影片
更多
2020-02-19
72 浏览
為左慶祝拍拖週年紀念，今次揀左間平時唔會食既高級野！唔單止食物既水準冇令我地失望，而且服務絕對係一流！食Omakase都有menu可以揀，我就揀左個專食壽司既，對比另外兩款，七百幾蚊都唔會太肉赤。開胃菜有兩款我幾鍾意既有柚子蘿蔔同紅酒蕎頭，如果食刺身menu師傅會另外再伴以蘿蔔絲同海帶。師傅首先連續畀左三件壽司我，分別係帶子，象拔蚌同埋赤貝。帶子同象拔蚌比較我之前其他地方食過既一個最大分別就係完全冇雪味，鮮甜既感覺毫無保留咁釋放左出黎！象拔蚌既形狀同係酒樓食開波浪形一片片既有Ｄ唔同，佢係長條形既，都一樣咁鮮味。之後有鹽焗銀杏，咸咸地，好似一粒粒薯仔咁幾好味。之後再上唔同既壽司：分別係左口魚、牡丹蝦、鱆紅魚、鯖魚、赤身、拖羅、海膽。牡丹蝦一向都係我既至愛，配以師傅既醬汁更加甜美。提一提大家如果件壽司有醬汁，其實唔使再點豉油，直接放入口啦！佢地既壽司飯都唔簡單，係用日本白神山既山水煮。食完壽司之後有個慢煮左九個鐘既牛肉湯，唔似飲開果種好濃既肥牛湯既味道，反而係有清甜滋潤感覺。最後有甜品慶祝我地週年紀念，係雲尼拿雪糕泡芙加芝麻豆腐雙球雪糕伴淡雪草莓。係度既西式甜點都唔馬虎，泡芙鬆化，包住好多
開胃菜有兩款我幾鍾意既有柚子蘿蔔同紅酒蕎頭，如果食刺身menu師傅會另外再伴以蘿蔔絲同海帶。師傅首先連續畀左三件壽司我，分別係帶子，象拔蚌同埋赤貝。帶子同象拔蚌比較我之前其他地方食過既一個最大分別就係完全冇雪味，鮮甜既感覺毫無保留咁釋放左出黎！象拔蚌既形狀同係酒樓食開波浪形一片片既有Ｄ唔同，佢係長條形既，都一樣咁鮮味。
之後有鹽焗銀杏，咸咸地，好似一粒粒薯仔咁幾好味。
之後再上唔同既壽司：分別係左口魚、牡丹蝦、鱆紅魚、鯖魚、赤身、拖羅、海膽。牡丹蝦一向都係我既至愛，配以師傅既醬汁更加甜美。提一提大家如果件壽司有醬汁，其實唔使再點豉油，直接放入口啦！佢地既壽司飯都唔簡單，係用日本白神山既山水煮。
食完壽司之後有個慢煮左九個鐘既牛肉湯，唔似飲開果種好濃既肥牛湯既味道，反而係有清甜滋潤感覺。
最後有甜品慶祝我地週年紀念，係雲尼拿雪糕泡芙加芝麻豆腐雙球雪糕伴淡雪草莓。係度既西式甜點都唔馬虎，泡芙鬆化，包住好多雲尼拿雪糕，係一個完美既結局呀！
成個用餐體驗都非常好，雖然只係得一個侍應姐姐，但都有好貼心既服務，師傅都好用心介紹菜式。
张贴
