嘉寶漢堡

12點半開門，我1點到已經要排成45分鐘隊，一路排一路想放棄，但食左第一啖之後覺得無排錯到！！！

一入去點餐之後唔洗五分鐘，成個餐就送到，我地叫左烤布利芝士牛堡另加菠蘿，烤菇芝士牛堡加菠蘿，一份薯格同蕃薯條。蕃薯條落左啲香辣粉，超級熱辣辣而且蕃薯好香軟，不過要留意份量好大，一個人食晒好飽。薯格有啲痴埋一舊舊，但都係好惹味

講返個漢堡包，超 級 好 味！！！成個漢堡包大到唔可以一啖咬得晒，而且勁juicy，雖然係用罐頭菠蘿但係有煎過黎，加埋菠蘿汁食到成手都係

由於座位唔夠十個，所以愈早黎愈好呀，唔洗排咁耐！