像有d出入，無左應有既濃郁芝士味，真係失色不少！拉出黎果d芝士絲得好少:(陣味係好輕好輕。蛋卷其實就係將一隻煎蛋卷起，因為佢有一定厚度，所以食兩件已經好濟。相比起其他韓國餐廳，呢個唔值得食呀～海鮮煎餅同薄罉根本係一樣，本身自己都鍾情食薄罉，所以都覺得ok。當然呢個煎餅既配料比起茶樓就豐富得多啦！佢配左一種汁但我食唔出係咩味，落哂好似無咩味道，唔知咩黎～～～總結，2個人食咁多都要打包一盒拎走，一人都係一百蚊多d，好抵既價錢食質素唔錯既韓國菜，抵食架！…查看更多

一行4人去到拉麵來，岩岩好對住廚房又有4個位喎跟住就好開心咁坐低左。一入到去，店員就提醒我地下面有小勾可以放低袋同遮架，真係貼心。望下餐牌先，金木水火土各種拉麵真係好難揀呀～最後就要左土4落單寫落張紙到，再揀麵條軟硬，湯底濃度，要唔要蔥蒜再交比店員～拉麵好快就黎左啦，試一試個湯先，魚味好重喎！一邊食一邊諗緊湯底味道好熟悉，究竟係邊到飲過呢？不過個人覺得可以再濃d既，因為我係揀濃湯架，所以預佢會比較濃味。一大碗麵好快就食哂喇食到最後終於諗到，原來係同我媽媽係屋企煲既魚湯有幾分相似！證明真係足料呀！…查看更多

文青cafe茶。家 行左好多路終於搵到，可以坐低休息下。因為店面無位，所以去左隔離房既樓上。佢d樓梯好細級架！轉頭買完野食再行番上去真係要小心！特別係拎住野食果陣 Green tea cheese cake $ 45黎到梗係叫左大家都推介既綠茶啦～好香既芝士蛋糕味！質感好滑，口感好豐富，啖啖綠茶。但綠茶味再多少少就好喇。因為稍稍被cheese cake味蓋過左Hojicha cheesecake $ 45同行既同我都覺得其實呢個烘茶蛋糕更勝一籌，極香既茶味！忍唔住一啖又一啖！要係佢同綠茶之間揀一個，我一定係揀呢個 左：洛神花薄荷茶 $ 40右：找夢 $ 48對飲品就無咩特別偏好，所以都係隨心叫，不過呢2杯都唔係咁適合我飲喇～會食洛神花既人自然都會鍾意果杯洛神花茶，不過味道真係唔係個個接受到架！所以飲左一啖就比番朋友 開頭見找夢個名好得意就叫左，都無留意入面係咩！點知找到惡夢，飲落口係好冰涼，但一入喉嚨就極其大陣玉桂味！試過2杯一齊飲，玉桂都係完全蓋過其他野。唔鍾意玉桂千其唔好叫！！PS. 見到佢寫住帶自己杯去裝飲品會有9折架～整體黎講，茶。家係一間令人好舒服感覺高尚左既cafe ha～食物質素都好高，價錢又相宜，十分值得去！…查看更多

文青cafe茶。家行左好多路終於搵到，可以坐低休息下。因為店面無位，所以去左隔離房既樓上。佢d樓梯好細級架！轉頭買完野食再行番上去真係要小心！特別係拎住野食果陣Green tea cheese cake $ 45黎到梗係叫左大家都推介既綠茶啦～好香既芝士蛋糕味！質感好滑，口感好豐富，啖啖綠茶。但綠茶味再多少少就好喇。因為稍稍被cheese cake味蓋過左Hojicha cheesecake $ 45同行既同我都覺得其實呢個烘茶蛋糕更勝一籌，極香既茶味！忍唔住一啖又一啖！要係佢同綠茶之間揀一個，我一定係揀呢個左：洛神花薄荷茶 $ 40右：找夢 $ 48對飲品就無咩特別偏好，所以都係隨心叫，不過呢2杯都唔係咁適合我飲喇～會食洛神花既人自然都會鍾意果杯洛神花茶，不過味道真係唔係個個接受到架！所以飲左一啖就比番朋友開頭見找夢個名好得意就叫左，都無留意入面係咩！點知找到惡夢，飲落口係好冰涼，但一入喉嚨就極其大陣玉桂味！試過2杯一齊飲，玉桂都係完全蓋過其他野。唔鍾意玉桂千其唔好叫！！PS. 見到佢寫住帶自己杯去裝飲品會有9折架～整體黎講，茶。家係一間令人好舒服感覺高尚左既cafe ha～食物質素都好高，價錢又相宜，十分值得去！…查看更多

呢間野真係好垃圾我地7點半入座，首先講下佢d食物，佢d麥茶真係淡過水，無酒精飲品選擇有可樂zero忌廉芬達菜蜜同麥茶，個人就覺得都幾少野揀囉。刺身算係正常，但好奇怪，有時會有冰，但有時又唔比。雪糕味道有紅豆芝麻抹茶，可以單叫或者溝，但竟然冇朱古力呢d 咁common既味其實食物唔係重點，最唔好係佢既服務！由第一輪開始漏單到最後last order，芝士焗蠔一坐低已經叫左，不停漏不停追，最後都係冇出現過，雪花一口牛，金菇肥牛呢d都係同樣情況。如果你冇既話可以同我地講而唔係一直都唔比。有時我地叫左見佢好耐都冇黎喇，咁第2輪再叫過啦。然後第2輪叫既黎左，過一陣你又黎番第1輪果d(同樣款式既食物)，究竟想點同一張單上面既食物會比d唔比d，再叫過佢又比，姐係唔係冇啦。唔明點解漏單情況可以咁嚴重。到左9點半last order，行埋黎講有冇野加或者漏單，真係漏到講唔哂啦。最後我地叫番d冇黎過同漏左既野，但都只係黎左一半，其他都冇黎。食左2個半鐘，由頭食到尾竟然係唔飽！佢d單漏到我地完全唔夠食囉。埋單收錢仲好意思問差額果到係米tips，你咁樣都想有？？唔係呀嘛星期一7點半至10點$208再加一咁樣既價錢咁樣既質素真係冇可能再黎…查看更多

星期日睇完早場黎到hea cafe,12點幾岩岩開門已經有兩枱客啦！我同朋友係坐係拼圖地下果度，要除鞋，有Luffy喬巴同米奇公仔。成個枱面都係塗改液，好特別食物方面係有set既，仲有甜品，飲品既名幾有特式，好似係校花校草咁意粉份量其實唔算大，女仔黎講就ok，d汁好夠唔會乾身，煙肉份量亦無吝嗇，有水準👍+$15會有沙律，但我見係用個杯裝住既唔太有興趣Set包左一杯$38既飲品，如果叫貴d就補差額呢杯岩岩好$38所以就要左呢個喇。一上枱，哇！咁大杯既，唔怪得比兩枝飲管，一定係一個人唔會飲得哂# 總括意粉加咁大杯飲品都係70！因為佢無收加一架，每人都要比班會費$40，一人一杯野飲就夠數啦# menu有寫著整齊校服有9折添架# 店入面有隻貓既，不過店員話佢好怕醜好驚人…查看更多

同朋友食完晚飯已經10點半，諗住黎試下抹茶野，搵左好耐原來係鐵路博物館隔離。呢個時間已經冇咩人喇，但店員唔比我地入去住，話執緊枱。入到去我地已經諗好要咩~（$53)呢個軟糕吐司好正入面d抹茶可以拉出黎，味道好濃好重抹茶味，口感煙韌，配埋d紅豆同雪糕根本正！但一個人係唔會食得哂，兩三舊已經好濟，所以同人share 就最好（$58)原本好擔心呢個pancake伏，但其實都唔錯既，呢個係上枱既樣，有朱古力醬淋上去。淋完就係咁樣，會好似鐵板咁有d泡泡。佢既質感同味道同蛋餅好似，同朱古力醬好配。不過價錢就有d貴，因為佢份量唔大，亦冇乜厚度。（$26呢個唔太肯定)想叫杯熱既飲品，又唔想飲咖啡，冇咩選擇喇:(對呢杯頗為失望，岩岩拎過黎已經係唔熱，鮮奶味好淡，淨係成口泡，得隻杯同個碟靚:(…查看更多

朋友介紹來這間cafe,所以就試試了。環境很好，配合音樂，很舒服。因為什麼都想試試，所以想了很耐最後2個人點了以下的$82好creamy既意粉，黑松露配野菌好香$112漢堡份量很大但表面有點焦了，不過和牛好厚又有肉汁，好食薯條食到停唔到口窩夫很漂亮，但跟出面食得到其實差不多，不過我喜歡佢唔硬。好怕食到d切都好難切既，呢個又脆又有口感👍 Ps侍應多為後生仔女，所以比較有活力同熱情有收加一但up一張相上ig就可以免…查看更多

黎到長洲一定要黎食紅豆餅同壽司之前食過覺得紅豆餅其實普通，但今日食又覺得入面既紅豆暖笠笠，好好味唔知係米太餓呢我同朋友加埋4人，買4個($20)每人都係$5就食到一個真係好抵！雖然手卷出面好多地方都有得食，但係呢度既手卷用番最簡單既材料，反而有種好親切既感覺入面d汁都好正呀haha只要買套餐就可以入鋪頭食架啦！不過今次就無買，下次可以試下…查看更多

甘永泰好近碼頭好易搵，一落船就去左食啦雖然係星期日去，但係早少少既時間都未去到大排長龍，等一陣就買到，D呀姐做野超快手我買左一串墨魚丸，三文魚丸拼芝士同蝦丸墨魚丸($15)超好食其他鋪通常都係有汁，得甘永泰係用炸，真係好正！蝦丸($20)朋友話好好食，好似得星期6日有咋！三文魚丸好普通，我仲以為會好重三文魚味添:(總結：呢度既雜丸絕對吸引過d大魚蛋…查看更多

一入到去就覺得成間餐廳感覺好舒服，裝潢好別緻，空間好大，牆上面既畫都好令，仲放左d好有特式既擺設有爆谷機，古董相機等等。呢到叫餐係拎住餐牌出去叫，一開頭真係唔知要拎我叫左個牛肉薯仔麵，好多牛同好多油，中意啖啖肉既人會中意。薯仔麵其實好似即食麵咁。。可能本身隻麵就係咁？仲叫左個芝士蛋糕，不過冇影到，佢d蛋糕$30一件，芝士味好濃好香架藍莓睇落好吸引！飲品選擇都好多，我見美祿恐龍幾搞笑就叫左其實就係美祿，上面果d係粉同可可米，飲落都幾水，要溝埋上面d粉先得。我見其他人叫既水果茶，咖啡同冰沙都唔錯，下次可以試下呀…查看更多