你張紙落單點咩就無嚟咩呢個係放題基本啦:(只係熟食就好快嚟，因為全部已經煮好晒！仲要全部都好難食又唔熱
燒蠔同扇貝就係搵隻兩吋錫紙兜仔裝住一隻半隻手指公咁大嘅蠔 或 五蚊銀咁大嘅扇貝，
加一pat現成忌廉白汁，真係唔該晒！
炸野一睇就知油溫唔夠，啲年糕一㩒落去，咇晒啲油出嚟！
刺身就真係超級一般，螺，鮑片，蝦（唔會俾足數量你），北寄貝，五毫子大嘅帶子等等...
最後提提大家，當你寫紙落單時，或者睇佢傳單啲圖，以為好似好多野食，個名寫到好吸引，野食嚟到時你個樣係會o晒咀⋯⋯哦，原來係燒牛柳粒....原來係雞煲.....真係認唔到佢真身...
飲品選擇都基本有啲紙包，其他罐裝。
另外個場真係超級逼！又多人！
最後最後唯一要讚，啲員工大部分都係後生仔，咁忙嚟講禮貌都算唔錯！
最後最後最後，聽聞九樓都係佢地....大家自己諗諗
