KaYiCareyTam的个人专页

👭🏻難得約到閨蜜去食飯，但對方咁啱又要帶住小朋友，想好好傾吓偈，俾我哋搵到餐廳專設兒童樂園，小朋友可以去波波池，廚房家家酒，公仔玩具車車咩都有，大人都想入去玩！仲有小漁夫漁獲記貼紙收集卡，小朋友又食又玩仲有貼紙收，大人又可以輕鬆安心咁食餐飯！餐廳以韓屋設計，有特色仲可以提高私隱度！食物方面，呢度特設四款造型可愛嘅兒童餐。今次就試咗🐸靑蛙蛋卷便當！以天然菠菜汁將蛋卷染色，仲造成可愛青蛙模樣，加上粟米、無骨雞翼及八爪魚香腸，樣樣咁吸引，小朋友仲邊會偏食。🌊海洋妙妙套餐有原隻大雞髀、辣八爪魚、嚴選外群肉、極上半肋條配葸蒜、牛舌，韓式秘製醬油五花肉。外群肉軟嫩，肉味濃厚，油花豐富又多汁；韓式秘製醬油五花肉，肉質鬆軟，夾住甘甜彈牙嘅豬皮，入口唔油膩！燒肉套餐有質素！加埋韓式餐前小食，爐邊蛋，芝士，真係好滿足又豐富，套餐仲包括芋頭煎餅及二人份甜品～芋頭煎餅🫓睇落平平庸庸嘅煎餅，有驚喜！少少鹹配合芋頭天然甜味，非常夾！煎餅脆口，唔油膩，外脆內軟嘅口感有層次，一口又一口食唔停！🍈蜜瓜沁涼刨冰🍧原個蜜瓜加上牛奶味嘅綿綿冰，蜜瓜爽甜，綿綿冰食落透心涼，仲清走燒肉香濃嘅味道👅。…查看更多

《月兔雙人套餐》有八道精選菜，選擇多，兩個人去火鍋都可以好豐盛！🥣匠心鍋底就有13選1，🌕中秋限定鍋底～🌝東方美人妃子秋月茶湯鍋或🍂金縷醉月秋蟹煨魚鍋！我就更點咗金縷醉月秋蟹煨魚鍋，每人有一份秘製海鮮蟹粉醬，加入滾燙嘅魚湯入面，金黃蟹粉醬配上奶白色鮮魚湯，鮮甜味十足！中秋御宴臻品有👑皇牌至尊極品牛三拼~ 日本鹿兒島極品A4和牛、美國特選級牛小排、USDA Prime美國頂級牛頸脊！湊湊火鍋嘅肉類都非常新鮮，牛肉雪花分明，薄片快熟，令肉味肉汁都保留！🐚海鮮類點了華麗海鮮拼盤，有生蠔、鮑魚、扇貝及海蝦。另外🐧企鵝賞月，係signature嘅丸滑，四隻造型可愛嘅小企鵝用上墨魚肉打成，彈牙爽口，中間似月光嘅蝦滑鮮甜，加上蟹籽粒粒爆脆，好有口感！仲有主食類、揚之物、蔬菜及甜品。…查看更多

🍴午市洋食套餐🔹冷盤三選一柚子慢煮雞胸肉沙律～用上羅馬生菜，鮮柚子肉及滑嫩慢煮雞胸，沒有太多沙律醬汁，味道清新嘅健康之選！明太子酸種麵包～ 薄片sour dough，塗抹上明太子醬，外層香脆又鹹香。🔸小食三選一意式蕃茄芝士肉丸~ 肉丸主要以雞肉絞肉整成，所以咬落會比牛肉丸細滑，無肥肉同肉筋，中間加入了芝士，配意式蕃茄食好開胃。火腿可樂餅～日式忌廉馬鈴薯仔炸餅，唔油膩，外脆內軟，配搭脆卜卜火腿一齊食，味道剛好！🔹主食五選一櫻花蝦溫泉蛋辣味噌肉碎炒烏冬～ 首先個烏冬好滑又Q彈，掛上醬汁已經好惹味好食！櫻花蝦及辣味噌肉碎為烏冬麵加上鹹香鮮味，半熟溫泉蛋就令整個麵食更滑之餘有蛋香。明太子忌廉菠菜大蝦意粉~ 實如其名，大蝦仲香煎過外殼，特別香口重鮮味。意粉係墨汁意粉，明太子忌廉醬汁好黏稠，令意粉條條香滑。加上三文魚籽，爆開鮮香氣味。🫖餐飲係英式紅茶，如何想轉其他飲品，就可以以正價減$20。🍫摩卡咖啡個撞花好靚，朱古力濃郁又不失咖啡香氣，而且入口順滑。☕️焦糖脆脆咖啡，揀咗凍飲，上層奶泡棉密幼滑，焦糖脆脆慢慢溶入咖啡，甜度合適而且焦糖風味可口。🥄甜品餐廳甜品餐牌唔係好多選擇，但勝在樣樣都好吸引，令人想全個Menu都叫齊！選擇困難下，揀咗兩款滿足下甜品胃。🍌焦糖香蕉巴斯克蛋糕配Nutella朱古力醬🧀開心果法式西多士配海鹽開心果忌廉芝士兩款都甜而不膩，特別係法式色多士，入面有蛋香又軟滑，真係好味！…查看更多

🖤The Jeju Black，以濟洲風味熟成嘅罈子五花肉，俘虜大家嘅味蕾！同樣以岩石洞穴設計餐廳，斜台式岩石烤板，食物品質與味道高質不變！🔥二人餐•罈子五花肉 450g +炒飯/炸醬拉麵五花肉經過熟成，肥肉同瘦肉相互融合，肉味更香濃，而燒烤後肉質更能保持柔軟又易咀嚼咬開！五花肉都可以唔油膩，利用斜台式岩石烤板，油脂由斜台溜走，香烤後外脆多汁，爽埋泡菜一齊食，泡菜爽口酸辣，令五花肉更顯口感與鮮味！最後以Q彈惹味嘅炸醬拉麵作結，碳水大滿足！🐮牛肋骨肉 100g牛肋骨肉瘦肉多，脂肪少，帶薄薄嘅筋膜，細緻嘅油花，豐腴肉嫩，肉味香濃，燒烤加上碳烤味更香口。🐽泡菜豬肉湯睇得見嘅熱辣辣，泡菜豬肉湯酸辣醒胃，鮮辣中帶微酸，酸辣層次分明。豬肉軟嫩入味，豆腐滑嫩吸汁，酸埋白飯平衡湯的濃味，緩解辣味！🥭🥝芒果奇異果沙冰非常足料，飲落啖啖芒果好fresh，奇異果味道唔太重，不過都飲得出酸甜酸甜奇異果！🪵接骨木花柚子梳打接骨木花香氣獨特，幽香又清新，加上甜蜜柚子及梳打，入口refreshing!…查看更多

🐮牛船麵湯底深啡色帶著香濃肉味，滲透香料獨特嘅氣味，濃郁又富有泰式風味！餸料夠哂多，有牛腱、牛筋、牛腩、牛丸、配菜仲有脆豬皮。牛筋軟滑又入味，牛腱香口有質感。而最重要嘅係泰式金邊粉，Q彈又爽滑，條條掛上濃厚湯底！🐷泰式豬手配雞油香飯豬手軟淋入味，零肥膩感，豬皮軟滑膠質滿滿。雞油飯香氣撲鼻，有雞湯風味但唔油膩。配上半熟蛋、酸菜及滷肉汁，滲透泰式風味！🦐大蝦菠蘿米紙卷晶瑩剔透嘅米紙色住大蝦，菠蘿爽脆清甜非常夾，最重要係個秦式醬汁，酸甜少辣，提鮮又惹味，整體入口好清新。🐽泰風味豬頸肉豬頸肉爽脆又濕潤，有口感但易咀嚼，外層脆口，配有醬汁，惹味唔油膩。🥢脆炸豆腐配魚露酸汁粒粒豆腐外層鬆脆，入面嘅豆腐香軟熱辣辣，特調魚露酸汁，中和脆漿嘅油膩感，鹹酸又開胃。🍍鳳梨清新特調梳打🍊西柚冰涼特調梳打飲杯特飲都以梳打水及果肉醬調配，清新唔太甜，而西柚仲帶有少少柚子苦澀味，可以中和口腔濃味嘅食物又減膩。…查看更多

🌞🌞抓住夏天嘅尾巴，夏日感滿分嘅泰式fusion菜單係PHI Coffee & Pancake 就搵到。以夏日果皇芒果做主打，椰子及泰國風加入餐飲之中倍添盛夏感。🌴椰香冬蔭功海鮮意粉椰奶香氣撲鼻搭配濃味嘅冬陰功，酸辣中有椰香甜味中和，輕微嘅辛辣感糅合香茅及羅勒香氣，意粉掛上冬陰功汁，絕無違和感，搭配又感覺很新穎。🍳漢堡扒全日早餐豐富係全日早餐嘅MUST~ 濃邊太陽蛋、腸仔、煙三文魚、蘑菇、沙律菜、牛油果、法式多士，仲有日式漢堡扒。漢堡扒厚得來好鬆軟，入口肉質好細滑又多汁。🥭泰式梳乎芒果糯米飯真係無唸過芒果糯米飯可以再配搭甜品，以餐廳人氣主打梳乎厘Pancake，襯托芒果糯米飯，兩樣一齊食無搶走大家嘅特性，仲多咗份口感。芒果糯米飯加上濃調椰奶，與空氣感十足嘅疏乎厘一齊食。🥥⁠糯米芒芒椰奶沙冰芒果加上少量椰奶打成沙冰，唔太甜又清新，加上糯米軟香椰奶味，好飲！🥇黃金比例泰茶我好怕泰式奶茶好甜又好多冰，呢杯泰茶全符合香港人嘅最高要求”唔係太甜”，香滑奶香，茶味香氣清晰，仲要無冰，飲到尾都唔會影響味道及口感！…查看更多

鴛鴦鍋就可以試齊兩款日系湯底！🥢昆布文蛤鰹魚鍋三樣湯底煮料都富有自身嘅獨特香氣，融合成鮮甜嘅湯底，由其文蛤剛熟即食，鮮甜爆汁。🥢信州百年味增白玉文蛤湯味增湯底唔係濃到得個鹹字，反而有香氣撲鼻，有滑豆腐及台揚豆腐，加埋文蛤，就咁飲湯已經滿足。🦞北海道小青龍小青龍肉質雪白，半開邊仲見到鮮橙色嘅龍蝦膏！放入兩款海鮮湯，鮮上加鮮，煮熟後肉殼容易分離，可以大大啖食好滿足，新鮮即劏鮮味之餘，肉質彈牙爽脆，龍蝦膏甘甜！就連龍頭我都唔放過，肉質絲絲香口·鮮甜！🥩頂級美國牛板腱雪白分明嘅油花，分佈均勻細密，煮熟後肉質保持細嫩口感，而且不失牛肉肉味。🐧企鵝丸咁可愛嘅企鵝丸可以話係湊湊火鍋嘅Signature! 造型滿分仲要彈牙~ 墨魚漿製造，鮮味！見到一隻隻小企鵝丸係火鍋入面，感覺被療癒了。🍤蝦肉製人氣蝦滑高度推介，蝦肉無原全打成蝦滑，食到啖啖蝦肉嘅鮮味爽口，又有夾雜蝦滑嘅彈牙，相當有口感。💚萵筍長條切萵筍，色澤淡綠似翡翠，鮮嫩又爽脆，放入火鍋仲可以吸收湯底精華，本身清甜更份外有湯底嘅海鮮味。🧋冰大紅袍奶茶，冰茉莉綠茶餐廳嘅自家製茶飲都好出色，冰大紅袍奶茶有面滑嘅奶泡，入口茶味豐富有層次！冰茉莉綠茶，淡淡滲出，茉莉茶香，清新又解渴。…查看更多

🎇夕暮夜煙燻牛舌蛋包飯牛舌軟淋，肉味香濃，加上煙燻唔會有臊味。Signature蛋包飯，炒飯底米飯軟糯，同樣軟滑啲雞蛋，蛋包一切流心，蛋醬香氣撲鼻，金黃蛋包配搭炒飯加牛舌，又夾又有層次。🎆喫茶夏祭屋台小吃盛充滿日式夏祭氣氛，五款小食分別有台揚炸雞、八爪魚丸波波，八爪魚香腸，七味粉香烤粟米及酸甜醋漬蕃茄仔。🦐旨醤油大蝦胡麻風冷麺首先旨醤油大蝦好大隻，仲已經去殼，可以大啖大啖食！旨醤油雖然味濃但同樣食到蝦嘅鮮味，大蝦非常彈牙有膠質。鹹味與麻醬混合非常醒胃，冷烏龍麵好滑，入口清爽又煙靭。🍧夏夜花火白桃刨冰刨冰加入煉奶底，仲有甜脆白桃及桃汁，冰凍又香甜！刨冰口感细腻，入口化渣，而且糖分唔多，有消暑降温效果，作為飯後甜品既沒有罪惡感！🍓盛夏草莓沙冰，🍑煙火物語白桃梳打，兩款都富有天然水果香，唔會太甜又清新，入口冰凍又解渴！…查看更多

🫶🏻人氣高企嘅海鮮火鍋放題店~ 🌊千海水產，過百款食物任選，加上九款湯底任選，未開爐已經勁興奮。一入門口嘅自助撈海鮮區域，生猛海鮮包括有沙白，花螺，花蟹，海蝦，大頭蝦，鮑魚等等，餐廳仲會不停補貨無限量任撈任煮，隻隻大頭蝦同花蟹都有好多膏，甘甜味鮮，一定要試，仲有新鮮嘅大蝦爽口又彈牙，最重要係撈好嘅海鮮有專人清洗乾淨，比起屋企準備，省卻勁多時間！今次就點咗蕃茄豬骨鍋及蟹皇海鮮鍋，兩款都好鮮甜清新，煮埋海鮮後就更加鮮甜濃香。餐廳嘅熟食小吃都好出色，必點皇牌燒乳鴿王，西京燒比目魚，鐵板鵝肝多士，份量唔會太大份，淺嘗更滋味！店內仲有大量醬料配料，加上冷盤小食，熟食區，火鍋配料齊全，蔬菜，甜品應有盡有，超鍾意佢哋嘅飲品區，數十個飲品櫃，珍奶到鴨屎香檸檬茶都有，加埋清酒梅酒都係放題！…查看更多

🔥串燒要即叫即燒，先食到焦香及火喉~ 但香港寸金尺土，食嘢都要快靚正，所以好難得有串燒食，《喜膳燒》以日式居酒屋🏮嘅概念，主打串燒及佐酒小食！🍺飲住麒麟生啤，食燒瀨尿蝦乾等食，串燒大約10至15分鐘逐一送上，仲會放係預熱咗嘅鐵板上，keep住熱辣辣！另外點少得燒海鮮～ 燒蟶子、燒扇貝，鮮甜嘅蟶子，彈牙嘅扇貝，配上惹味嘅蒜蓉真係絕配！另外仲叫咗燒秋葵、燒雞肝、燒牛舌、燒豬肉串稍稍用海鹽點綴，原味道最好味！👍🏻推薦燒煙肉鵪鶉蛋，鹹香又脆口嘅煙肉，包住蛋香十足又彈口嘅鵪鶉蛋，一口一啖，咬落勁有層次！燒金菇肥牛卷，牛肉香濃，肉汁滲透金菇！有驚喜嘅仲有沙嗲燒賣，入面仲係濕潤彈牙，外層就燒到脆口，仲有個沙嗲醬甜甜哋surprisingly勁好味！🪿鵝肝多士～ 鵝肝入口即溶，油脂細緻甘香；燒黑啤牛仔骨，焦香肉厚，肉味香濃！…查看更多

🥗Skinny Pig佢哋其中一個signature salad，翠綠色嘅菠菜葉，加上紅菜頭，蕃茄，藜麥，西柚及杏仁片，悄悄加上橄欖油，已經好清新！紅菜頭嘅甜味及西柚都為沙律帶上甜味，已經係最好嘅seasoning! 🍔Angus Burger叫咗Medium Well，Burger係都係熟少少好！牛肉味香濃，有少少焦碳香邊，肉質鬆軟Juicy! Brioche Bun鬆軟，焦糖洋蔥甘口提升牛肉味。薯條都好出色，金黃酥脆，有薯味有口感。🦐Paella西班牙海鮮飯海鮮飯鋪上滿滿海鮮，大蝦、魷魚圈、蜆肉、青口、帶子等，貝類海鮮煮得剛剛熟，保持水份又夠鮮甜。西班牙米吸收咗高湯香氣，澱粉質感覺較重，入口Creamy，香口又煙靭。🍷Sangria RedHouse Red加上Brandy，果汁及生果，Brandy嘅香氣及甜味都好特出，aftertaste先有紅酒酸甜味。 而且非常易入口，忍唔住happy hour都叫咗幾杯！…查看更多

🐮殿·牛盛有四款牛肉，分別係赤身、牛柳、薄切肩肉及和牛霜降肉！赤身牛肉近年大受追捧，脂肪量少透過低溫熟成的方式，令肉質變得柔軟而且保留原有的香氣。燒烤完嘅赤身濃郁又甘味！另外和牛霜降肉，雪白嘅牛脂平均分佈，入口即化，油甘香口，肉質超鬆軟！👅 嚴選極長牛舌芯牛舌芯長長一條，燒起來更能保持肉汁，入口爽脆又嫩滑。🐷伊比利亞豬肋肉 伊比利亞豬以橡果為主食，油花媲美和牛一般豐富，而且肉味帶堅果香氣！餐廳有悄悄醃製豬肋肉，令豬肉鬆軟又淋，甘甜味帶上油脂，非常可口。🥔韓式馬鈴薯煎餅馬鈴薯切絲煎餅，外層酥脆，內層吃得到馬鈴薯絲的脆口又夠薯香，加埋煎蛋係中間及少辣嘅調味，非常邪惡，令人食唔停口。🍹青瓜青檸梳打~清新又爽口，fresh到爆！🍑蜜桃茉莉花綠茶～ 甜蜜桃香加上清幽茶香，一解燒肉較濃味嘅感覺。…查看更多

🦀明太子蟹肉飯卷Kimbap 嘅蘿蔔同埋牛蒡絲都好爽口，飯香濕潤，有麻油香味，傳統飯面加上明太子蟹肉沙律，多份fusion新鮮感。🥗輕盈又滿足的煙三文魚沙律輕量沙律伴意大利黑醋，勝在夠多煙三文魚，所以明白個名嘅由來。🍴超級肉醬芝士千層麵一共七層，每層充滿香甜茄醬及肉碎，牛肉軟淋，無粗糙嘅口感，加上芝士，令層層連繫，入口溶和。有半熟溫泉蛋，流心蛋汁配熱辣辣千層麵又香又滑。💚開唔開心試咗先知嘅開心果窩夫甜品先係主食！窩夫🧇鬆軟，香噴噴蛋香。開心果朱古力醬香濃，忌廉又凍又香滑，同熱辣辣嘅窩夫成對比。配料有果仁、焦糖脆脆、開心果朱古力粒粒、開心果仁、開心果味脆脆，每啖保證有開心果，開心果控一定唔可以錯過。🍹夏日特飲～ 🧡清爽爆汁西柚檸檬梳打，💛初夏青柑柚子梳打，兩杯都好清新，梳打冰凍，氣泡爽口。配西柚及柚子，都係甜甜酸酸，非常醒胃，充滿夏日感。…查看更多

以極具風格嘅装修，岩石洞穴嘅設計，再配上岩石板作燒烤用，特顯濟洲島特色。主食材都用上濟州五花肉，五花肉以罈子承載熟成，非常有風味。👫🏻二人餐•罈子五花肉 450g +炒飯/炸醬拉麵五花肉肉味香濃，燒烤後肉質保持柔軟又易咀嚼咬開！由於五花肉經過熟成，肥肉同瘦肉相互融合，加上斜台式岩石烤板，有效減少多餘油脂，令五花肉入口更肥而不膩，外脆內香軟！加埋泡菜爽口又酸辣，令五花肉更顯口感與鮮味！🔹韓式芝士蒸蛋熱辣辣嘅蒸蛋，蓬鬆感好似舒芙蕾，加入芝士添層次，而且非常軟滑，仲滲透著高湯香氣。🔸燒烤芝士年糕三色年糕好快就烤到外層有焦香，棉滑又煙靭，非常軟糯，仲可以配搭五花肉一齊食。🔹Jeju Yeah Yeah以象徵濟洲島嘅石爺爺作參考，黑芝麻味嘅慕絲做成石爺爺嘅模樣，入面仲有濟洲柑橘，完全將濟州島特色呈現，加上柑橘雪葩及Oreo碎碎，好味又ig able~ 🔸漢拿峰百香果沙冰、芒果奇異果沙冰兩杯都真材實料，果味豐富！酸甜又冰凍，食完烤肉飲返啖即刻清新味蕾。🔹餐廳連韓式前菜都好好食！六格小品有柑橘沙律、醃八爪魚，醃牛肉，醃蘿蔔，仲提供了香濃麻油及大醬。燒肉除咗五花肉，仲有豬頸肉、豬頰肉，豬皮、牛肉等等，唔食燒肉都有多款主食，醬油蟹，生牛肉他他、湯飯、蕎麥冷麵等！…查看更多

中午打邊爐咁chill~ 🍲滾得囍宮廷秘藏鍋物‼️商務午餐‼️一人一鍋，鍾意咩湯底自己話晒事，餐廳設計同時合適朋友聚會，大圓枱同樣可以圍爐，但一人一鍋食得更暢快！🥢一人火鍋套餐《御》點選了🫶🏻康熙花膠雞湯鍋，小鍋湯底都用料十足，湯底雞肉滾完都好滑，仲有大大嚿花膠，湯底入口仲好鮮甜！火鍋配料～ A5黑毛和牛、手打黑松露惹菌鮮蝦丸、菜紫皇蟹粉豚肉餃、日本廣島蠔、百花釀豆腐、唐生菜，澱粉類可以選擇出前一丁或正宗日本稻庭烏冬。《御》 ▫️A5黑毛和牛一人份都份量十足，牛雪花夠哂多，煮熟後軟腍油脂甘香。▫️手打黑松露惹菌鮮蝦丸，淡淡散發松露香氣，蝦肉彈牙爽口。▫️菜紫皇蟹粉豚肉餃，餃皮薄，咬開蟹粉仲多個豚肉，大滿足！🥢一人火鍋套餐 《瓏》點選了🫶🏻光緒瑤柱冬瓜濃湯鍋，湯底清甜，好似冬瓜盅咁，有蟹柳同埋瑤柱，清清地打邊爐令食材更鮮味！火鍋配料～本地手切牛肉、手打黃金流心鮮蝦丸、和牛芝士一口餃子、風琴豆腐、唐生菜、日本蟹柳及澱粉類主食。 《瓏》▫️ 本地手切牛肉，色澤鮮嫩有光澤，肉味香濃，入口較有爽脆口感。▫️ 手打黃金流心鮮蝦丸，爆開有鹹蛋黃流心，鹹香同蝦肉非常夾。▫️ 和牛芝士一口餃子，真材實料，牛肉肉味夠哂濃。商務午餐仲包飲品，有罐裝飲品或者自家製竹蔗茅根一杯。…查看更多