mmmonkey的个人专页

用$299+10%，即$330一個人食埋啲炸野，仲要唔好食...你張紙落單點咩就無嚟咩呢個係放題基本啦:(只係熟食就好快嚟，因為全部已經煮好晒！仲要全部都好難食又唔熱燒蠔同扇貝就係搵隻兩吋錫紙兜仔裝住一隻半隻手指公咁大嘅蠔 或 五蚊銀咁大嘅扇貝，加一pat現成忌廉白汁，真係唔該晒！炸野一睇就知油溫唔夠，啲年糕一㩒落去，咇晒啲油出嚟！刺身就真係超級一般，螺，鮑片，蝦（唔會俾足數量你），北寄貝，五毫子大嘅帶子等等...最後提提大家，當你寫紙落單時，或者睇佢傳單啲圖，以為好似好多野食，個名寫到好吸引，野食嚟到時你個樣係會o晒咀⋯⋯哦，原來係燒牛柳粒....原來係雞煲.....真係認唔到佢真身...飲品選擇都基本有啲紙包，其他罐裝。另外個場真係超級逼！又多人！最後最後唯一要讚，啲員工大部分都係後生仔，咁忙嚟講禮貌都算唔錯！最後最後最後，聽聞九樓都係佢地....大家自己諗諗…查看更多

買左堆外賣壽司，外賣既選擇比堂食少，亦限左兩件兩件。返到屋企打開睇，好感恩無執漏到，見到壽司都分晒類咁擺，雖然好多浪費好多膠盒（之後全部洗乾淨拎左去回收箱回收），但拎到返屋企都keep得好靚仔無散晒，豉油都俾左兩大兜！個拖羅出晒事！顏色係變左半生熟肥牛咁既色，好明顯已經係唔得，擺埋入口，有異味！壞架！仲賣俾人！都唔銷毀...有無搞錯！仲要食到有片魚鱗！個加洲卷入面粒牛油果呢？變左醬咁...差少少搵唔到...以後買外賣真係除左要數下齊唔齊，仲要睇下佢會唔會俾壞左既魚生你…查看更多

期待已久的六公館，天公作美，天氣好好，個夜景好靚，氣溫又舒服。我地不嬲都係眼闊肚窄既人，難得嚟到緊係咩都想試，但又怕嗌得太多！order時問職員夠唔夠食？會唔會太多？佢竟然答我：食住先！咩料？呢個係咩答案？我問過呢個問題咁多次第一次令我地O咀，點左最出名既叉燒，不過不失，係好淋既。食個鮑魚最難忘，無記錯係$2388？八頭鮮鮑？真係完全唔值，隻鮑有豆苗圍住，題外話原來有菜既...，因為我地落order仲二選一揀食咩菜，點解職員唔會溫馨提示下：其實鮑魚都有豆苗架，如果仲想食菜可以轉頭再加。因為我都係做服務行業，如果係我我會提。講返碟鮑，真心似罐頭鮑魚加蠔油，任何一位都識煮，而其他餸都係一般般，水杯又有陣腥味，好失敗🤢如果坐outside飲下野睇景都可以既，食飯就不了，呀，試左兩隻白酒，都唔好飲，負責揀酒呢part既人唔太識揀...…查看更多

！！！！！！！衛生極差！！！！！！！open kitchen 個師奶員工手上有戴透明膠手套做嘢，唔知佢做邊個part，佢企中間整包既位，但個口食緊野，但唔知食咩，總之有渣有骨咁要吐，佢吐喺隻手到再掉落垃圾桶，幾秒內有兩次以上動作，極之嘔心！！！！咁同無戴手套，客人食你口水有咩分別呀！？？🤮🤢我知我知！出面間間餐廳都係咁！但你係開放式廚房黎架大佬！你仲要同我眼神對望呀！！！！！你都繼續！好核突呀！！！…查看更多

好耐冇食粥，今晚約咗朋友去粉嶺呢間分店食晚餐，嗌咗個餐加咗幾蚊要杯熱豆漿，不嬲都飲開，由於濃度高上面成日都會有塊腐竹咁，點知今晚杯熱豆漿上面唔係一塊腐竹而係煮到透明既生菜，實在嘔心.....................而個粥又水汪汪，完全唔係以前嗰種質素…查看更多

幾年前黎過，嗌左個頭盤係豆苗蓉定菠菜蓉+蝦，細路女未去過「好似」高級少少西餐廳食野，本身一口食晒，但扮野分開兩三啖食，好彩咋！救返我條命！入面有一塊唔知係玻璃定硬膠，同凍飲冰塊咁大粒！！當然我唔係西客，碟菜free左就算，話送甜品俾我地我地都無要，因為真係唔想「好似R著數」咁！今晚因睇戲，晚上喺到食，閒日都爆場，好似唔錯，嗌左四樣，四樣都係Signature，點知咪伏！伏！伏！-Caesar salad配蝦，加錢既三隻蝦，又細又多「鑊撈」黑蚊蚊，菜仲衰！又有爛，又老，絕9成都係用深綠色部份！老/乾過我塊面！-烤雞，勁老勁鞋！老過我阿媽d煲湯雞！汁同雞完全融合唔到一齊，兩樣味完完全全分開！厲害！-蕃茄莎莎多士，上菜時蕃茄散左三分一，味道各方面都唔突出，我都整得好食過佢！-忌廉basil海鮮意粉，終於食返個似樣，正常既菜式，味道，香味，意粉硬度都唔錯。另外，order後5-8分鐘四樣菜式全部一次過送晒黎，張二人台擺晒係勁逼，我地又有啤酒，如果你地上菜同大排檔一樣一次過上的話，一早我就逐樣嗌！最後，埋單時同事連多謝都無講句。門口Reception喺到頭dup dup望訂台簿，再見都唔講句，扮咩忙？都九點幾，仲有咩客丫！Ps 「signature 」可能係「廚師難食推介」！成$8**，咁既質素？請提我，唔好再俾第三次機會你！…查看更多

一行幾人坐喺卡位，一坐落就唔對路，patpat位好窄，坐得唔太舒服。再坐多陣坐最入面既我開始對腳好痕！食餐飯俾蚊咬左六七啖！！勁辛苦！至於食物方面完全無驚喜，壽司飯超細粒！唔係人地日式手握壽司嗰種細舊飯，係「為左唔俾你食飽」嗰種細舊飯！因為佢握得好核突！鰻魚唔係入口鬆軟油份夠嗰種，係平價彈口嗰隻！失望！雞泡魚干真係乾到爆！拉麵更加垃圾！豬骨湯底一定係人造啦，面質都差，出前一丁都好食過佢！最正常係南瓜蕃薯天婦羅。唔會再黎！況且價錢唔係特別平，食物質素唔得，我食元氣，甚至爭鮮好過！難得粉嶺有間外觀內部都正常少少既日本野，但做得差.....…查看更多

閒日下午去完全無人唔洗排隊，復古珍珠奶茶轉香芋珍珠，$28+$5（？！），唉，貴個麥記一個餐！滿心期待，飲第一啖，我心諗唔係呀話！淡如水！從未飲過咁難飲嘅珍珠奶茶！復刻古早味？我唔識欣賞，香芋珍珠尚算可以，但未至於好食，飲左兩啖掉左啦！bye~諗住叫最傳統嘅實穩陣，實無死啦！點知........................其實都係媒體講到有幾好飲，珍珠幾好味幾特別，都係呃like飲品啦！我都唔會俾多次機會你架啦！又貴！…查看更多

八點鐘walk in有位，兩個女仔試下新野，店鋪環境少少暗都幾好feel（可惜我係兩個女仔），有outdoor都好好feel，等天氣涼d先台墊都好特別，唔係一般紙質。order後店員立即奉上熱辣辣既包，黑芝麻包好好味呀可以點醋食，但唔點都好好味之後再上左個水牛芝士波蕃茄！賣相嚇親我同朋友，因為好特別！！係一個白色大波波可惜食緊先記得個相機未食只係影到分屍樣！芝士味唔太濃，同沙律菜蕃茄mix埋一齊感覺好fresh！再黎一個豬肋條！好！好！好！好味！真心！店員示意可加海鹽一齊食，真係好好味，豬肋條原來係平時食一排豬仔骨，骨與骨中間條肉，油份加上海鹽味好帶出到豬味，不過配燒汁就麻麻地啦，唔加好d！呢個香草意粉都好好味，加埋松子仁，好正，好特別，唔係周圍食到，中意香草既人可以試下，不過食到最尾凍左感覺有d油。朋友叫左羊架，五成熟，肉味同油份同少少焦香加埋啤酒正到呢配菜都好味，豆同日本蕃薯，好特別！雖然價位在元朗屬於中價位，但一個月一次半次，好值得！返工更加有動力，因為為左食店員態度都唔錯都nice，有問必答！最後重點係廁所係好乾淨同好香，我相信呢點好多食肆都未必做到！我會再黎架！等我…查看更多

喺附近返工，咁岩今日放工想食雲桂香，就打去叫外賣自取，點知突然醒起唔記叫分湯（因為我住元朗），去到同姐姐講，點知佢話立即幫我去廚房睇下，真係好意想不到呀！！！勁好人拎外賣出黎俾我係另一位姐姐，都好好笑容好好禮貌！！真係好令我意想不到！加油呀！…查看更多

身為上水人食過好多次啦，雖然比起其他酒樓價錢都稍為偏貴，但勝在食物質素不錯，所以keep住有幫襯，而且又可用apps等位，非常好方便啦！今次去著左條深藍色棉質裙，同朋友傾傾下計，望到自己胸前，咦勁多廁紙碎，以前自己食野唔小心，點知朋友都係咁，原來係張白紙台布上面痴滿晒廁紙碎，一定係送洗時夾集住啦！搞到好狼狽，好醜怪，明明出門口之前喺屋企用除塵碌碌過希望可以改善下啦！！！因為冬天有咁多人著深色衣物！…查看更多

門口個姐姐仔無咩禮貌，佢听緊電話，我睇緊拎左餐牌黎睇，睇完覺得ok就話唔該兩位，佢即刻另轉頭帶我地入座，完全一句野都無講過，令身為服務業的我都覺得無咩正常應有禮貌/態度。食食下隔離台埋單，侍應將找續的單簿放在客人面前，一個唔小心飛晒入面d散字出黎，講真......日日都遞俾客人，做咩鬼咁有神力？雖然有同佢講句唔好意思，但出街食飯十幾年真係第一次見，打左個突！食物整體來說都係比較濃味，都還不錯👍價錢略貴，但餐具和茶壺都值得加分，如果服務態度再加以改進，價錢略貴都不成問題！侍應咁多「姐姐級」難听d講，譚仔服務都好過你地。…查看更多

本身諗住食我最愛的峰壽司但等位等太耐，唯有試下呢間和民啦！兩個人叫左好多野食，首先要讚下天婦羅係即炸！和民有好多熟食選擇，可惜壽司款式很少，味道還可以，叫左炒面燒餅，哇雖然係熱辣辣，但入面d炒面淋Patpat!同粉漿嘅口感一樣！不好吃....串燒仲衰！牛脷凍又乾，好難咬！芝士雞棒..:(雞翼麻麻，暖但無咩味，滑旦炸豬柳味道ok，但炸油要換啦！成陣油炸鬼油益味最後要讚下無論是part time /full time員工的態度都幾好！keep住…查看更多

本來滿心歡喜期待食呢間串燒，因為一個差評都無，應該唔差啦，點知食第一串已覺得中伏左，牛肉無牛味，有少少孜然粉味，黑豚肉無肉味，有少少孜然粉味，真係好厲害，點解會無肉味架？唯一食到肉味就係豬仔脾，但味道一般，我平時最愛食鰻魚....點知個鰻魚係暖...似用微波爐叮一叮就算...出去板長元氣食一件件壽司都會搵火槍燒一燒啦！好啦，食埋蒜容扇貝同虎蝦，好厲害呀！！連蒜容都無味！！！應該係用blender 打到容晒，又可能係隔夜，本身蒜容香味同辣味都無，蝦肉又是「梅」嘅！店內環境又不算太特別，服務又不是好......拜拜…查看更多

第一次忍唔住，怕麻煩浪費時間都要登記寫食評，咁多年來，今次真係勁失望！個碟好多burger肉汁，無人換！水杯無水擺埋枱邊，無人加水！用餐期間會討論同望下d員工，全場十人都係'分組'傾計！全場咁多個連埋一個恤衫（應該最高級）都應該唔超過三十歲，全部都好後生，水吧堆埋五六個傾計，門口一堆三個，恤衫男又溝女，完全無服務可言！burger薯條又'un'，湯又微溫，唔知想點，早知我食BLT好過啦！真係好難想像過多幾年更多90，00後嘅年輕人出來工作會係點！俾d熱誠啦唔該！…查看更多