拉麵來 (已結業)

一行4人去到拉麵來，岩岩好對住廚房又有4個位喎跟住就好開心咁坐低左。
一入到去，店員就提醒我地下面有小勾可以放低袋同遮架，真係貼心。
望下餐牌先，金木水火土各種拉麵真係好難揀呀～最後就要左土4

濃厚魚介豚骨湯麵 $98

落單寫落張紙到，再揀麵條軟硬，湯底濃度，要唔要蔥蒜再交比店員～
拉麵好快就黎左啦，試一試個湯先，魚味好重喎！一邊食一邊諗緊湯底味道好熟悉，究竟係邊到飲過呢？不過個人覺得可以再濃d既，因為我係揀濃湯架，所以預佢會比較濃味。一大碗麵好快就食哂喇食到最後終於諗到，原來係同我媽媽係屋企煲既魚湯有幾分相似！證明真係足料呀！