成年無飛過，已經就嚟忘記咗搭飛機既感覺，更加唔記得咗返家鄉日本吃喝玩樂既旅程。見呢排得閒啲，又唔想淨係食放題同壽司咁普通，於是搵左間熊本餐廳relax下，咁啱呢排做緊熊本縣應援 Fair@香港，我見好多都係直送過嚟嘅新鮮食材！有熊本巨型雞「天草大王」，同埋無時無刻都好想食嘅生蠔，愈諗就愈掛住兩年前熊本之旅～好好彩安排坐靠窗位，建議Book枱果陣最好講明想坐窗邊位，係iSquare 28樓望出去就係尖沙咀維港景，但食緊嘅係高質日本食物，感覺好奇妙。座位其實私隱度都幾好高，因為每枱客人都有個布簾隔開，可以叫杯酒盡情傾計放鬆下處女生蠔盛合首先送到嚟嘅係「處女生蠔盛合」（$258/4隻），一個盛合有四隻肥美飽滿、嚟自天草海域新鮮處女生蠔，加埋放係上面嘅一小片檸檬，望到口水即刻湧曬出嚟。蠔身顏色望落去好似比較淡口，但放入口個下就覺得恰到好處，海水味咸度剛剛好，帶出蠔嘅鮮甜但完全無一絲重金屬嘅味，而且完全唔腥，可能因為日本直送嘅關係，鮮甜到好似係個海度即係捉上嚟就開嚟食咁！（好味到我地食完曬全部野再encore多次😋）櫓杏特製海鮮太卷上網睇到食評果陣，對「特製海鮮太卷」（$188/4貫）充滿期待，為咗食呢個太卷驚太飽，就連最鍾意嘅八貫壽司都放棄咗，留返個胃嚟試呢個海鮮太卷。一上枱已經覺得好吸引，飯卷上面舖滿飽滿魚子同埋海膽，入面係唔同既刺身粒，女仔一口一件會食得好辛苦，但分開食又無咁滋味，所以最好都係同好朋友一齊去，大家可以無儀態咁一口食晒，唔同既海鮮鮮味好夾咁係口腔內湧出黎，一路食一路哇哇聲，真係好鮮甜呀大佬！天草直送新鮮刺身盛合為咗留返個肚食海鮮太卷，今次無叫到其他壽司，淨係叫咗個二人合刺身盛合（$348），有帶子、油甘魚、金目鯛同埋吞拿魚各樣兩件。平時食帶子好多都係好Creamy，但因為係產地直送，呢度係食到帶子啲肉一梳梳咁好誇張，口感係結實有咬口，食得出好新鮮感覺。至於金目鯛係日本人心目中最高層次嘅魚種之一，魚肉結實、肥美爽甜，鍾意食啲有咬口刺身嘅朋友一定唔可以錯過～阿蘇名店”花菱”名物 究極吉列熊本黑毛和牛本身我地對吉列嘅野無乜興趣，不過見係推介嘅菜式就諗住試吓，點知呢個「 阿蘇名店”花菱”名物 究極吉列熊本黑毛和牛」（$548）成為咗今次午餐嘅最大驚喜！！熊本縣產嘅黑毛和牛相當矜貴，肉質結實、牛味香濃且肉身多汁，用吉列嘅整法令口感外脆內軟，入面嘅肉汁滲返落層脆皮度，口感豐富而味道香酥。呢個吉列牛令我地都對吉列嘅野食改曬觀～🤣炭燒「天草大王」雞肉最後登場嘅係炭燒「天草大王」雞肉（$198）～呢隻號稱「日本最大地雞」嘅雞認真巴閉，曾經係1930絕咗種，後來係又俾專家復育成功。將雞肉放入明火燒熱嘅鐵鍋，雞油即刻發出滋滋聲，稍稍煎煮後就可以加埋青檸落特製醬油點嚟食，雞味好濃好香，軟嫩多汁、非常鮮味！！我地2個人叫咗3杯燒酎（每杯$58）試下，分別係口感淡麗嘅はなてばこ (Hanatebako), 極楽 しず玲 (Gokuraku Sizure) 同埋比較濃厚嘅 極楽 しず馴 (Gokuraku Sizuna)，2杯淡麗清清地，用嚟送日本野食啱啱好，最後叫咗杯濃厚嘅伴雞肉同埋吉列黑毛和牛，濃郁得嚟唔辣口，同埋夠晒餘韻，如果鍾意飲酒嘅朋友，建議淡麗同濃厚各試一杯。…查看更多
