jwjwjw0312的个人专页

今次老婆帶我嚟到呢間係鬧市中都算幾偏僻嘅餐廳。餐廳入面都幾有酒吧feel，係少少昏暗嘅燈光下幾有情調，睇得出餐廳嘅燈飾都用過一番心機，好耐都無同老婆一齊食過一餐浪漫嘅西餐啦。我哋叫咗一支Acqua Panna水$48嚟清清口先，Natural Water夠清夠純，令我哋可以好好享受之後嘅美食。首先嚟一客N1 Oyster法國生蠔$276， 海水味幾清新，肉質都幾鮮甜。之後上炭燒威爾斯皇室羊扒$438，羊扒煎得夠香口得嚟，羊肉仍然保持嫩滑，脂香四溢，配菜有好多薯仔同番茄，都整得好有水準，無顧此失彼，整體好出色。嘢飲分別叫咗紅色嘅Rainforest Blaster$128同綠色嘅Queen Blaster$128，飲之前侍應會製造有煙燻嘅泡泡，畀到我哋視覺享受先，望住杯口等佢爆啲煙出嚟，成個感覺非常夢幻，而嘢飲本身偏濃味，綠色嗰杯果味較重。…查看更多

是日放假無野做，見係平日不如過去維園行下花市，為左避免lunch hour 一早12點就過左天后食左野先。呢間鯨丼似乎係新開，朋友話試下新野。店面唔算好大，但都夠哂乾淨。由於未到lunch hour 店鋪得兩三枱客係到，夠哂社交距離😂Lunch Menu 都有10款選擇，唔會睇到花多眼亂。我揀左4. 豚肉鰹魚湯烏冬 配蟹子蝦多士。上網見人話份量好少，但我就唔覺得份量少啦🤣 好大碗食到好飽肚。蟹子蝦多士咬落啖啖蝦肉，細細塊又脆脆地好香口。總括黎講餐飯味道同份量個人而言都好滿足，值得推介！…查看更多

為左慶祝拍拖週年紀念，今次揀左間平時唔會食既高級野！唔單止食物既水準冇令我地失望，而且服務絕對係一流！食Omakase都有menu可以揀，我就揀左個專食壽司既，對比另外兩款，七百幾蚊都唔會太肉赤。開胃菜有兩款我幾鍾意既有柚子蘿蔔同紅酒蕎頭，如果食刺身menu師傅會另外再伴以蘿蔔絲同海帶。師傅首先連續畀左三件壽司我，分別係帶子，象拔蚌同埋赤貝。帶子同象拔蚌比較我之前其他地方食過既一個最大分別就係完全冇雪味，鮮甜既感覺毫無保留咁釋放左出黎！象拔蚌既形狀同係酒樓食開波浪形一片片既有Ｄ唔同，佢係長條形既，都一樣咁鮮味。之後有鹽焗銀杏，咸咸地，好似一粒粒薯仔咁幾好味。之後再上唔同既壽司：分別係左口魚、牡丹蝦、鱆紅魚、鯖魚、赤身、拖羅、海膽。牡丹蝦一向都係我既至愛，配以師傅既醬汁更加甜美。提一提大家如果件壽司有醬汁，其實唔使再點豉油，直接放入口啦！佢地既壽司飯都唔簡單，係用日本白神山既山水煮。食完壽司之後有個慢煮左九個鐘既牛肉湯，唔似飲開果種好濃既肥牛湯既味道，反而係有清甜滋潤感覺。最後有甜品慶祝我地週年紀念，係雲尼拿雪糕泡芙加芝麻豆腐雙球雪糕伴淡雪草莓。係度既西式甜點都唔馬虎，泡芙鬆化，包住好多雲尼拿雪糕，係一個完美既結局呀！成個用餐體驗都非常好，雖然只係得一個侍應姐姐，但都有好貼心既服務，師傅都好用心介紹菜式。…查看更多

朋友介紹蟹仙海鮮蒸氣鍋好好食，所有海鮮都好新鮮，於是就聽佢講黎食晚餐。佢有幾款套餐，我地揀左尊貴海鮮套餐，有十款食物同粥底。一黎會落晒粥底既材料先，有珍珠米、豬骨、粟米、芋頭粒、南瓜，等佢索晒海鮮既精華。跟住待應會幫你蒸海鮮，自己唔駛郁手架。尊貴海鮮套餐有越南大虎蝦、日本大元貝、台灣九孔鮑魚、野生大賴尿蝦、紐西蘭刀貝蚌、韓國慶南蠔、深海龍躉片、澳洲青年龍蝦、罕有大黃奄蟹。所有海鮮都好新鮮，所有海鮮都好鮮甜，冇得挑剔。跟住有一籃機蔬菜，包括粟米、南瓜、生菜、娃娃菜。最後就有濃縮晒海鮮精華既粥底，每人都分到兩大碗架。估唔到仲有木瓜雪耳燉官燕，都幾多燕窩，夠清甜。另外，待應好熱情，佢會不辭勞苦甘介紹每種海鮮。…查看更多

喜歡韓風的我好少係香港食韓國野，因為始終覺得唔夠去韓國食得咁正宗同開心😆今次同朋友路過呢間韓屋，主打無味精的人蔘雞湯，當然要試下啦😏間鋪就唔係好大間，裝修都較簡潔，兩部電視都播住韓國MV ，牆上亦加插左啲霓虹燈。友人唔係好肚餓，我地唔敢叫太多，於是叫左份鮑魚人蔘雞湯。味道鮮甜，淡淡的人蔘味，雞同飯煮得好「淋」，好好味，同食落都好肯定無落味精，真材實料👍🏻 隻雞望落細細隻，但好多肉，食極都仲有🤤 唔會好大食嘅你地叫一份都夠！當然，佢仲有其他野食啦⋯我地都另外叫多左份原味煎餃👏🏻上枱時岩岩煎起，夠香脆👍🏻…查看更多

無意中上網見到呢間咖啡室，於是黎睇睇。門口個招牌簡單但不失美觀，好有個性😊一入到去就見到好多佢哋手作陶瓷嘅作品。後面仲有個工作室，似乎會開放比人哋嚟學整，都幾好👏🏻場上亦都掛咗好多幅畫，簡潔得來又美觀同朋友一人叫咗一杯咖啡，原來佢哋個杯都係自製架，好靚呀！我嗰杯係flat white，味道岩岩好，之前飲果啲較苦，但呢杯苦同甜味剛好，十分讚😻飲咖啡都要食返啲嘢，各叫咗一碟鹹，同一啲甜嘅嘢。鹹嘅係腐乳焗雞翼，好香腐乳味，但又唔會好咸！二甜品方面叫咗個有子芝士蛋糕，好香柚子味，唔會好「漏」，清新嘅道，好食🤤成間咖啡室嘅環境寧靜，乾淨，感覺令人舒適，雖然佢有個工作室，整陶瓷之類嘅手作，但係佢哋嘅環境都保持好乾淨整齊，所以令人覺得好寫意。…查看更多

今日行完山之後，決定要食好野慰勞下自己，於是揀左好靚既Olive Cafe食晚餐。睇完餐牌，我地決定叫一個set dinner, 再散叫。Set dinner揀左香煎美國安格斯西冷扒(80oz)配紅酒汁，另外再叫左個瑪格麗特薄餅和香炸薯條配黑松露蛋黄醬。首先黎左多士，甘荀湯同意式番茄水牛芝士沙律，全部都好唔錯。多士夠脆但唔會硬，甘荀湯夠味夠熱，番茄配芝士又好夾。跟住黎左薯條，新鮮炸起，熱辣辣，黑松露醬好重黑松露味。瑪格麗特薄餅，我中意佢唔係好薄既個種薄餅，番茄配芝士冇得輸。最後個西冷上枱時被佢甘大碟嚇左一跳，配以沙律菜，小番茄，薯條，成件事好滿足。我地加左錢要左杯雪泡變奏，好濃榛子朱古力味，嗜甜者一定鍾意。呢間環境優美，氣氛浪漫，服務態度亦好好，短短一晚已經有好幾枱人黎慶祝生日，證明好野多人選擇。…查看更多

有時食得太多好嘢，口味都會想變返簡簡單單。冰室係香港嘅懷舊文化，尤其係最近呢一兩年，冰室裝修嘅茶餐廳又普及返，要食到懷舊食品，絕對唔難。朗豪坊對面嘅呢一間冰室，開業大約半年左右，所以室內環境仍然好企理乾淨，燈光鮮明，餐牌選擇非常之多，有選擇困難症嘅我哋細閱咗十分鐘先決定叫乜嘢。除咗一般小菜，晚市套餐等，佢仲特設宵夜時段，相信呢度應該開得好晏。另外仲有各式扒餐同埋港式經典嘅茶餐小食😋煲仔小菜係我偏愛食嘅港式美食之一，所以我哋就叫咗薑蔥魚雲煲同埋大澳瀨尿蝦乾啫啫通菜煲。 鑊氣十足！上到枱唔近距離都感覺到熱辣辣🔥 第一次食魚雲，原來質感係咁滑溜，而且加入大量薑片同埋蔥段提升佢嘅嘢味道，減低腥味；後者嘅瀨尿蝦乾啫啫通菜煲亦都有驚喜，有幾條嘅瀨尿蝦乾，size大隻，毫不吝嗇，呢啲煲仔小菜好多時候都會偏鹹，但係呢到調味非常好👍紅豆冰同檸樂煲薑係懷舊飲品，前者唔會爆甜，後者都唔會爆辣，唔錯✨…查看更多

聽聞呢間咖啡店係西環開左分店好耐，一直都想黎試。間鋪對住個海景，係到返工都不錯！Menu 上同其他分店一樣，裝修簡潔，但卻令人舒服⋯同朋友一人點左一杯⋯我果杯係西班牙拿鐵 plus 燕麥奶，好味，我呢杯係綜合豆，咖啡味較重，但唔苦，反而有種甜味。而朋友果杯係咖啡拿鐵，飲落奶味較重，但都不錯的。呢間咖啡已經唔係第一次飲，係香港地算係較特別同高質素的咖啡店☕️。而呢間西環分店以海景作賣點，係天朗氣清嘅日子過嚟行下，再飲一杯咖啡，係人生一件樂事！…查看更多

朋友話The Wave 好多好野食，咁啱今日經過就過嚟試吓啦，但由於我哋都唔算太肚餓的關係，所以都唔係叫咗好多嘢食咋，不過都食到好滿足！呢間餐廳面積好大，成層都係佢嘅，而且燈光昏暗，好有情調。飲品方面我哋一人叫咗一杯，分別叫螢光火龍同紅粉苺苺，消暑一流！一開波我哋叫咗一碟青口，都好大碟，食落冇沙，而且肉質鮮甜，不錯不錯。我同朋友都唔係鍾意食正餐嘅人，於是叫咗一盤小食拼盤，諗住睇吓食唔食得飽再決定叫其他嘢，點知一上枱真係好大碟😱值得欣賞嘅係佢成盤小食全部新鮮整，薯條啱啱炸出嚟，好香脆，而每一串串燒肉汁豐富，啖啖肉，簡值值回票價👍🏻就係呢碟小食食到我地好飽，連甜品都唔洗食了！😊…查看更多

好耐無食放題了，今次約埋朋友仔去尖沙咀呢間鉄人大盛食好西!呢間放題同其他放題唔同GE地方係每一區會有個廚師負責燒野比大家食!服務十分好呢!食物種類應該有的都有了，而且食物質素不錯喔! 尤其是牛舌，又厚又好口感，真係encore再encore!另外上菜速度都很快，成餐飯幾乎無停過口..飲品方面就唔算太多選擇，但我只飲茶所以對我影響不是太大!最後仲食埋杯雪糕作為今餐GE終結... SO FULL~…查看更多

有日同朋友經過旺角，見到呢間茶餐廳嘅裝修用咗湖水綠色，感覺好靚😍少女心大發嘅我地即係衝入去食！成間餐廳都係以湖水綠色作為主題，再加上一啲霓虹燈裝飾，成間茶餐廳都好光亮。我叫咗份常餐B，牛油多士+火腿奄列+沙嗲牛肉出前一叮🤪牛油多士啱啱好，軟硬程度適中，又有咬感，而出前一丁亦都不錯，份量都算多⋯朋友就叫咗麻辣雞中翼煎蛋撈出前一丁😃偷食咗一啖，麻辣味好重，但係越食越上癮🥳鍾意食麻辣嘅朋友必點👍🏻最後飲品一杯叫咗凍奶茶，一杯叫咗凍檸茶，幾欣賞佢嘅飲管轉咗做紙，夠哂環保👍🏻…查看更多

好像未試過在香港吃居酒屋，一個星期六的晚上，與友人經過旺角，店外裝修似乎不錯⋯ 等了很久才有位置，如有興趣的朋友可能需要預先訂座，但有可能都要等~居酒屋樓高兩層，侍應帶我們坐在樓下的吧台前，當晚被告知生意很好，樓上的喧嘩聲與樓下的我們像兩個世界。或是太忙的原故，或是我們太安靜的關係，成頓飯吃得有點兒寂寞⋯ 食物方面，我們點了好幾樣東西，包括：魷魚塩辛（重口味愛好者必點）、海哲柚子沙律、極試塩燒牛舌芯、汁燒蒜片牛柳垃，秋葵、廣島蠔鍋（最滿意的，份量多，蠔夠大隻，鮮甜）和軟芝士黑豚卷。飲品方面，由於朋友口渴想要水，侍應非常熱心服務幫忙尋找水源，然後很有心的奉上一杯剛燒滾的熱水給我們，以中和冷飲的冰凍感，十分貼心。…查看更多

好耐都冇黎將軍澳行街，咁啱今日朋友放假就同佢過嚟呢度行吓，呢間泰國餐廳之前係第二間分店都食過，一試難忘。老實講佢呢間分店嘅裝修比其他好似更加吸引。由於我哋六點幾就入去坐，所以暫時都唔算太多人，不過7點打後已經全場滿座招牌脆炸單骨雞翼小食方面帶咗個炸雞翼，啱啱新鮮炸起身，好脆。而且佢係單骨，所以食落都好方便👍🏻蟹肉黃咖喱飯呢個不得了，淡淡都係蟹肉，配埋白飯，超級好味道，但佢味道小小偏甜，相對咖喱味就冇咁重，如果咖喱味可以再重啲就好了🤤但總括呢碟都好有驚喜..芒果糯米飯食泰國菜，唔少得就係芒果糯米飯，啲芒果每一舊都好大件，而且咬落香甜，椰奶味香濃又甜滋滋，甜品必選！…查看更多

偶然得知旺角開咗一間新嘅貓Cafe，於是趁假期同朋友想去參觀下，順便同貓仔玩下。入到去覺得環境舒適乾淨，同埋設計同其他一般嘅貓Cafe唔同，放咗好多大大小小嘅梳化，感覺上去咗一間民宿咁。佢呢度嘅收費係每小時計，而且飲品任飲。另外佢哋要設有貓咪零食時間，可以買啲小食喂下貓仔🤤呢度話就話係貓Cafe，但係佢哋冇食物售賣，反而有個位置係俾啲人任飲飲品，都幾方便， 如果行街行到冇地方去，想來飲杯野，同啲貓仔玩下都不失為一個消閑的好去處😏而佢哋啲杯具都幾齊全同埋乾淨，亦都有店員會定時幫手清洗杯具，佢哋亦設有咖啡機同埋多種不同味道的茶包，任君選擇👍🏻主角有好多隻肥肥大大的貓仔，好多都好貪玩。以為開餐時間到，個個圍係店員到🤣…查看更多