千海水產海鮮火鍋放題

🫶🏻人氣高企嘅海鮮火鍋放題店~ 🌊千海水產，過百款食物任選，加上九款湯底任選，未開爐已經勁興奮。一入門口嘅自助撈海鮮區域，生猛海鮮包括有沙白，花螺，花蟹，海蝦，大頭蝦，鮑魚等等，餐廳仲會不停補貨無限量任撈任煮，隻隻大頭蝦同花蟹都有好多膏，甘甜味鮮，一定要試，仲有新鮮嘅大蝦爽口又彈牙，最重要係撈好嘅海鮮有專人清洗乾淨，比起屋企準備，省卻勁多時間！

今次就點咗蕃茄豬骨鍋及蟹皇海鮮鍋，兩款都好鮮甜清新，煮埋海鮮後就更加鮮甜濃香。餐廳嘅熟食小吃都好出色，必點皇牌燒乳鴿王，西京燒比目魚，鐵板鵝肝多士，份量唔會太大份，淺嘗更滋味！

1

店內仲有大量醬料配料，加上冷盤小食，熟食區，火鍋配料齊全，蔬菜，甜品應有盡有，超鍾意佢哋嘅飲品區，數十個飲品櫃，珍奶到鴨屎香檸檬茶都有，加埋清酒梅酒都係放題！

1

收據